LEVELthirty Lounge & Bar

值得讚賞！服務員態度非常友善和細心，超棒！我自己也忘記在系統上備註了食物要求「只接受微辣」，竟然餐廳為我們今次所制之有辣食物，也以調節為微辣，實在窩心！而且環境清幽，俯瞰美景，聚餐一絕！…Read More

香港沙田萬怡酒店30樓的LEVELthirty觀景酒廊沙田區內唯一的高空酒吧坐擁沙田城門河及馬場周邊開揚景色， 在廣闊景觀之下享用著酒廊美酒、香檳及中西式滋味佳餚下，有戶外露天打卡位，由觀賞日落時份到迷人夜景用餐，十分適合情侶、同事朋友摸酒杯底放鬆閒談聚餐。 晚市套餐仲低至HK$248-$508 👨‍🍳套餐包含有餐包、餐湯、主食、甜品，性價比高，酒店級價錢尚算親民。 🍲是日餐湯是南瓜湯，濃郁南瓜甜味加了一份滑溜奶香，入口柔滑綿綿。配搭幾款酒店級新鮮法國麵包，外酥內軟麵粉香突出。 🥗前菜係鮮淮山露筍沙律Asparagus and Fresh Yam Salad夏日炎炎令人更感覺清新健康，口感層次豐富，淮山露筍配搭爽口清甜，沙律菜新鮮令人食唔停口。🥩香煎南非M9和牛肉眼扒配燒蒜汁Grilled South-African M9 Wagyu Rib Eye Steak with Roasted Garlic Sauce揀左7成熟上檯，一份有三塊切件肉眼扒。牛扒經香煎外層焦香有口感，食落充滿牛脂香味，內層口感帶嫩滑，如食得生的建議叫5成會更加嫩口甘香。🍝蝦汁海鮮扁意粉Linguine with Seafood and Shrimp Sauce整體水準屬於正常表現，相對肉眼扒較清淡，但份量有誠意。配菜有兩塊薄脆片以及青廿、魷魚及鮮蝦，新鮮帶微微甜度，香草掛汁調味，拌勻後會更香口入味。🧁最後甜品有驚喜! 燴法國小香梨配開心果費車雪小蛋糕Poached Mini French Pear with Pistachio Financier酒店級精品甜點一定無得輸，小香梨鮮甜加點開心果碎增加口感，費車雪小蛋糕軟綿綿係一個絕配~而家酒吧正做梗一個2.5小時無限暢飲優惠🍻只需$198就可以飲到Drink Menu多款美酒!…Read More

沙田區內唯一高空酒吧—LEVELthirty 觀景酒廊，位於沙田萬怡酒店30樓頂層，餐廳景觀可以眺望沙田馬場、觀塘城門河等景色，而且餐廳設有露天室外座位，黃昏時段更可以欣賞日落美景，係一間好chill好舒適既酒店餐廳🐎 餐牌上晚餐set dinner包括各款經典西式main course;每一款都配上唔同嘅醬汁、煮法烹調而成，特別推介香煎比目魚柳配蕃茄醬，魚肉滑嫩，外層煎得香脆，配上酸酸甜甜蕃茄醬，味道層次分明！餐廳無論環境、食物，服務質素都屬於水準之上～…Read More

今日我哋兩個人，就嚟呢度試吓佢嘅午餐，我上網見到有lunch set所以就嚟試吓🤨 之前試過佢嘅afternoon tea set，嘢食都算OK，但係個環境好好，又夠靜，所以今次再嚟試吓佢嘅lunch。😌 lunch set都係包餐湯main course,而飲品就係要另外加錢。我哋一個叫咗Pizza，一個就叫咗三文魚沙律，我覺得個三文魚沙律份量就偏小，但個Pizza就都算幾大個，一個人就食唔晒，所以建議都可以帶定外賣盒如果細食嘅話。 因為book咗12點嘅關係，去到一個人都冇，之後先至慢慢有人上嚟食lunch，整體環境都係好舒適，比較靜，好適合想慢慢傾偈，慢慢食嘅嘅人。😉 食物我就覺得正常發揮，反而係個環境令整體加分！如果呢個價錢有呢個服務同埋呢個景，我都覺得是一間值得回頭嘅餐廳😙…Read More

松露醬厚蛋三文治將茶記常餐昇華，蛋香與松露碰撞出奢華滋味；避風塘蝦仁酥脆惹味，蒜香撲鼻還原大排檔風韻；最驚艷是XO醬帶子酥盒，酥皮輕盈包裹鮮甜帶子，微辣醬香畫龍點睛。甜點部分展現中西合璧巧思——楊枝金露布甸保留芒果柚子清香，卻以絲滑奶凍質感取勝；黑芝麻麻糬鴨屎香蛋糕層次分明，茶香巧妙中和甜膩。燕窩蛋撻將平民點心華麗變身，撻皮酥化與燕窩滑嫩形成絕妙對比。整體鹹甜配比得宜，每道點心皆能嚐到主廚將街頭風味精緻化的用心。…Read More