得閒飲茶

Open Now

Now Closed

我同老公平時都多幫襯太子分店，今次黎深水埗買野，順便試下深水埗分店～🧾 今次叫咗：•🦐 蝦餃：皮薄餡靚，蝦肉爽口•🍰 馬拉糕：香滑鬆軟，有蔗糖甜味•🌸 春風得意腸：餡料豐富，口感層次好足（我的最愛❤️）•🍚 鳳爪排骨飯：醬汁夠味，飯粒吸晒精華，好滿足！整體味道依然有水準，水準一如太子分店💪🏼✨環境方面，深水埗分店比太子分店更光猛、乾淨，坐得舒服，感覺幾舒服 👍🏼📸 小驚喜：店內貼咗poster，話喺Google地圖留下食評＋相片可以送甜品一客／享95折～😍 抵呀！

間唔中都會黎到深水埗呢邊而且都會順便搵下野食，今次見到呢間飲茶食點心既地方又未食過，見有位就入黎試下，結果都算唔錯既，而且環境都算ok同有冷氣。點心方面，山竹牛肉口感ok，又唔會太林既口感。流沙包入邊都係流沙既奶黃而且都夠熱。牛肚味道ok 而且有口感，唔錯。馬拉榚都夠鬆軟，口感唔錯。蘿蔔榚食落去唔會太粉太林，可以接受既。叉燒包夠熱同都足料，算唔錯。。。。總結。。。整體黎講，味道算唔錯，比知名點心店既質素甚至更高一點，價錢都算係中等唔算貴。

懷舊飲茶餐廳👍🏻本人對飲茶麻麻地，但呢一日突然好想飲茶食下點心就入左去試試啦👻得獎蝦餃之王🍤蝦好彈牙，食落口好爽口😉沙爹金錢肚🥘醬汁既爽口，又惹味😋春風得意腸🍢特別推介，腸粉包住炸蝦超正，好脆口🤪紫薯流沙焦堆仔🧆我至愛呢一款，一咬流沙就流落黎，超好味食完一粒想再食，食唔停口😙鳳爪排骨飯🍚超大碟既飯，2個人食就岩岩好，一個人就食唔晒

呢間點心店距離地鐵站大概幾分鐘路程，非常之方便，成功吸引到熱愛點心嘅我。得獎蝦餃之王 - 36蚊有4粒大大隻蝦餃，必食推薦！！皮勁薄又滑，入面隻蝦都好大隻。灌湯小籠包 - 超級爆汁，朋友爆汁爆到成枱都係，所以要小心食，肉汁非常鮮甜，皮唔會太厚，讚！！蜜汁叉燒腸 - 好欣賞佢嘅豉油係會另外擺，腸粉非常嫰滑，叉燒份量亦都十足。千島醬脆皮蘿蔔糕 - 個外皮做到好脆，蘿蔔糕原來都幾夾千島醬，幾有驚喜。臘味蒸飯 - 臘味非常香，份量都夠兩個人分享。蟲草花木瓜燉豬骨 - 太喜歡飲湯嘅關係，最後要試埋個燉湯，木瓜非常清甜，飲落好舒服。

好耐冇去茶居飲夜茶🤭放長假前兩口子去嘆左個靚茶食點心，估唔到又幾有驚喜！✨灌湯小籠包 - 一咬爆汁，個皮夠薄，肉汁鮮甜🥟 ✨野菌素粉果 - 個皮晶瑩剔透，裡面好足料，有好多雜菌+芹粒，清得嚟幾香~✨香茜牛肉腸 - 腸粉好嫩滑，牛肉彈牙👍🏽✨紫薯流沙煎堆仔 - 外型幾特別，煎堆仔用紫薯製成，裡面係流沙奶黃，配搭幾正🤤✨京蔥香煎菜肉包 - 個包好軟熟，裡面幾足料🧡✨3.6牛乳太陽蛋 - 賣相💯，必叫之選，食到濃郁奶香，質地幼滑🍳

