龍點心 (中達大廈)

Open Now

Now Closed

点心很精致，马拉糕很松软，这个翡翠肠也很特别，出品果然不错，午餐时间人满多的，好运气，一来就有两人位哈哈哈！看着别人上的蒸饭也不错，下次试试蒸饭！这个斑斓甜品也好可爱呀！

第一次上嚟食龍點心🥰🥰🥰點心賣相非常好，有創意又精緻！價錢唔貴。兩個人食五六款點三已經好飽，已經冇位再食甜品甜品menu 其實都好吸引 ,下次可以再試甜品。🥰

聽個名唔好以為佢淨係得點心可以食，原來嘅甜品一樣都好出色嫁😍😍九品仙芋鍋呢個超級豐富💕一直都好鍾意食仙草芋圓呢類嘅甜品😍所以一見到Menu有就一定會叫☺️一上枱嗰下真係好驚艷，好igable之外入面仲有好多配料，例如有涼粉、芋圓、椰果、芒果🥭等等，真係好好味☺️另外仲可以選擇加唔加花奶💕夏日富士山呢個沙冰充滿少女心，藍色嘅位置係蝶豆花沙冰🍧沙冰超級棉密，入口即溶💕食到落底嘅時候入邊仲有一粒粒嘅白珍珠，所以一唔覺意就會食晒成個㗎喇🤣🤣外面天氣咁熱，食完即刻消曬暑🧊一龍大滿足🥢一籠入面可以品嚐到六種唔同嘅點心💕抵食之餘亦都好精緻☺️呢個係必食之選🫶🏻（當中包括：酸菜魚鳳眼餃，蟹粉菠菜香蝦餃，筍尖蝦餃王，松露野菌晶瑩餃，鹹蛋黃墨魚燒賣同豌豆桃子）詩詩媽就特別鍾意佢哋嘅酸菜魚鳳眼餃💕喂酸酸辣辣咁真係好開胃🤤✨另外餐廳嘅環境有少少懷舊feel，感覺亦都好舒服，座位闊落💕而且亦都有卡位可以選擇，仲有好多打卡位添👍🏻下次要再嚟試多啲唔同嘅點心同甜品先得‼️

依家同🤴🏻好似每次嚟到尖沙咀都一定會食 ‘ 龍🐲點心 ’ 咁，連店員姐姐都記得我哋啦！😁😁～～～大良炸鮮奶～～～外皮非常鬆脆同時唔會太硬☺️☺️，我就覺得內裏鮮奶餡有啲唔夠甜，奶味亦都一般😗😗～～～皮蛋瘦肉粥～～～應該改名叫做 ‘ 皮蛋鮮肉粥 ’ 😄😄，記得普通粥麵店嘅皮蛋瘦肉粥啲瘦肉係好柴好瘦好細，但 ‘ 龍🐲點心用嘅係鮮肉片，大大片仲有啲厚度😚😚另外個粥煲得好綿，有少少姜絲味，但有啲可惜皮蛋味唔係太出😅😅～～～桃氣寶藏冰～～～某平台賣嘅甜品🍧券，原來甜品要5:30pm先開始供應，同樣係打卡📸甜品🍧！😊😊綿綿冰好滑😋😋，奶蓋cream一樣咁濃😊😊，心形曲奇係櫻花🌸口味😆😆，粉紅色珠珠好靚😄😄，各方面都好夾👍🏻👍🏻可能呢個係我同🤴🏻嘅第一餐，所以就算食埋個甜品都唔會好大負擔😇😇

