Lemongrass (Closed)

今日約左朋友係奧海城行街，見朋友未到就周圍行吓先，見到呢間泰國食店門面介紹某些食物半價好似幾吸引，又有d肚餓就入去坐低慢慢食享受吓一路食一路等朋友，睇餐牌除可以散叫外，還有午市套餐俾人選擇，我叫左個泰式無骨豬手飯套餐，另外跟餐加$15要左個小食：脆炸魷魚軟骨，加$8將飲品升級做：藍蝶花梳打。再散叫多個：檸檬香茅雞翼和扇貝帶子。藍蝶花梳打：未飲過，睇賣相好鮮豔，飲落酸酸甜甜，似有氣利賓納，杯內有d椰肉粒增加囗感脆炸魷魚軟骨：爽脆彈牙，入口大細剛剛好，本身已經好夠味，唔使點泰式酸甜醬已好好味泰式無骨豬手飯：今日個湯係紅蘿白粟米湯，唔似例湯溝水，入囗幾濃，講返個豬手，唔點個泰式醬試吓原汁原味先，入囗唔使用力咬肉質軟腍，而且好入味，豬手底還有菜心和上海鹹菜（雪裏紅）墊底，味道鹹鹹甜甜送飯幾好檸檬香茅雞翼：睇見就即刻想食，入口皮脆肉嫰，有淡淡香茅味，雞肉好入味扇貝帶子：加上溶左既牛油、蒜蓉和肉汁一齊食，鮮甜彈牙，正！食完晒所有嘢飲返杯藍蝶花梳打，即刻熱氣全消所有食物唔使點任何醬，本身味道已經足夠，不過想多d泰式風味都可以試吓點醬

Originally went in for lunch dine-in but had been informed that there was no air conditioning so I decided to take out instead. The lunch set menu says lunch sets come with a snack, dessert and drinks. Upon placing my order of lunch set with pad Thai (in Chinese 大蝦炒金邊粉 ie with prawn) and iced Thai milk tea, I was told that takeaways do not come with snack and dessert but are charged the same price (plus $2 takeaway container) - it puzzles me as to why but I really wanted air conditioning so I op

星期日的中午到來吃泰國菜，這裏的lunch set 包前菜，主菜，飲品及甜品。價錢都合理。我們叫了幾個套餐， 先來海南雞飯，雞的份量都不少，雞算滑，醬汁齊，唔錯。還有蟹肉炒粉絲，炒得夠乾身，不油膩也很入味，有驚喜。至於泰式炒貴刁，不過不失。散叫的燒魷魚，魷魚頗細條，這個價錢有點貴。整體不錯，唯獨送的甜品(果凍)，味道有點怪。

星期六的晚上喺奧海城行到攰攰哋，諗緊會唔會去附近食嘢但出面天氣又唔係咁好落緊雨，行經呢間餐廳又一直都未去過所以就本著試一試的心態去食過early dinner。入座時候只係六點零鐘人流不多，好多檯可以揀， 睇咗陣餐牌就點咗二人晚餐 ，好老實講呢間餐廳就真係唔係太多嘢可以寫，佢嘅嘢食樣樣都係不過不失，沒有特別好吃，亦都沒有特別難吃。呢個豬頸肉青木瓜沙律嚟講呢啲豬頸肉燒得可以，青木瓜絲分量足，酸汁正路冇驚喜， 整體味道不過不失。之後到呢個泰式海南雞雞，雞本身就係雪藏貨啦呢點就毫無置疑，都唔會有太大期望，而實際上當然就是沒有雞味的冰鮮雞， 雞本身只有雪藏味就當然要用碟上的醬汁去掩蓋一下，整體來說不吃也罷。大蝦炒金邊粉上枱睇落幾靚，但都係金玉其外，大蝦是沒有蝦味的上面淋上滿滿的泰式辣醬， 金邊粉炒得過淋，味道偏甜，蛋漿的網面看上去很漂亮但食落去乾爭爭， 影相打卡就可以但食就真係免啦。最後呢杯士多啤梨奶昔是全晚的大伏，就是用士多啤梨雪糕加冰塊打碎， 個雪糕就是用類似牛奶公司的士多啤梨雪糕去打成，不予置評了，有興趣試伏的就自己去試試吧。總括嚟講，如果沒有其他地方可以選擇的話，呢間餐廳是可以一試，但

