Lei King Restaurant

蘿蔔糕好硬身，要點啲豆瓣醬先好味。蔥油煎餅比較厚身，又乾身，食落脆脆的。叉燒腸粉有啲菜，啲肉都幾多，豉油唔會太咸。奶黃流沙包啲奶黃會流出嚟，樣子都很可愛。斑斕糕是千層的，挺有咬口。雪山叉燒包外皮脆脆的，有很多叉燒在裡面。馬拉糕很鬆軟，彈牙美味。…Read More

話說今日打三號風球早咗出門口只不過係早五分鐘啫買個外賣咁好笑嘅咩收錢就即刻收,買個外賣蒸飯🙈🙈🙈一個收錢一個蒸點心後尾有一個負責包外賣嘅,我就同包外賣嗰個講你可唔可以幫我包咗個外賣先呀佢竟然同我講未到七點佢係唔會做嘢嘅咁就走咗去喇,唔知以為依間酒樓係佢開😡😡😡😡佢簡直係幫佢公司倒緊米,除非貴酒家同我講佢係老闆娘啦佢啲服務態度真係超差😡😡😡😡市道已經唔好㗎啦你間酒樓好似覺得我哋係囈你買嘢咁🙄🙄🙄點解你哋會請啲咁嘅員工㗎？？？…Read More

幾個月無食過，近排食覺得比以前差咗好多！坐電梯要經人地住宅，咁啱大廈整電梯，行大廈樓梯，感覺已經勁污糟😣，地下油立立，個扶手直程唔想掂，廚房係點？自己諗啦。我係星期六食點心飲茶，叫左2籠蝦餃，係酸嘅😨，當我發現嘅時候，老人家已經食咗一半😣平時薄撐都OK，今次薄橕感覺求其煎，上枱嘅時候都唔係熱蒸牛肉餅飯，塊牛肉硬硬地，唔係好新鮮，雪咗好耐咁，唔係好知自己食緊乜….腸粉普普通通，唔係薄皮嗰種炸春卷好少少，上枱仲係脆下次帶老人家黎，要諗諗🤔…Read More

因為家居工程的關係要暫住灣仔一段時間，於是開始了新區揾食工作，首先試的就是利景酒家，經過時見到晚飯套餐選擇多，價錢💰不貴，又有蒸魚食，一於試試。晚餐完全不用訂位，保證有位，服務態度好好，令人賓至如歸。開茶點菜，友善提醒，兩個人不需點太多，🥰很欣賞這樣的服務，不以賺錢第一。點了一個蒸魚🐠套餐，有一條藍瓜子班，一碟豬油渣炒豬乸菜，🤩🤩這菜有個很文雅的名字，莙薘菜，還是第一次見，真是孤陋寡聞了。😅炒菜很快送到，大大碟，好香豬油味，好有小時候的感覺，但菜有點老，有渣落地。😂蒸藍瓜子班好正，條🐠魚大約12兩，洗得乾淨，無鱗😅，蒸得好嫩滑，魚肉白雪雪，見到就想食，兩個人食到舔舔利😋😋。最差是白飯🍚，又硬又不熱，雖然這裡的茶位費和飯錢💰較平易，但感覺就大打折扣，最後有紅豆沙送，算是補償一下。🫣…Read More

雖然灣仔區內呢間價格算偏貴﹐但點心品質高所以過往偶爾會幫襯。前年加價後點心反而越嚟越縮水越嚟越唔掂﹐下午茶三點幾已經開始趕客﹐在食客旁邊推板間房﹐伙記又成日自言自語爆粗﹐本來呢D大部份茶樓都係咁我都唔會特登去講﹐但今日我叫左碗肥牛米線﹐中間成條頭髮突出嚟個伙記都睇唔到﹐夾出嚟長長一條湯汁飽滿(我頭髮極短非常肯定唔係我掉的)﹐大家都知呢種情況叫佢換都冇意義﹐拎走之後都係俾番同一碗你﹐所以無謂吹毛求疵焗住照食﹐但碗野得塊半肥牛真係少左D﹐肥牛有冇咁矜貴? D米線食落條條都有一截硬弸弸﹐係咪個煲唔夠大D麵突左出水面浸唔勻? 點解以往點心質素咁出色而家搞成咁仲點幫襯落去?另外對於初次光顧者我有個溫馨提示﹕呢間茶樓有個茶錢陷阱﹐拎電腦飛等位時千祈唔好揀“不搭檯”﹐茶錢會收貴好多。…Read More