6
2
0
Exit D1, Hung Hom MTR Station continue reading
Telephone
27215161
Opening Hours
Today
12:00 - 18:00
Mon - Sun
12:00 - 18:00
Payment Methods
Visa Master Cash AE
Number of Seats
20
Other Info
Wi-Fi
Alcoholic Drinks
May Bring Your Own Wine
Delivery
10% Service Charge
Review (8)
呢排食左兩個tea 都幾值得講下,先講第一個,來自一間我好有感情嘅酒店,海景嘉福洲際酒店,熟悉我都知呢間係我結婚嘅酒店,逢親推介呢間嘢都特別有啲感情分。 美酒同朱古力你都熱愛嗎?如你同樣喜愛,呢個下午茶一定要介紹你。 海景嘉福洲際酒店聯乘Baileys 甜酒以及南美朱古力品牌Republica del cacao出左個tea set,仲要有staycation優惠,不過當日已經準備入住隔離個間Rosewood staycation ,於是就食個tea算。 當日就係大堂食呢個tea,係度食特別有感而發,結婚兩年,就發生社運再Covid,記得以前話走就走,而家無旅行去,想走都無得走。 提子乾英式鬆餅配英式濃縮奶油及果醬係必要,當然不能同文華同日而語,但有啲質素。 鹹點有檸檬香草醃蝦多士,牛肉芝士玉米片,甜粟米雞粒釀墨西哥辣椒、煙三文魚牛油果脆餅,三樣都好精彩。 當中甜粟米雞粒一定最正,用上鮮甜日本粟米,好特別,你會想單點多一件。鹹點有檸檬香草醃蝦多士,牛肉芝士玉米片,兩種都係好似墨西哥嘅style一樣,如果你同樣鍾意南美嗰種乾身又多酸味而又開胃嘅風情,你一定會鍾意。 甜點有六種,番石榴杏仁啫喱配意大利藍芝士香草蛋糕,牛油果醬黑朱古力紅桑子忌廉脆餅、花生醬牛奶朱古力熱情果蛋糕、百利甜酒海鹽焦糖粟米餅、百利甜酒朱古力咖啡迷你蛋糕,Baileys 甜酒嘅甜品就當然會令人為之著迷,其他如朱古力紅桑子忌廉脆餅、加上牛油果醬後,味道令人難以忘懷。 不過要講最特別,就一定係番石榴杏仁啫喱配意大利藍芝士香草蛋糕,咬落去就係一件非常之正常嘅甜品,但係之後藍芝士味突然蜂擁出來,如果你一個不留神唔係芝士迷嘅話,相信呢個會係你嘅惡夢,但如果你同我老婆一樣都係芝士迷,你應該會想食多一件。 最推薦一定係黑朱古力帽,南美嘅朱古力品牌Republica del cacao真係未試過,食落去嗰種濃烈都幾令人喜歡,人人都話食黑朱古力可以健康減肥,我希望可以食多幾件。 最驚喜係當日竟然見到大廚,大廚見到我哋仲講吓佢點準備呢個下午茶添。 第一次嚟呢度食Tea,整體感覺真係覺得幾好,同下間推薦都一樣唔錯,下次同你介紹Rosewood嘅蝴蝶房。 continue reading
(The above review is the personal opinion of a user which does not represent OpenRice's point of view.)
