果子｜海南雞飯·喇沙摻摻 (啓昌樓) (啓昌樓)

Open Now

Now Closed

即興搵野食諗起未試過「果子」大蝦火山包個咖哩夠點個農夫包，個農夫包都仲有一部分係脆嘅，加埋有蝦，真係無得輸。必食！下次可以食軟殻蟹火山包。藍蝶花椰漿飯感覺好健康嘅飯，藍色好特別，又有椰漿嘅香味，因為配左花生，青瓜同炸蝦片，好東南亞風味。另外配餸，有雞翼，豬扒，牛腩，串燒，有菜。鳳爪沙律鳳爪好爽，加埋沙律，好清新，好岩夏天食。馬拉盞炒通菜通菜好香 又唔咸。海南雞唎沙摻摻海南雞無骨所以啖啖肉，肉質好滑嫩。喇沙摻摻米粉，吸晒湯汁，口感好好，又多汁。因為同行有小朋友，叫咗炸蝦餅同粟米墨魚餅配甜酸醬，小朋友食唔停。香煎豬頸肉好味，唔太乾身。

網上見到對果子嘅評價不錯，決定一試店內燈火明亮，環境舒適，牆邊搭配多肉植物作裝飾。菜單多選擇，主打海南雞飯、肉骨茶、藍碟花椰漿飯等，價錢亦相當合理今次就點咗馬來西亞肉骨茶、馬拉盞炒生菜、串燒拼盤。馬來西亞肉骨茶放在小火鍋上，下面有蠟燭，保持住湯嘅溫度，呢點幾細心，配料有腐竹、豆卜、金菇等，用料豐富，肉配上軟骨煮得岩岩好。串燒拼盤有雞、牛、豬串燒各2串，仲有豬頸肉一份，好抵食，可以一試過試哂多款肉串，燒得好惹味。另外，馬拉盞係指馬拉版嘅蝦醬，加入了蝦米，同生菜好夾，食落好開胃，唔會太鹹。整體食物質素好滿意飲品就選擇左檸檬薏米水&水蜜桃梳打。檸檬薏米水為健康之選，水蜜桃梳打就岩哂用嚟消暑啦，夏天必點！

嚟都大埔中心一帶，記會俾滿滿嘅餐廳包圍着，不論係快餐品牌連鎖餐廳定係傳統小店，應有盡有嘅菜種選擇俾你！今次就走遠少少去到一間鑽石星加坡菜嘅餐廳叫做「果子」！無骨走地海南雞半隻 配日本黃油飯 $138白白滑滑嘅走地海南雞，師傅超用心咁起晒所有骨，所以啖啖肉！配埋三款特色醬汁同埋雞飯必備嘅黃油飯！一啖飯一啖雞放入口，超級滿足！香茅豬扒拼南乳雞翼藍蝶花椰漿飯$69店內其中一款必食菜式，一上菜俾佢超亮眼嘅藍色飯吸引住！再試一啖，濃濃嘅椰汁味擁晒出嚟，就好似食緊熱嘅芒果糯米飯一樣！配飯嘅餸菜亦都唔馬虎，分別有豬扒、雞翼，乾魚仔、花生、青瓜、蝦片、蛋森巴像通菜$36星加坡傳統醬汁，味道香辣，但可能脆*煮熟咗之後會出水，所以令到醬汁變稀粟米墨魚餅兩件 $18沙嗲豬肉串燒兩串 $22兩款小食都中規中矩黑糖珍珠鮮奶 $28美祿恐龍 $24

話說呢期我間唔時都會經開大埔，發現原來都有唔少隱世正野餐廳，呢間果子嘅蟹醬海鮮火山包真係超級好味，其他野食都各有特色，重點價錢幾抵😆❀無骨海南雞❀海南雞肥瘦適中，雞肉嫩滑，帶有啫喱狀雞油，點少少薑蓉食都好有鮮味，油飯有少少乾身，不過勝在夠香口唔油膩。❀海鮮喇沙摻摻❀有蝦、蜆、魚蛋、蛋、魚片、豆卜等，用料豐富，如果蝦可以搣埋殼就更好，湯底濃郁又鮮味，幾有椰香味，米粉同油麵摻摻幾掛汁。❀辣蟹醬火山包❀農夫包份量十足，外層炸到脆脆地，淋上蟹醬食超級惹味，軟殼蟹見到有膏，炸到金黃香脆，面頭仲有蝦、青口+蜆，唔錯。❀馬來西亞肉骨茶❀帶骨豬肉經過熬煮後變到軟諗入味，呢款肉骨茶味道偏向藥材味，食完覺得好補身又暖笠笠。❀檸檬薏米水及美祿恐龍❀檸檬薏米水唔太甜，可以去水腫😣美祿恐龍鋪滿厚厚美祿粉，超邪惡。

