Lung Dim Sum (Hennessy Road)

📍龍點心 地址: 香港灣仔軒尼詩道216-218號地下A&B號舖龍點心係一間人氣點心鋪，專門提供各種傳統廣東點心🥧裝潢簡約而典雅，好適合家庭聚餐或者朋友小聚😚龍點心最出名嘅係佢哋嘅鮮蝦餃、燒賣同埋蛋撻，每一樣都新鮮、美味，保留咗傳統製作工藝。佢哋使用高品質嘅食材，味道一流！ 小編encore 左3 次！ 龍點心仲有多種創意點心選擇，例如各式煎餃同埋甜品，適合不同口味嘅人。無論係早餐、午餐，或者下午茶，都非常受歡迎，經常需要排隊等候嫁！ 🙂今次小編試左以下點心🧆：🫧龍🐲遊精選光賣系列（每一款味道都唔同，有泰式冬陰公味、四川麻辣、黑松露味等）🫧笑口叉焼包： 叉燒好juicy ，經典傳統不過時嘅點心！😆🫧一口豆腐： 份量超多， 外脆內軟， 保持左豆腐原身嘅嫩滑，外層沾滿椒鹽，會食到停唔到口！🤓🫧鳳爪排骨飯🍲🍚 ：2 人份量好足夠！😌🫧松露野菌昌瑩餃 🥟呢款好特別嘅紫色餃子，外皮晶瑩剔透，顏色好靚，好似用左蝶豆花/紫薯嚟染色，好有創意。內有鮮蝦餃， 內餡飽滿，蝦肉爽口彈牙，係視覺同味覺嘅雙重享受😎呢種創新點心正正符合「龍點心」提供創意點心嘅特色！🫧脆脆富貴紅米腸粉：紅白色條紋好吸睛😚佢可能係一種特色嘅鮮蝦腸粉，用咗紅菜頭或者其他食材為腸粉皮帶嚟天然色彩同獨特風味😎再包住鮮甜嘅蝦肉，外層酥脆，係一道兼具美感同美味嘅點心。如果你鍾意食點心， 龍點心絕對不容錯過！…Read More

香港有咁多間點心揀，唔洗突登嚟呢度受咁嘅服務。由你入位催到你落單🤗服務態度貼心到真係嚇你一跳架。仲識得鬧翻d客轉頭，話想點呀我好忙架，得得得知你忙🤗服務態度咁出眾，當然要留翻個comment比你啦…Read More

經朋友介紹，諗住嚟食個下午茶，首先坐低已經好唔舒服，因為佢靠背十分軟我挨落去就已經向後拗，如果條腰本身有事真係幾攞命，40蚊兩個點心感覺真的很抵，點知食落去嘅點心好明顯應該係翻蒸嘅，因為一夾落塊皮就已經爛，所以我覺得佢應該係翻蒸既！味道尚算ok，諗住嗌兩個小菜試吓，一個杏仁片墨魚餅，一個蒜炸排骨，小菜真的令我極之失望首先個墨魚餅食落去個味已經怪怪哋跟住仲要勁鹹四舊收88蚊零加一，我哋三個人可以食剩一嚿半，證明幾咁難食，輪到蒜炸排骨，排骨中間舊骨真係好大舊，所以肉相對好少，令到佢炸完之後十分乾，六嚿當中我哋食淨三嚿，叫朋友食佢哋話又乾又燶唔敢再食，總之，小菜真的很失望，有時靚都唔及食物水準緊要，唔會再有下次囉！講真佢依個價錢食啲咁嘅質素真係超搵笨！…Read More

今日同班friend去咗灣仔龍點心食晏，間舖頭唔算大但裝修好新派，水墨畫mix金屬燈，仲有啲青花瓷擺設，打卡一流📸！一龍大滿足一次過試晒6款點心，筍尖蝦餃皇蝦肉爽彈鮮甜，蟹粉菠菜香蝦餃濃到漏油，最正係流心鹹蛋黃墨魚燒賣，咬開真係爆漿㗎😱！馬拉小籠包皮薄到透光，湯汁多到要用匙羹接住飲，熱辣辣仲有薑絲襯托，juicy到癲咗💦。脆脆富貴紅米腸粉用紅米做嘅腸粉皮煙韌得嚟健康，中間炸兩脆卜卜，點少少豉油已經好夠味，口感層次贏晒👑。成餐最驚喜係服務幾貼心，店員會提我哋趁熱食流心點心。雖然價錢比普通酒樓貴少少，但創意同質素真係值回票價，下次要試埋佢哋個黑松露蝦餃同楊枝甘露糯米糍先得！…Read More

