162
64
72
7-min walk from Exit B, Tin Hau MTR Station continue reading
All Branches (2)
Telephone
28828227
Introduction
Cafe Locomotive use beef bones and various spices to simmer into a rich tasty broth, to be accompanied by thinly slices of imported beef . You should first taste the rich broth, take a small spoonful of noodles with a pinch of lime juice, fish sauce and various Vietnamese herbs in order to fully enjoy this noodle. continue reading
Good For
Drivers Friendly Dining
Opening Hours
Today
11:30 - 00:00
Mon - Sun
11:30 - 00:00
Payment Methods
Visa Master Cash AE
Number of Seats
28
Other Info
Alcoholic Drinks
May Bring Your Own Wine Details
Cake-cutting Details
Parking
Phone Reservation
10% Service Charge
Signature Dishes
Locomotive Signature Rice Noodle Soup with Beef Shredded Chicken & Cabbage Salad Beef Fondu Pork Liver & Beef with Vermicelli Soup Big Head Prawn with a choice of: baked with garlic butter/ cooked in coconut broth Ginger Lemon Creme Brules with Cinnamon Sugar French Toast & Ice-cream
Review (324)
Level4 2020-10-21
152 views
約咗朋友喺港島區諗住去大坑嗰邊晚飯, 人流冇咁多又唔算離地鐵站太遠。沿路都有好多特色餐廳, 朋友鍾情『火車頭越南餐室』, 裝修好別緻, 燈光柔和, 帶點法式小館嘅風情, 晚上的氣氛一流。紅酒燴牛尾$148牛嘅味道好濃郁, 牛尾炆得夠腍夠入味, 唔會好大嚿 size 啱啱好,否則就吃得較狼狽。 加入大量洋蔥和其他香料淆製而成嘅紅酒汁味道芳香有層次, 唔會帶酸味和苦澀, 忍唔住配一碗白飯! ( 份量超大要二人share😋)大蝦芒果米紙卷$73米紙卷仲係好軟熟唔會乾爭爭, 大蝦 堅夠鮮甜, 唔係雪藏蝦仁貨色, 配合甜甜的芒果 和幼細嘅蔬菜絲, 粉絲, 非常美味的餐前小吃。唯獨是附設嘅醬汁 類似海鮮醬,味道太濃太甜, 搶咗米紙卷嘅天然鮮味。青檸梳打$32青檸味好開胃又消滯, 梳打夠氣!生牛肉湯河$79目測份量唔細, 先試湯底~ 嘩牛肉湯味道好香濃, 唔可以食太慢因為河粉會索哂湯底。 牛肉切得好薄 ,入囗夠嫩! 河粉又滑又爽!當然仲有越南河粉地道配菜: 芽菜,檸檬葉,辣椒粒和青檸, 按個人喜好先放入湯河, 咁樣食法就夠晒圓滿~ continue reading
(The above review is the personal opinion of a user which does not represent OpenRice's point of view.)
