利苑酒家 (Closed)

訂7:30枱，等咗5分鐘就有位。可惜坐低之後叫乜冇乜。點完菜轉過頭話乜，前後點咗四輪先點完。之後問佢攞個酒牌，竟然問番我想要乜。大佬呀，而家我俾錢你賺你都唔識。要得個酒牌就梗係想睇睇有咩選擇啦！米芝蓮喎，小弟真係唔識欣賞啦。

外婆大壽,延開三席,菜色包括龍蝦,散席各自回家後,其中20人分別於3小時至6小時開始上吐下瀉,高燒不退,持續一星期,遺憾並沒有及時通報衛生署,讓其他人有所警惕,但已通知酒樓,雖然得悉他們馬上清洸魚池云云. 但以後已不敢再去了.

是日一家人到新界一走, 晚餐就在沙田, 這裡選擇當然不少, 但適合一家人, 吃中菜, 環境比較舒適的, 還是選回利苑最正頭正路吧.這家利苑分店位處新城市廣場, 在港鐵站旁邊, 相當便利. 環境帶點典雅, 而且擺位很闊落, 很適合大家在這裡慢慢傾, 慢慢講.鹽香蔥油雞: 8分, 我愛吃雞, 這次就來客鹽香蔥油雞, 雞肉是幾嫩滑的, 無論白肉跟黑肉也對辦, 但就稍嫌不太吃得到鹽香.蝦乾肉末泡勝瓜: 8分, 這天想吃得清一點, 就揀來蝦乾肉末泡勝瓜, 當中的勝瓜份量不少, 質感爽口, 配上蝦乾同吃, 幾香口, 喜歡的話, 還能夠喝口湯, 味道是幾清甜的.鮮蝦蟹肉蒸蛋白: 7.5分, 接下來的鮮蝦蟹肉蒸蛋白, 其實是簡簡單單的蒸蛋白, 不過就加入了鮮蝦跟蟹肉. 蛋白是幾滑溜的, 不過蟹肉味道不夠鮮甜, 要扣點分.順德桂花炒瑤柱: 8分, 至於順德桂花炒瑤柱是炒得幾乾身的, 而且不會太油, 送飯一流.是晚在利苑酒家吃的皆是大路一點的菜式, 但水準依然不俗, 當中的鹽香蔥油雞跟蝦乾肉末泡勝瓜也令人滿意. 加上這裡環境不俗, 實在很適合一家人晚飯相聚的.

今次唔係我第一次黎利苑，但係就係第一次食佢的晚餐。没有什麼驚喜，但整體評價唔錯，服務方面唔錯，主動幫我加水加外衣套，避免弄髒我的掛於椅子上的外衣。可能我地人數少，待應並没有不停要我地加海鮮，亦沒有臨近歲晚要我地買年糕。梨山蜜汁排骨煲-呢果好好食好惹味！排骨加上有甜甜酸酸酸的汁，而且排骨少少肥，熟左之後仲保留返肉汁唔會乾。雲海金沙 - 蛋白蟹肉芡加炸豆腐，好清淡的一道菜，味道不夠，蟹肉無味，而且把蟹肉汁淋在炸豆腐上，豆腐好快就淋晒，要好快食晒，想邊傾計一邊食都唔得如意吉祥－銀杏，野菌，同露筍炒埋一碟，爽口知味。可能我好鐘意食露筍，有一大半比我食左。甜品- 紅棗糕+西米布甸。紅棗糕好有紅棗味，有年糕的口感，唔似出面落大菜糕，食完好想買個返屋企。西米布甸不過不失，不過食完好飽。

相約好友於新城市廣場利苑午膳，酒家環境都算舒適整潔，點心大體上亦算OK。豉汁蒸鳳爪：腍身入味。陳皮牛肉球：口感軟滑，食味不俗。家鄉蒸粉果：普通。南翔小籠包：皮薄，湯量一般，普通。蜜汁叉燒腸：腸粉夠滑，叉燒量不足。香煎蘿蔔糕：粉過多，欠蘿蔔香。芋絲春卷：色水稍老火，香脆度OK。金蒜拍青瓜：清淡脆口的前菜小品。鮑汁鳳爪：鳳爪飽滿腍身，鮑汁調味不俗。雪頂餐包：皮脆內軟，奶皇半流心。迷你蛋撻仔：無乜特別。濃湯雲勝斑肉泡米線：餸料雖不多，但整體味道不俗，濃湯可口，米線滑身。

