82
46
35
7-min walk from Exit B1, Tsim Sha Tsui / East Tsim Sha Tsui MTR Station continue reading
Introduction
此店供應來自內蒙古的羊肉作火鍋配料,配以中藥調製的湯底,可謂藥膳的一種。除招牌涮羊肉外,還有大量具蒙古特色點心,再加上fusion式的蒙粵點心,即叫即製。 continue reading
Opening Hours
Mon - Fri
11:00 - 00:00
Sat - Sun
10:00 - 00:00
Payment Methods
Visa Master Cash UnionPay
Number of Seats
250
Other Info
Alcoholic Drinks
May Bring Your Own Wine
VIP Room Details
Parking
Phone Reservation
10% Service Charge
TV Broadcast
Signature Dishes
口水雞 蒙古羊肉火鍋
Review (183)
Level3 2015-02-25
4677 views
好耐無耐同美國既戰友見面,今日決定食小肥羊聚一聚。天氣吾算凍,甚至有點回暖,但大家都好有興致食火鍋。小肥羊係深圳食過,係值得推薦。但香港既就未試過。本身以為小肥羊係點菜形式,點知係自助。佢標明每人$153,加好似$12就任飲。我全程無出過去拎野,因為坐係入面,多謝戰友SERVE我。湯底無特別,只係豬骨湯。佢一張紙可以寫紙叫野食。較為特別既係有年糕。佢每一台都會送一碟羊,我地一半人吾太好羊,本人就OK既,食落羶味吾算重,肉質鮮紅,算新鮮。食落都幾好味。佢既墨魚丸好細粒,但味道濃,值得試。其他就一般。 continue reading
(The above review is the personal opinion of a user which does not represent OpenRice's point of view.)
我和同事想飲茶的時候,都會到小肥羊。曾經每次飲茶都會去稻香,但稻香沒有了特價點心,二人來說比較貴。還是去小肥羊午市任點任吃,埋單二人145。我們二個女人仔,竟然點了接近二十籠點心,有點變態。但我們沒浪費的,全部均沒剩,所以更變態,哈哈。灌湯餃是湯浸餃,饀料是豬肉,味道不錯。碗仔翅幾次也不夠熱。蝦餃蒸得太久,發漲了,否則也不錯的。涼菜這兒做的比較出色,我們多數全點。必點的燒賣雖然蝦肉份量少,但任食當然會點。整體來說,在尖沙咀區吃午餐平均價是每$人80,這兒吃點心自助餐也是約$80,坐位闊落,十分抵吃。 continue reading
(The above review is the personal opinion of a user which does not represent OpenRice's point of view.)
Level4 2014-12-12
3449 views
朋友同我補祝生日,最後決定打爐其中一個朋友先入座,雖然冇人迫佢快d落單,但枱上面就資料不全;如果唔係我地o係門口發現有分散叫同任食,可能就傻更更叫左任食架喇兩樣野價錢可能唔差得遠,但我地認為冇乜必要任食叫左個椰子雞湯底,上到黎係一層油舖左o係湯o既上面...都算,揀好哂野食,個部長拎住張機印單行埋黎話打多左個粟米問我地要唔要,我地就話睇下幾大碟再決定隔左幾分鐘佢又行埋黎問多左碟要唔要,我地再答多一次之後同時黎左幾樣野,見到兩碟粟米,我地6個人,至少一人兩舊,又唔係個個都勁鐘意食粟米,於是叫佢cancel返一碟,佢竟然話「都唔係好多o者,一人食多兩舊食得哂o既!」有冇攪錯呀部長,你唔想改單係你o既事,邊個叫你一開始入錯?冇可能屈人要另外仲黎錯碟海膽丸,我叫佢拎走話黎錯左,佢又出招「唔係呀,你地叫架...」我朋友叫佢拎返我地畫o個張同機印單黎對,畫o既同入機都冇錯,真係你地廚房俾錯野囉好冇其他侍應都正正常常,會主動加湯加茶咁,唯獨是呢個部長好似唔知發生咩事咁,明明佢地有問題仲屈返個客轉頭,真係唔會再黎. continue reading
(The above review is the personal opinion of a user which does not represent OpenRice's point of view.)
