千歲擔擔麪

Open Now

Now Closed

今日嚟到呢間位於裕民坊既千歲擔擔麵食午餐，我一早係網上睇中咗佢個銀芽炒鱔糊午餐。店舖位於裕民坊3樓，扶手電梯上到3樓就係花園對面，好顯眼唔難搵。午餐食客頗多，我坐低便手機落單點了銀芽炒鱔糊午餐，小食點了鎮江肴肉，雪到好凍，食唔到咩味。炒鱔糊偏淡，芽菜幾多，鱔既份量就適中，例湯又係偏淡。整體算滿意。口味：🥚🥚🥚环境：🥚🥚🥚🥚服务：🥚🥚🥚性价比：🥚🥚🥚

已經是第三次幫襯，當然是食物質素不俗才會回頭。用餐的時間是星期日下午五時左右。餐廳竟然有開，非常值得讚賞。坐得舒服。純粹是當下午茶吃頓快的，所以未有叫太多，叫了兩碗擔擔麵以及一個馬蘭頭卷。（星期日的關係，沒有下午茶餐牌，這一點是明白的）擔擔麵做得好，湯底好，而且擔擔麵，捲得好靚，價錢不貴。既然是第三次回頭幫襯，食物自然是有質素，有保證最令我感到意外的，竟然是服務態度，我仲以為自己去咗深圳中高檔餐廳。樓面男經理，很殷勤，見到我枱面自己倒濕了茶，馬上抹枱，而且沒有嘴藐藐，沒有扮睇唔到，沒有阿崩叫狗。今時今日呢種服務態度，簡直令我感動。絕對會再幫襯。大家都是詠黎園，反而鑽石山總店，比我感覺，反而一般。迫迫夾夾，你話好好服務態度啊，唔覺。希望觀塘呢一間，一定要做落去，

我和同事在午飯時間選擇了他們的午市一人餐，午市套餐的價格為$75，包含一碗白飯和例湯，性價比相當高。前菜點了：江肴肉和雞絲粉皮。膠質口感與琥珀凍層，蘸上鎮江香醋，超正😋而雞絲粉皮則清爽可口，搭配的芝麻醬恰到好處，為我們的餐前小食增添了不少風味。接下來的小菜選擇了銀芽炒鱔糊和回鍋肉。銀芽炒鱔糊清脆爽口，鱔魚的鮮味與銀芽的清新相得益彰，讓人食慾大增。回鍋肉則是一道經典的上海菜，肉質鮮美，肥而不膩，色澤透亮，十分下飯。整體而言，千歲擔擔麪的午市一人餐不僅味道出色，而且價格合理，必回訪。

估唔到呢個位置有咁好食既上海菜😋真係要係OpenRice 搵先知有呢間野🤣要上到最高空中花園環境夠大 坐位寬敞 岩哂一家大細黎食食物質素高又夠熱擔擔麵有兩款 其實唔知有咩唔同架🤣我地最後決定係貴少少個款 改良擔擔麵湯底好濃郁 未食已經聞到好香花生醬味份量都幾多 好大碗 我地2人叫左個麵再叫其他小食試下上海菜一定要叫小籠包🤩勁多肉汁 好juicy!再叫左個蒸銀絲卷 點煉奶食好正😋😋最後叫左水餃8粒 呢個就相對普通左d下次叫2籠小籠包會開心d🤣🤣好滿足的一餐😋👍🏻

老闆請食團年飯，見到店名叫擔擔麵，真係好驚囉，但原來先冇期望再有超級驚喜，好耐冇寫食評都要寫。功夫燻魚：薄、脆、香、濃菊花豆腐：刀功睇到啦翠竹魚米伴粉皮：做魚米嘅功夫一眼睇得出，魚肉粉皮口感味道好正蜜汁火方：炸腐皮之類+青瓜+有密糖味嘅雲腿，用包包住食，真係味道好豐富，每人一件真係唔係好夠黃金鍋巴蟹粉：由遠處已經聞到濃烈蟹粉用鹹旦味，見到就急不及待食，食完好有罪惡感，但都仲再食牛氣沖天：將件斧頭扒咁嘅牛扒煮到好似紅酒燴牛尾咁，簡直好似魔術師變出嚟咁，每人一件真係唔夠食金絲大明蝦：最貴一道菜，因為隻蝦大到碗都裝唔落，汁係酸甜，炸薯仔絲好幼好脆，正高力雪糕：入面係雪糕，唔係豆沙，好特別