小時候已經是沙田利苑酒家常客，以往無論飲茶或食飯都要等位，一等起碼一個鐘，門口總係非常熱鬧，人頭湧湧，現在大家精靈了，個個book位，仲要预訂某啲菜式 。 星期六晚一家五口又去食， 現在冇以前咁好坐了， 枱櫈總是密麻麻的，只怪租金瀑脹下，生意難做真係唔知從何開始要預訂菜咁巴閉，否則你現場點菜真係好沒趣 我們點了冰燒三層肉， 冇！ 再點金箔芝士龍蝦， 又冇！ 幸好，我地都有預訂了某啲菜式， 有蜜豆炒瀨尿蝦， 片皮鴨， 龍蝦湯泡飯， 秋菇蒸滑雞， 芝士龍蝦焗伊麵， 德州牛柳，鴨鬆生菜包， 好豐富啊先講片皮鴨， 原隻脹卜卜肥鴨喺我地面前片皮， 片皮連少少肉，皮脆肉嫩，傳統麵粉皮薄而軟身，夾住酱汁同京葱一齊食， 人間極品！蜜豆炒瀨尿蝦， 瀨尿蝦鲜嫩弹牙， 蝦膏多， 甘香可囗， 份量十足！芝士龍蝦焗伊麵， 龍蝦略嫌細隻，肉質鮮甜彈牙， 芝士味香濃！！！煎德州牛柳， 肉質有嚼勁，味濃！龍蝦湯泡飯， 清淡之選！ 有飯焦，咬口脆卜卜， 好味道！秋菇蒸滑雞沒什特別， 不過不失！鴨鬆包生菜略嫌油膩！埋單$1,985- 不便宜但值得！

一行12人連BB, 想搵個舒服d既地方坐低聚下所以揀左呢度叫送, 跟餐牌睇, 知佢D例既份量唔可能夠一位人食, 好多都加大,有D驚唔係個個鍾意食所以無加大到落單個個係咁sell條斑, $980唔係問題, 問題係大家都唔like食呢d魚, 有長輩係度就會叫既,但係阿姐你唔駛西面嘛, 你廚房割得多得濟賣唔駛唔係我既問題law唔該我地張單叫左10幾樣野都係我地想食既, 你sell都sell d 同我地落左單既野口味岩d既野丫我地黎食野唔係食你廚房賣唔晒個d野架海折頭, 爽口入味, 唔錯片皮鴨, 唔記得pre order, 好在我地係頭輪, 都叫到皮薄香口唔過肥, 係呢度應有既水準宮廷骨香濃味美, 唔鍾意肥既朋友唔緊要, 可以直接夾肥肉以外既瘦肉金沙蝦唔夠獲氣, 蝦唔夠大隻同新鮮, 有d失望, 出面無咁大名氣既食府做得更好獲仔牛柳夠獲氣, 牛柳鮮嫩, 薄砂煎得好香口, 不俗蛋白蟹肉伴鮮蝦幾粒唔夠鮮味既蝦粒加近乎搵唔到既蟹肉可以當係一個咸既蛋白甜品d送唔係一次過叫, 因為d送來得太快, 張台都擺唔晒, 食完一輪諗緊再叫咩食又係個阿姐走埋黎話出面有人等台, 可以埋單未, 我地坐低2個鐘都未夠我地話

今天閒日正午去了沙田「利苑」飮茶。預先已book了枱~2位，不用等位。「原隻鮮蝦餃」感覺似迷你版一口蝦餃！皮好簿，晶瑩剔透！！餡料的蝦比較多，蝦肉彈牙！口感極好！推介！「韮王鮮蝦腸」，皮也軟滑。「蘿蔔絲酥餅」夠熱，好鬆脆！質感細滑，每一口都食到蘿蔔絲饀！不錯！「雪頂餐包」雪山包焗得夠熱、好香脆，略嫌奶皇餡少了一點。「生拆魚茸粥」魚茸一點也不腥，調味恰到好處，好味道的一碗粥。（油炸鬼比較硬身）「爽脆海蜇」海蜇爽囗，麻油味剛好，不錯！「豉汁蒸鳳爪」鳳爪夠淋。「蛋白杏仁茶」第一啖好好味，勁杏仁味！又多蛋白。之後食到尾有少少苦（以前都聴聞有些杏仁係會有苦味）嚐到了！哈「楊枝甘露」甜度剛好，西柚肉都幾多，但略嫌西柚肉有一些比較酸，一般。待應們都好有禮貌，服務非常不錯！讚！

一分錢一分貨,多次黎利苑都無寫過今晚值得一寫，因為食材質數及味道保持水準乳豬,皮薄,超脆湯清甜,不油,不含味精湯料超足賣相一讚食得夠富貴, 花膠鮑魚超入味,一定要訂位

因为之前book左位，直接入堂就坐。点了5菜2甜品，消费800多。总体菜品比较清淡夏果炒带子： 带子新鲜柔滑，口味清脆，但份量相对188的价格有点小贵黄金虾：有蛋黄包裹，虾新鲜有弹性，咸淡也刚刚好吊烧鸡：皮薄脆，油相对很多餐厅较少OK豆苗：一般，没特别出彩，地球人都会炒瑶柱蛋白炒饭：值得表扬，饭粒粒分开，味道清甜不油腻栗子布甸：栗子味道浓，不甜腻，不错服务态度：入座时push sales很热情，又是汤又是甜品的。食饭中没有服务，我碟子里的虾壳和鸡骨已完全满出都未及时更换，当天客人并不多，反而对着隔壁2桌第一道菜食完就集体换餐盘，是因为那桌有5人？！还是那桌点的菜价格贵过我们？！cash买单时被告知完全拒收各种版本的千元港币，如此规模的饮食连锁店铺的做法让人看不懂！若未带信用卡，是不是被列为食霸王餐？？！！ 非常失望！虽然餐厅已名声在外，但要长久的经营下去和良好的服务态度和人性化的不断改善都是相辅相成的！ 