放假又唔想出去 喺大埔行吓睇吓有咩好食 行到汀角路見到果子 係一間主打新加坡菜餐廳🤩午市套餐除咗跟飲品仲可以加錢配小食同升級其他特飲 🫧海鮮喇沙摻摻🫧海鮮喇沙湯底辣度適中 椰香味濃 配料方面有蝦 蜆 細粒白魚蛋 豆腐卜 雞蛋 蝦肉爽滑 蜆肉同豆腐卜吸收曬喇沙湯汁好美味 細粒白魚蛋好彈牙😛摻摻係油麵同米粉份量好足夠 食落有兩種口感🫧海南雞喇沙摻摻🫧湯底同海鮮喇沙摻摻一樣咁正 但配上海南雞同三種醬油 海南雞係黃油雞 雞肉嫩滑 食落啖啖肉 點吓個黑醬汁仲惹味👍🏿🫧小食🫧南乳雞翼雞翼炸到金黃色 食落香脆之餘 仲有啖啖南乳味沙嗲雞肉串燒配上惹味沙嗲醬食落啖啖雞肉大滿足😮‍💨🫧飲品🫧檸檬薏米水｜紅豆薏米水餐廳自家制 健康又好飲

週末和朋友到踩單車，終點係大埔。見到這間星馬餐廳的評分很高，所以就去試吓。果然，餐廳的水準很高，沒有令我們失望。======食物=========⚜️香煎豬頸肉喇沙摻摻 $65這個喇沙摻摻的配料有豬頸肉，豆腐卜、蛋、魚蛋。喇沙的椰香味重。摻摻是2種麵組成，米粉加油麵，令每一啖食落去都有兩種唔同嘅口感。惹味的湯底、新鮮的配料，加上口感特別的摻摻，令我食到停唔到口。⚜️馬來西亞肉骨茶煲 $84肉骨茶的配料有豬肉（仲有埋豬軟骨）、蛋、金菇、腐皮和生菜。肉骨茶的味道甘甜，藥材味都幾重，但都幾容易入口。配料吸咗肉骨茶的味道，令我吃得很滋味。⚜️蒜蓉炒通菜 $50這原是「馬拉盞炒通菜」，不過餐廳提供選擇，可以將馬拉盞轉以蒜蓉炒。朋友很喜歡吃蒜蓉，所以二話不說就將這道菜轉為「蒜蓉炒通菜」。而這道菜亦沒有令我的朋友失望。通菜很新鮮，而且蒜香味很重，令我的朋友吃得很滿足。⚜️白雲酸辣鳳爪 $18鳳爪很爽口，味道酸酸甜甜，是一道令人很開胃的小食。⚜️馬鈴薯炸蝦卷 $22外層的薯仔絲很脆口，但不油膩，而且薯仔味重。蝦的肉味很重。吃起上來有點似食蝦多士的感覺，都幾特別。======飲品======⚜️凍黑糖珍珠鮮奶 $1