自從多了時間四圍走,可以做自己最開心既事,就係飲飲食食。以往好少接觸下午茶,原以為是女士們的專屬領域,但細心感受,卻是另一片天地。以往每次到海景嘉福洲際酒店,9成都是光顧海景軒,就連母親最後一次壽宴都是找梁師傅寫菜單。是日晚上另有聚會,正好有時間試試酒店饒有特色的Afternoon Tea Set。甜點師選用了品牌 Republica del cacao,結合Bailey甜酒,設計出充滿了南美風情的下午茶,而供應期至明年一月底,兩位享用不過$538(另加10%服務費)摒棄一般的三層架,換上了一個猶如收藏金銀珠寶的木箱,既獨特又有趣。就連餐單都分為中英兩個版本,正好睇Menu學英文。鹹點檸檬香草醃蝦多士講起蝦多士,相信好多人會第一時間諗起懷舊菜,但今次係個美麗的誤會。原隻鮮蝦配以檸檬dressing及香草,味道清新怡人,不錯。牛肉芝士玉米片小巧的一件,牛肉軟熟可口,與芝士的組合,又沒有違和感。甜粟米雞粒釀墨西哥辣椒小心一拎上手就會散開,墨西哥辣椒感覺不太辛澎湃,反而辛香刺激了食慾,都幾好味。煙三文魚牛油果脆餅大家有無發覺,除了鬆餅,三文魚係下午茶佔了一個好重要地位,可以話係常客。好多時三文魚係配麵包類,而今次甜點師配以牛油果脆餅,效果又幾好喎。甜點番石榴杏仁啫喱配意大利藍芝士香草蛋糕賣相簡單不過,外表睇毫無殺傷力,但內裡暗藏玄機,因為Blue Cheese 味道濃烈,一咬之下,芝士味洶湧而出,其實真係好極端,喜歡重口味芝士的朋友,相信不會失望。牛油果醬黑朱古力紅桑子忌廉脆餅驟眼睇仲以為係鹹點,咬落先見真章,本身都幾甜,但有紅桑子作平衡點,又有牛油果醬的滑溜,我喜歡。花生醬牛奶朱古力熱情果蛋糕置頂以為係花生粒,原來是金朱古力 Dulcey,因為在製造過程中加入焦糖化的牛油,令它帶有金黃色外表與焦化牛油的味道,味道非常獨特,但相對甜度較高。百利甜酒海鹽焦糖粟米餅家陣下午茶已不單是飽腹又或是消磨時間,而是在視覺效果上有所要求。這個迷你粟米,象真度極高,質地軟綿,在甜香中夾雜少許海鹽及酒香,味道非常獨特,超鍾意。百利甜酒朱古力咖啡迷你蛋糕有點玩味,在迷你蛋糕插上吱吱筒,內裡是Bailey甜酒,食之前把甜酒注入蛋糕,令口感多了一朕濕潤的酒香。亞馬遜黑朱古力帽賣相別緻可愛,黑朱古力濃度高,係我杯茶,入口感覺甘甜,加入爆炸糖好特別。提子乾英式鬆饼英式濃縮奶油及果醬好多時都會覺得鬆餅太大件,兩款口味共4個,食到一半已經覺得好飽,往往會食剩。想不到今次遇上迷你版,仲好,從中撕開兩半,分別塗上Clotted Cream 同果醬,掃光無難度。餐後來杯摰愛的Earl Grey Tea,慢慢感受佛手柑的幽香,消弭舌尖上的甜膩感,真好!   continue reading
(The above review is the personal opinion of a user which does not represent OpenRice's point of view.)
✨整體一般✨.最近去咗海景嘉福洲際酒店staycation,當中包括咗IPSA外帶下午茶及自助早餐~呢篇主要略寫呢兩樣✨.外帶下午茶:.自助早餐:.IPSA外帶下午茶整體正常,賣相冇特別靚,味道屬「擺得入口嘅質素」🤣唔差嘅~沒有期待就沒有失望,同埋好似特別細件,所以都唔洗擔心食完會食唔落晚餐😚..至於自助早餐同樣係普普通通,無論環境定食物或服務,都比唔上我早排去嘅港島海逸君綽酒店( ˃ ⌑ ˂ഃ )沒有對比便沒有傷害~..外帶下午茶外觀:.自助早餐環境: continue reading
(The above review is the personal opinion of a user which does not represent OpenRice's point of view.)
