Video
Opening Hours
Mon - Fri
08:00 - 19:00
Sat - Sun
10:00 - 17:00
Public Holiday
10:00 - 17:00
Above information is for reference only. Please check details with the restaurant.
1123 views
在科學園的聖誕冰雪嘉年華玩到下晝兩點幾，又係小公主同睡魔傾計嘅時候，究竟科學園有哪些 cafe 可以坐下來唞一唞、同時又可以俾小公主午間小睡？唔想每一次都幫襯那一間綠色標誌咖啡連鎖店，但公眾假期期間，科學園内很多餐廳都沒有營業，正在煩惱之際 ⋯⋯ 行行吓竟然見到「Lucullus Chocolate Cafe」。一直以為「龍島」只有蛋糕零售店，估唔到有 Cafe，還要開在科學園這麼偏僻的地方，相信再次見到的機會也是微乎其微，既然有緣遇到，冇理由唔試試。Cafe 很細間，其實只是一個小 counter，但已經有齊「龍島」各種出品，包括朱古力、件裝蛋糕、完個蛋糕等等，當然款式較外面市區的專賣店少。與其他專賣店最大的分別，就是「龍島 Cafe」多了一些沙律及簡單三文治，明顯是針對科學園內的寫字樓客人。下午茶沒有胃口食三文治或沙律，揀了一個自選迷你蛋糕加飲品（$40）下午茶餐，飲品要了一杯 8 oz 迷你美式咖啡俾老公。餐廳名字擺明車馬叫 Chocolate Cafe，「龍島」又一向是最出名的本地朱古力品牌，再加上又是本人的至愛飲品；三大原因加起來，冇理由唔一試餐廳的推介飲品 iced premium signature chocolate (16 oz) ($45)；睇見名字又 premium 又 signature，就更加知道一定係好野。中文譯名只是凍特濃朱古力，則好似普通了一些，及不上英文名稱的自吹自擂。座位的擺放位置有點奇怪，與 cafe counter有一段相當遠的距離，如果不留意的話，真的會以為這些座位只不過是科學園的公眾休息區。亦可能因為這個原因，cafe 採用了時下一些快餐店十分喜愛的小道具：「訊號接收器」。一旦食物準備好了，服務員就會傳送訊息至客人手上的接收器，同時閃燈及震動，客人就可以自行去到 counter 取食物；比起須要經常留意顯示牌上的號碼更加有效率。講起來，又再次引證香港的落伍；這些接收器在香港只是近年才出現及開始被少數快餐店所採用，但在日本很多年之前就已經被廣泛應用了。美式咖啡 Caffe Americano 其實即是將特濃意式咖啡（Expresso）加熱水開稀，用港式的說法，就是齋啡。味道一般，不夠香；入口只覺有點苦澀，沒有回甘。始終不是咖啡專賣店，咖啡豆只是供應商交來現貨，並非自家烘焙，選擇的咖啡豆又 blend 得沒有特色，與坊間一般小 cafe 差不多質素；以「龍島」品牌來說，有點失望。果然不愧是本地朱古力品牌的一哥，iced premium signature chocolate 的確有一手。可可味濃厚，入口幼滑、夠濃稠，甜度適中；味道絕對好過經常幫襯（在沒有其他選擇的情況下的唯一選擇）的那一間綠色標誌咖啡連鎖店。以筆者有限的味覺，甚至認為可以媲美那間 G 字頭比利時名牌朱古力。雖然筆者不太喜愛Rum cherry，但又想食朱古力味的蛋糕，在只有一款選擇的情況下，揀了 Premium Black Forest Cake 特級黑森林蛋糕（原價 $30）。並非獨立制作，而是整條焗制再切件，賣相一般、不夠精美。而且，以黑森林蛋糕來說，rum cherry 的份量算少。但無可否認，朱古力忌廉夠香濃、幼滑，貫徹「龍島」的優質朱古力品牌質素。
continue reading
見佢$18 +1有兩件 都幾抵食所以買左試覺得個芝士味都幾出見佢係用cream cheese 所以就會偏甜一點無一般的芝士tart咁鹹我唔中意食太鹹既但個皮太重牛油如果可以硬身啲會好啲一拎起就爛但都好似既而且好滑不錯
continue reading
龍島蛋糕好岀名，我今次都買左兩款食下。叻啡味蛋糕食落去好軟，比其他公司嘅同款cake更像cream.件blueberry好濃味，cake身都係較sofa.女仕們可一試。
continue reading
今日路過試下D甜品，聽我做科學園既FRD講都唔錯。佢選擇唔太多，始終都係細間，有幾種CAKE同有BROWNIE，咸點就有幾款包同三文治。個日唔係將餓，就ORDER左呢個睇落幾吸引既朱古力杯。 拎上手先發現意外地重，原來佢送埋個碗，質地好似陶瓷，摸上手係凍既。 講番個甜品。佢上層係綿花糖，下層係好濃既朱古力蛋糕，D味濃到好似BROWNIE咁，有D甜，完全冇苦味。不過睇落好大件，食幾啖就冇哂ORZ（因為好味？）我覺得以朱古力CAKE黎講係好食既，39蚊仲有隻方型碗拎走，算係唔錯，個碗我打算拎番屋企種花。
continue reading
雖然科學園距離屋企有一段路，但每年總有好幾次帶囝囝過去參觀，說起來都光顧了不少餐廳，而近月又有大集團進駐，而主打悠閒小食的龍島。 想起當年剛出來做事，都曾經買了不少朱古力給愛吃的女朋友，自始對相關品牌朱古力留下良好印象。可能是周末的下午，人流不多，陽光從落地玻璃透入，暖暖的感覺真好。跟朋友兩個人聊聊天，自已點了挪威煙三文魚包，賣相平實，中間的三文魚份量十足，就算大食如在下，都差點招架不住，也許OL用來作午餐都足夠，加上牛角包酥化鬆軟，又有新鮮的生菜，吃落就更加健康。另一道是挪威煙三文魚薯仔沙律，同樣是非常合適OL，配上一片厚麵包，足以頂肚，沙律又令人開胃，與煙三文魚又是一個上佳的組合。南瓜湯質感濃稠，呷一口滿是南瓜甜而不膩的感覺，用杯上令客人更加方便飲用。甜品是蜜瓜忌廉芝士餅與白桃忌廉芝士餅，兩者賣相同樣出色，維妙維肖，自已只吃了前者，只揭開蓋，便是蜜瓜啫喱粒，放在忌廉芝士上面，香味四溢，只可惜之前吃得太多，吃到半路，便已經飽了大半。離開時再來一杯招牌龍島72%朱古力熱飲，甘中帶甜，個人實在很喜歡濃度偏高的朱古力，醇厚甘香，又有層次，浮面的龍島標籤更是活靈活現。望望餅櫃，還有很多別緻造型的糕點，看來下次再去科學園，又多了一個選擇。
continue reading