逛商場睇完電腦後，我們決定在商場附近尋找小店，坐低飲杯茶食個包唞吓。我們被「得閒飲茶」門外張貼嘅點心菜單吸引着，他不單提供傳統點心，更有頗多創意的。而最重要是即叫即蒸，夠新鮮。✨得獎蝦餃之王🦐餃皮有彈性兼半透明，蝦肉爽口彈牙，吃起來清鮮美味，不愧奪得蝦餃之王的美譽。✨懷舊香菇燒賣🍄‍🟫肉味香濃，香菇濃郁，口感爽彈， 咬開肉汁飽滿，淡淡滿足。✨ 家鄉蒸蘿蔔糕🥕🥕部份蘿蔔切成粗條， 令軟糯蘿蔔糕有咬口，口感更豐富。如添加多些臘味和蝦米，會更好味。✨ 蔥花蝦米腸🍤腸粉軟滑薄身，配上 蝦米，蔥花，甜豉油、味道清新之餘，且帶點行鹹香。✨ 蜜汁叉燒包叉燒包嫩滑剛好，亦稍為裂開露出叉燒餡料，陣陣香氣滲出，趁熱一口咬口，好正唷！✨ 鳳爪排骨飯🍚排骨不太肥，啖啖肉，鳳爪大大隻， 夠厚身。米飯軟硬適中，份量十足，同時飽滿地吸收了排骨豆豉蒜蓉肉汁，更惹味可口。✨ 豆沙QQ小白鼠🐭被造型吸引的小白鼠驅使下，叫了一試。原來是紅豆餡糯米糍，外層鋪滿椰絲，口感軟糯煙靭，豆蓉甜度適中且香滑，一道不錯的甜品。整體來說，點心水準不錯，價錢亦合理，平均$100 ，值得一試。

🦐原籠蒜蓉蝦蒸蝦飯 $54蝦新鮮大隻，肉質彈牙蝦膏及蒜蓉混合在一起，非常惹味飯粒分明，不會過濕或太乾，拿捏得非常好的蒸飯🥟蟲草花魚翅灌湯餃 $38餃子非常大隻，餡料足，湯清甜🦑蒜蓉粉絲蒸墨魚仔 $38墨魚仔大大隻，爽口彈牙調味非常香口🥢蜜汁叉燒腸 $27腸粉份量大，叉燒半肥瘦，不會靭🍶香脆鮮奶卷 $35這個略嫌鮮奶味不足🍞香煎菜肉包 $26包煎得很香，不會太乾，恰到好處餡料足，性價比極高！🍤蒜香蝦春卷 $28蝦的份量比較吝嗇，像普通的春卷

地點方便，深水埗地鐵站步行兩至3分鐘到，鋪內環境寬闊，枱大張，不過就冇大枱，比較適合1至6人.得獎蝦餃👍🏻👍🏻👍🏻👍🏻鄙薄餡靚，係幾好食，但講到佢得獎，我就覺得有點過譽，不過都係好食嘅😋蘿蔔糕👍🏻👍🏻👍🏻👍🏻外脆內軟，蘿蔔味都出，配合千島醬，係好食春風得意腸👍🏻👍🏻👍🏻👍🏻👍🏻我自己好鍾意呢個腸粉，其實有少少炸兩feel，但呢個口感好Rich，有少少菜都幾fresh燒賣👍🏻👍🏻👍🏻👍🏻豐富厚實嘅燒賣，又夠熱炸奶👍🏻👍🏻👍🏻👍🏻估唔到炸奶都幾好食，同埋真係新鮮出爐，所以好好食😋其他點心表現都不錯，仲有好多款想試.四個人飲夜茶，平均每人$80，價錢都OK👍🏻

