2
0
3
Above information is for reference only. Please check details with the restaurant.
Signature Dishes
D燒肉塊皮可以硬到一個點,又喊到死。。唔怪得個個返大陸食野。就黎連Lunch 都唔可以幫襯香港餐廳,寧願自己拎飯。我夠膽講隔離入面街市果盒22蚊雙拼飯好食過呢間野好多倍,難食到爆炸收6x蚊。。。。香港真係俾錢食垃圾。。
continue reading
買左個燒鵝油雞外賣,後悔至極!未食過咁難食既燒鵝!有陣隔夜味!火都黎!明明好肚餓,理應食咩都覺得ok, 但真係太難食,必須提醒各位唔好浪費金錢,返屋企煮個出前一丁算!
continue reading
叉燒切絲咁幼, 雞全部都係骨,好似食雙餸咸蛋紅腸飯 ,完全無肉食。諗住試新野,食好啲,花了五十一元買四寶飯,返到屋企慢慢嘆,食到一肚氣,連例湯都無。不值得試,不推薦!
continue reading
午餐時間,突然好想食燒味飯但又唔想幫襯太興或者大家樂行過見到呢間舖頭門口掛住啲燒味個樣唔差又有人等緊外賣,於是就幫襯一下點知就中晒伏🥲叫咗一個叉燒燒肉飯凍奶茶58蚊一打開盒飯,嘩一聲先講燒肉,肉還肉皮還皮明顯睇得出呢塊皮係唔屬於呢一嚿肉嘅🤷燒肉淡而無味,肉質仲有少少梅叉燒就正正常常 少少靭之外冇咩特別而啲飯就比得好少汁,但無論有無汁啲飯都係冇味,淡茂茂成餐飯最滿意係杯凍奶茶,有茶味而且夠濃好少寫食評但今次呢盒飯真係忍唔住唔係話要食咩珍饈百味但出面街好多賣2/30蚊燒味飯嘅質素都比佢好
continue reading
不嬲都覺得,食燒味=買六合彩。今次好食有埋脾。下次得棚骨或肥肉,皆因食材有頭有尾有胸又有脾,不彷試多幾次再評論。 早幾日見佢掛出黎既燒鵝識發光( 燒到脹卜卜)今日午餐再次俾機會佢,果然皮脆甘香,恢復水準,而且醬料絕不吝嗇😋價錢單/雙 $52 燒鵝+8 凍飲+2 碗飯大大兜 性價比算高,比太興算平好多,午市開始繁忙,街坊,學生哥一擁而進,錯誤難免有,個飯唔記得落汁,溫馨提示店員即補上熱辣辣的汁👍服務有誠意,貌似老闆亦親力親為,大家不妨俾多啲機會小店,俾佢地繼續生存!
continue reading