2014年米芝蓮名單公佈，沙田利苑再一次成為一星食府，已經是自2011年以來連續四年獲此殊榮。很喜歡到沙田利苑飲茶，就寫寫它的好。魚蓉粥──粥底綿滑鮮味，吃後沒有口乾感，相信是真材實料的。不過間中有試過吃到魚骨，進食時要當心！燒賣──溫熱即蒸，內有大蝦，沒有混進顯眼的肥肉，感覺較為健康。馬拉糕──我愛的古法味道，甜度、熱度合適，稍嫌不夠鬆軟。煎腸粉──惹味，但水準不穩定，間中會偏多油，有時會過辣。叉燒包──餡料香甜，肥肉比例少。蝦餃──皮薄、蝦肉爽口。牛肉──肥肉比例少，濃濃的喼汁帶起牛肉的鮮味才是亮點！泡飯──與龍璽一樣，最後會加進炸米。還是龍璽的濃湯較優勝，不過利苑便宜一截也有相當的水準，讚！如果不點泡飯的話，我們會點荷葉飯，限量的，賣完就沒有，相信是方便控制蒸的時間。飯有荷葉香，也不會過濕或過乾，是不俗的選擇。

是日母親生日, 因那天是好日, 各大酒樓已被預訂擺酒, 在沒什麼選擇下便book了有米芝蓮聲譽的利苑, 心中已預算價值不低, 只想有好的食物質素及服務, 可惜.....1) 例湯(要電話預定): 約六碗一煲, 但我們有十人, 份量沒有每碗減少來遷就, 怪不得電話預訂時叫我訂一煲半; 原來味道超咸, 問侍應湯的味道是否偏咸? 他竟然沒有覺得有問題, 反問沒有客人投訴, 我便即時回應全圍枱都覺得很咸, 他沒有反應便走開了 2) 龍蝦煲跟一窩米線: 龍蝦碎件上, 一口size的, 全煲有兩三件一口肉, 不是, 應該是半煲, 米線要隔8分鐘才奉上, 一set就是四佰多元3) 壽飽: 不是原籠上, 竟是碟上, 有的似微波爐番熱感覺 其他餸菜如: 生炒骨, 燒雞, 姜汁芥蘭, 什菜煲, 蒸蛋白, 等等...沒有獲氣之餘, 味道一般及份量少其實以上都是基本餸菜, 為何米芝蓮的基準是這般, 莫非只是迎合米芝蓮的口味?

曾幾何時，是常同朋友或應酬也會到的酒家，舊日的海鮮仲有炭燒煲仔飯絕對是了得的，但後來連鎖起來水準大家「有目共睹」！Lunch被活捉去利苑，遇上這不文不溫、實在已無再來的價值,不香不脆的，實在令人大感不悅。

沙田利苑是利苑集團的第五間分店，於1984年開業，至今已經29年，而且更是2012年米芝蓮1星級食肆的得主，上午的營業時段是由早上11:30至下午3時，一般在這時段內，食客有1小時45分鐘的用膳時間，而且酒家不設供應座位給未經預約的客人，從短暫的營業時間，限制性的用膳手法和一定要事前預約等這幾點事實，已經有理由對它的食物產生一定的好奇心。星期天的上午準時抵達利苑，由於時間尚早，沒有客人在門外等候，直接由侍應帶領入座，一張小小的四人桌上，已經擺放著二人的餐具，可能是預約的好處吧，枱上的兩張點心紙上提供著多款食品，包括蒸點，煎焗，炸點，甜點，特色小食，以及假日精選點心和甜品，款式種類選擇甚多，酒家內的環境寬敞，餐桌間有足夠的空間，靠近窗戶的枱子更覺開楊，網上食評對侍應的服務態度可說是毀譽參半，尤幸當日的服務尚算貼心妥當，侍應反應敏捷，而且主動安排餐後才奉上甜品，若果要挑剔一下的是餐桌上的桌布，實在有點兒破舊，作為星級食店，好應該留意一下。 雪頂餐包--相信這款點心是當時其中一款最多人點選的，因為看到服務員不斷從廚房奉出，一碟三個，外層是熱辣辣甘香鬆脆的酥皮，內裡是甜美滑溜的奶黃餡料，甜度適

利苑沙田分店食物水準竟與 IFC 及尖東分店有天淵之別！除了引訂之海鮮泡飯及紅燒乳鴿味道不錯外，大部分點心可說是粗製濫造，同鳯城、美心一些價錢平宜的洒樓還要差，沙薑雞腳完全食不出沙薑味，跟侍應反映要一碟沙薑被拒，向我解釋沙薑已放雞腳裏面，最離譜係四川擔擔面，竟然用公仔面，加幾粒肉碎，湯仲係完全冇味！絕對唔係用心去做嘅食肆！絕對失望！