良友快餐

Open Now

Now Closed

良友快餐店，我旺角果陣成日食佢，以前好鍾意食佢個雜扒飯同啲炒飯(咸魚雞粒炒飯])重有個粟米雞粒羹果陣食覺得好正今日經過叫左個雜扒飯粟米汁，好老實要乾淨一定唔係食佢既，食野有時真係食返個風味同情懷😂😂，不過話佢難食唔係既，佢果個價錢合格架啦，幾十蚊野你想食到米芝蓮咩，不過都咁講呢間野都係間唔時食下就ok或者下午茶都可以叫佢，因為都係叫雞翼薯條果啲，叫呢啲餐廳都死極有限既，因為都係放入爐炸既姐，如果真係難食就食得屎🫠

本身見到呢間款式比其他三文治店多，價錢又比較相宜，評價都唔錯，於是滿心歡喜去試。點知真係一肚氣。廚房明明已經企咗三個人，落咗單後，竟然係一個喺出邊搬緊嘢阿叔，手都冇洗就開始整我嘅三文治🥵🥵🥵🥵🥵🥵🥵呢位叔叔仲要好有型咁一路食住煙，一路整。見到佢直接用手拎起已經整定嘅面包，再用手拎起1件雞蛋，同埋加埋其他配料，已經真心咩都唔想食。基本嘅衛生意識都冇，仲要開放式廚房俾人見晒，咁樣嘅良友，我真係唔配值得擁有。

凡事非常感恩。外賣哥哥仔說，他送貨途中被人碰撞，所以一部分湯被濺瀉，他問的我介意嗎？如果介意可以換的。我說沒問題，還表示給予兩元小費。他很客氣地表示由於濺瀉，所以非但沒有要小費，更只收取$20元（原價$28元）太好了，他們的寶號叫良友真味快餐。😍😘😗🤗🙂☺😙😀叉燒味道不錯。

今日係灣仔諗住平平地食餐晏，去左幫襯位於謝斐道既良友快餐。 椒鹽鮮魷客飯配埋凍鴛鴦先至40蚊，呢個價錢係灣仔真係好抵食。魷魚好惹味，但係炸粉淋咗所以整體唔脆，扣咗少少分。

今日黎左良友快餐試左佢個麻婆魚腩飯, 老實講 比我想像中好食, 價錢才$34, 但料都算多 豆腐同魚份量算多了, 味道上都好唔錯, 雖然麻婆汁麻麻地 但魚都幾好食 豆腐又無爛晒, $34有咁既份量同質素算係咁! 另外個奶茶都算可以 普普通通

嘢食種類包羅萬有 價錢超值 份量少左啲（我就比較大食）環境就一般 外賣嘅員工 員工快手快手有笑容又有禮貌 經濟唔好冇俾貼士 都冇變面口 打工仔叫外賣 不錯選擇 不過真係有啲舊 （咁嘅經濟）

呢度啲飯都幾抵食喺灣仔地方食lunch都差唔多要五$60但係呢度就真係唔錯比我搵到平靚正嘅快餐叫咗一碟乾炒牛河仲要味道都唔差㗎加埋杯凍奶茶都係$40左右所以覺得幾抵食

