53
3
2
3-min walk from Exit B, Fortress Hill MTR Station continue reading
All Branches (5)
Telephone
24134318
Opening Hours
Today
06:00 - 23:00
Mon - Sun
06:00 - 23:00
Payment Methods
Cash
Other Info
10% Service Charge
Review (60)
之前已經成日見到「龍門冰室」,分店都設於旺區,呢幾個月為香港人不斷打氣,有學生證有碗免費麵食,雖然我唔再係學生,但身為香港人當然要幫襯下!餐廳內外由於銅鑼灣實在太多人排隊,就嚟到北角既分店,估唔到都係咁多人!餐廳不停有客入,生意十分好,座位都同一般茶記一樣較窄。食物選擇食物選擇十分之多,西式、中式、港式都有,但由於餐廳實在太好生意做不停,有啲食物今日未能供應,因為廚房整唔切,但身為香港人絕對理解!自選撈丁餐 $44起可選兩款餸,我就揀左牛乳炒蛋,另外加配左雞脾(+$9)及加豬扒($7),汁方面揀左個茶餐廳少見啲既龍蝦汁(+$4)。撈丁有咁多款餸揀實在唔多地方有,餐廳牛乳炒蛋出名,當然要試下,果真入口有彈性之餘幾滑身,雞脾滷得入味,豬扒亦夠大塊,麵既份量足夠,一個人食好滿足。晚市套餐 :照燒汁雞扒泡菜炸帶子 $60奉送多士、餐湯,可選飯/意粉,揀左後者。牛油多士一份加是日餐湯係忌廉湯,泡菜沽清。呢份相對上就貴左啲,如果係鐵板上價格就合理點。雞扒炸過,幾濃味,炸帶子都有幾粒,喜歡炸物既朋友呢碟意粉。椒鹽雞翼 $40有6隻,大小不均,炸得有啲過左火,可能太趕,較失色,但不失椒鹽味。Latte、凍檸賓少見地茶餐廳都有Latte/Cappuccino 飲,熱既話仲要唔洗額外加錢。未知是否太忙,相對價錢上,食物份量比預期中少,希望下次再嚟食會有進步。 continue reading
(The above review is the personal opinion of a user which does not represent OpenRice's point of view.)
Level4 2019-07-29
2378 views
今日下午在炮台山練歌, 老師好盡責, 上堂超時 30 分鐘, 至 1:30 才放學.我和同學仔肚餓極了, 立即衝去附近電氣道覓食, 找到 龍門冰室. 門外餐牌選擇多, 價錢合理.餐廳座位闊落, 有方桌, 卡位, 裝修環境好整齊,侍應招呼不錯,  剛好有卡位, 讓我們兩個人坐.   看看彩頁餐牌.  好吸引, 侍應提提如果叫午餐, 可以先叫飲品, 主食待我們決定再通知她也可以.同學仔即叫 凍檸水 兩杯.    真是好有效率, 未點主食已送到.   凍檸水涼冰冰, 好解渴 !同學仔話肚餓到暈,  叫了 瑞士雞翼.   雞翼火速送到.  滷水味香, 雞翼肉滑, 超好食.  同學仔食了兩隻.我點全日英式早餐 , 好大碟,  包飲品, 湯及沙律. 有牛油啡菇, 茄汁豆, 香草雙腸,  煙肉,  煎蛋,   烘麪包, 煙三文魚, 炸薯餅,  勁豐富. 沙律又同時送上,  首位先食,   份量多, 可以分半給同學仔.  菠蘿,  粟米好甜稔. 沙律醬多, 入口開胃. 粟米忌廉湯 又送到,  除了粟米, 還有紅蘿蔔粒, 湯美味, 濃度適中 !!  配多士好理想.  我分了一件給同學仔. 茄汁豆,  用來夾多士吃也不錯.同學仔把烘麪包夾滑蛋及煙肉, 她真識享受. 牛油啡菇,  大隻又厚肉, 入口啖 啖菇香. 我最仲意是 煙三文魚, 炸薯餅,  美味加香脆. 香草雙腸,  我分一條給同學仔,  大家 enjoy! 同學仔好擦得, 她點午餐:   秘製咖喱羊架配飯,  三塊羊架煎得好, 配咖喱汁, 分開盛載,  同學仔識做, 分一件羊架給我, 肉質稔滑, 冇騷味, 咖喱味香濃, 夠惹味. 好滿意.薯仔稔, 吸入咖喱汁, 真滋味.餐廳冇收加一服務費, 好抵食.   招呼服務夠親善, 食物有水準,  會推介.  continue reading
(The above review is the personal opinion of a user which does not represent OpenRice's point of view.)