依家無得飛✈️好多朋友都會選擇去staycation我地都唔例外 👧🏻呢排去左呢間酒店 一連三個post 會同大家share 下今次嘅嘢食排💕👧🏻 #feiching_staycation👦🏻👧🏻 #feiching_foodie下午茶👦🏻🌟Afternoon tea set $538 for Two Persons 因為係package 關係 唔同平時會係餐廳食今次就係以外賣形式 雖然無左個打卡三層架但外賣嘅包裝比人嘅感覺都好高質😍佢嘅質料非常硬淨 唔錯唔錯食呢個tea set 嘅時候比較飽 所以都唔係每一樣嘢都細味品嚐🤭價錢黎講 如果以正常價黎講就算係普遍酒店價位但呢間嘅嘢食係相對上比較多 賣相都幾吸引嘅🥳值得一提嘅係 提供下午茶嘅套餐會係酒店大堂享用而個段時候會撞正一大堆人check in 如果想去嘅話 就要考慮埋呢樣野啦🙈Afternoon tea set 包括以下呢啲嘢食😉🌟煙三文魚及三文魚籽香草酸忌廉小麥餅🌟香煎鮮蝦配牛油果醬青瓜片🌟香烤意大利青瓜配香草芝士及燒蕃茄卷 🌟黑魚籽魔鬼蛋 🌟巴瑪火腿、軟芝士杏甫多士 🌟Moët & Chandon 香檳啫喱伴金箔覆盆子慕絲 🌟荔枝白朱古力醬撻 🌟Moët & Chandon 香檳士多啤梨法式蛋糕 🌟玫瑰纸杯蛋糕 🌟Moët & Chandon 香檳馬卡龍 🌟原味英式鬆餅及香橙提子乾英式鬆餅 配德文郡奶油及草莓果醬 📎staycation 資訊今次join 左嘅係海景嘉福洲際酒店嘅staycation package成個package $1782 入住期間會包三餐🤩雙人Moet & Chandon香檳下午茶雙人3道菜海鮮晚餐連Moet & Chandon香檳2杯雙人自助早餐同埋 會送一支大概200mL 嘅Moet & Chandon香檳比大家拎走提提大家 如果想加床 可以預先致電酒店book 埋架⚠️注意:不是廣告📍#尖沙咀 #尖東📌海景嘉福洲際酒店 Lobby Lounge尖沙咀麼地道70號🚇尖東港鐵站 (P1 出口) 及紅磡港鐵站大概十分鐘路程 continue reading
(The above review is the personal opinion of a user which does not represent OpenRice's point of view.)
️海景嘉福洲際酒店與IPSA crossover 的下午茶。❇️頂層甜點:藍莓迷你蛋糕、燕窩草莓啫喱配朱古力撻、覆盆子馬卡龍❇️中層鹹點:厚切煙三文魚香檸法蔥酸忌廉、香煎帶子及黑魚子配青瓜、雪莉甜酒醬油醃西冷牛柳多士、香草魔鬼蛋、巴馬火腿軟芝士杏脯多士❇️底層甜點:幻彩柚子芝士慕斯餅、紅豆抹茶泡芙❇️另外,還有原味及提子乾英式鬆餅配濃縮奶油及草莓醬🌀整體而言,底層的甜點比較出色,紅豆抹茶泡芙的抹茶味香濃,有啖啖的茶香,而且還有紅豆蓉,有雙重口感。幻彩柚子芝士慕斯餅味道清新,口感非常滑溜👍 其餘的甜品不過不失啦!鹹點的味道比較普通,沒有太大驚喜。另外,送上IPSA 護膚品試用裝😊❇️茉莉花茶、伯爵茶🌀第一次飲TEATW 1837 的茶包,茉莉花味好香濃👍 伯爵茶的佛手柑味重👍❤️個人都好喜歡這兩種茶。 continue reading
(The above review is the personal opinion of a user which does not represent OpenRice's point of view.)