幸福咖啡

Open Now

Now Closed

一進入餐廳，便感受到陽光明媚下的溫暖～感恩 服務員姐姐親切地遞上餐牌，配以寧靜的環境，讓身為客人妹妹的我感到自在和心安也感恩餐廳職員為我的咖啡寫上了「快樂」二字，一句「祝妳和朋友今天快樂」滋味盡在心中讓我們暢快地相聚了快樂時光感恩

因為係屋企附近 所以成日都會幫襯講真佢既價錢係呢區偏貴的，我最常食既天貝壽司拼素餃子餐要$70但味道係唔錯 之前見有人推薦豆腐漢堡 薯條好熱好新鮮 好食😋但唔知點解豆腐漢堡既豆腐係凍嘅？！同想像中有出入…

位置係葵涌區一堆工業大廈入面，零零丁丁有間cafe,門口好多香草植物，未入去已經覺得好遠離煩憂，cafe 係食全素，lunch set細細份好啱附近d OL ,另外仲有手工麵包蛋糕買

在葵涌滑雪後去了附近一家素食咖啡店，這裡的食物選擇非常豐富。他們提供了各種素食選項，讓素食者也能享受到美味的咖啡店美食。首先，讓我來詳細描述一下他們的素食選擇。這家咖啡店提供了各種素食主菜，例如蔬菜沙拉、素食漢堡和素食三明治等等。他們的食物非常創意，使用了豐富的蔬菜和素食蛋白，給予了素食者多樣的口味和營養。我點了他們的壽司，味道相當不錯。此外，這家咖啡店的咖啡也非常好喝。他們提供了各種咖啡選擇，例如拿鐵、卡布奇諾和美式咖啡等等。咖啡的口感濃郁，香氣十足，絕對能讓咖啡愛好者一試難忘。我點的是燕麥拿鐵，咖啡味非常香濃。整體而言，這家素食咖啡店給予素食者多樣的選擇，無論是主菜還是甜點都非常美味。他們的咖啡也一絕，為整個用餐體驗增添了一份享受。

我最鍾意的豆腐漢堡重現江湖👏🏼😄 除了大塊豆腐扒外..番茄+青瓜+生菜+芝士+醬汁..味道配合得相當好👍🏼..吃出清新的味道來..配菜用的沙律菜很新鮮..灑上應該是用熱情果汁做的沙律汁..很有畫龍點睛之效✅..而薯條或是薯角也不馬虎..應該是用胡椒+鹽焗的..在薯仔的香味上加了一道層次..很好吃😋整份高質的漢堡吃完了真的令人心情愉悅🥰另外..當然少不了要吃很出色的千層腐皮..那種豆香及脆皮..一吃難忘😎

環境舒適 入到去有一種令人內心平靜嘅感覺 再加埋全素素食 食完出黎簡直洗滌心靈❤️叫左個好似係最受歡迎嘅牛油果天貝壽司配腐皮千層，腐皮千層外脆內滑，應該係自己手工整，唔係出面買嘅現成重口味素鴨，值得一試！唯一唔好嘅地方係份量，俾多幾舊就好🤣 不過價錢唔貴，$60幾蚊仲要包野飲，仲任坐唔嬲，都算係咁。仲叫左個蘿蔔糕，好好食！好食到唔記得影相唔夠飽推薦叫埋呢個小食❤️跟餐叫左杯生薑豆奶，岩哂依加出面陰涼落雨天氣，飲完暖笠笠。都幾大杯，唔似出面d cafe咁一啖無左半杯lol (飲晒先記得🌝)仲有咖啡option, 但過左中午12點唔飲有咖啡因嘅野，下次黎再試吓！

讚1 素食味道相當好 釀菇飯既菇多汁 釀入去既嘢好惹味 白飯都煮得好 腰果湯好味噃2 環境好寧靜舒服 黎到啲客都好斯文 大家講嘢都好陰聲細氣 係度舒舒服服咁坐就好正彈1 係上菜慢左啲

