LEVELthirty 觀景酒廊

Open Now

Now Closed

放假想搵個舒服又好景的地方 Chill 一 Chill，介紹你沙田萬怡酒店的  LEVELthirty Lounge，酒吧前兩日先重開，唔少得推出價錢好抵的 90分鐘任飲套餐，即刻約幾個朋友先啦。LEVELthirty 前排因為疫情暫定開放，剛剛先在前兩日重新開幕。酒店座落於沙田城門河河景第一排，一入門口已經飽覽美景，對住一望無際的藍天，成個人都放鬆晒！1.5 小時無限任飲優惠小吃拼盤一份：水牛城雞翼、迷你牛肉芝士漢堡配燒烤醬巴馬臣芝士配松露薯條1.5 小時無限任飲：精選紅酒、白酒、啤酒、烈酒、氣泡酒及汽水價格：每位HK$328供應時間：17:00 - 22:00 (星期一至日)今次推出的90分鐘任飲套餐，有小食又有無限飲品，如果你係好酒之人，應該知道好容易就回本。當然唔飲酒都可以勁飲汽水既，最緊要係同親朋好友共聚的時光。LEVELthirty 環境好舒服，仲有沙發位坐，幾個女仔來到又可以影下打卡相，認真唔錯架。天氣好可以出露台吹風睇河景，夜晚當然仲有夜景啦。

30樓的LEVELthirty觀景酒廊坐擁沙田壯麗景色，氣氛時尚，設有室內及室外空間。呢間酒廊環境勝在夠開揚，可以欣賞到沙田馬場及吐露港的迷人景緻。與朋友們來午餐，疫情關係，分開枱坐吧～午市選擇還不錯，有紅肉或海鮮選擇，朋友吃素，可以與侍應說，他們推介了蘑菇意大利飯或蕃茄意粉。點了好幾杯special drinks...好colourful, 出面的影相位真是不可錯過，幾位少女拿住酒杯，拍下拍下又一個下午🤣

放工嚟開呢頭換身份證，梗係食埋飯先走啦。之前嚟過呢度食生蠔 set, 今次試吓其他嘢啦，3條友叫咗 3 個 drinks, 然後叫啲食物，傾吓計，嘆吓個景，感覺一流 👍👍原本想叫 pizza 點知嗰日無供應 😑😑食物味道普通也不是太多選擇，但環境同景色的確為餐廳加上唔少分數，如果知道 ribs 有跟薯條可以叫少份 potato skins 😅😅可能疫情關係酒店都減咗人手，全晚好似得一個 waiter，安排坐位，落單同埋單都係佢，還好唔會覺得揾唔到人。

有時去附近開完會我都會上黎happy hour /dinner 貪佢靜靜地 傾吓計 簡簡單單飲杯嘢好舒服有時緊係下啲snacks 送酒今日揀左truffle fries,好正好香truffle 同濃厚芝士味 食親呢個我都好開心 ，酒今次就揀左prosecco,呢到既甜少少 大多女仕也會喜歡我也叫了一份德國什腸platter,叫第二round 1664 beer ,一啖腸一啖beer真係好爽啊！而且仲有兩個potato salad比你 食兩樣野已經飽飽了🥂 cheers

食物味道: 非酒精飲品出奇地好味，Even Money 充滿鮮菠蘿味道，水牛城雞翼係呢度嘅招牌，好入味，唔辣亦唔會酸得滯，值得一試，燒豬肋骨份量夠大，BBQ醬汁豐富，肉質唔會鬆散，附送嘅炸薯角香脆熱辣辣。食物份量: 水牛城雞翼有六隻和燒豬肋骨嘅份量兩個人食都夠晒有餘。價錢: 以質素而言，價錢合理，唔會因為喺酒店收得特別貴。環境: 環境一流，仲有一個露台可以看到全沙田夜景，依家都係疫情期間所以人流少，唔會嘈吵，加上酒吧播放輕音樂，傾偈一流。服務: 酒店服務非常細心和殷勤回頭指數(10分滿分): 10

三個女人談天說地慶生，小妹當然搵 OpenRice 幫手，篩選一輪後來到沙田萬怡酒店頂樓觀景酒廊。餐廳鄰近沙田城門河，美景一覽無遺，在這日落時刻迷人景觀身心愉悅。🍸Premium Cocktail $138🍴Steak W/Wine 牛扒配餐酒 $328牛扒好有牛味入口軟嫩，配一杯餐廳指定餐飲，這個價錢都算合理。🍴Vietnam Giant River Prawn 椒鹽魚露越南大頭蝦 $98另加配雞尾酒 $44越南蝦可能冰得太久了，沒有彈牙也欠鮮味。🍴L30 Prosciutto Pizza $148係帕爾瑪火腿配火箭菜薄餅🍕薄餅倒算不錯香脆可口，帕爾瑪火腿鹹香惹味，配一點點火箭菜帶出清香味覺。🍰Cheese Cake $68金蘭生日當然要來一客蛋糕吹下蠟燭，芝士味香濃蛋糕軟滑，餐廳知道我們慶祝生日特意加了一牌生日牌好有心。👏生日快樂👏😘吹左三小時承惠每位$300抵啊！