夏天最好吃馬來西亞菜了，特式菜式及小吃等等……最令人回味。今天期前夕去了大埔『果子』吃晚餐，在大埔工作的日子，很喜歡跟朋友及同事們來吃午飯，一定要排隊，所以吃晚餐預約好了。#大蝦火山包 ：火山包份量好大，足夠4人吃，預設的咖哩醬料，配上脆口麵包吃，有新鮮的青口、海蝦及蜆……很豐富又有另一風味#三送藍蝶花椰漿飯 (雞翼、豬扒&牛肉串燒) ：藍色飯未曾吃過，蝶豆花就飲了很多次，是健康花茶。營養豐富的蝶豆花營養成分富有維他命A、C及類黃酮、花青素，能抗氧化、養顏美容、修護眼睛和維持免疫力。蝶豆花飯跟白糯米飯一樣，口感有濃郁的椰漿香味，自選三餸有香茅豬扒，南乳雞翼及牛肉串，另外加HK$18有一碗細肉骨湯……香茅豬扒在lunch set吃過，已經覺得好好味。今次再吃南乳雞翼及牛肉串大滿足，雞翼香煎脆口，牛肉串金香點上沙爹醬，超級好吃……#肉骨茶湯(細) ：是馬來西亞及新加坡signature的一道湯菜，肉骨茶有溫中和胃、健脾活血、散寒袪濕、對抗疾病的作用。主要湯底材料有當歸，玉竹，當參，杞子等，配合一些香料如八角，甘草，蒜頭，熬煮出來的湯水。我比較喜歡飲湯，點了來飲，入口有濃厚的當歸味，豬肉骨豬

今日滂沱大雨，仲掛咗紅色暴雨警告！為咗唔想濕身，嗱嗱臨揀咗間餐廳入去食！呢間係一間星馬泰餐廳，食咗三個午餐，包括了招牌菜:海鮮喇沙摻摻、去骨走地海南雞和豬扒湯米粉。首先是海鮮喇沙摻摻，呢度嘅湯底湯非常濃郁，口感豐富，充滿著南洋風味。裡面的海鮮包括蝦、蟹和白魚蛋，味道鮮美。另外，配上豆卜，油麵加米粉呢個組合，更令碗麵味道更加豐富。接著是去骨走地海南雞，雞肉非常嫩滑，且配上特製的酸甜醬，雞肉中的脂肪也被完美地去除了，讓人吃起來更加健康。另外，雞肉的味道也很純正，很能夠展現食材的原汁原味。第三個餐係是豬扒湯米粉，豬扒的口感非常嫩滑，而且個豬骨湯唔會好油膩。另外，米粉的口感也非常好，很容易入口，另外附上3粒白魚蛋🤭小食方面，揀咗一款白雲鳳爪，同一款沙嗲串燒雞，鳳爪夠入味，非常開胃！串燒方面，沙嗲醬亦都好多！總體而言，價格合理，餐廳的環境也十分清潔乾淨。如果想食南洋風味既餐廳，都可以選擇呢間！

有日好想食肉骨茶 諗起果子 大埔區內少有主打星馬菜既餐廳 位置係太和站附近 行去都好方便價錢親民又大份 好抵食😇食物選擇好多 招牌海南雞飯 喇沙 摻摻仲有肉骨茶 各式海鮮 小食 應有盡有我地就叫左幾樣野食SHARE黎食咁多樣加埋 人均都唔駛$200 真係超抵😆💥 軟殼蟹辣蟹醬火山包 🦀 見隔離枱有人食覺得好吸引 於是叫左個黎試下原隻炸軟殼蟹放左係農夫包上面勁吸睛軟殼蟹炸得好香口 唔會好油農夫包亦烘得香脆入面仲有蝦 青口同蜆 勁多海鮮 勁足料配埋個新加坡辣蟹醬同上面D蛋花 酸酸甜甜 惹味開胃😉💥肉骨茶煲原煲新鮮滾熱辣上既肉骨茶用爐KEEP住坐熱好濃香既藥材味 一字排炆得軟稔入味 D配料 豆卜 枝竹 金菇 仲吸收哂湯精華 好滋補 正🥰💥馬拉盞炒通菜個通菜炒得好香 通菜新鮮爽脆 唔會好咸 份量又多 唔錯 😆💥粟米墨魚餅煎得金黄 魚餅爽口彈牙配埋個甜酸醬幾開胃☺️💥薑蜜 檸檬意米水各自叫左杯熱飲 清清地 好舒服😋

