幸運燒鵝冰室

Open Now

Now Closed

收工唔知食乜好 見新開張又冇乜人諗住求其食飽就算！一坐低就攞咗碗瘦肉海帶冬瓜紅豆湯過黎 碗湯都算有誠意同足料…打開餐牌都係果D野 就求其點咗碗五寶燒鵝飯 初頭都係諗住啲頭頭尾尾雞背脊嗰啲廚餘料…點知一上檯驚喜萬分 五寶飯竟然有燒鵝髀 大大件燒腩仔 叉燒都好大件，油雞都係雞脾肉，當然唔少得半隻咸蛋啦只見燒味唔見飯 份量十足…呢個價錢食到咁既五寶飯真係使再北上消費😌打左咁多字點解都未夠200字架😑😑😑😑😑😑終於湊夠200字可以port相

懷舊新鮮雪菜肉碎米粉呢個真係好掂，新鮮菜味道就係唔同啲，真係好食啲，味道唔錯。招牌潮汕沙茶牛肉麵呢個真係幾正，招牌果然就係招牌，個沙茶醬幾香，牛肉嘅質素都唔錯，唔會太腍又唔會太韌。牛油吐司配煎雙蛋，佢個蛋都幾香，同埋個多士都夠乾身，係孤寒少少牛油好少。熱檸水加熱奶茶都係正常飲品啦。

難得有一間非常有誠意嘅茶餐廳喺屋企附近就是幸福。雪菜肉絲米係用新鮮雪菜，啲肉絲都冇乜肥膏，所以食嘅時候味道特別好。板煎豬扒麵改可以改做通心粉，件豬扒真係超級巨型，而且難得煎得好香件豬扒嘅質素都係比一般嘅好，有咬口兼無乜肥膏。煎雙蛋少少脆邊，蛋嘅中間位置煎至微燶，雞蛋味都紀錄，幾好食。件多士都真係夠乾夠脆，微微燶，d牛油溶溶地，唔係求其喺扒爐煎兩下就算。飲品正正常常咁啦，杯凍奶茶叫咗少甜又真係少甜喎。

呢間茶餐廳嘅早餐非常出色，質素高不特止價錢做非常合理。雪菜肉絲米粉睇落普普通通，不過竟然用新鮮雪菜呢一下真係令人有驚喜。沙爹牛肉通粉又係睇落去普普通通，不過佢呢度嘅沙爹醬係用潮汕沙茶醬嘅，而且牛肉嘅質素非常之高，有肉味又有肉嘅口感，唔係啲超級雪藏便宜牛肉。呢度連個煎雙蛋都好食，蛋黃比較大粒同圓潤，多士佢係用丹麥多士。杯奶茶味道都唔錯，檸水就正常發揮啦。以咁樣嘅質素，都係收緊40蚊一份早餐，性價比極高。

區內食肆，呢間一向有幫襯，打正旗號食燒鵝， 通常都會點選除了燒味外，還有其他食品，但今天二人都想食燒味，就一人揀一款，自製雙拼燒味瀨粉叉燒瀨粉冇特別叫肥叉或瘦叉，嚟到見到肥瘦適中，還有少少燶邊， 吃落肉質淋滑也香口。燒鵝瀨粉皮脆有光澤，肉味香濃帶有肉汁，燒鵝件數不少，有些厚肉，有些比較薄， 有不同口感 也不錯。叉燒同燒鵝都係另外分開上，唔會浸在瀨粉上淋曬，而瀨粉湯底有胡椒香味， 幾啱我口味 熱飲加$3，凍飲加$5，正常發揮。留意只收現金。

幸運燒鵝冰室📌 八號花園地下8號💫燒鵝瀨粉（全日供應）$61外賣+$1，另外會附送中式餐湯美味指數：🌕🌕🌕同事話食過覺得唔錯，於是中午就去買咗個燒鵝瀨粉，估唔到都有小驚喜！打開外賣盒，瀨粉上幾乎鋪滿了整齊切好的燒鵝片，令人有一種「物超所值」的感覺！瀨粉煮得剛剛好，滑溜而不會太過軟爛。燒鵝份量十足，燒鵝皮雖然唔係非常脆，但係茶餐廳嚟講絕對合格，只係當中幾塊燒鵝部位無咩肉，係骨位！不過呢個價錢冇投訴了👍🏻

初三去下午茶，都冇乜人排隊，門口打開心口肉，好cheap拉客果位阿嬸，問我搭唔搭枱，我話唔想搭，佢即刻黑面話：唔想搭去太興食啦，吔蕉啦你…新年流流，被佢激到一肚氣…

幸運燒鵝冰室🍜@大埔八號花園 下午茶時間，門面見燒鵝賣相精神試試，點了下午茶餐，燒鵝瀨粉配熱奶茶，燒鵝脆皮而份量下午茶來講算多，尤其杯奶茶幾好飲☕️只收現金，不錯。😋又多一間可選擇的地方，價錢合理。

