檸檬冰室 (荔枝角道)

Open Now

Now Closed

快閃茶記，成間野都係黃色😂。午市黎到呢到座無虛席。秘制無骨海南雞飯呢到既八大名菜之一，無骨啖啖肉，岩哂懶人！特餐豬扒味親唔錯，丹麥多士超正！炒蛋加左松露好香💛。生炸雞髀配薯角隻髀大過我隻手掌🖐️。好Juicy!薯角好香脆！如果加片🍋檸檬比我吱幾下落隻髀到會更加fresh😆！杯紅豆冰大杯都暈，仲要有球雪糕，配炸髀一流！法蘭西多士大大片牛油超邪惡🤤，中間夾左花生醬，掂！呢到仲有D檸檬系列既食物，檸檬控唔好錯過呀🍋！

那個謝檸檬我就不喜歡了，這個黃檸檬我就覺得不錯。我說的是這間已開了數間分店的「檸檬冰室」。這間以檸檬黃色為主調的冰室，之前我只吃過早餐，味道正正常常的，不算特別出色。但這次來這吃晚餐，我就覺得頗不錯，而且相當抵食。我吃的晚市套餐是「馬蘇里拉芝士焗海鮮意粉」（$68）。意粉一端來，已嗅到濃濃的芝士香，與芝士幾近融為一體的海鮮，比平常茶記冰室的來得多，連殼青口有兩隻，帶子也有一隻，加上不少的魚柳、兩隻醃得入味的海蝦和數件卷曲的魷魚，材料實在豐富。反而那扮是蟹肉的人工蟹柳，這意粉卻竟然沒有，實在教人感到意外，意外的好。老婆仔散叫的「茄茸雜菜燒雞扒炒意粉」（$60）大大一碟，燒雞扒份量極多，而且煎得皮脆肉嫩，雜菜款式也多，西蘭花、車厘茄，就連茄子都有，吃得出有誠意，意粉軟硬度亦見適中。這間「檸檬冰室」，以新派冰室來說，有實力，有誠意，我鍾意。

見佢門面全黃色，坐在裡面十分舒服，叫左晚餐白汁忌廉焗魚飯，有中或西湯，我要左中湯，非常好飲，凍檸茶的檸檬很清甜，可能佢叫檸檬冰室，檸檬特別靚，夏天飲很解喝，等左陣，主打焗飯到，白汁配得剛剛好，不多不少，之前食過有d餐廳焗飯汁多到死，搞到好似湯飯咁，但這間汁剛剛好，讚👍🏻，飯又一粒粒分明，魚肉又實而不鬆，來到又熱辣辣，我覺得是全港最正的焗飯

之前係汝州街食開早餐，碰巧家裏冇煮飯，就到剛開業不久，位於荔枝角道246號-248號檸檬冰室，入嚟第一個感覺，裝修雖然簡單，但充滿心思，坐位相當闊落及舒服，就算一個200磅嘅肥佬，坐也不覺擠迫，睇左陣餐牌，決定挑戰羊架「保雲蘇焗羊架」，出面餐廳通常都係煎，呢間冰室做法比較特別係用焗，焗嘅時候落咗芥末醬一齊焗，令到啲芥末滲入羊架，焗到剛好7成，可見師父功力相當高。話明叫檸檬冰室，當然要飲佢杯凍檸茶，不過我飲走甜，一落枱習慣去聞一聞檸檬當然香，茶味都好濃，今次食過絕對值得介紹畀各位

新店初黎報到，招牌光先救吸睛，餐廳內光鮮，卡位又夠多唔在講，連食物款式都多，食落就知道有心機烹調，我價錢唔算貴，碟碟夠大碟。餐牌見到有冰鎮咕嚕肉，鐵板餐、咖喱、兩餸套飯都只係$165