👧🏻大埔太和仲有好多野食未發堀完🤤-今次同朋友食星馬菜❤幾抵食🍴馬來西亞肉骨茶煲 (配白飯) $84🤣無諗過肉骨茶煲有白飯配 變左晚餐set咁 好抵食 呢度肉骨茶煲藥才味唔算重 入口甘甜 🤤另外豆卜好入味 肉都幾淋 唔錯🍴無骨走地海南雞半隻 (配油飯) $138走地海南雞比一般海南雞無咁肥 肉質嫩滑 個皮幾爽脆 配埋油飯同醬料食 滿足❤️🍴馬拉盞炒通菜 $50如果唔中意食馬拉盞可以轉做蒜蓉炒 呢度既馬拉盞係好微好微既辣 好適合唔係好食得辣既人😋🍴串燒拼盤 $86除左基本的雞、牛、豬串燒, 每樣各2串之外, 仲有豬頸肉💁🏻同朋友都幾中意佢個串燒既沙爹醬 好惹味😋🥤凍黑糖珍珠鮮奶 (跟餐) $16🤤好大杯 珍珠幾煙韌👍🏻 跟餐仲有優惠價📍果子Life Cafe @大埔汀角路11-13號啟昌樓地下13號鋪

「果子」位於大埔汀角路，附近係大埔中心而另一面就已經太和火車站🚉。平日晚市嚟到都有8成滿座面且外賣不斷，相信頗受附近街坊歡迎，再望望餐牌，餐點價錢完全係走親民價都不過是$7x-8x 嘅價位😆海南雞喇沙摻摻海南雞都喇沙係分開上👍🏻海南雞已經去骨所以食落係啖啖肉，肉質滑嫩連雞皮都好爽口😋仲配有3款海南雞醬，任君選擇。喇沙摻摻有米粉同油麵，口感上更豐富，前者嗦哂啲湯汁，後者就有嚼口，喇沙湯唔辣但椰香味濃🥥😋肉骨茶煲原煲上嘅肉骨茶會用位爐keep 位坐熱，咁就唔會飲到最後係凍嘅，肉骨茶用上一字排夠軟稔，仲有大量豆腐卜嗦哂湯汁👍🏻「果子」嘅肉骨茶係藥材味重嘅口味，飲完暖笠笠又補身蝶豆花椰漿飯睇相覺得超吸引，出到嚟係同圖片相符嘅😆除咗椰漿飯預設嘅配菜炸蝦片、魚仔花生🥜等等，你仲可以揀2餸或者3餸飯嘅，10款嘅入面我地揀咗森巴椰菜、雞肉串燒同去殼蝦🍤，雞肉串燒燒得惹味唔乾身，去殼蝦都爽口新鮮黑糖珍珠鮮奶店長大推之選，啱哂鐘意奶製品嘅大家，用上新鮮牛奶🥛嘅珍珠鮮奶，奶味更濃郁更滑順，黑糖珍珠煙韌度剛好，甜度都恰到好處👍🏻黑糖珍珠奶茶🧋奶茶底不輸港式茶餐廳嘅滑順口感，反而多了一份東南亞拉茶風味😋

👶🏻用餐體驗抵食又高質嘅星馬菜😻餐廳環境好舒服，適合同朋友聚餐慢慢傾下計，而且職員都好友善。食物價錢唔貴，而份量同味道都好好，係性價比選～🐓無骨海南雞半隻（配油飯）$118欣賞佢啲雞肉好嫩滑，就算近雞胸嘅位置都唔韌。加上去左骨非常方便，每啖都係肉，懶人之選🙈醬料方面我比較鍾意甜醬油，配上油飯剛剛好🤤🐖馬來西亞肉骨茶煲（配白飯）$84一煲肉骨茶足夠2-3人分，材料好足而且啲排骨好有肉好大舊（食肉獸私心推介）👍🏻佢藥材味唔算重，好易入口，適合想飲碗熱湯暖暖胃嘅朋友仔。原本仲配碗白飯，不過我地怕食唔曬就無要了🤣🌱馬拉𦾟炒通菜 $50每次食星馬菜都一定會叫一碟通菜☺️呢個炒得好香好惹味，保持到好爽口～大大碟份量好有誠意，食極都仲有🤩🍍原隻菠蘿海鮮炒飯 $89啲飯粒粒分明，好香好惹味，有啲菠蘿粒係度清新又開胃☺️海鮮份量都好慷慨唷，有大大隻蝦同啲青口，抵食👍🏻🦖凍美祿恐龍 $12美祿味好濃，而且上面加左啲美祿粉，口感即刻昇華😋🍊凍柚子茶 $8調得剛剛好唔會太甜，係解渴同解膩之選～

