樂心快餐店

Open Now

Now Closed

晏咗少少起身，又唔係想食一個full lunch，經過呢間，2pm就有下午茶，諗住求其食啲嘢，點知有驚喜！叫咗個叉燒蛋包、熱檸茶走甜。見到個廚會先搽D牛油上包煎熱，係好有心機慢慢煎好兩面，跟住落叉燒，炒蛋，最後夾好個包落紙袋。見有位，就即刻坐低食，新鮮整出嚟真係好正！個包微脆，蛋唔太乾，有埋叉燒粒豐富咗個口感！ 十分值得推薦！😋😋😋個檸茶係正常茶記檸茶，ok 啦⋯⋯ 不過大家記住如果要走糖，就算係熱飲都要預先叫走甜，佢default係有糖。雖然我係下午茶時間嚟食，但其他時段都可以單買個包（$19）。提一提星期六佢哋係休息唔開㗎！

係尖沙咀食一餐閒閒地都成舊水所以試下呢間舊式快餐唔洗比運費，但又可以外賣速遞😌味道不過不失，普通茶餐廳味道💙黑椒雞扒飯份量適中，肉不會過少💚菜粒叉燒炒飯本身没有期望，但出奇地好食叉燒同菜粒份量不少，每一口都可以食到💛茄汁豬扒飯茄汁一般，冇乜味豬扒不會太乾🧡白飯$16+煎蛋$6有點貴❤️熱奶茶+$3雖然係預先加糖，但不會過甜，有茶味加$3就有飲品一餐一人$50埋單左右由叫餐到送餐大約十分鐘就到效率超快😂

樂心快餐店係柯士甸路多年，由細細個陣快餐店已經在這位置。餐牌上面的字都脫色了，便知道樂心有幾多年歷史！基本上樂心快餐店是主要是以外賣為主，而店內只提供四個座位給你堂食，所以地方較擠迫。樂心快餐店都提供不少小炒，而且價錢公道，份量亦很多，性價比高。快餐店更有早餐、下午茶餐、沙律等等...以迎合不同時間、食客的需要。最後我點了下午茶餐，炸雞脾加薯條,  雞肶原本已整到5-6成熟，下單時即叫即再炸， 一陣香噴噴的香味撲鼻，完成後加點淮鹽，外皮香脆，而且肉質嫩滑。 

尖沙咀吃飯真係好貴，早2日跟同事吃lunch，差唔多每日$100，重點：唔係特別好吃今日，自己揀，當然吃平d，幫補返。之前見間快餐店門面+價錢，唔敢吃今日一吃，又覺得ok wo。$37飯+$3紅豆冰。抵吃。

好耐冇試過食舊式快餐店。。。加上趕時間。。所以經過打算食個快飯。。叫了一個黑椒牛扒飯。。汁尚算足夠。。對於多汁的人是一個好選擇。。。但汁太咸。。沒有黑椒味道。。咸味偏重。。。食了兩三啖就不食。。飯粒軟硬度適中(唯一優點)。。。算了。。下次都不要一時貪快食這些快餐店。。門面尚算清潔。。價錢值宜。。但煮餐用具污穢。。制作時間很快。。服務態度不耐煩。。只說多一句少飯就黑面。。。更說指令太多。。不耐煩丟飯盒。。。味道太咸。。。食完超口喝。。。不可一不可再

舊式快餐店，香港見少買少，經過見到佢舊嘅快餐裝修被佢吸引，叫咗個椒鹽排骨飯做晚餐，有獲气，40幾元，見到餐牌有好多選擇，唸到食乜就有乜。下一次試吓呢啲快餐店薯條，應該會好掂

事原食完丟那星炸雞個胃投訴唔夠喉咁就9秒9沖落樓下去樂心補飛 炸雞脾真係唔講得笑佢間野正宗係我們集體回憶依家應該無咩地方（尖沙咀）仲可以揾到呢d老式快餐店，淨係個價錢夠吸引啦$16即叫即炸仲加淮鹽，真係邊殊揾呀

是日外賣下午茶, 點了炸雞脾+薯條, 凍檸茶少甜. 外賣到時, 一陣炸雞脾的香味撲鼻而來, 本來不大肚餓, 但也即引起我的食慾. 大口咬下去, 皮好香脆, 肉也算嫩, 但味道的確失色, 我想這真的係傳說中的生炸雞脾, 係沒醃過那種. 所以味道差了點, 可惜. 薯條有點淋, 似乎沙律好點. 凍檸茶少甜, 比一般茶餐廳淡一點, 正合我意. 至於快, 係送外賣的速度真係驚人, 落單至送上來, 只有二十分鐘, 但我們叫了七份外賣喎, 路程都要十分鐘架...

點解樂心得一個食評架？以前係附近讀書，樂心成為我地快速處理午飯的途徑之一，亦成為讀書生涯的一個特別回憶。食物都是普通快餐($25連飲品)，夠鑊氣，亦很熱氣，幾喜歡食d炒飯，炒河又可以轉炒意粉，幾ok啦，有點油膩，不過勝在快!!最喜歡佢既凍檸茶，凍朱，紅豆冰都好正，不過幾飽。薯條即炸，十零蚊又一飯盒咁多，可以試~衛生，哈哈，算啦，唔好要求咁高，食完都生生猛猛就當睇唔到啦~~服務，無予置評。XDD

我係附近返工, 成日都會叫樂心既外賣...特別推介佢既椒鹽豬扒炒河, 豬扒夠惹味, 加埋炒河仲正.佢既西多士亦幾特別, 因為佢會幫你落煉奶而唔係糖漿, 有人覺得太「漏」, 但我自己就好鍾意.最後要讚下佢地既效率, 次次落完order後10min內就送到.