Level2 2014-10-03
5280 views
好耐冇食小肥羊,早5-6年食覺得佢都唔差,見有團購就再試下事隔多年,原來已經退步到好難食嘅地步!$98加埋一其實要$120但冇任飲,連最基本嘅羊肉都冇任食,得d丸呀腸呀菜呀咁所以我地加 任飲$18 同 "豪華任食區"$48加加下都要差不多$200位心諗如果好食,價錢仍是可接受的,點知好難食鴛鴦湯底 - 清湯死咸,食完好口渴;麻辣好多油,但一d都唔辣普通區:肥牛 - 好肥,好薄冇肉味腸丸類 - 普通貨,不過不失粟米 - 好硬,唔甜好多渣豬紅 - 有臭味即吐出來豪華區:有三種羊肉,但分別不大基圍蝦 - 尚算新鮮其餘的象拔蚌,花膠,乜乜海鮮等全部暗黑色,睇見都唔敢食試落一舊,有臭味,同經理講,例牌回應:係咁架喇!加錢飲品 - 只有百事,康師傅等廉價貨食左一半已經唔想再食未試過打邊爐覺得咁失望係完全搵唔到一樣野好食奉勸大家:千祈唔好試! continue reading
(The above review is the personal opinion of a user which does not represent OpenRice's point of view.)
今日喺呢頭附近做完野~心血來潮想做下邊青~於是即時搵腳~好開心粉絲肯陪我~可能因為時間太早,所以好多地方都未開始做晚巿,抬頭望見小肥羊~胆粗粗去問下~去到門口,燈都未開諗住調頭走,見服務員阿姐由大堂叫出黎問我地几多位,話已經可以入坐,我當然好高興咁同佢講兩位並即時入去坐啦~!!成個場得我一張始,可任我自己揀個心儀的位置!!我就揀左個可以望到街境的~服務員阿姐好好~佢話可以等我地落煲點菜先開始計時~(任食時限兩個鐘)一邊等粉絲一邊做下文件野~好快粉絲都到了~我地可以開餐~!我地點左佢最出名的鴛鴦煲,我辣佢唔辣~無比適合~今時今日小肥羊的辣真係唔及當年的辣~真係想食麻辣的人真係唔會談得上~~粉絲的葯材煲都唔係咁重口味~兩種感覺都強差人意~呢個招牌已經失色太多!!之後我地就點埋D配料~真係太期待~先來一個健康的雜菜籃~充實一下個肚~免得食太多肉類雜菜相當新鮮,又冇黃葉,唔會切得太細件一烚就縮晒水~ 唔錯~炸魚皮真係令人失望~唔脆之餘仲好似炸起好耐~又硬又淋~打邊爐配料可能因為任食的關係,除左牛肉同羊肉出品好少少之外,其他出品一般肥牛真係好肥~好多時肉同脂肪比例係3:7,真係肥左少少...羊肉唔係好重羊味,而且一烚就軟晒~變得好細好粹~烚好多先得一小啖~海鮮方面感覺真係失色左少少,款式唔多又唔覺好鮮味,有D話未有貨~!(我心諗我地咁早去都冇貨...到底係咪冇入貨?!)當中有D可加錢任點,但種類唔係咁吸引!!一邊傾一邊烚~服務員小姐都好少黎打搞~連加茶水倒水都係要我地自己去~確係好''自助''形式~其實我地都唔係太介意,但佢地唔好扮睇唔到先得架~最後埋單就最快手~唔經唔覺我地都坐左3個几鐘~!真係痛快~!除左打邊爐的美食,餐廳仲有几款涼伴供應,所謂的涼伴由六點起提供,有雲耳青瓜,麻辣芽菜同鷄翼尖.我地第一手出去拎~睇落感覺已經唔係咁’涼,’入口感覺到室溫左一段日子~食左真係有少少怕會肚子出事~HA….總括黎講..這個價錢的話,先放下自己的要求及幻想~難得可以即時食到想食既野~已經好開心~!!  continue reading
(The above review is the personal opinion of a user which does not represent OpenRice's point of view.)