今次第二次嚟果子最主要係呢度抵食而又好食————————無骨走地雞半隻平時食海南雞就食得多走地雞本身擔心會比較靭但原來都相當滑最緊要係冇海南雞咁肥海鮮滲滲海鮮有蝦魚蛋同埋蜆肉椰香味嘅湯底鮮甜奶香肉骨茶湯份量都唔細湯夠濃 最鍾意充滿藥材味嘅肉骨茶湯有金菇腐皮雞蛋豬骨同埋豆卜兩個人飲都可能太多平時出街好少食菜就叫左碟雞湯淥菜簡簡單單又健康薑汁奶茶落咗大量嘅薑夠薑味好飲另外亦叫左杯熱情果梳打——————埋單只係需要$400兩個人食相當抵食呀

#20230305 🤍📍 果子 @life.cafe_taipo大埔汀角路11-13號啓昌樓地下13號舖 🍽️大角咀海庭道16號富榮花園二期4座地下E號舖➖➖➖➖➖➖➖➖➖➖➖➖➖➖➖➖➖➖➖➖➖#二人小菜套餐 $228🥢 #馬拉盞炒通菜💭 通菜爽脆新鮮，煮得岩岩好，味道又唔會過淡或者過咸，份量都算多，雖然無咩特別驚艶既地方，但🐷覺得成晚最好食係佢🤤.🥢 #辣蟹醬軟殼蟹火山包 +$48💭 本身🐷係叫加$28既#辣蟹醬大蝦火山包 ，但店員哥哥落錯order😵‍💫如果唔係啲🐷唔食既野，一般🐷都會由得佢🤗海鮮新鮮，份量比想像中多，除左軟殼蟹🦀仲有蝦🦐蜆同青口，個包好硬好乾🍞應該係雪左好耐再焗返熱，一切好多粉跌出尼😅好彩啲醬夠多可以浸淋個包尼食，個醬其實似日式咖喱，一啲都唔辣，怕辣既朋友唔使驚🌶️.🥢 #海鮮喇沙摻摻💭 海鮮都係蜆同蝦🦐質素同火山包果啲係一樣新鮮👍🏼仲有半隻蛋同魚片，加加埋埋都好多料，湯底似係開湯包煮出尼，好熟悉既味道，摻摻應該係油麵撈米粉，但佢係油麵同米粉各據一方，要上枱後自己撈😅麵質正常.🥢 #榛子朱古力 #凍 +$4🥢 #水蜜桃梳打 +$2💭 野飲偏甜，個餐本身包兩杯$22既

放工來到這間高質素抵食馬拉菜🥰 餐廳裝潢悠閒舒適，環境乾淨企理，佈置同食物都好適合打卡，侍應服務態度好好~ 店舖空間闊落，座位寬敞舒適，適合二人約會及朋友聚會🥂 價格合理，份量多，性價比高👍🏻 晚上人流好多 晚市2-3人消費：$391 🫧不設加一服務費🫧═ ═ ═ ═ ═ ═ ═ ═𝑭𝒐𝒐𝒅大蝦火山包 ($128)✨農夫包烘得好香脆，淋上混有大量蛋花的醬汁，酸酸辣辣 香濃惹味，賣相好吸引 超澎湃，見到都流口水😍 配有豐富海洋配料，三隻大蝦、三隻青口及蜆，好飽肚好滿足！馬來西亞肉骨茶煲 配白飯 ($84)✨推薦！藥材味超香濃，滋補暖胃😍 配料豐富，有雞蛋、豆卜、枝竹、金菇等等，好值得一試😋👍🏻兩餸藍蝶花椰漿飯 (豬頸肉及炸雞) ($69)✨抵食之選！藍色飯打卡一流😍 椰漿飯食落較香口，配料鋪滿整個碟，非常豐富，有蝦片、鹵蛋、魚仔乾、花生、青瓜片，特別推薦豬頸肉爽口彈牙😋炸蝦餅 ($32/4件)✨香脆有咬口，配搭甜酸醬好好味🤤粟米墨魚餅 ($18/2件)✨彈牙有咬口，配搭甜酸醬好好味🤤𝑫𝒓𝒊𝒏𝒌凍黑糖珍珠鮮奶 (+$14)✨凍仙草奶茶 (+$10)✨