食品質素及服務態度， 每況愈下，難怪晚市冷清，食客少了很多。 客人要求，末能達到預期，明知今日沒有客人要求，也不主動告知，更沒有事先諮詢客人是否接受，或是需要取消，求其送上食物，我們詢問職員，才冷淡回應，今日沒有我們要求的，似乎冷處理，使客人無奈接受，是他們慣性。 若我們要求不合理，他們可以說無選擇。 最令人氣憤，之後幾個職員在門口評論，欺笑，如此服務態度，就是大埔幸福燒鵝冰室服務！我們不會再光顧，也不推薦給朋友。

服務態度勁差叫杯凍飲 有條頭髮直程喺正上面攞餐嗰個睇唔到出餐嗰個又睇唔到之後明明我叫啲嘢都唔係平㗎啦 又要我哋掉位掉咗兩次 明明大家都係消費憑咩要我就人哋明明佢自己淨係要收現金 我啲現金又無崩又無烈烈又無少咗一忽 系都話要唔收我嗰兩蚊 而家我啲錢臭嫁

中秋節外買全隻燒鵝＄438 ，回家享用，滿心歡喜，做節加餸，结果令家人極度失望氣憤，一路食大家發現大部份都是骨連皮，肶肉胸肉很少很少，請問師傅將整隻燒鹅d肉切去邊度？？？實在太過份！！落單時收銀姐姐問我是否需要切？？我話切，原來切鹅就是無肉食，好離譜！！大埔八号花園分店，17 Sep 2024 about 14:20, 請問那位大師傅切去甘多鹅肉欺騙食客？！之前成日去堂食，非常滿意食物，從今以後唔會再幫襯！！！

清潔一般，就一般茶餐廳抹枱方式，抹枱是掃落地及凳度。要自己抹乾淨凳座。來到呢間主打燒鵝的冰室，當然要試招牌燒鵝啦，咁我就叫咗一個燒鵝瀨粉，凍檸茶。個燒鵝瀨粉一來到，心諗，唔係化，定係有兩層？肉肉在下面？嘩嘩嘩😲，不得了，真的是沒有。只有皮加骨🙃，還要少得過分😪。到底樓下張食評相是真是假？還是要叫燒鵝髀才有肉食？還是跟餐廳名字一樣需要幸運🧐？不過是但啦，唔會有下次。瀨粉係OK的，想食瀨粉嘅可以😂。杯凍檸檬茶就正常發揮。少甜少冰真的有少甜少冰。

我點餐點了杯熱奶茶、個侍應送來放桌面時已給我發現了有二三條風乾左嘅米線掛在奶茶杯邊。我即時要求換過杯、我只見侍應遞左比水巴、很快又再由水巴那給我、我滿懷疑的問她是換過杯新的給我嗎？她說是的。恐怖的是當我飲到尾時發現了條米線是浸在奶茶中😡😡😡、是一條米線充滿了奶茶色、很恐怖呀。我很擔心這是上一個食客吃剩的，還是清潔🧽後的剩餘米線、換過了一杯還有米線，可想員工的態度完全不認真。感覺衞生相當差、就連說一句對不起也沒有。喝了感覺很想嘔🤮

今日下午茶幫襯左呢一間新開冇幾耐嘅茶餐廳，估唔到食物質素比想像之中高。餐廳名講明係燒鵝咁就梗係要試吓佢嘅燒鵝啦，下午茶餐可以揀燒鵝米粉，竟然會有燒鵝髀食，有驚喜。雖然浸咗湯，但係個燒鵝皮都夠香脆，唯一缺憾係啲燒鵝肉比較肥，不過只係賣40幾蚊絕對收貨有餘。另一個下午茶餐叫咗葡式豬扒包，可以揀配薯角或者沙律，我就揀咗薯角。佢個麵包都好有誠意，真係用葡式餐廳嗰種有少少乾粉面嘅包，豬扒唔算大嚿唔算厚身不過勝在唔韌，味道都唔錯。跟餐當然有嘢飲啦。唯一挑剔係地方比較窄。

大埔新開燒味店，因為區內已經有唔少主打嘅燒味餐廳，所以一定會同同區嘅餐廳比較。晚市所有食物都附送例湯，未點食物已經即上。例湯偏鹹，唔啱個人口味。揀咗招牌五寶飯，一次過試晒所有燒味。叉燒偏甜，甜味係比較似蜂蜜嘅甜味，但同叉燒唔算太夾，另外叉燒偏瘦，食落有一啲硬。燒肉嘅肉未有一啲臊味，要靠芥辣辟味。燒鵝嘅肉唔多，而且偏肥，而且冇乜醬汁味，比起同區其他主打燒鵝嘅餐廳就有一啲失色。最後白切雞算係比較正常，但係肉質都係偏硬偏實。比較驚喜嘅係瀬粉，瀨粉嘅湯底有一浸白胡椒嘅味道，比較特別，而且易入口。朋友嗌咗叉燒滑蛋蝦仁飯，反而比起預期中好。滑蛋嘅生熟程度適中，叉燒同埋蝦仁分量多，配搭埋醬汁非常夾。比起燒味，建議嚟呢間餐廳可以一試呢一個飯。👍🏻