莎拉素食篇Green Monday或者初一十五，大家都會想食下素。有人話素食好肥好油植物肉好難食，其實都有出色嘅素食店嘅❗️#幸福咖啡 位於葵涌工廠區，每次嚟食嘢都會覺得好自在，好舒服，裝修好簡潔。🥟牛油果天貝壽司配香煎餃子 $70壽司9件 #牛油果 🥑新鮮無怪味，天貝蕃茄青瓜爽口。餃子3件 餡有椰菜黑木耳等等，唔油。🌯 牛油果天貝壽司配腐皮千層 $65壽司9件。腐皮千層4小件都唔算好油，外層脆。飲品： 是日茶2杯📍真係好開心可以食到素壽司set ，有時真係會賣晒。📍大家有樣嘢要留意，幸福咖啡只開星期一至六10:30-17:30 ，係❌無晚餐嘅。

Loving Nature 在香港有西營盤和葵興兩間，你有無試齊晒？我之前未來過葵興這間，所以特登來吃個幸福純素餐迎接2023年，果然唔會念人失望呢！餐廳唔近地鐵站，由葵興站行過去都有一段距離，查一下巴士路線可能更方便。非常清幽的位置，跟品牌的感覺同出一轍。裝修簡單舒服，木系桌椅營造放鬆的氛圍。這間是純素咖啡店，食物飲品不含動物成分，亦沒有雞蛋牛奶。除了恒常餐牌，也有季節性新品。咖啡都預設用燕麥奶，同埋有正能量文字。純素麵包都係自家製，漢堡用的包就是這個。餐廳也會搞純素麵包訂購，可以去她們IG查詢。每個時刻都非常正面的幸福時鐘是店內特色打卡點。大啡菇牛油果漢堡 + Latte HK$100來這邊飲杯咖啡都特別開心，環境舒服食物健康店員又超Nice，實在是你充電的好地方。自家製純素漢堡確美味，這裡用的純素芝士也很好吃，雖然吃起來就是純素芝士味，不過係好味果種。沙律配熱情果醬很清新，連皮的蕃薯條甜美又無熱氣感，吃完真係有幸福感覺㗎。葵興和西營盤兩間幸福咖啡有不同特色，共通點都係令人食完好幸福，兩間都值得一吃再吃。

今日去幸福咖啡食午餐，地點在葵涌Edge 1 樓，位置很特別，在平台上獨立一間餐廳，餐廳門前有很大的空地，加上餐廳全落地玻璃，令空間感更大。室內裝修清雅，擺設很有心思，配合素食主題。餐廳其中一款特別推介的泡菜天貝片漢堡($70)賣相吸引，漢堡包微温，表面少少脆，裡面軟綿綿的，不是烤得脆口那種，泡菜辣度適中，配搭天貝片(以為是粟米製成，但原來是黃豆)好好味，伴菜有多款爽脆新鮮的沙律菜、車厘茄、石榴及薯條，令口感、味道及色彩都非常豐富，而且份量十足。另一款餐廳推介是手打菇丸配忌廉粟米芝士燉飯($70)，最令人讚賞的是燉飯食到最後一口也是熱到冒煙的，可能是用燉的方式所以儲熱時間較長，燉飯的忌廉粟米芝士味道濃郁，黏黏的，但不油膩。飯面上的3粒手打菇丸都好好味😋最後要介紹的是天山雪蓮湯，雖然細細碗，但好足料(真係有天山雪蓮的)，味道很清甜，而且是免費跟餐送的。下次要試埋燕麥奶咖啡，咖啡面上有幸福鐘12個正能量的詞語，例如快樂、信心、自在…非常有特色。

午飯時間到了一間素食cafe，很難想像在葵興區有一間這麼特別的素食店。內裡以木色為主，感覺自然清新，大概有6-8張枱，我們點了 All Day breakfast 和大啡菇牛油漢堡，其實他們還有每天特有的三餸飯，價錢為$50 ,配有花茶。牛油果大啡菇漢堡份量適中,有沙律菜配passion fruit汁，甜甜地很開胃，適合夏天食，漢堡麵包烘焙後更脆口，還有薯菜。順帶一提，店內有一些素食小食和公平茶包，大家有與趣可以看看。