今次來到觀塘中心地帶，裞民坊的京川滬茶館用餐📍-首先點左蔥爆牛肉🥩肉嫩多汁。京蔥香口，送飯岩晒😆😆-朋友點左楊家小籠包，餡料夠味🥢同埋有滿滿湯汁，不過真係要襯熱食。-我點左麻辣擔擔麫🥣湯底充滿花生醬味，配上大量肉碎和適量的麻辣，麫條彈牙，份量充足！ 不過如果再辣少少仲正‼️-仲點左生煎包！ 經典的上海味道！ -飲品方面都係以茶類同支裝飲品為主！ 服務員態度良好，上菜快手。唯獨餐廳位置廣場頂層，需要少許時間先揾到⚠️

帶長輩去食都讚不絕口，話平時食唔到咁靚既魚3個人份量 人均 $200 食到好飽好飽.. 仲要食物高質絕不求其，環境舒服～(🌟首推) 松子桂花魚 $268超大條先$268😭！！仲要唔係平時蒸到鞋曬個d而係花足心機刀雕，然後炸脆桂花魚超考刀功～酸甜程度掌握得啱啱好，好開胃～ 3個人食到好飽肚又滿足蔥爆牛肉 $93好多牛肉，完全唔鞋，好滑好易咬啖啖蔥爆味瑤柱黑松露炒飯 $128抵食，大大盤～ 好多黑松露超香～ 同瑤柱好夾楊家小籠包（4隻） $48小心睇熱，放3分鐘再食，成個口都係汁好正～皮薄餡靚～純手工蔥油酥餅雖然已經從桂花魚到睇得出大廚真係好鍾意做手工食物飯後甜品一樣好出色T_T 好酥脆蔥油好香性價比好高既餐廳，長輩好鍾意～ 會再黎～茶位每個先$5

住係觀塘咁耐宜家先知凱匯有間叫千歲擔擔麪嘅上海鋪！🤣這裡的擔擔麵、小籠包和手拍青瓜係signature ，好多人食過都話令人回味無窮。🧡🧡🙆🏼‍♀️擔擔麵呢個擔擔麵係招牌菜，麵條彈牙，混合了香濃的花生醬和大量肉碎🤣仲可以自己揀幾多辣！每一口都充滿了香氣，讓人忍不住多吃幾口。🤤食唔停口！🙆🏼‍♀️小籠包皮薄馅嫩！☺️咬下去瞬間爆哂汁！唔會過於油膩。搭配一點醋和薑絲，讓整體味道更加提升，必點啊！😆🙆🏼‍♀️手拍青瓜手拍青瓜是一道清爽嘅開胃菜，青瓜夠哂爽脆！醬汁的酸辣味道做得出名！岩哂係呢啲咁熱嘅天氣食🫢😝

觀塘看似是工業區美食沙漠，但其實是臥虎藏龍，有很多美食名店。奇中之一就係位於觀塘裕民坊的香港米芝蓮食府，詠藜園四川擔擔麵嘅分店千歲擔擔麵。咁啱今日同朋友去開觀塘上堂，順便試一下呢間分店詠藜園最出名嘅四川擔擔麵。除咗川菜亦有唔少上海菜式天氣炎熱，食返個涼涼哋嘅雞絲粉皮。薄薄嘅粉皮配上爽脆雞絲，冰涼效果幾開胃。小籠包同樣值得一試，皮薄餡多，湯汁豐富。主角出場，由於朋友唔食得辣，所以叫咗一個走辣擔擔麵。擔擔麵麵條q彈有勁，麵醬走辣下但係仍然香濃。如果唔係胃容納有限，好想試埋佢個改良担担麵。平衡一下健康，也點了一個雲腿津白。鹹香雲南火腿，更顯清脆津白和湯頭鮮甜。之前看過新聞介紹詠藜園老闆娘經常行善而且善待員工，難怪千歲擔擔麵員工亦是熱情有禮，佢哋對待隔離台老人家有耐性好態度，是加分一大原因。