在Levelthirty Bar 諗住Happy Hrs 見到你們有酒餐牌我們選擇 為何倒酒時沒有在人客面前倒呢？ 那人客又點知你們給什麼酒我們飲？ 已經見到好靜 枱又沒清潔乾淨 男同女嘅員工都非常差態度 是否不喜歡這份工作 還是不喜歡有人客幫襯？ 還有酒的份量就是那麼少？

上一代的朋友說，工業區是一個基層人士集中的地方，周圍都是工人階級。但他們沒有想過，工廠老闆，國際商家其實會經常拜訪這些工業重地的。有見及此，今時今日的企業家，看中了這些相對上平價的地皮，看中了拜訪香港各工業的商客，紛紛都在工業區覓地，建酒店。就在沙田的石門工業區，沙田的城門河畔，為了該處的工商業所需而建了一間全新的國際品牌酒店。這一家酒店，立即為沙田的美食再添多一份色彩。而是日，老闆請客，我們就來到了酒店的最頂層，在《LEVELthirty Lounge & Bar》，對著城門河同馬場的美景，享受一頓豐富的行政套餐。同老闆午餐，不太好意思拿著相機、手機周圍去拍。所以我就沒有拍下環境了。點餐前，在我們的談笑中，店員遞來了一份熱辣辣的歐式麵包。外皮香脆，而內心暖暖的麵包，加上牛油，是最香口可口的，配合西式湯一起吃，是大家食西餐其中一樣最期待的事。餐湯，是一個在香港西餐廳常見的忌廉蘑菇湯。有香草，有 double cream 的再點綴，這一個忌廉蘑菇湯顯得比一般的香口及可口。Pasta with Clams and Garlic (蒜片蜆肉意粉)，是一個乾身但充滿了蒜油香的意粉，入口就像是蒜

今朝開完個會，想說上黎好好嘆個午餐，但由於享用時段有點晏，時間約於下午一點半後兩點前，侍應表示午餐兩點收，故所有食物都出得好急，亦食得好急，收得好急，付款亦很急。我想由頭盤麵包、餐湯、沙律、主菜、甜品加餐飲，都有30- 45分鐘的時間享用既。只怪用餐時間不合時。餐廳的裝潢不錯，風景也很美，但坦白說我也未有怎樣好好地欣賞。至於食物味道，認真講句，不知是我食得太急未有留意，還是真的沒有什麼特別，但我只記得食得好飽。

Come to have a few drinks at this top floor bar in a hotel in Shatin. The place is quite quiet and cosy, spanning a view of the shing mun river and even racecourse. It is a great place for intimate chats and gatherings. The drinks are also well prepared by the bartender too.We also ordered a wagyu snack, consisting of bite size pan fried wagyu cubes with tomato and gravy sauce. The wagyu are cooked to medium and quite tender, pairing with the sauce and tomato is also a nice tasty combination!

假期前夕，和老公去happy hour，便walk in沙田萬怡酒店30/F的level thirty。怎料可能因座位不多的關係，差不多都滿座了，只能坐一張最角落的高枱，視野也不算最好。而且我們坐的高枱是較少的那種，所以感覺搖晃，其實坐得不太舒服。兩個人叫了一杯本地啤酒、一杯mocktail，一份水牛城雞翼和一份pizza。服務質素只能說是很一般，確認我們點的是本地牌子的啤酒，結果上了一杯紅酒，還要大聲在客人面前笑問誰下錯單？想問他那一杯水也等了超過五分鐘。雖然不是大事，畢竟是酒店感覺水準還有待改善。而且枱數不多，也不能以太繁忙而怠慢客人。Pizza等了半個鐘也催了很久才上菜，本身還安慰老公說新鮮焗當然是要等，不過發現一點都不算得上新鮮熱辣，芝士完全不拉絲。知道廚房未必在lounge入面，但總不落差這樣大吧。其他食物、飲品質素也只能算是不過不失，水牛城雞翼配的blue cheese sauce叫是令人有點驚喜的小點綴。反而是那杯本地啤酒不太合我心意，口感太苦，可能是個人口味吧。價錢以酒店食物來說非常合理，難怪似也吸引了很多街坊甚至一家人來；有個露台看見沙田夜景也值回票價。