幸福咖啡位於葵涌工業區，有別一般CAFÉ，距離地鐵站都有一大段路。係工業臨立之中，有隱世CAFÉ感覺，入面環境簡潔舒適，可以令人心境寧靜。幸福咖啡是一間素食餐廳，而且更是純素、不含五辛，所有食物、飲品都不含蛋、奶製品或是蔥、蒜、韮菜。🌿All Day Breakfast $98★★★★☆成碟上枱好大份、好豐富！有沙律菜、雜菌釀蕃茄、薯角、牛油果栗米沙律、鮮果同幸福麵包。沙律菜夠新鮮；薯角夠脆口；雜菌釀蕃茄都唔錯，炒嘅雜菌加蕃茄幾FRESH。牛油果熟度岩岩好，食落係澳洲牛油果，加埋栗米沙律醬，好正。當日水果係奇異果。幸福麵包雖然冇落蛋、奶、牛油，但口感比想像中鬆軟，配埋其他配菜食都唔錯。大家唔好睇少好似冇肉怕會唔夠飽，但食落都夠，加上有半隻大嘅牛油果。冇肉都唔怕覺得單調，唔錯。🌿牛油果天貝壽司配腐皮千層 $63★★★★★每次黎呢到都會叫呢個菜式，壽司有9件，壽司入面除左有牛油果、蕃茄，仲加入左好有營養、高蛋白質嘅天貝，但佢又唔會有原本天貝嘅怪味，加埋醬油食一流，健康輕型Feel，食完一啲罪惡感都冇。腐皮千層有4件，腐皮做到有好多層，口感豐富，最外面個層係脆口，但腐皮入面係嫩滑，冇太多嘅調

食左幾日大餐之後，係時候食翻啲無咁heavy嘅嘢清減下😂Let’s go green💁🏻‍♀️平時自己煮天貝個陣，無論點僻都係有浸好強烈「豆類發酵」嘅味，令我從此怕左天貝😰今次要介紹嘅chill vibe素食cafe居然令我食翻天貝？！😳牛油果天貝壽司配腐皮千層$63🍣果然無個浸發酵嘅臭味😅加埋青瓜，紅椒同牛油果之後，更係昇華左整體嘅口感😋不愧為Cafe嘅熱門菜式🥇作為配菜嘅腐皮千層同樣岀色，咬落好酥脆，又唔油膩👍🏻

呢間幸福咖啡店超級幸福，首先有天優勢坐立於宏宏工業區大廈裏能擁一片寧靜和舒適的環境，不論素食者或肉食者都適合，素食漢堡包又多汁，又好味，又大份，而且價錢唔係太貴，交通又方便

喺工廠大廈林立嘅葵涌，竟然有一間素食Cafe隱藏咗係一個活化工廈嘅一樓到。因為位置比較偏僻，餐廳午餐時間都仲有部分吉位，識來呢度食午餐嘅顧客通常都係附近返工嘅打工仔為主。唔使等，非常好！入到餐廳之後，侍應會好細心俾個餐牌客人，之後叫客人慢慢諗，選好食物之後再去自助收銀處度買單。係俾錢嘅時候，甚至會主動提議幫客人分單，因為10月做緊儲夠五張單就送意粉嘅活動！服務質素算係幾細心。牛油果天貝壽司配香煎蔬菜香茸餃，睇嚟係搶手嘅套餐，店員話我哋嘅壽司係全場最後一份了壽司裏面嘅配菜健康，味道配搭得唔錯，而且涼涼地好啱夏天食，而餃子煎得都好靚，成個餐俾人感覺好清新，影相都好靚。鮮菠蘿黑椒汁猴頭菇扒漢堡配薯角，薯角係即叫即炸，上到嚟嘅時候仲好新鮮熱辣辣，菠蘿同猴頭菇嘅味道好夾，個包食落去酸酸甜甜又健康，質素唔錯！但係，猴頭菇扒本身因為比較質感韌身，用漢堡包嘅食法來進食，會有少少難咬，最後都忍唔住出動左刀叉來食個猴頭菇扒。😅套餐可以配是日例湯或者嘢飲，是日例湯係天山雪蓮果湯，嘢飲就係紅茶，可選熱飲或者凍飲。 10分健康！