2
3
6
3-min walk from Exit B2, Mong Kok MTR Station
continue reading
Opening Hours
Mon - Sun
12:00 - 02:00
Above information is for reference only. Please check details with the restaurant.
芒果益力多綿花冰 ❤️ ($68)評分：6/10.綿花冰就同一貫糖水鋪可以食得到嘅無異，一片片咁用個精緻嘅鐵聖杯裝好靚咁。但份量其實唔多。配料特登分開放令你感覺佢好豐富其實純粹係錯覺。呢個價錢，認真唔抵食喎原味梳乎厘班戟 ❤️ ($79)評分：7/10.梳乎厘班戟熱朝過咗之後呢種班戟已經變得隨處可見。作為 Fusion 糖水舖發記都有自家製嘅梳乎厘班戟。有三層咁高，有生果又有雪糕都幾唔錯。班戟整得輕型系真嘅，上枱時微暖。但就唔好期望佢可以有食完令你覺得飄飄然嘅空氣感。不過呢啲高檔甜品款式都預咗會貴啲架喇好在有兩位姊妹一齊慷慨解囊呢餐宵夜埋單價錢還好
continue reading
本來仲點咗黎親都食嘅榴槤蛋白燉鮮奶...不過佢竟然連嗰細細杯精華都無咗...之前有杯味道好特別，諗唔到係點配出黎嘅甜奶，夾到一倒入去就成件事唔同哂~追問之下個員工好似唔知之前有咁...啲食物和擺法都唔同咗，應該換咗人，轉咗手??而家咁普通，無咩興趣再食，咪又係燉奶上面放啲榴槤肉...(第一次點嘅第一印象本來都係咁)個梳乎厘質感同我諗嘅有啲唔同，不過食落都ok嘅~最右邊嗰杯奶，有啲似上面提到嗰杯...佢想試唔同配搭?雖然幾次帶過唔同朋友黎食，仲成日推薦，但試過其他伏嘅嘢，最鍾意嘅甜品都唔同咗，而家越黎越無興趣...
continue reading
因為附近糖水店都爆滿，甜品上癮之下，見到有糖水店沒人就入左去，我點了梳乎里，味道及賣相都還可以，但朋友點了個心太軟，一上枱就覺得係一個發左霉既物體，表面蛋糕完全唔鬆軟，好似雪過翻焗，食落去仲甜到爆，完全無朱古力應有的香味，另一朋友點了芒果金寶，上枱好似一碟炒飯，沒有牛油香，又鬆散似粉團……食既水準差都算啦，服務態度都差就好難頂，明明出左爐，就放係度冇人理，我地問佢，佢先拎埋枱，比幾十蚊食，仲要咁既態度？真係無下次……
continue reading
難得有朋自遠方來，食完飯打算吹下水食個糖水，今日平日十點幾入到去座都冇咩客，叫左個梳乎厘+雪糕。都等左一段時間先上枱，點知上枱內裡係唔熟的，叫換過，店員都送左碟糖不甩話對唔住請我地食，可惜都唔算好食。又等左一陣，到第二次再上枱就熟過龍，而且份量超小，收我成5x蚊，以後都唔會再幫襯囉。
continue reading
我地一行7人黎食甜品。 見到第一碗朋友點嘅楊枝甘露上檯已經心知不妙.. 點解係螢光黃色，芒果肉少到一眼睇晒。 我點左榴連小丸子布甸，有鴨仔浴缸 ，原來都係好睇唔好食😓 布甸冇榴連味，好彩有少少榴連肉救一救，鴨仔冰係得個樣，然後又係有堆螢光黃色嘅汁液唔知咩黎，我食左幾啖就頂唔順，就連個曲奇雪糕都唔好食。 咁就$67 蚊。 完全唔明白點解間鋪可以坐滿人! 又落漏單， 補番又要再落錯，真係救命 🤦🏻♀️坐又坐得勁迫，免費我地都唔會再去！
continue reading