Long Island

Open Now

Now Closed

用餐時間（2:49pm late lunch）.食物印尼炒飯 🍚 蝦片夠脆口晤太油，沙嗲雞花生味夠香但太濃味，有啲鹹。炒飯粒粒分明有咬口，用咗甜醬油同少少蝦醬炒，好好味有蝦粒雞肉粒，但唔夠熱。素菜拿破崙扁意粉 🍝 店員認真幫我哋同廚房check每一個素食項目係咪真係冇洋蔥冇蒜頭，態度良好。蔬菜新鮮足料，西蘭花、椰菜花、蕃茄、長豆、紅蘿蔔，略嫌味道偏淡，可以放幾粒鹽。🥦🍅🥕飲品Gunner& Fresh Lime soda 叫佢少冰走飲管，冰都係落多咗，有走膠無黑面。Gunner好飲，估唔到呢度有得飲。Fresh lime soda清清哋無落糖，幾Fresh。環境對住下長沙泳灘、大隻男美女用餐，無敵，一定會再過嚟玩水同Chill 睇書飲嘢。🍹旁邊仲有一間西餐廳，坐梳化，感覺再西式啲，不過價錢會貴啲。

垃圾，一開始去到間舖無乜客，一坐低同我哋講用餐時間90分鐘。坐咗喺海邊位，隔離就係啲臭坑渠，邊食邊聞臭味，之後我哋換咗去第二張枱，個staff就好似比說話我哋聽咁，嫌我哋調位。之後嗌嘢食個嗌咗個medium rare牛扒，之後佢比咗well done我。嗌咗個Pizza，又難食又無味。跟住未食完嘢就不斷咁趕我哋走，係咁過嚟收碟又問仲嗌唔嗌嘢食。有個侍應收碟嗰陣，跌隻叉落我件衫度，比佢整污糟件衫。服務態度非常惡劣，食物質素差，唔好去。

最近一家去了長沙度假，去了一家位於沙灘旁邊以提供西式料理為主打的餐廳。這種結合了沙灘和美食的環境，絕對是一個讓人愉悅的用餐體驗。首先，讓我談談沙嗲。在沙灘旁，總是想吃東南亞的風味的食物，香辣的沙嗲醬加上鮮嫩的串燒雞肉，帶來了一種獨特且令人著迷的風味組合。在這種沙灘的環境中吃著沙嗲，仿佛能夠感受到海風的吹拂，讓人感到無比舒適。可惜的是他其餘的食物，如Pizza 和西柚大蝦沙律也屬於偏低水準。Pizza我們選擇了一款傳統的瑪格麗特Pizza，餅皮軟綿綿的，番茄醬也不太新鮮。這家餐廳還提供了舒適的露天座位，讓客人一邊享用食物，一邊欣賞沙灘美景。這種融合了沙灘和餐廳的獨特用餐體驗，無論是用餐還是放鬆，這裡都是一個理想的去處。

食物性價比不是太高，如果是泳攤客最好不要考慮因為餐廳不歡迎你們串燒拼盤 - 雞肉味道是可以的，但牛肉比較老。魚柳薯條 - 薯條正常水準，但魚柳真是空心的和没有一點魚味，不知道吃了什麼Pizza - 味道可以，如果加Topping 加ham 會更好態度 - 男侍應態度極差，沒有耐性，而且不歡迎泳攤客進入，嫌棄大家有沙石，但沙灘餐廳這種對待真是十分兒戲，希望老闆娘認真考慮是不是要另覓人選。還有下單時耐性不耐煩，搬位十分粗暴

🚩下長沙LongIsland🏖️🏝️熱辣辣既天氣起左大嶼山下長沙下水禮🏄‍♀️🏊‍♀️玩完游完見攰就去左係沙灘上面既餐廳飲杯野食下野，就去左LongIsland😎😎😎仲可以對住個海🌊食野簡單叫左幾杯野飲，有draft beer🍻🍺, cocktail🍹同wine🍸, 仲叫左份烤雞🍗🐓🐣成年事好寫意好舒服😎😎😎😎

夏天去大嶼山自駕遊，一定要去下長沙泳灘游水玩沙，玩到肚餓，梗係要chill住食lunch🥰🥰夏天熱辣辣最啱食炸魚薯條，再加三文魚凱撒沙律，飲返杯凍飲就正☺️

下長沙外國度假風餐廳捉緊夏天的尾巴，吹吹海風享受海浪聲帶來的愜意感餐廳以藍白色為主坐在沙灘旁邊飽覽海景感覺很chill ▫️Beer Battered Fish and Chips 炸魚外層薄脆，夠脆身魚肉保持到軟滑，有咬口配埋他他醬不錯薯條較普通 ▫️Pizza (tomatoes, rocket, buffalo mozzarella)🍕蕃茄水牛芝士好經典嘅配搭Pizza夠脆口唔會太油膩 ▫️Iced Mocha咖啡味好香 口感順滑，味道不錯朱古力味好濃郁 ▫️Apple Juice🍹正常蘋果汁

我們3大人2小童去食飯，我們食飯到一大半時有個藍色頭髮的女侍應開始趕我哋走. 話有人預訂咗枱，但整個餐廳根本沒有人，所有枱都係空的. 我哋只好盡快食，後來我們叫埋單，仲大聲叫我地自己出去cashier 埋單. 當我們正想收拾離開，個女人巳經過嚟發晒脾氣咁執枱，鬧我地搞到張枱好亂，好似阿媽教仔. 而不得想我哋幫佢執埋. 態度10分惡劣！食物普通， 價錢又貴. 一杯啤酒兩啖飲完，要$75⋯⋯ 俾酒店嘅價錢，受咁差的服務，仲要俾人鬧. 真係無語. 大家千萬唔好去！