Level4 2020-08-10
354 views
今日要去天后覆診,睇完醫生,見時間尚早,決定過去大坑逛逛,順便買些外賣回家做午餐。有人話想食越南菜,記得浣紗街有間「火車頭越南餐室」,趁還未到午市繁忙時間,人流不多,一於過去八下。到埗後,先在門外細看餐牌,原來餐廳午市有套餐供應,選擇非常豐富,共有 18 款,定價由 $59 - $83 不等,套餐包飲品,另外亦可以加錢配一份小食。我揀咗兩個套餐,另外加入咗兩份小食。由於食物製作需時,店員讓我先進餐廳內坐下等候, 服務非常貼心。越式牛柳粒紅飯 ($79)  配羅漢果蜜 + 越南炸春卷 ($22)先試下個越南炸春卷,由於拿回家有一段路程,所以吃時春卷嘅外皮已經唔算好酥脆,不過入面嘅餡料很豐富,有紅蘿蔔絲、木耳、蔥花和豬絞肉等,加上入口不油,食味亦不俗。牛柳粒同紅飯各自分開盛載,牛柳粒肉質甚佳,夠鬆軟又嫩滑,牛味濃郁,可口味美,而配料亦下得很慷慨,有三色椒和洋蔥等。紅飯經番茄炒過,入口酸酸甜甜,茄味包裹住每粒米飯,口感不油不膩,配上多汁牛柳粒,老少皆宜!菠蘿大蝦炒飯 ($79)  配檸檬紅茶 + 燒豬肉柚子蝦片 ($18)燒豬肉柚子蝦片很有驚喜,墊底嘅蝦片雖然唔算好脆口,但面頭嘅豬肉燒得很香口,加上淋滿了柚子醬,食落酸酸甜甜,好醒胃,伴以米粉、青瓜絲等一起吃,口感很豐富。另外盒菠蘿大蝦炒飯亦做得甚有水準,個賣相非常靚仔,材料除了菠蘿和大蝦外,還有肉鬆、腰果、提子、雞粒、蛋絲、青椒、洋蔥等,用料十足。飯身軟硬適中,粒粒分明,火侯拿捏得剛剛好,味道不錯。跟餐飲品點咗凍羅漢果蜜同凍檸檬紅茶,羅漢果蜜清清甜甜,幾好味;檸檬紅茶夠茶味又夠檸味,而且拿回家時仍非常冰凍,解渴一流! continue reading
(The above review is the personal opinion of a user which does not represent OpenRice's point of view.)
Level4 2020-06-24
317 views
火車頭越南餐室 在浣紗街, 是我喜歡的東南亞菜式餐廳. 環境裝修幾好, 有用心設計過,  抬頭看見國際時鐘及那些行李箱, 感覺身在火車站, 座位整齊, 客人也不少.我們特別喜歡卡座, 因為佈置有點像正在坐歐州長途火車, 於車廂內 吃晚餐, 好寫意.餐牌食物選擇多,  有不少地道越南菜, 及東南亞美食 .有特式小食, 河粉, 豬, 牛, 雞, 海產, 款式多, 價錢老實.看看  “火車頭“  晚餐,  有 二人, 四人套餐,  食物組合不錯.我們細心選擇, 結果點了  小食拼盤,  賣相好靚, 拼盤放置於高腳座上,  好像 High-Tea,  實在吸引.食物好豐富.  有 青木瓜沙律,  兩串沙爹雞肉串燒, 越南扎肉, 春卷生菜包, 加上兩籠蒸粉包, 份量不輕. 先吃 青木瓜沙律.  青木瓜, 蘿蔔絲及生菜好新鮮, 加上酸酸甜甜的醋汁, 好開胃.沙爹雞肉串,烤得表面微微焦香,  帶點濃濃的燒烤味, 雞肉吃起來嫩而不乾, 肉質嫩滑, 點些沙爹及花生混和醬, 醬汁惹味, 蠻好吃.  籠蒸粉包,每籠一件, 蒸得熱, 有點像中式的粉卷.  粉包皮滑, 內餡滿滿, 有肉碎, 熟蝦和菜絲. 越南扎肉, 百吃不厭.春卷生菜包, 春卷剛炸好, 皮脆香甜, 生菜作伴, 卷同一起吃, 又爽又脆, 減輕油膩感!蔗蝦.   我們好仲意的越南菜色, 蝦膠包裹著甜蔗, 炸得表面金黃色, 口感外脆內嫩, 配酸甜醬.  超好食!紅酒燴牛尾牛尾經長時間的 炆煮, 集合多種香料來提升味道, 又 吸收紅酒, 帶來豐富濃郁的牛香味. 配上白飯同吃, 牛尾味的精華好香口, 而且牛尾肉口感軟稔.  美味.食物質素好, 又多選擇, 我們更喜歡在那火車箱內吃餐的氣氛. continue reading
(The above review is the personal opinion of a user which does not represent OpenRice's point of view.)