平時係灣仔區返工既 出去閒閒地食飯都要5、60蚊起跳就算你是但去間茶記 叫個快餐A外賣熱飲都一定要4字頭😫😫日日都係咁 對於一般既打工仔女 (即係我) 其實都係一個難題黎係灣仔區 搵好野食並唔難 難既係可以搵到一間又平、又快、又正既外賣💢所以今次 我就為大家推介一間係灣仔站A出口過一條馬路就到既抵食外賣係依條橫街 其實係有好多唔同既餐廳 有平有貴 有中式有西式打工一族黎講既 依間絕對符合到你既要求🉐良友快餐 佢門面係比較簡陋 但重點係價錢相當實惠大家睇到佢既餐牌 基本上茶記可以食到既 依到都可以即場做到比你♨️其中 佢既常 (快) 餐更加係可以係$30 有找 仲包埋飲品添呀不過我今次就試最傳統港式茶餐廳既乾炒牛河 乾炒牛河由於外賣關係 佢放左係膠盒到 所以影落呢背景就比較白D🔖不過唔緊要 碟乾牛河睇落都夠鑊氣 🗳炒得黎唔會太乾河粉炒得幾入味 估計佢落老抽同其他調味料都應該重重地手🕳 粉底唔錯至於牛肉方面 我就略嫌佢係比較老 肉質有少少"銀" 同埋唔太重牛味 應該都係材料問題 🛠份量呢 我就覺得適中 唔會太少 夠一人份量架喇但係重點重點都係 依碟乾炒牛河都係$32咋!!!如果你食餐既 $3

睇到餐牌 以為自己返返十年前，大約$30就有一個碟頭飯。好多都係經典嘅菜式，諗左1分鐘先決定到， 全店無人，廚房成6 7個師傅睇住我落單。哈哈味道一般， 鮮魷算爽，芡汁味道淡。 加埋可樂全單38蚊，又望到車，適合 駕車人士的 超級快餐

有圖有真相。呢d叫多士？？烘到好似食炭咁！！！雖然只是一件普通三文治，但個女職員見到件多士烤到咁黑都仲要整俾人食，好缺德！真係不知所謂！！！重申，不只第一次！！！😠

尋尋覓覓灣仔各式各樣既早餐能夠每日都試下不同既早餐 希望能夠搵到間自己心水無目標咁憑感覺去試 今日就試下係謝斐道既良友快餐早餐時段 各式雙併三文治配飲品 $14腿蛋凍啡腿蛋治 蛋同腿都岩SIZE 唔會得條邊 不過蛋香就未夠 如果有埋脆邊就好凍啡 味道夠 唔會用得太多水去開 足夠提神既濃度 不過略甜 可叫小甜

是晚，因有試食飯局關係，故決定午餐吃得輕盈一點，拉上補下。 路過良友，見價錢合理，就決定一試。 良友以外賣快餐為主，堂食座位並不多，食物選擇多樣化。開放式的廚房，可見有七人正在埋頭苦幹，大多更為年輕人。特平早餐$19份，包熱飲一杯，共有七款。小妹要了雪菜肉絲煎蛋米配熱檸水$19作早餐，檸水入口苦澀的，檸檬不太新鮮，終被棄掉。米粉ok，仍具咬口；煎蛋蛋味不香，且是預先煎好的，乾硬且不熱不鮮；肉絲最為難吃，劣質雪藏貨色，無肉味、質感可言，寧願不要是也；雪菜是唯一較為滿意的食材。下午，吃了一份的公司三文治$20，徒見賣相，不俗的。 雙層的三文治麵包鬆軟，入口香軟無比，餡料也極多，有火腿、蕃茄、生菜、雞蛋、雞肉和沙律醬等，稱得上價廉物美。因店家切得不好的關係，小妹只能先吃上截含有火腿、蕃茄、和生菜等餡料的部份，味道也不錯。下半截含有雞蛋、雞肉餡料的部份未被切斷，小妹只好對摺來吃。一咬，唉…劣質雪藏雞粒的味兒質感教小妹極為反感，馬上吐出來好了。

