3
3
2
11-min walk from Exit H, Yuen Long MTR Station
continue reading
Opening Hours
Today
11:30 - 21:30
Mon - Thu
11:30 - 21:30
Fri - Sun
11:00 - 22:00
Public Holiday
11:00 - 22:00
Above information is for reference only. Please check details with the restaurant.
LIFETASTIC Patisserie📍元朗朗日路9號形點I2樓2065號舖繼上次食過兩款奇特口味嘅蛋糕，今次我同朋友一齊試咗呢款無咁伏嘅蛋糕，仲係節日限定嘅添，算係幫呢間餅店平反一下！[ 價錢 Price] 💰$85日本柚子朱古力蛋糕 🍊🍫🍰有食過朱古力蛋糕嘅都知，要揀到一款甜度適中、唔會太膩嘅朱古力蛋糕係一件難事。好多時朱古力味會太甜太假，有陣時又太苦太膩，但呢款朱古力蛋糕嘅甜度恰到好處，佢用嘅朱古力偏濃，苦中帶甜，好啱我口味！蛋糕面擠咗朱古力忌廉，口感輕盈；佢哋特別用柚子同白朱古力做咗兩層夾心，果香好清新，同濃厚嘅朱古力互補，唔會食到好頸渴，加埋用朱古力brownie做嘅餅底，真係估佢唔到又幾好食！讚咗咁多，點解都係拎唔到五粒星呢？原因好簡單，就係加入柚子原意係想用佢嘅酸甜味中和返濃濃嘅朱古力味，但我哋食到呢件柚子就有少少苦澀味，如果冇嘅，就真係可以拎到五粒星啦！試過呢次期間限定嘅，又對佢哋嘅蛋糕多番啲信心，唔知下次又有啲乜嘢新奇限定口味嘅蛋糕呢？
continue reading
元朗的Lifetastic經常排滿很多人！多款精美甜品放在專櫃內，價錢中上！西瓜蛋糕必吃！西瓜爽口，食落索索聲，味道很甜！甜品層次分明，Cream亦非常吸引好味！不會太重奶油味！
continue reading
同事last day,想訂一個靚靚蛋糕同佢歡送一下。跟住就揀左lifetastic荔枝西瓜蛋糕(覺得佢個名幾有意思）。其實佢價錢一啲都唔平，細細個18cmx18cm已經要398蚊。唔緊要啦，心入面諗如果好食同埋靚都係值得嘅。結果食完大家不約而同都覺得好似番鹼水味。荔枝味好假，西瓜本身係甜嘅，但係同成個蛋糕 唔係好夾。成個蛋糕唔算好清新，算係吹波糖味。你問我係咪好靚我都係覺得一般。而家啲蛋糕越來越貴，我寧願用400蚊買一個平實但好味嘅，多過一個唔好睇又唔好食嘅。
continue reading
有朋友生日諗住買生日蛋糕，經過Lifetastic Patisserie 見到蛋糕面放滿玫瑰花瓣，感覺很靚，價錢又唔貴，細嘅係$398，便問店員可否寫字，她説可以，還可即時取，於是便買了。生日蛋糕永遠都係飯後才食，每次都是不情願地食晒，但今次不同，個個都好開心地食晒，因為第一啖食落去係果凍味道，又有士多啤梨，再咬落去，係西瓜，完全感覺好 Fresh，好清新嘅感覺，好適合食完飯食，完全冇忌廉蛋糕 “漏” 嘅感覺。後來得知，這個蛋糕叫 Watermelon Strawberry Cake，是這間 signature 👍🏻，值得推介😋
continue reading
昨天下午約5:15分到Yoho 分店取蛋糕，到達時只有一名店員，正蹲低接外賣機的單，我企在對方面前，等佢接完張單先，當時好肯定佢見到面前有人，但佢完全無視我，接完張單企返起身繼續睇張單，然後擰轉身攞起個紙盒摺，再去蛋糕櫃夾起一件蛋糕放入盒，再行去放入另一邊嘅凍櫃等人黎攞，其間我一直望住佢睇吓佢幾時先會理我，佢亦都一句唔好意思等我一陣都冇講過，終於佢行返過嚟望住我，我亦都遞出我電話比佢睇我張訂單攞蛋糕，對方攞完蛋糕比我望，跟住佢問左一句啱唔啱，我話啱，佢就入盒入袋，然後佢喺枱面推袋蛋糕過嚟比我，一句多謝拜拜都冇講，而且全程好似我殺佢全家咁嘅面口，真心希望店方好好培訓員工，服務性行業基本禮貌是必需吧，縱使你心情唔好，亦不應發洩喺客人身上，花費幾百蚊滿心歡喜取生日蛋糕，卻受了一肚氣，即使你的蛋糕做得再好食，有咁嘅員工亦都唔會有回頭客，至少我唔會再幫襯，再者，貴店的蛋糕也不是十分出色
continue reading
You may be interested in