雖然不少朋友都很喜歡吃日本菜,但對於我來說,我對於越南菜更情有獨鍾。之前去過河內及胡志明市旅遊,都被越南菜獨特的口味,食材味道層次豐富而深深吸引。火車頭越南餐室已經不是第一次去,食物高質,價錢合理,性價比高,絕對是我常去的餐廳之一。今晚途經天后就決定入大坑再食一餐豐富的越南菜。之前通常點米紙卷,但今次就試一試新菜式:香茅牛肉蝦片及燒豬肉丸生菜包。另外必點的有:火車頭招牌湯河、酸辣去骨鳳爪及馬拉盞通菜。火車頭招牌湯河用料十足,價錢不算貴,雖然河粉並未用上越南正宗河粉,但湯底十分清甜,充滿牛肉味。而且麵上菜式選擇很多,包括了牛的不同部位,半生熟牛肉片、牛根、牛柏葉、牛丸等。牛肉片肥膏不多,但絕不嚡口;牛筋炆得很入味,而且腍,充滿濃濃的骨膠原;牛柏葉則很爽口,沾上牛肉湯湯底滋味十足。另外配有大量芽菜、九層塔、青檸及辣椒粒,浸在湯裏令到本身鮮甜的牛肉湯底更有一份清新感覺,這亦正正展現了越南菜味道層次豐富的優點。至於酸辣去骨鳳爪份量亦算多,而且無骨鳳爪吃起來更加方便。味道酸酸辣辣,十分開胃,很適合現在這般炎熱的天氣進食,吃完後令人食慾大增。馬拉盞炒通菜則有點泰國菜的感覺,味道偏濃,配飯或河粉吃更加適合。炒通菜帶有少少辣味,通菜本身空心的特性能夠沾滿足夠醬汁,很香口,十分推薦。至於香茅牛肉蝦片頗有驚喜,蝦片上放上香茅牛肉片,上面則再有米粉、香料及三色燈籠椒。一來牛肉腍身,三色燈籠椒就惹味爽口,而蝦片爽脆,三種口感出奇地相配。對於吃厭米紙卷的人可以試選擇這道菜式。至於燒豬肉丸生菜包則最有越南當地風味的一道菜。我在河內一間路邊小店吃過豬肉串生菜包,味道跟這個是一模一樣,唯一不同的是豬肉串改成了丸狀。豬肉丸味道偏甜,口感彈牙而且可以吃到豬肉肥膏粒,十分香口,配上生菜及蘿蔔絲,亦可點上酸汁就更加好味!我覺得在香港已經很難找到一間正宗的越南菜餐館,雖然火車頭越南餐室菜式的味道亦有少少「港化」,但整體來說質素仍然很高,味道似正宗越南菜但同時適合香港人口味,加上環境裝修精美,坐得舒服,店員服務周到,值得一去再去! continue reading
(The above review is the personal opinion of a user which does not represent OpenRice's point of view.)
Level4 2020-06-03
240 views
平日晚餐 收工由銅鑼灣行過大坑搵食😋住喺附近嘅朋友介紹依間火車頭越南餐室環境都幾舒適,幾chill 🤞🏼🤞🏼選擇都幾多,而且價錢相宜。 由於唔算太肚餓,所以都唔係叫咗好多嘢,咩都試下😛😛牙車快沙律雖然未食過,但係個名幾得意,所以一於試試🤗有少少大樹菠蘿絲,所以有微甜 微酸 越南香葉金不換令沙律非常清新,口感爽脆,略帶少少濕潤好味! 推薦👍🏼👍🏼香茅胡椒大蜆炒粉絲一嚟到香氣撲鼻😋😋果然係大蜆! 隻隻都好大,食落幾鮮甜粉絲好好食! 除左大蜆,仲有其他配料,例如,芽菜、青椒、紅蔥頭等等,香口得黎,口感豐富!蒜香牛油雞中翼見到賣相已經心心眼😍好多乾炸蒜呀~ 大大隻雞翼咬落Juicy👍🏼唔會乾晒柴,唔錯 每咬一啖都可以開少少蒜頭,重口味必食之選😎😎最後食埋個甜品心太軟配雪糕好溫暖呀🤗🤗不過雪糕相對溶得幾快,要嗱嗱臨食呀!成餐飯食得幾開心兩個人用左$370幾左右都ok ah☺️☺️ continue reading
(The above review is the personal opinion of a user which does not represent OpenRice's point of view.)