朋友請食飯，同朋友第一次黎依度食晚餐，點知樣樣都辣，小朋友無樣野入到口。到問返侍應，點解碟野辣但無辣椒標示，佢就話吾辣架但要叫走辣先得，咁即係點呢？叫加水，但就將手頭壺水去整一盤新水for未入座嘅客人，而我地最後係得到剛倒出來的熱滾水，你叫我地點飲，要等到杯水涼囉，仲要係企係客人頭後有fill水，好驚險。無諗過二人餐要$388但係咁㗎囉。落單時吾講甜品已經無得揀，到叫上甜品時先知，有點質疑佢地嘅服務水準。裝冬陰公個碗崩到咁肉酸都用來serve比客人，見到都吾開胃。侍應態度都還可以，只少無鬧返我轉頭。食物偏咸，所以要不停飲水。但咁樣嘅經驗，攪到食得掃晒興囉！👎🏻

黎到奧海城有好多選擇，最後揀左呢間泰國餐廳，唔算多人，唔洗等位。因為得兩個人，點左三樣食物，揀左佢既熱門菜式 大蝦金邊粉，炒通菜，原先想點咖喱加薄餅，但佢地話焗爐壞左 所以無薄餅，咁我地轉左要豬頸肉。等左一陣 上菜賣相好一般，哈哈。。呢個蝦，炸完？食落去凍。麵還好最ok應該都係呢個豬頸肉，btw啲汁較辣。最後要講講啲侍應，成日都唔望人，埋單無人理，活在自己世界。而其中有個侍應聲浪太大了吧，有時比佢嚇親，哈

係商場見到唔使排隊，就決定入去食喇平時星星一至五嘅lunch set都唔貴，dinner 就正常散叫軟殻蟹米紙卷份量都幾多，四個人share每人都有兩件👍🏼馬拉盞通菜就唔係好重馬拉盞嘅味，不過整體都唔錯嘅炒金邊粉有好大隻蝦，蛋皮煎得好靚，賣相唔錯，味道都幾好🤤鋼管燒雞賣相好靚，好特別，雞肉好嫩滑，配泰式辣醬好夾好好食

夜晚嚟到奧海城The Sky睇Avengers4，聽講入場都要排隊，所以就早咗好多過嚟呢邊，諗住食埋嘢，預鬆少少時間，唔洗驚遲入去睇唔到開頭啊。行過見到有間泰國菜，就入咗去試啦，裝修都幾靚，但啲位唔算好坐，有少少窄。一嚟就叫個咖哩蟹，啲餸真係好大碟，隻蟹又好大隻，啖啖蟹肉，好鮮味，又入好入味，咖哩唔會太辣，都幾正。叻沙好足料啊！當然唔少得食泰國菜必食嘅生蝦啦！生蝦夠晒凍，食落好爽口，最重要係個醬都調得好好味啊！

第一次在奧海城覓食的這個晚上，看著水牌發呆了一陣子，最後和友人一致選擇泰國菜，感覺比較開胃。可惜，事情的發生總是事與願違，點了它們的二人餐$388 (包括1x前菜、1x湯、2x主菜、2x飲品、2x雪糕)。【軟殼蟹米紙卷】米紙較厚身，軟殼蟹亦只有面頭上的一小塊，吃了第一口後，中間已經沒有蟹肉。【竹笙魚湯】想像不到魚湯是用炸過的魚塊，而所謂的奶白色魚湯是用椰奶調製而成。【大蝦炒金邊粉】最泰式的一道菜，味道酸甜，而旁邊亦另加了幾撮的砂糖、辣椒粉，花生碎及青檸角，美中不足的是只有一隻蝦，是要人怎樣分啦～【海南雞】香港典型無味道的雞⋯【椰王】小小的一個，但勝在夠凍！【雲呢拿雪糕】用飲品杯放了一球雪糕，就是飯堂的感覺！不太滿意的一餐泰菜，加上不斷滴水，什麼興致都沒有了！而且侍應的衞生意識有待加強，在上餐時應避免向著食物方向大聲說話⋯下次再來奧海城不會再選擇這家了，畢竟附近還有頗多更好的選擇。

天文台真係準呀，今日真係落大雨。咁就去商場食，揀咗這間泰國菜館食有好多種選擇，所有午餐都係set定食一樣有湯、主菜、甜品和水果我們點了炒貴刁，但係真係失望呀，真係一啲都唔正宗，只是一碟加生抽炒咗嘅河粉，全部特色。 海南雞飯就中規中矩。另外還有一個肉碎煎蛋飯，但係真係唔得，嗰啲肉碎超鹹呀！例湯是青紅蘿蔔煲瘦肉，有在家的感覺。椰汁糕甜點，實在太甜啦！單尾跟餐加錢就加咗個青檸梳打。 環境都算寧靜，侍應生的服務也不錯，有禮貌