今晚去裕民坊探朋友兼吃晚餐，搵咗一間中式餐廳。除咗食物之外，最欣賞係職員嘅優秀服務和講解。手工肴肉自家製的肴肉特別好味，肉質挑選選咗豬肉質地最好的部位，師傅的細心烹飪使得每一口都充滿層次豐富的滋味。上海粗炒麵條Q彈有嚼勁，可見選材都特別用心，醬汁濃郁鹹香，而且有鑊氣！楊家小籠包餡料飽滿多汁，皮薄韌性強，肉餡鮮甜可口，一入口即爆發出濃郁的湯汁。炸銀絲卷外層酥脆，內餡軟糯綿密，其南瓜香氣悠然而生。連銀絲卷都係自家製，真係冇得頂！

放工嚟到呢間裕民坊三樓嘅上海菜餐廳，裝修有茶樓嘅感覺，有好多大枱，適合家庭聚餐，亦有二人套餐，服務好好，價錢都唔貴，整體嚟講美味抵食！🍜 改良擔擔麵改良版本係會喺麵上撒上一層厚厚嘅肉碎，非常香，不愧是招牌！湯底可以尝到濃濃嘅花生醬、芝麻香，可以揀小辣，辣度比較溫和～麵係幼麵，柔軟而有韌性，好好味😋🥰楊家小籠包鮮肉餡包裹喺薄薄嘅麵皮內，汁水鮮美豐盈，皮薄而唔破，好食正宗～😋椒鹽肉排餐廳仲有好多豬牛雞類嘅肉食可以揀，椒鹽肉排金黃酥脆，外皮撒上香香嘅椒鹽，外脆內嫩，鹹香適中，一點都唔會柴！🌶️🥟紅油水餃辣到好過癮！辣椒油同蒜末嘅濃烈味道淋漓盡致，同白菜餡嘅水餃融合得好～🍳🥟一口鍋貼餃子煎到底部酥脆，一口咬落去，香味四溢，仲有唔少汁水，好食！

好耐無食過詠藜園，正宗的上海味道，而家觀塘裕民坊有得食，對我來講好方便，而且仲keep到以前的味道，真係好難得，手工菜細緻無遺。2人餐好抵食，份量唔少，品嚐盡$328🐥雞絲粉皮最重要的麻醬醬料香濃，稠度適中不會太黏口，鎖住喺每條粉皮上，雞絲嫩滑，粉皮爽滑。🍲咸肉豆腐湯好有家的感覺，簡單的配料：豆腐、咸肉、白菜、蘑菇，清甜略帶咸香。🧆回鍋肉好有鑊氣，肉片夠嫩，肥瘦均勻，少許爽易咬口，醬料爆炒好香惹味。🍤黃金蝦球有四隻新鮮大蝦，外層包著薄薄的沙沙咸蛋黃，外脆內軟，亦無搶走蝦的鮮味；另有幾條豆角也一同以咸蛋黃炒成，非常有誠意。🥬雞油津白蔬菜鮮甜，雞油味香，津白嫩滑無渣，清淡美味。🥟小籠包（2粒）皮薄餡靚，肉餡新鮮，肉汁豐盈，一啖咬落去成口都係湯汁，鮮甜好味🍜擔擔麪（辣）（不辣）麵條細滑彈口，湯好濃郁，每啖麵掛著濃濃的花生麻醬，濃黏而細滑，濃郁而不咸，呷飲一口，胃口大開🥚高力豆沙-以打起蛋白制成，落油鑊炸起，口感細軟綿滑而不油膩 ，豆沙餡甜道適中，非常出色。