有別於傳統點心，龍點心主打新派點心，破格地將不會出現在點心的材料加入傳統點心之中，以創新的方式重新演繹中式點心，帶出新滋味。餐單除了新式點心同中式糖水，更加有芋圓系列，十分特別。同朋友在尖沙咀行想食點心，見到龍點心尖沙咀有分店，決定試一試。黃椒醬排骨$38排骨肉質不會硬身，黃椒醬調味剛剛好。筍尖蝦餃王 $40蝦餃就正常水準，餃皮晶瑩剔透，餡料由蝦仁同清新的筍粒組成，蝦餃派的朋友表示滿足。蘿蔔絲酥 $40酥皮鬆化，配上軟身清甜的一絲絲蘿蔔，味道出色。普通擔擔麵 $50上海麵軟硬適大，麵條做到掛湯效果，湯底濃郁，除了花生香味，更有麻香味，味道惹味。雖然沒有新式點心驚喜，但味道亦不錯。凰爪拼黑椒金錢肚 $46是開心抵食的組合，可以同時試到入味的凰爪同黑椒金錢肚。翡翠響鈴腸粉 $48由滑身的腸粉包住響鈴，中間有紫菜同蝦肉，除了增添了酥脆的口感，味道亦更豐富更有驚喜，值得一試。龍點心每一樣的點心都有一定水準，味道不錯。加上新式的裝潢同舒服闊落的位置，值得一試。同朋友太飽食不下甜品，下次再試試其他特別點心同甜品。

之前食過牛頭角嘅分店 今次嚟到尖沙咀試試✨ 尖沙咀分店位於九龍公園隔離 位置好方便！呢度一樣係食精緻點心 坐位都好寬落 坐得好舒適😆一龍大滿足 ($68)呢款可以試足六款特色點心 包括有尖筍蝦餃皇、豌豆桃子、酸菜魚鳳眼餃、蟹粉菠菜香蝦餃、松露野菌晶瑩餃同鹹蛋黃墨魚燒賣🤩特別推介酸菜魚鳳眼餃同蟹粉菠菜香蝦餃！鳳眼餃食到有麻酸嘅味道 仲有一塊酸菜魚喺面 好有特色 食落都幾開胃🤤而蟹粉香蝦餃有滿滿嘅三文魚子喺上面 入面就有大大粒蝦肉 咬落好彈牙 加埋菠菜好清新🥬 龍蝦汁墨魚燒賣 ($42)墨魚膠好彈牙 底層亦食到香濃嘅龍蝦汁🦞翡翠響鈴腸粉 ($48)腸粉包響鈴 見到感覺好特別🤣裡面仲有包住紫菜同蝦肉 層次都幾豐富😛驢打滾 ($38)呢個似紅豆餡糯米糍 上面有啲花生粉咁🥜相當煙靭好食 甜度啱啱好 大推介！黑金流沙包 ($38)拎上手熱辣辣 搣開有流沙效果 奶黃餡味道都唔錯一定要趁熱食🔥

之前同同事食飯已經好多人介紹我呢間餐廳，但一直都冇機會試。終於星期六返嚟尖沙咀試吓啲點心🤣自己同朋友最鍾意係一龍大滿足同紅米腸粉。一龍大滿足每一種點心都好特別，而紅米腸粉個皮就好彈牙😆

中午又系選擇困難，難得新開了新嘢肯定要試試啦~🛋環境：在海防道樓上，招牌霓虹燈都好明顯，位置比較少，所以中午食飯時間就一定要等位，座位好似茶記甘🍽食物：點心精緻，味道都算唔錯，上菜也快，好適合中午一班同事lunch。蝦餃燒賣呢d都做得好多款不同味道腸粉也多款選擇，總體都算唔錯，可以再去的

OMGGG😍😍😍 Fusion Lung Dim Sum🥢..龍點心開到黎尖沙咀喇🥳！一間集創新 & 懷舊於一身既港式點心館，精緻又好味💕。呢日夜晚處完堂說去尖沙咀附近飲個夜茶、吃個點心吧。呢間餐廳勁colourful 光猛乾淨又舒服、點心亦有水準滿精緻可口 (全都係手工現做．原創點心．不過夜．新鮮每天製造）算是高質又創新，不錯吃喔！ 🔸Lung Dumpling Platter $50龍餃子 (筍尖蝦餃皇、蟹粉菠菜香蝦餃、酸尖蝦餃皇、松露野菌晶瑩餃） 每樣各一，粒粒足料又精緻又可口，岩晒貪心的我👻。🔸Spicy Chicken Cartilage Siu Mai $42香辣雞軟骨燒賣 一款新穎fusion點心😳，香辣帶軟骨口感很有創意。🔸捉住夏日小尾巴 斑蘭涼粉 $58夏日限定發售✨ 班蘭涼粉、薏米、椰奶淡奶、加上可愛熊貓造型既棉花糖🐼，整個都好fresh. 不錯吃喔！🔸Pistachio Paste (hot) $58加倍開心果露💚 濃濃味道。🔸Giant Grouper Rice $86龍躉球蒸飯🍚 每日新鮮處理，肉質新鮮彈牙，簡單清蒸已很好，加上蟲草花更吸引呢😍！..×××××