我地就約埋朋友一齊去奧海城掃貨，順路搵好西食！依排個口淡淡就想搵D開胃野食下，就搵到依間Lemongrass。 我地去果時仲係好早，唔算話好多人，我地4個人一行到門口，職員就好快安排我地入去坐，仲安排我地坐卡位。餐廳裝修充滿濃濃既異國風情，用木色既餐枱搭配綠色既裝潢，廚房仲有個開放式BAR枱，環境十分舒適。 餐廳有好多野食可以揀，可以比貪心既我地一次品嚐到唔同既野！入面當然主打係泰國菜，都仲有提供馬來西亞、新加坡、印尼菜等等，同埋野飲都有好多選擇！貪心既我地就叫左一共叫左5道菜同2款野飲！🥢L.G. 特定拼盤 $228一次滿足6個願望，拼盤入面有生菜包、泰式鳳爪、蝦串燒、雞串燒、素菜春卷、泰國炸蝦餅當中最推介炸蝦餅，餅身較厚，配合埋酸酸甜甜既醬汁，一啖咬落去啖啖都係蝦肉，好滿足！ 🥢炭燒豬頸肉 $102依道豬頸肉既精粹就係醬汁，有濃濃既檸檬草既香氣，完全配合到店家既名Lemongrass！ 🥢泰式蟹肉炒飯 $102有部分既朋友未必話甘鐘意泰國香料味太重，而依道菜就岩晒依D朋友仔。炒飯粒粒分明，配合蟹肉同蔥粒，味道適中岩港人口味。 🥢大蝦炒金邊粉 $98依道金邊粉好精緻有一層薄薄既蛋皮包

好多時成日想食泰國菜，大家都會諗到去九龍城，但原來大角咀都有架！！之前朋友因為住附近，佢又想食泰國菜，就係openrice度search到呢間lemongrass啦第一次食，一入到去就覺得餐廳環境比的想像中大，枱同枱之間唔會好似之前食過既泰國菜餐廳咁，好迫好多人好嘈可以好好咁傾下計！因為我本身好鍾意食蟹所以好快就選左泰式蟹肉炒粉絲，一黎到比我想像中份量大好多，蟹肉份量都幾多，食到好飽幾抵食但對於我呢d甜品又係第2個胃既人黎講，之後係去左食甜品下次再同大家分享

同朋友咁岩工作經過奧海城，呢到都有幾多好食既餐廳。豬頸肉好香脆，醬汁酸酸辣辣令人懷念起係泰國既旅行～芒果糯米飯都好足料！勁鍾意食，呢間都做得幾好，份量夠同新鮮，係香港食到呢個味道已經好好了。

午餐時段同同事打算去試下肉骨茶，去到見到入面唔多人，但好多檯都未執。拎左飛等左陣，見到職員係到行黎行去，但都無人執檯。入到去坐底叫完野食，等左20分鐘，見到遲過我地叫野食既客人都已經食緊野，先麻煩職員幫我地催單，再等左5分鐘，有個職員行埋黎話等多陣，幫我地處理緊張單。再等左5分鐘，一開始幫我地落單果位職員走埋黎問係咪佢幫我地落單，之後再話幫我地睇睇，叫我地等！再過左一陣，走番黎勁無禮貌，連唔好意思都無講，直接話好似無落到我地張單，問我地仲食唔食！我覺得無落單唔緊要既，再落番單等多陣都可以。但唔係不停叫我地等等等，然後連唔好意思都唔講，直接問我地咁仲食唔食😡😡😡😡同埋乜野叫好似無落到單？有落就有落，無落就無落！點樣叫做好似無落？

要數奧海城入面的泰菜，點少得Lemongrass呢？呢度環境好有情調，木制的餐桌、木制的坐椅、木制的百葉簾，幽暗的燈光，都充滿南洋風情。呢度午巿套餐有十三樣野揀，叫做多選擇。C6 傳統地道豬手飯 （$86）豬手半肥瘦的圓蹄，用老抽上色，再片成薄片。豬手肥膏部份十份柔軟，含豐富膠原蛋白，瘦肉部份結實而富有彈性，點埋個泰式酸辣汁可以去除油膩感覺。套餐附送例湯和甜品，成個托盤上感覺歸一和諧，白飯不多不少岩岩好。餐飲方面一杯香滑手拉熱奶茶就最岩口味了。