星期日, 因為要代表公司招待客人. 一早10點要到灣仔報到, 快快趣搵個三文治暖暖胃先. 星期日, 冇乜人, 看看有沒有什麼不平凡既三文治. 問一問牆上大字報的特別口味, 什麼是港什扒, 廚部哥仔說是漢堡扒. 漢堡扒夾三文治, 聽起來簡單, 但又真係未食過播, 點都要試下.這塊港什扒, 味道幾特別, 根本食不出這是什麼肉, 因為要食完開工, 沒時間去細心用大腦分析呢塊野既成份. 不過說明是, 味道就百感交集, 有牛有豬有雞. 再加上沙律蕃茄. 味道西式, 但又有港式三文治既熱力. 良友果然是良好朋友.拿了張外賣紙, 一於回公司研究下. 星期一中午, 沒心情外出用膳, 打一打電話去良友, 問佢送唔送金鐘. 一句肯送, 我們就先掛電話, 再仔細看看有什麼正野. 左揀右揀之下, 得出一個定論....我們要焗飯.焗飯的最基本, 當然是焗豬扒飯啦. 這兒的焗扒飯, 不是老土土的用蕃茄醬, 而且更加老土的洋蔥汁. 飯, 是可愛的炒飯底, 味道夠香的蛋炒飯, 再加汁焗一焗. 撈埋的, 是洋蔥汁, 食落雖然只是洋蔥豬扒飯. 但焗了一焗, 飯香, 洋蔥汁香更濃.豬扒, 肉感一流, 不是那些淋到不用牙也能

三月廿八‧陰天 不是說權威的「海外xx中心」，而是說這裡~~良友快餐。早前接受了本地某飲食雜誌的訪問，談及快餐廳，如要我舉一些最經典的例子，對不起，不是什麼時新也不是樂景，必定是良友快樂，又或是家家樂也可以。因為如果數最早期的連鎖快餐廳，必定是這兩個品牌莫屬。無論是灣仔、油尖旺、紅磡又或是環頭環尾，總有一間在左近。而與現時的連鎖快餐店不同的是，這些快餐店，無論是碟頭飯又或是小炒，大多是有點水準的。 是日午飯沒著落，本來想去吃西餐，行過這裡，想起也有一段時間沒有來吃了，就來吃個快飯吧。與其他良友一般，這裡也是以做外賣客為主，行埋櫃檯就快快說出吃什麼，而廚房也第一時間炒好你要的出來，真的是快到無倫。這裡也有堂座，不過就算你說不是外賣也不會是「碟上」，仍然會用發泡膠盒同紙杯。要了星州炒米，加杯熱啡。 三分鐘也不用，星州米跟熱啡已包得好好的，放在櫃檯上。即炒的米炒，熱辣辣又呎鑊氣，熱度夠米粉也得夠鬆散，吃起來口感自然好。味道也調得剛剛好，咖哩的味道適可而止，不會過鹹，也不會炒到是黃黃的。加上不少的韭黃及蝦、叉燒粒等配料，很有水準的。而在這些地方吃，當然是吃炒粉麵飯較出色，這也是常識。熱咖啡也有

自從光顧了時新之後，對於繼續尋找香港做得出色的港式漢堡樂此不疲。每逢找到機會，也會一試該快餐店的漢堡包，來看看時新的漢堡包是否真的冠絕全港。今天跟女友要再進會展，準備定下人生大事的晚宴日期，面對如此重大決定，就算如我也罕有地感到有點壓力，所以我更需要一頓美味的食物來鬆弛一下。(也可當作我找個藉口好了)在選擇了要到另外一間食店作為"落腳點"時，看到對面的"超級連鎖店" - 良友快餐。對於追尋港式漢堡的那份"使命感"又再發作了。立即跑過去對面，要了個芝士漢堡及魚柳包。在充滿期待的時候，往往就是最令人失意之時，因為這次的水準實在強差人意了。先說魚柳包，味道完全及不上在旺角街市旁兄弟店的水準。魚柳處理得不好，油份還沒被迫出來便拿上來用而入口"油淋淋"，而且魚味也欠奉。漢堡的水準更是不可接受。我明白現在物價高漲，但看到那差不多薄如紙的漢堡扒，實在怎樣也說不過去。如果沒有加上芝士的話，這個漢堡絕對是本件度最缺乏誠意之作。結論是，時新仍是第一~