倫敦一哥燒臘茶餐廳 (Closed)

住附近的，放假便來tea一tea,唔洗煮😜俾我睇到個超值下午茶，有西多、薯角、加$6仲有一碗麵滿足晒三個願望西多同薯角都係新鮮炸所以好好食一啲都唔油膩西多雖然得半份但係好大嚿！薯角好好食😋勁脆口！冇失望另外仲嗌左個午餐，係一個足料嘅四寶飯！有冷氣開放唔會覺得熱，枱與枱之間隔得好梳，夠晒安全距離。

見到倫記個名好似某出名食市，又裝潢企企理理，就沖咗入去叫個咖喱雞飯，飯未到，就見到有個外賣自取人士同阿姐嘈緊，好似為咗錢銀關係還是點餐問題，最後厨房佬出來解圍平熄咗，講返我，見到熱辣辣的飯到，食落點知個咖哩無味，飯又硬，諗住飲反淡奶茶，點知杯奶茶有驚喜，多奶到呢，飲落原來唔止，原來甜到會懷疑人生，會不會飲一杯即刻糖尿病，算啦！好一餐唔好又一餐，埋單成為70大元可能地方偏僻，運費人工貴，再或者佢真係某知名食市計返成本所以咁貴啦，早知食旁邊那間，雖然簡陋，但見都有返咁上下人，無下次啦！

蒜蓉菜心 70蚊，係味痴x線個西檸雞又唔好食又月黎月唔好食晏就叫燒鴨，無肉嫁，比得幾塊開頭係幾好食，家下月黎月唔好食之前日日都叫晏就，家下都唔想叫貴到搶錢咁，加價就識加，工夫月黎月差想幫襯都幫唔落

昨日除低口罩放鬆心情踩單車遊下新界，路經倫敦門口適逢肚仔餓，求其叫咗個四寶飯食，斬燒味嗰個師傅都斬得幾企理細細件細細件，一啲都唔馬虎，啲飯食落都唔錯，軟綿綿得嚟軟硬適中，飯味就雖然普通啲，但係整碟四寶飯都尚算有水準，下次再嚟試下其他嘢先

叫咗個炒飯同燒味飯，唔知係咪平時食慣軟飯多，呢間餐廳啲飯比較硬一些，幾年前喺度食過當時啲飯好好食，唔知點解今次食啲飯有啲唔同，唔知係咪我心理作用，連我朋友都話啲飯比較硬，如果有得改善請好好作出處理

唔期望有服務，入去買個外賣企左十分鐘都無人幫你落單，因為班姐姐掛住吹水，五十一盒雙拼燒味，唔連野飲唔連例湯，質素差過連鎖快餐。燒味同飯比例 1:9。係倫敦呃外國人就可以，係香港真係勁伏。

來此食野不要期望有五星級招呼 因為你/妳本不是俾五星級價錢 地方淺窄 回音大 餐廳有露天地方座位 喜歡吸煙人氏 因爲也有冷氣 同樣道理不要要求有五星級環境 對於普通茶記 算係不過不失如果晏就來食 你必需要預出餐時間 因為例爆 外賣堂食非常多 所以等餐時間會耐這裡最好食的首推义燒因為帶甜易入口 乳豬就睇彩數 因為要碰啱佬細親自炭燒才好食另外本人較喜歡食這𥚃的 燒鴨店家亦有 楊枝金露 紅豆冰 紅豆涼粉冰 等特飲 如果想聴舊式茶檔才會有的三字經 這裡一定要來 因爲肥佬佬細 隨口成文三字經 絕對是前無古人

伙記多過客，只掛住吹水傾計，完全沒有理會客人，多之如是。一班國內婦女只掛住傾計，講普通站仲多過廣東話。落錯單，漏單，比錯食物情況十分常見。一班員工完全唔係上心工作，只係掛住吹水。垃圾一間，新田最差，永不再去！

