LMM 檸濛濛手打香水檸檬茶 (Closed)

無意中發現凍檸茶專門店！經過人來人往嘅旺角，天氣又熱又焗，見到呢間凍檸茶專門店，真係好似沙漠中見到綠洲🫠第一次當然要試下招牌檸檬茶$28 該店用左精品香水檸檬，果味非常濃郁，酸度適中，自帶獨特的清香味。茶同檸檬汁嘅比例岩岩好。叫左3分甜更加飲得出檸檬真味。冰度冇得調較，可能想濃度統一啲～雖然檸檬茶黎講係偏貴，但飲落用料幾好～現場有十個人但係都好快就到我，下次要試下鴨屎檸檬或者黃金皮蛋檸檬茶🤫🤫最鍾意試奇怪味😝

唔知點解檸檬味咁淡，個杯裡面檸檬片都唔算少，但係我篤極佢都係咁嘅味，冇變濃到。茶底飲落幾香，但係主打嘅檸檬方面就實在令人失望，覺得唔值40蚊。睇黎個冰同檸檬汁嘅比例要改善下

夏日炎炎，經過見到大大隻字檸檬茶，便吸引我入去，這店主打各款檸檬茶，仲要爆檸很吸引呢，第一次試便試一試他們推薦嘅鴨屎香檸檬茶，甚麼是鴨屎香我不知道，見係一種茶的名字。後來，上綱一查先知原來係烏龍茶的一種，在內地很受歡迎的茶，亦係常用來做 檸檬茶的一種茶。 飲後感： 鴨屎香嘅茶的香味很特別，有D茶韻有丁點澀，用來做檸檬茶（其實係青檸整嘅檸檬茶）的確很配合。 7分糖不會很甜，我覺得剛剛好。 整體不錯，下次經過一定會再幫襯。