111
51
26
6-min walk from Exit A1, North Point MTR Station continue reading
Telephone
25719822
Opening Hours
Today
11:00 - 05:00
Mon - Sun
11:00 - 05:00
Payment Methods
AlipayHK Alipay Cash
Other Info
Open Till Late
Delivery
Live Sports Broadcast
Spot payment
Review (210)
Level4 2020-11-07
63 views
以前喺北角返工,間唔中都會和同事來「小辣椒」吃午飯,餐廳午市以粉、麵及客飯為主,價錢非常經濟,幾十蚊已經有交易,而且要仲免收加一,十分抵食。今晚約咗朋友聚舊,佢建議來「小辣椒」開餐。太好了!又可以重溫餐廳嘅滋味小菜。店舖雖然係以川菜作主打,不過其實餐牌上還有很多不辣嘅菜式,所以就算不嗜辣者也不用擔心。友人向來識飲識食,所以今次點菜嘅任務,就交由他發辦。先嚟兩杯凍飲同兩款冷盤。雞絲粉皮賣相唔錯,粉皮晶瑩剔透,面頭鋪滿了青瓜絲和雞絲,入口味道非常清新,蘸上滋味濃郁嘅麻醬,口感更加滑溜,吃起來別有一番風味。蒜泥白肉亦很值得一試,五花腩片厚薄適中,食落爽彈入味,而且不會太肥膩,能嚐到豬肉的嫩香。蒜泥汁微辣帶甜,配腩片吃,口感極佳。主菜點咗枸杞鱸魚湯、鐵板黃鱔 同 松鼠鱸魚,哈哈,全魚宴, 估唔到友人同我口味一樣,都是愛魚之人。枸杞鱸魚湯 ($128)  和 鐵板黃鱔 率先送上,鱸魚湯湯頭熬至奶白色,味道非常鮮甜,材料除咗有一整條鱸魚外,還配有嫩滑的豆腐、明目的杞子和養生的木耳,絕對是窩心暖胃之選。鱸魚肉亦相當美味,魚肉雪白豐厚,肉味鮮嫩,入口完全沒有腥味。另外個鐵板黃鱔 ($138)  亦做得很有水準,上檯時仍然滋滋作響,熱辣辣、香噴噴。鱔絲條條長短相若,入口軟糯而不失彈性,加上均勻地沾上醬汁,食落夠濃又夠香,好惹味!壓尾送上嘅松鼠鱸魚 ($138)  賣相真係一流,昂首翹尾的松鼠造型,刀工如神,絕對係呢道菜的精粹所在。最抵讚就係外層炸到脆卜卜,入面嘅魚肉仍然滑捋捋,加上醬汁嘅味道酸甜適中,非常開胃,為這頓晚飯完美作結。 continue reading
(The above review is the personal opinion of a user which does not represent OpenRice's point of view.)
Level4 2020-11-05
132 views
小辣椒,聽到它的名字已經估到是一間川菜舘,川菜的“七滋八味”都能夠在這裡嚐得到。所謂七滋是指:甜、酸、麻、辣、苦、香、鹹;而八味是指:魚香、酸辣、椒麻、怪味、麻辣、紅油、薑汁和家常。這裡的數十種菜式大部份都是我們熟悉的四川料理,當中不乏辛辣的代表菜,但同時也會提供多款不辣的家常的小菜迎合不同客人的需要。夫妻肺片(HK$55)👍👍👍👍這個是四川經典的涼菜 - 夫妻肺片。這裡用了滷水牛肚和牛𦟌,加入麻辣的醬料,香辣可口,伴以的青瓜,既解辣又清新。涼拌萵筍絲(HK$45)👍👍👍👍清爽的萵筍絲,不需要過多的調味,簡單清炒更能突出萵筍鮮甜的原味。辣子蝦((HK$138)👍👍👍👍這道辣子蝦加入大量的辣椒乾和花辣提味,經過爆炒的海蝦,帶有微微的椒麻和濃濃的辛辣感,麻中帶辣的味道更刺激食慾。毛血旺(HK$188)👍👍👍👍整鍋赤紅色的毛血旺,給各色各樣的辣椒乾覆蓋著,表層浮著一層琥珀色的紅油,光是看著也感受到那種辣度。材料方面有豬紅、牛栢葉、豬腰、黃鱔、大豆芽和水晶粉,十分豐富。泡椒鱸魚煮蜆(HK$168)👍👍👍👍這個泡椒鱸魚煮蜆,雖然加入了泡椒,但味道不算太辣。用了魚湯浸著整條鱸魚和蜆,魚肉仍然保持鮮嫩,蜆肉浸在奶白色的魚湯內,味道就更加鮮上加鮮。可樂(HK$9)Storefront Interior Menu continue reading
(The above review is the personal opinion of a user which does not represent OpenRice's point of view.)