星期日同屋企人係沙灘玩完一日打算食埋野先走，係門口問左兩次女職員「唔該想問下有冇位」，完全無回應，之後就問個男人，佢話「無呀無位呀行開小小啦」我地就行遠左，過一陣再問「咁想問下係等位定拎籌，個男人：「我唔做你生意呀你去隔離啦」我同屋企人呆左，佢甚至連我地幾多位都無問，一副唔休做既態度同嘴臉，呢間野永不錄用，放假流流要受埋晒啲咁既氣😅

天氣好去下長沙嘅沙灘曬吓太陽，沙灘旁邊都有好多餐廳，呢間係一直都想試嘅，餐廳嘅顏色主要係藍白色為主，真係好有外國feel！食嘅嘢主要都係西餐，今次叫咗「平鍋香煎石斑柳」$248，飲可樂，可惜杯可樂係冇氣嘅，都幾失望！主菜石斑柳個外皮煎到好脆，味道都啱啱好，，魚嘅肉質都好鮮嫩多汁，呢個係唔錯嘅！底下嘅薯蓉食得出係加咗忌廉，好香好滑！呢度要收加一服務費，但係店員嘅態度真係麻麻地，所以食一次就夠，下次想試吓隔離其他餐廳多啲！

入去滑浪順便食個好啲嘅午餐，點知去咗間極之受氣嘅餐廳，女侍應由一開始已經全程黑面，發脾氣，態度極差，我好後悔唔一開始見到佢就走我正常兩大一細入去，叫咗個豬扒叫咗個Pizza，兩個嘢飲，唔知得罪咗佢啲乜嘢，定佢自己心情咁差，黑口黑面樣衰衰Pizza正常，唔算好食唔算難食，豬扒就硬，我用佢把刀切咗好耐都切唔到，絕對唔值呢個價錢，咖啡普通啦，lemonade 似凍檸七多啲最緊要係放假嘅輕鬆心情都俾佢破壞晒

疫情導致這幾年無法外出旅遊，跟家人跑到大澳、長沙來「渡假」三日兩夜。第一個晚上，我們到海邊餐廳享受寧靜時光。Long Island 的餐牌沒有很多選擇，我們幾乎把主菜都點了一個，可每個菜也煮得不錯。大蝦、比目魚、帶子意粉、漢堡，還有前菜泰式炒田螺，再配一杯1664 啤酒🍻漢堡有滿滿的芝士還有牛肉鬆化、比目魚的魚皮煎得脆脆的，魚肉滑嫩、大蝦我沒有吃，因為我有過敏，可我爸吃得津津入味。還有牛油果蟹肉沙律作結，整頓晚飯吃得很舒心，沒有讓人失望，邊享受海灘晚霞邊享受美食，寧靜的一個晚上

大嶼山少少村莊🏘，對住一個海灘，一排幾間西餐廳，感覺超正⛱。呢間見到有泰國菜式，一邊食嘅時候真係覺得自己好似去咗泰國😄呢個環境真係可以坐半日慢慢 Chill 🏖🏖🍹🍹Mocktails 😋😋蟹肉牛油果沙律 蟹肉好多，無雪味，配合牛油果同沙律 👍🏻👍🏻一流泰式虾餅 簿了一點蒜蓉牛油雞翼 香脆😋 牛油好香漢堡扒牛肉Juice🍔炸魚雖然脆口，但無魚味🥲🥲 忘記了我叫咗邊款pizza，好似係蕃茄水牛芝士，雙流芝士好豐富😋😋

因為住度假屋，今日中午選址係到食餐飯，甘10個人因為車唔夠一次送去餐廳，結果要走兩轉。一入餐廳，有個local 中年男職員話要限90分鐘交台，ok 啦，我地都係食個中午飯姐，跟住第一批架人已經開始點餐，我地7個大人，兩小孩一個BB. 我地都叫左8個主食另外有酒有野飲。但過左5分鐘左右個位男職員走埋黎問其他人姐，我地見都點左野啦，點話泊緊車，佢話噢，跟住走開，再過5分鐘，又走黎問，跟住加多句，唔知係咪揸火車呢，呢下真係多左囉，我地忍唔住回句，你真係識講笑但唔好笑囉。結果如期，90分鐘內食晒閃人。總評：食物味道OK價錢：黎得哩呢啲地方食嘢都冇計服務：差，個位男本地服務員我以為佢會係老闆，外國員工係比較Nice以後唔會再幫襯哩間，會試隔離個幾間，講真，90分鐘你過左鏟走我咪得，來來嗰度食嘢仲要俾你串，你食埋我嗰份。

Beer Battered Fish and chips (8/10)：炸得外層薄脆，內裡魚肉保持了一定的軟滑。可惜魚油不夠香，薯條較普通。Gambas al ajillo (7.5/10)：西班牙蒜頭蝦，醬汁惹味，入味Avocado and crab salad (7.5/10)：牛油果、蟹肉、三文魚籽的配搭不錯，口感清新。Beef Rendang (7.5/10)：巴東牛肉煮得頗軟淋，椰奶香料辣椒惹味入味，但略甜了一點。———————————————————————————⭕️總評：食物質素整體不錯，坐在沙灘旁邊飽覽海景，感覺挺chill。會翻食✅ 💵Budget: $200 pp (lunch)