最近俾我搵到呢間新派點心專門店，主打傳統同特色創意點心，所有點心都係即叫即蒸，熱辣辣好好味。.我哋叫咗4款點心同一款蒸飯。.得獎蝦餃之王 —原來呢度嘅蝦餃拎過獎，有「蝦餃之王」的美譽，我哋當然都要試吓啦！蝦餃皮好薄好滑，蝦肉超大隻，好爽口彈牙，真係唔錯👍🏻.黑金流沙包 —有好多奶皇餡，一搣開個包差啲流晒出嚟😆奶皇餡蛋黃味好濃郁，個包好軟熟，幾好食。.龍蝦湯鮮竹卷 —呢個幾特別，第一次見鮮竹卷配龍蝦湯。龍蝦湯有落洋蔥一齊煮，有洋蔥嘅甜味、亦有龍蝦鮮味。鮮竹卷塊腐皮好香脆！入面包住椰菜、木耳、紅蘿蔔、蝦肉，幾爽口幾好食。.千島醬脆皮蘿蔔糕 —呢個又係好有特色，炸過嘅蘿蔔糕，表面有木魚；外脆內軟，食到粒粒蘿蔔，口感豐富。表面淋上千島醬好夾好好味！😋.原籠牛仔骨蒸飯 —用類似蒸鳳爪的豆豉醬汁，加少少黑椒醃牛仔骨，微辣，幾惹味。牛仔骨肉幾嫩滑，個醬汁撈飯都幾好食。.欣賞呢度嘅點心幾有特色，價錢仲要大眾化，人均消費唔使$100，食到好飽好滿足。

香港/中國人飲茶文化好普遍,但是飲夜茶就比較少. 香港飲夜茶的地方也不算多, 同朋友在深水埗行完街, 路過一間餐廳名字”得閒飲茶“. 原來餐廳除了點心外, 還有蒸飯,燉湯,甜品的精品酒樓. 我們2人大約18：45左右入去, 不用等位. 估唔到坐了一陣已全場滿座. 好彩我們早些來. 我同朋友都喜歡食蝦🦐🦐, 當然,要試下蝦餃（原來呢個蝦餃有蝦餃之王的美譽）&原籠蒜蓉蒸蝦飯.得獎蝦餃之皇（4粒）~皮薄大大粒蝦肉混合豬肉爽口彈牙,重點有少少筍粒, 保留傳統特式. 現在的酒樓未必有這粒筍嘢😆原籠蒜蓉蒸蝦飯~由荷葉外層包著鮮蝦的蒸飯,除了荷葉的香味還聞到強烈的蒜香蝦味. 相比傳統蒸飯給客人多一個選擇. 我偷偷看到隔離枱的鳳爪排骨蒸飯&章魚肉餅都好吸引. 還有,牛仔骨蒸飯,我也想試一試.下次可以再試其它口味.我最鍾意食鵪鶉蛋（3粒）,懷舊鵪鶉蛋燒賣一定我必吃的. 大大粒的鵪鶉蛋加上啖啖豬肉香的燒賣,好味道😋.千島醬脆皮蘿蔔糕~超級吸引,賣相美觀,中西日合璧.中式的蘿蔔炸到金黃色後再塗上西式的千島醬汁及在最頂層配上日式的木魚碎.薄薄的木魚碎在熱騰騰的食物上舞動,充滿動感又有美感. 胃口大開.食蒸飯又

🥣蟲草花魚翅灌湯餃🥣：湯底有蟲草花同魚翅，餃子皮薄透，包住鮮美湯餡，肉鮮蝦肉彈牙，咬落去湯汁瞬間爆發，鮮甜味十足。🥣花生瘦肉燉雞腳湯🥣：充滿住家湯味道，有兩隻雞腳，膠質滿滿，湯底濃肉味，口感滑潤，有大舊瘦肉，豐富營養價值，好滋補呀！🥣懷舊糯米雞🥣：好大舊呀！好多飯，又多肉，有粒蛋黃，蟹柳，仲有雞肉件有骨架，勁足料，一打開塊葉香氣撲鼻，真係童年既味道🥹🥣家鄉蒸蘿蔔糕🥣：好少茶樓有蒸糕版，整體蘿蔔好鮮甜，蘿蔔絲粗條有咬口，有陣陣臘腸香，蒸版都好大舊，啖啖肉！🥣椰香黃金糕🥣：一籠有三片，好煙煙韌韌，椰香味偏重，甜甜地，新年都成日食既甜點。🥣紫薯流沙煎堆仔🥣：外皮沾滿脆粒粒，內餡係流沙奶黃好香濃，外皮有淡淡紫薯味，口感層次豐富，幾特別。