Level4 2019-07-08
1283 views
今日去炮台山做完野同同事食飯,行行下見到原來呢度都有間龍門冰室!之前試過紅磡分店覺得又抵又好食,於是推介同事一齊入去食!6點零鐘去到唔算好多人,可以坐卡位~店入面又係好多IRONMAN公仔勁靚~輕型流心多士餐-鮮茄汁,火腿配厚多士餐同事A比較細食,叫左個輕型流心多士餐,流心原來係將茄汁包係奄列入面,一切開D茄汁真係把把聲流出黎,都幾特別! 配埋火腿兩塊切半既牛油厚多士再加杯野飲,細食既朋友仔黎講份量岩岩好!鴛鴦汁焗雙扒飯呢個係上次食過好難忘既焗飯~但今次想試新野於是推介左同事食~佢都話呢個飯物超所值,有兩種汁又有兩塊唔同既扒,岩哂想食唔同口味既人!佢叫左咖哩黑椒汁加豬扒雞扒,醬汁夠多D扒又啖啖肉,一路食一路講話我冇介紹錯!秘製咖哩厚切吉烈豬扒飯我自己今次試呢個咖哩厚切吉烈豬扒飯,賣相我覺得係3款食物入面最吸引!吉烈豬扒又厚又大塊,個咖哩汁又夠開,咬落豬扒度FEEL到個皮係超脆,豬扒又厚又JUICY!推介!3個食左百幾蚊~抵到叫 continue reading
(The above review is the personal opinion of a user which does not represent OpenRice's point of view.)
近排見龍門冰室越開越多,迅速已經擴展到炮台山,我每星期都會經過起碼一次,所以就約朋友入嚟試吓,睇吓有冇機會成為下一間例牌飯堂。之前試過龍門冰室其他分店,覺得款式多元化,有別於傳統茶餐廳,意大利至韓國菜式都有,食幾餐都唔會厭倦,而且價錢親民,所以晚餐時間幾乎滿座。出外食飯最怕冇蔬菜,所以同朋友特別點了一客黑松露芝士焗雜菌西蘭花,上面果然鋪滿芝士,而且黑松露香氣濃郁,非常吸引。雜菌、芝士和黑松露的配搭👍🏽👍🏽連不太喜歡吃西蘭花的朋友也吃了起碼一半😂食西蘭花最怕半生熟,這裏的西蘭花烹調時間剛剛好,juicy但保留爽脆的口感,沒有草腥味,加上吸入了香噴噴的忌廉芝士汁醬,非常好吃。鐵板餐的選擇也很多,今晚選了海鮮大餐!份量絕對足夠兩個人分享,係一大塊炸魚樓下面,有帶子、虎蝦和魷魚圈,每一種起碼有兩至三件,配合濃郁的龍蝦湯,熱騰騰的上枱,帶給人一種莫名的滿足感。不過薯條略嫌不夠脆口,可能油溫不夠高,幸好薯條中心的薯蓉仍然保持綿密的口感。在此也想特別讚賞一下薯蓉青口,薯蓉裏面夾雜着煙肉粒,加上青口夠新鮮,味道幾鮮甜,$40六隻青口算係好平👍🏽😎 continue reading
(The above review is the personal opinion of a user which does not represent OpenRice's point of view.)
在城市花園探望好友後,一同來到附近的龍門冰室開餐。龍門冰室的食物選擇極多,單單是套餐也分了好幾類,而正值下午茶時 段,我點了下午茶套餐,HK$36,包2款食物及飲品。炸薯條拼炸雞脾薯條是粗身的那款,炸得非常香脆,入口有質感,炸脾外醉肉嫩,惹味十足。另外點了精選套餐,包餐湯、沙律、主菜及飲品,價錢由HK$70 - HK$85。紅湯帶有濃郁蕃茄味,入口甜甜辣辣,又不失蕃茄酸香。沙律大大份的,內裏加了大量雜果,酸酸甜甜非常醒胃。香蒜白酒蜆肉意粉意粉帶有濃濃的白酒香味,個人認為挺吸引,但味道淡了一點點,若加多一點蒜泥,會更惹味。時菜時菜有生菜及西蘭花選擇,份量十足,也只不過HK$18,非常抵食。朋友點了廚師推介餐 - 黑椒焗黃豆西冷扒本來是燒汁,但改成黑椒汁,這個餐個人認為非常抵食,因為內裏有2塊大大塊的西冷扒,經醃製後,很入味,肉質亦夠淋滑,意粉掛上黑椒汁,辣辣的,讚。凍奶茶、熱咖啡奶茶的茶香味道濃郁,奶味亦夠重,入口香滑,而咖啡味道同樣不錯,味道醇厚。 continue reading
(The above review is the personal opinion of a user which does not represent OpenRice's point of view.)