中文评论位于英文评论之后A short man staff member wearing a gray mask argued with us about a wrong order and refused to fix it. There were two dishes with the same name but completely different dishes — one of us accidentally ordered the wrong one, because, again, both dishes were of the same name. We ate it without realizing, but when we pointed out the mistake, the server argued we had already eaten half and wouldn’t replace it.When I asked to speak with the manager, the same staff member refused, claiming he had already informed him — which was clearly untrue. His attitude was rude, dismissive, and completely unfit for a customer-facing role.I rarely give one-star reviews (check my profile — most are five stars), but this place absolutely deserves it. The arrogance, lack of accountability, and poor attitude perfectly reflect why people say some HK establishments have bad service. They even charge a 10% service fee — for what? Terrible service. DO NOT VISIT!一位戴灰色口罩的矮个子员工因订单错误与我们争执，并拒绝补救。菜单上有两道同名菜品，实为截然不同的菜肴——我们中有人误点了其中一道，原因正是两道菜名称相同。我们未察觉地吃了一半，指出错误后，服务员竟辩称“你们已经吃了一半”而拒绝更换。当我要求与经理交涉时，该员工竟拒绝转达，谎称已告知经理——这显然是谎言。其态度粗鲁傲慢，完全不配从事服务行业。我极少给出一星评价（查阅我的评价记录——多数都是五星），但这家店绝对配得上。他们的傲慢、推诿责任和恶劣态度，完美印证了为何人们常说香港某些商户服务糟糕。他们甚至收取10%服务费——服务费收什么？糟糕的服务。千万别去！…Read More

想食臘腸蒸雞飯🐓，但唔想食膶腸，問店員可否轉晒做臘腸，得到既回應係set好晒無得改🙅🏻‍♀️ 。尖沙咀店可以改，灣仔店改唔到，灣仔店的食物是預製加工嗎？咁簡單要求都做唔到，仲要收加一，香港食肆唔好怨無生意了，就係比呢種待客之道害死自己 。如果唔係佢地快手快腳開左茶，我真係想離開唔落單。之前黎過呢間分店，客人唔多時，幾個後生店員掛住玩，嘈住晒，影響食客 。食物質素及服務水平都比尖沙咀店遜色，灣仔店無下次了 。一般叫幾個點心同一個主食，人均要$150，性價比很低 。…Read More

今次同朋友一齊去咗灣仔龍點心，佢結合咗現代同傳統嘅點心元素建議大家Book定位，因為旺場時等位真係有啲耐！我哋叫咗「一龍大滿足」，試齊咗6款點心，包括筍尖蝦餃皇（鮮甜到不得了）蟹粉菠菜香蝦餃（濃郁又滑口）松露野菌晶瑩餃（香氣撲鼻）酸菜魚鳳眼餃（微辣開胃）鹹蛋黃墨魚燒賣（流心驚喜，絕對必試！）斑蘭麻蓉桃子（清新脫俗）另外叫左馬拉小籠包，皮薄湯汁多，咬開熱騰騰，juicy到飛起脆脆富貴紅米腸粉用紅米整外皮，Q彈健康，脆口又特別龍炸拼盤有大澳蝦醬鮮魷卷（香辣酥脆）、蘿蔔絲酥（外脆內滿蘿蔔絲）、龍芋酥（傳統味濃）同一口鹹水角（綠橙造型新派超吸睛）最後試咗招牌龍記咖啡，漸層設計夢幻到爆，打卡必備，入口輕盈唔似傳統咖啡咁濃總括嚟講，龍點心嘅創意同傳統結合得好出色，服務友好，食物新鮮熱辣，性價比高…Read More

琴日同朋友們喺灣仔完咗活動肚餓想搵嘢食，就揀咗佢去碰吓運氣，原來佢收12點！平時午餐嘅時間好多人排隊，唔會食到。門面裝修已經好靚，日頭行過去嘅時候冇咁明顯。入面亦有港式燈牌嘅元素。佢fusion嘅地方係仲有特飲或者酒精飲品可以選擇。我哋第一個嗌咗鮮蝦腐皮卷，大家食嘅時候要小心因為係即刻炸，唔會好油，腐皮亦都好脆。我哋嗌咗四色餃嘅款，普通蝦餃皮薄餡靚，松露餃適合素食人士食用，魚子蟹肉餃好好味，入面都食到蝦同蟹肉嘅香，留意橙色嗰隻應該係酸菜魚蝦餃，所以會有啲辣。肉鬆馬拉糕好特別，平時一般食嘅馬拉糕都淨係甜嘅，加咗肉鬆會係鹹食嘅馬拉糕，店員好細心已經幫我哋切好可以即刻返嚟食，而且佢平時傳統酒樓馬拉糕嘅咁甜好適合香港人嘅最高評價！叉燒包都算幾大個，皮薄餡靚，叉燒包嘅皮唔會好甜，叉燒汁就唔算好多。我哋食完都唔知個皮其實係乜嘢做㗎，但係佢嘅做法好特別，因為鹹香味好重，作為香港人好鍾意朋友們一致都好鍾意食。呢個芋角酥都係新鮮炸起，放落口要小心啲。炸皮唔會好厚，餡料同埋皮嘅比例都啱啱好。我哋估唔到鰻魚飯上面都會有金箔個飯入面仲有蛋碎，食嘅時候仲充滿荷葉香味，鰻魚亦都好入味撈埋一齊好好食，但入面仲有啲肉碎同埋醬汁，非常足料！由於我冇食呢個，所以唔能夠作太多評論，注意呢個都有少少辣，平時鳳爪下面花生佢就用咗健康嘅紅腰豆。我哋最後唔夠喉，都係嗌咗個燒賣。記住攤檔先食，因為佢有少少爆漿，如果唔係會辣到口，點心都係好有心思個皮唔會好厚！雖然平時好多人排隊，但係佢喺各樣嘅點心，Fusion 都好好食，希望下次有機會可以食到其他分別！…Read More