今晚同老公出去食宵夜，見到網上介紹呢間位於深水埗福榮街得閒飲茶點心專門店，即管試吓。估唔到平日晚上都咁多食客，店內環境光猛乾淨，架座都幾舒服，價錢亦相抵食，夜晚想食點心的好地方。主打的創意點心，即叫即蒸，用心製作，可以一試沙嗲金錢肚 $31沙嗲金錢肚醬汁既既爽口又係惹味蟲草花棉花雞 $33棉花雞肉質幼嫩，突然較多肥膏，配上爽口魚肚家鄉蒸蘿蔔糕 $20家鄉蒸蘿蔔糕，好有傳統風味，不過不失蒜香蝦春卷 $28蒜香蝦春卷炸到剛剛好，香蒜味濃郁，蝦肉爽彈，酥脆可口原籠蒜蓉蒸蝦飯 $54推介呢款蒜蓉蒸蝦飯，份量十足，陣陣蒜香配上鮮味大蝦，好味道

一共三塊雞肉 兩塊都係肥膏。這道雞肉料理讓我感到非常失望。首先，雞肉的脂肪含量過高，吃起來油膩得令人不適，嚴重影響了整體的用餐體驗。雖然肉質表面看似鮮嫩，但一口咬下去，油脂的味道瞬間湧來，讓人不禁想要放下餐具。對於追求健康飲食的人來說，這樣的選擇實在難以接受。更糟糕的是，當我向服務員反映希望更換菜品時，他堅稱無法滿足我的要求，這讓我感到非常不悅。作為顧客，我期待的是能夠獲得良好的服務和體貼的選擇，但在這裡卻完全相反。服務員的態度讓人感到冷漠，似乎對顧客的需求毫不在意。整體而言，這道菜的風味雖然還有提升的空間，但若無法改善脂肪含量和服務質量，我實在無法推薦這家餐廳。希望未來能對菜品和服務進行改進，否則難以吸引回頭客。

得獎蝦餃之王 $3果然係拎過獎，蝦餃 爽口鮮甜又彈牙，食落去啖啖蝦味黑金流沙包 $36入面既咸蛋黃醬 好香 仲會流心，唔會好水，推介棉花雞 $33棉花雞內裡嫩滑，雞肉鮮嫩同香料的搭配得好好，每一口都能感受到肉質多汁，同佢用左雞湯，更加帶出雞味。蜜汁叉燒腸 $29蜜汁叉燒腸的甜味和煙燻味完美融合，腸粉的皮薄而滑，咬下去時瞬間釋放出濃郁的叉燒香氣。蜜汁的甜潤感讓人感到滿足千島醬脆皮蘿萄糕 $33 外皮金黃酥脆，入面的蘿萄糕軟嫩香甜。千島醬的加入，令整體口感更加層次分明，令人驚喜，而且視覺上好吸引，好岩打卡。茶位＄6 每位 簡左普洱茶，又幾抵飲。

夜貓子吃點心又多個好選擇‼️最近發現係深水埗區又多左間點心舖嘅選擇～見係新開張就試試佢啦😋這家的流心餡點心真的很出色🤤個人很推薦黑金流沙包是必定要點！其他的點心整體都很不錯👍🏻蝦餃大大粒🦐值得一試-🖤黑金流沙包 / $36-🦐得獎蝦餃之王 / $36-💛懷舊香菇燒賣 / $32-🍚原籠章魚肉餅飯 / $42-💜紫薯流沙煎堆仔 / $32還有紫薯流沙煎堆仔也很讚❤️脆脆的外皮加上軟糯的糯米皮煙煙韌韌！-🦞龍蝦湯鮮竹卷 / $33-🫖茶位（每位）/ $6