Level4 2020-10-05
309 views
北角有家人氣川菜叫小辣椒, 幾乎每次經過都見到排長龍等入座或外賣。趁假期特地叫朋友過來一起辣個夠。大大個招牌離遠已看見,門面很有中國風。 餐牌食物種類很多,見到這麼多川菜,真的 很難選擇,先來兩個涼菜吧!蒜泥白肉$55,這道菜是不辣的,不過生蒜蓉 帶有辣的口感所以會以為是辣,其實生蒜蓉更能調出豬上肉的香。醋夠香又不會太酸,墊底有陳村粉,吸收了醋味和蒜味,滑嘟嘟的。覺得這道蒜泥白肉分量,比其他餐廳的算大份呢!蒜泥泊青瓜$45, 也是不辣的,因為喜歡吃蒜蓉,蒜蓉分量夠多,用醋涼拌過之後,青瓜感覺很清新,吃辣的又可以解辣消暑。這裡有我們最愛的水煮魚,原來有很多煮法,其中藤椒大魚$148, 價錢算便宜啊,朋友說藤椒比一般麻辣更加麻,就點這個試試。見到藤椒一串串的鋪在魚片上,還有很多芽菜墊底,試了一口湯,真的十分麻辣,別以為這是清湯哦,這可是麻辣的藤椒湯,但湯味咸度適中,其實也挺好喝的。魚片因為是大魚,比較多骨,但肉質非常滑。我們不消一會已把魚片消化掉,脷子感覺越吃越麻,十分過癮!牙菜吸收了湯味,吃得更滋味呢!毛血旺$188,見到滿江紅的賣相,令我們嗜辣的癮更旺盛!上桌才知道是這麼大盤的, 裏面有豬紅、豬潤、牛柏葉、黃鱔片、薯粉、牙菜、金菇等材料, 聞著很香的辣椒香氣,吃一吃原來只是小辣而已,被滿江紅騙到了呢!但這盤毛血旺辣得來沒有苦澀味,因為辣椒炸得剛好,吃個辣椒乾,越吃越香呢!而我最愛吃裡面的豬紅,很滑沒有腥味。豬潤也不錯,切成薄片鎅花,最初以為是魷魚呢,吃下才知道是很爽口的豬潤。吃完肉類別忘記還有薯粉,薯粉份量超多。真的讓你一盤吃個夠!辣夠癮,朋友還是要吃麻婆豆腐$58,這是他最喜歡的菜式,說夠正宗的麻婆豆腐很難吃到,這裏用了豆瓣醬煮麻婆豆腐,味道偏鹹香,豆腐十分滑,沒有過多油份,反而醬汁香濃乾身,拌飯吃一流。一邊吃一邊飲汽水解辣,真的讓你辣個夠。這頓飯吃得很滿足,間中來吃飯也不錯,而且價錢不貴,份量又算多,愛辣的人要試。 continue reading
(The above review is the personal opinion of a user which does not represent OpenRice's point of view.)
今日約咗朋友聚舊,朋友公司附近有間川菜館—小辣椒,我地本身都幾鍾意食辣野,所以決定入去食晚餐😍秘製香辣蟹 ($298)- 香辣蟹一上枱就香氣撲鼻,超級吸引- 香辣蟹好新鮮,食落好鮮甜- 肉質結實,食落啖啖肉,好滿足- 蟹膏好多,食到舔舔脷水煮牛肉地鍋 ($208)- 牛肉份量十足,配料都好豐富,有乾辣椒、花椒、酸菜等等- 辣味適中,豐富咗成個味道層次- 牛肉嫩滑,食落好有咬口,但一啲都唔老,好好味雞絲粉皮 ($55)- 份量都okay,配料都好齊全,有青瓜絲、雞絲,好滋味- 醬汁好好味,鹹鹹甜甜,花生味好突出南瓜餅 ($28)- 三件餅都大大件,煎到金黃色,表面香脆,內餡香軟- 南瓜餅香香甜甜,作為甜點一流檸檬茶 (凍) ($12)- 甜度適中,味道酸酸甜甜奶茶 (凍) ($12)- 茶底香濃,味道香甜,係食辣嘢嘅絕配餐廳內部設計以中國風為主題,配合番川菜菜式,有燈籠作裝飾,別具一番風味。地方都幾闊落,坐得好舒服😆員工都幾nice,同埋整體食物質素都幾高質,下次行經會再encore 😍 continue reading
(The above review is the personal opinion of a user which does not represent OpenRice's point of view.)
Level3 2020-11-06
50 views
朋友知道我鍾意食川菜,介紹左一間係北角既正宗川菜餐廳小辣椒俾我。聽到個名就知道夠晒辣🤣 我地唔敢挑戰太辣,全部菜都點左小辣。毛血旺$188不得不說呢個毛血旺真心大盤,直程可以用King size黎形容。用料豐富,有黃鱔、豬紅、牛柏葉、仲有大量豆芽金針菇。十分野味,係正宗川菜味道👍👍👍辣子雞$138之前係內地食過辣子雞,一試難忘。於是決定試下呢間小辣椒既辣子雞!真係超正!配料有大量花生同乾辣椒。辣味香濃,雞肉炸得香脆彈牙,好食又唔油。我食晒成碟!!!!😆😆😆蒜泥白肉 $55冷盤黎講真係好大份!!腩肉肥瘦均勻。底層仲有涼皮,味道幾特別,酸酸辣辣😆,與眾不同。南瓜餅店家仲推介左我地食南瓜餅,好似我細細個時嬤嬤煮既味道,好懷念呀☺️☺️☺️。店家服務好好,知道我地第一次黎食,主動推介菜式俾我地食,每一道菜都好好味呀!下次再黎幫襯☺️☺️ continue reading
(The above review is the personal opinion of a user which does not represent OpenRice's point of view.)