這間店在網上看就毫不起眼，原本以為是普通麵店。是晚經過，發現招牌有詠藜園三個字就吸引了我。回想十多年前曾食過的詠藜園，上海菜的美味令我一生難忘。是晚一食尋回當年老師傅的味道，有點感動，估唔到可以再重遇。美食有好多選擇，二人餐較為經濟，份量亦相當多，味道唔會太濃，好岩食。店內好多食客，平日來都近乎滿座，聚餐就book 定枱穩陣。全日2人餐 $328雞絲粉皮粉皮大塊，色澤白皙通透，口感軟彈滑溜，雞絲肉嫩切得均勻，少量的青瓜絲帶來爽脆口感，配上特製花生醬撈勻，凉伴美食好好味。咸肉豆腐湯湯味清甜多料，有白菜和豆腐，咸肉又唔會好咸，份量都幾多，二人可各兩碗。蔥爆牛肉京蔥炒至軟身，味道甜美，加上牛肉軟嫩份量多，而醬汁味道濃郁相當好食，撈飯食真係一流。黃金蝦球蝦球大隻炸粉薄薄，鹹蛋黃加持下，帶來沙沙口感陣陣咸香，調味精準唔會好膩。難得伴有豆角，增添美味，加分！濃湯翡翠苗濃湯下豆苗掛汁，沒有多大的草青味，口感脆嫩，份量多，簡單好食。功夫小籠包皮薄餡靚，湯汁滿滿，味道清甜，唔錯。招牌擔擔麵壓軸出場的招牌菜沒有令人失望，湯底濃郁有著芝麻花生醬味，麵條爽滑彈牙，加了少許肉碎增添口感。水準之作，係擔擔麵界的天

這次的觀塘上海菜美食體驗帶我進入了一場口味的探險之旅，每一道菜都散發著獨特的風味和魅力。首先是擔擔麵，選擇了小辣口味。這道麵條彈牙有嚼勁，搭配濃郁的辣椒醬汁，帶來一股微辣的刺激感，令人胃口大開。🔥🔥🔥接著是楊家小籠包，四顆小籠包裡包裹著豐富的肉汁，每一口都是肉汁和餡料的完美結合✌️✌️✌️雲腿津白的清爽口感配上精心調味的雲腿，帶來了淡雅的風味和質樸的美味，讓人回味無窮🥹🥹豆沙窩餅的甜蜜香氣瀰漫著整個餐桌，外酥內軟的窩餅搭配香甜的豆沙😀😀😀雪梨海底椰和菊花蜜為這頓餐點增添了一絲清涼和甜蜜，讓整餐變得更加完美。😍😍😍

朋友新居裝修，探班後順道一起晚飯。在商場內的千歲擔擔麵開餐，招牌有著詠藜園字樣，一間老字號的拉麵店，相信不會令人失望。環境裝修靚仔，有獨立的VIP廂房，平靚正的私人空間！大廳環境同樣骨子，座位濶落，值得一讚！點了超值抵食二人套餐 $328，疑問為何是七道菜，引得總廚出來解釋，原來上海話7=食，6=肉，還有一重意思，就‘七上八落’ ；對於北方人來說，7是好彩頭的數字，真的長知識了。先上涼菜鎮江肴肉，口感鬆軟，能吃一絲絲的肴肉 👍，好食！接著是咸肉豆腐湯，家常小菜，味道親切，青菜口腐都能煮出好味道。再來川滬經典菜式 - 回鍋肉肉片是五層的豬腩肉，肥瘦均勻，赤醬惹味，加點椰菜、甜椒，好睇又好食！海鮮代表黃金蝦球，最愛沙沙的黃金口感，異常惹味！大蝦去殼，啖啖肉，直接入口，加分！加分！雞油津白，同樣的川滬的常見菜式，津白嫩滑無渣，清淡中又不失美味！點心功夫小籠包，肉汁夠多，皮薄有彈性，夾起時搖搖晃晃的，卻沒有穿掉，抵讚！最後上的主食是招牌擔擔麪，手工拉麵，爽口彈牙，湯汁濃郁有緻，就連湯都喝清光！令人甚有驚喜的一間拉麵店，值得推介朋友同來用餐！