同生意夥伴有啲嘢傾，平時通常去開尖沙咀某間餐廳酒吧飲杯野一邊傾，但今次避免撞到其他行家，我同佢又都係住喺新界東，所以partner提議去石門。呢間酒店嘅晚餐buffet之前同屋企人有試過，感覺麻麻，所以本身都冇帶住期望嚟，都係諗住飲杯嘢，傾返公事。但坐低見到個Menu $398一打生蠔連兩杯酒，覺得幾抵所以叫咗一set試吓。生蠔雖然好細隻，但$398呢個價錢，仲要包兩杯酒，都唔敢有太多要求。之後一邊傾公事一邊飲，叫多咗個pizza、一碟燒豬肋骨同叫多咗支酒。食物味道不過不失，但餐廳環境一流，有室內仲有露天坐位，景觀唔錯，幾個朋友飲杯嘢吹下水，呢間餐廳係一個唔錯嘅選擇。

黎呢到食都有一段時間 宜家先寫下個食評先！同個朋友下就三點幾黎本身諗住食個港女afternoon tea set點知個日無呢個供應 咁無計啦 所以我地就嗌左d小食呀 野飲咁個陣happy hour時段去 飲白酒買一送一 唔錯 D野食又都非常唔錯 個ribs夠入味 唔太淋又唔太硬我最驚食d好淋既ribs 因為無乜咬口 所以呢間味道唔錯另外都嗌左nachos 個醬同出面既都無乜分別所以無咩特別野好講！個buffalo wings又係好味既 不過我就覺得雞翼好難唔好食既淨係想講句 個blue cheese同雞翼真係好夾呀春卷就一般係脆既不過無乜餡 不過黎得呢到斷估都唔係真係黎食野架啦至在同身邊個個吹下水 望下個景坐低放鬆下

石門，一個不是人人會去的地方，如果你不是在東鐵線那邊住，老實，對於石門，一無所知，非常正常。偏偏這個不太多人認識的地方，越來越多公司在這裏紮根。記得小弟效忠的公司有幾個部門搬過來嘅時候，石門還是一個美食沙漠。現在，越來越多不同的餐廳進駐，梗有一間適合你。當然，就如我一些同事，愛好出入高尚的地方，又唔介意食品質高一點的選擇，通常都會介紹他們來到石門的這間酒店。無論中菜，自助餐也寫過，反而我自己的私心就很喜歡這裏頂樓的一間酒吧，level Thirty。之前幾次都和同事來講happy hour，感覺良好之餘，仲要有一次試過咁食生蠔，配上品質尚佳的sparkling wine，再踏上這裏無敵的的沙田景色，絕對值得推介。今晚和幾位朋友在附近想吃飯，好自然就選擇了這裡，剛巧星期二至四晚上六到十點推出美酒生蠔夜。雖然現在並沒有飲吃生蠔package，但海鮮依然唔貴。去到朋友已經叫了一盤蠔，三五知己分享最好。叫了一個海鮮拼盤，有即開生蠔，北海道帶子，法國黃金螺，花甲皇，加拿大海膽，和風鮑魚，鱈場蟹腳，喀嗲蝦，全部都新鮮又美味。另外叫了一些送酒小食，北京填鴨卷，是非常出色的選擇，皮薄餡靚是最簡單的形容

友人相約，來到這間位於酒店頂層30樓，居高臨下，視野開揚，可以盡覽沙田馬場、城門河一帶景色的 Level Thirty Lounge & Bar小聚。 先來一杯名叫 Spring Breeze的特飲，成份包括 Rose Tea，Lychee Puree，Honey Syrup，Ginger Syrup和 Lime Juice，涼快清甜，解喝度甚高。 在座各人都愛吃海鮮，一道幾近包羅萬有，包括有即開生蠔，和風鮑魚、加拿大海膽、北海道帶子、法國黃金螺、鱈場蟹腳、咯嗲蝦和花甲皇在內的「星級海鮮拼盤」（$438），足供我們數位友人享用。我吃了加拿大海膽、法國黃金螺和咯嗲蝦，三款都甚為新鮮。 「星級海鮮拼盤」的生蠔雖然只得三隻，不足以讓我們每個人都吃到，不打緊，就來一個集法國、蘚格蘭、愛爾蘭等地出產的生蠔於一身，足有兩打的「生蠔拼盤」（$398）讓我們滿足對蠔的熱愛吧！這優惠只在星期二至星期四晚上6時至10時推出，可配啤酒、氣泡酒或紅白餐酒2杯，要是喜歡吃蠔的話，確實是一個喜訊。 各款生蠔，各有特色，肥瘦各異，一次吃勻，實在不錯。 海鮮雖好，當然也要吃點小食，「北京填鴨卷」（$88）配