叫左蘿蔔絲酥、脆脆富貴紅米腸粉、懷舊燒賣、酸菜魚鳳眼餃、醬皇鳳爪同山竹牛肉球。整體食物足料好食。有新式同懷舊點心，滿足到唔同人需求。早餐同下午茶有孖寶餐，價錢實惠。…Read More

Happy Friday的放飯時間同同事來到灣仔的「龍點心」分店😃好多人等位，好彩有訂位，好快就入得去😌店員服務態度好好，點心又有別一般酒樓的，得意又好食😋十分推介👍🏻…Read More

走進灣仔的龍點心，瞬間被其新派中式裝潢吸引——水墨畫屏風、金屬吊燈與青花瓷元素混搭，既時尚又不失東方韻味。這裡主打創意點心，將傳統手藝注入現代元素，每一道都像藝術品般精緻。 **黑松露蝦餃**絕對是必試之作，晶瑩剔透的餃皮裹著飽滿的蝦肉，頂點黑松露醬畫龍點睛，濃郁菌香與鮮甜蝦肉在口中迸發，層次感十足。**流心鵪鶉蛋燒賣**則是驚喜之作，咬開鬆軟的豬肉餡，半熟鵪鶉蛋黃緩緩流出，口感豐富得令人難忘。 甜品同樣出彩，**楊枝甘露糯米糍**外皮軟糯，內餡是經典的楊枝甘露，芒果與柚子的酸甜平衡得恰到好處，創意與傳統完美融合。飲品推薦**陳皮山楂露**，酸甜開胃，解膩一流。 服務親切有效率，環境舒適，價錢雖比傳統茶樓稍高，但創意與品質絕對值回票價。…Read More

今早飲茶試了酸菜魚鳳眼餃，陳皮龍躉蒸陳村粉，松露野菌晶瑩餃。還有特色的宮廷點心荷花酥，宮廷桂花糕。全部現做即叫即蒸，其他點心也很吸引有多款特別的燒賣，可以encore。…Read More

星期日中午第一次嚟試吓，等咗10至15分鐘就有位，職員招呼態度不錯，有笑容又主動幫忙撳飛。點心真係即叫即正，質素唔錯，試咗叉燒腸粉、乳鴿、餃子拼盤、鳳爪金錢肚、菠菜麵、全部質素都OK，會下次再嚟幫襯試吓第樣。都叫做有服務，並非茶餐廳招呼， 收番加1服務費，亦屬合理，會再幫襯。…Read More

同阿媽覆完診經過見到點心記得意所以試吓，估唔到有幾好食，推介松露野菌晶瑩餃，呢個阿媽都話好味，蘇薑馬友鹹魚燒賣好有鹹魚味，如果鍾意食鹹魚絕對推介，雖然佢係鹹魚但又唔會太鹹，正，而且服務態度又好好，推介…Read More

呢間餐廳係港式點心嘅好去處，啲嘢食真係好正！首先試咗鮮蝦蝦籽撈麵，蝦肉好鮮嫩，蝦籽香到不得了，撈麵條好彈牙，食落好滿足！跟住點咗十年陳皮牛肉燒賣，牛肉嫩滑，陳皮味好香，燒賣皮又薄，啖啖都係驚喜。仲有翡翠響鈴腸粉，腸粉皮好滑，入面嘅響鈴炸得香脆，配上翡翠菜，食落清新又唔膩。鳳尾蝦多士都好掂，外層炸得金黃香脆，蝦肉彈牙，配吐司真係一流。最後試咗一龍大滿足，入面有唔同種類嘅點心，蝦餃皮薄餡鮮，燒賣同黑松露燒賣都好juicy，食到停唔下來！龍點心環境優雅，點心精緻，食材新鮮，無論同屋企人定朋友飲茶都好啱，氣氛輕鬆又舒服，值得一試！…Read More