環境清潔，室內桌與桌間缺乏空間感，乃香港茶餐廳的常見現像，這裏地方雖不算寬敞但仍算合格，有室外座，方便一衆吸煙人士。食物方面，典型港式早餐講求製作速度，香港人工作步伐急速，事事求快，要趕上班，怎能久等，由點餐起計，第一道上的鮑片火腿絲通心粉只需二分鐘左右，隨後到的香腸煎太陽蛋只需大概5分鐘，凍飲亦只等了5分鐘，連帶吃及買單，筆者只用了約20分鐘時間。在味道及份量方面，火腿絲鮑片通粉，鮑片有4片，火腿絲也罵多，湯底不俗，就是粉焾身了點，非常欣賞他們的太陽蛋，燶邊香脆，蛋心盪漾，又香又軟！凍朱古力也帶有濃郁可可味道的佳品。

這裡的下午茶餐價錢也可以接受，我們兩人每人叫了燒肉瀨，切雞瀨各30元包熱飲和西多士18元。燒肉方面我覺得脂肪比例剛好，不會太多也不會太少，但皮太硬了，可能是燒過火了。切雞方面，我們叫了雞胸，因為喜歡不多骨，味道很好，也很滑，蔥油調味也不錯，很香。西多士也美味，有整個厚牛油和自己添加的糖漿，但多士不夠厚，很薄的一塊，還想再吃多一點的感覺。環境方面外面部分有設置冷氣，用膠簾圍着，但有客人吃煙，空氣不流通，建議害怕煙味的人不要坐在裡面，和裡面近門位置。裡面有電視看，地方也不是很窄，而且感覺很乾淨。

辦完公務，人在元朗，未知去向何方，湊巧路過此茶餐廳，又未吃午飯，便走進去吃個切雞湯河一祭五藏廟。切雞和湯河是分開上的，可避免雞的油膩滲進湯裡去。白切雞的份量不算太少，雞皮算少脂膏，是有雞味的，惟這隻必然是一隻很苗條的雞，沒多少肉吃，骨多於一切。湯河無甚味道，湯底需加些豉油才令整碗湯河提鮮。幼身河粉則不過不失，至少夾起時不會散修修邊吃邊跌，兼且很大碗，吃完已很飽。餐廳可能在倫敦是一哥，但在香港未必盡然，僅屬中等水平。

工作中晚餐，晚上附近更少選擇！去呢度因為門口有位泊，去到可以即刻入座！四人坐6人枱，唔迫！餐牌食物以茶餐廳一般嘅炒粉麵，本來叫炒貴刁，之後店員告知河粉賣晒！所以轉做滑蛋蝦仁飯！食物要耐心等！老火例湯：青紅蘿蔔豬𦟌湯夠熱，湯料用足，火喉夠！唔係味精湯！而且可以添飲！滑蛋蝦仁飯（$55）蝦仁爽口，滑蛋真係好滑，可以講比較生，加上大量蔥花，增加香味，白飯鬆軟！撈埋啲蛋汁唔乾好味！店員好友善，同事問例湯好味想添飲都無問題，上菜收碟都有問一句！同其他食客都有傾有講！今次嘅感覺比上一次好多了！

工作中午餐，撞正下大雨，由停車場行去餐廳一小段路已經濕晒，呢間店開張一段時間都未試過，今日來到未到下午茶時間，普通茶餐廳格局，光猛乾淨，坐在近門口四人枱，桌椅好迫，既然呢度以燒味命名，咁就叫燒味食！食物好快到！四寶飯（$43）上菜賣相正常，叉燒太瘦，所以又實又嚡，豉油雞比咗雞翼，所以皮多過肉，豉油味入味正常，雞肉尚算嫩滑，半隻咸蛋好靚仔，蛋黃泛油光，蛋黃微咸軟熟，正！蛋白整碎撈飯咸白，最後紅腸本來好靚粉紅色，軟熟好味，點知其中一塊反轉係好肉酸，啡黑又凹凹凸凸，好似放咗千年咁！極度反胃，白飯乾硬，淋咗豉油汁都無補於事！極度熱檸茶：夠熱但極澀，係飲苦茶咁澀，應該翻煲過了火，我完全飲唔到！食物飲品差，比錢時向其中一位店員反映，佢唔在乎咁笑笑無應我，可以嘅唔會再來！燒味都唔掂嘅燒味店