三日足足來尼間吃佐兩次早市飲茶。尼度出品有創意 ，夠新鮮，環境又都唔錯！顏色好得意，裝修好新，早市孖寶組合選擇都幾多下👍 38蚊、58蚊、68三個組合，都要三四十款嘢揀！好味！

喺某平台買咗 ‘ 龍🐲點心 ’ 嘅甜品券，打算今日同🤴🏻去食，點知有個意外驚喜添！😆😆上到去店員建議我哋唔好用甜品券，因為而家叫一款點心會員會每人送一個，就算我同🤴🏻兩個人都只需要點一款點心就會送兩個甜品🍧，我本身係會員咁嗱嗱臨叫🤴🏻做埋會員先😘😘～～～蜆蚧魚肉燒賣～～～就係魚肉釀嘅燒賣囉😄😄，都好味嘅，我就鍾意豬肉釀燒賣多啲😅😅～～～加倍開心果露（熱）～～～暖暖地嘅開心果甜品，質地比較 ‘ 杰’ 身，又滑又濃！😋😋～～～焦糖杏仁布甸甜品～～～我同🤴🏻更鍾意食呢款甜品，中間嘅杏仁布甸好香杏仁味，再配埋底部嘅椰皇啫喱，好有特色，甜而不膩，夏天食簡直係一流👍🏻👍🏻最後埋單只係需要比燒賣、茗茶、服務費共：$66😇😇P .S 優惠只去到31/8/2023

2個人去食點心做晚餐3個點心 1個飯埋單$275 我覺得算貴味道不算驚艷 但幾有特色餐廳侍應服務好值得一讚( ´▽｀)餐廳環境裝修幾得意感覺幾好 坐得舒服(˶‾᷄ ⁻̫ ‾᷅˵)

喺社交平台睇到龍點心出咗個幾特別嘅甜品🍧，仲要只賣$38😁😁，捉埋🤴🏻一齊去食先😆😆！～～～斑斕涼粉～～～新出$38嘅甜品，睇圖片會有一隻熊貓喺上面好似浸浴咁好得意，但原來只係得個頭沒有身體的，感覺有啲怪怪地😂😂，而熊貓頭就係普通軟糖味😃😃，另外估唔到佢斑斕做出嚟嘅涼粉，居然可以咁濃郁、又咁滑，而且甜度適宜，龍點心果然冇令人失望呀😄😄～～～一口鹹水角～～～會有四粒鹹水角分別兩粒橙色同兩粒綠色，味道就完全一樣😀😀，內裏餡料微暖，值得一讚嘅係一啲都唔油，唔會好似普通酒樓嗰啲咁食完會成口油👍🏻👍🏻

离尖沙咀A1出口2分钟，位置优越，交通方便。手工现做，非常美味。价钱合理，环境也不错，甜品做的也非常好看，适合拍照打卡。餐厅宽敞明亮，干净整洁，服务人员热情，推荐

店員好熱情，好親切，上菜快過👍🏻👍🏻🤤🤤新開，坐得舒服叫咗幾款點心，好新穎，有創意，味道唔錯唔錯，又有打卡位，價錢唔貴，下次會再嚟食除咗港式甜品，仲有好多唔同口味雪冰甜品，擺盤好靚，唔會太甜，又啱曬影相📸️