22
15
12
3-min walk from Exit B, Kowloon Bay MTR Station continue reading
All Branches (10)
Telephone
23313306
Introduction
Lei Garden offer Chinese cuisine, the chef's choice and seasonal dish.To meet changing time and expectations of customers, the Lei Garden Group has consistently pushed for innovation.It is to maintain standard and make improvements on the existing menu based on customer's feedbacks, and more importantly to demand each chef to create new dishes. Over the last 30 years, more than a thousand new dishes have been perfected that way. continue reading
Awards and Titles
Michelin 1 Starred Restaurant (2015-2016)
Good For
Business Dining
Group Dining
Opening Hours
Today
11:30-15:00
18:00-23:30
Mon-Sun
11:30-15:00
18:00-23:30
Payment Method
Visa Master AE Cash UnionPay JCB Diners
Other Info
Alcoholic Drinks
May Bring Your Own Wine Details
Parking
Phone Reservation
10% Service Charge
Signature Dishes
Pan-fried Shark-Fin with Fresh Crab Meat Crispy Roasted Pork Grilled Lobster Steak Braised Abalone with Fresh Goose Liver Double-Boiled Sea-Whelk Soup
Review (58)
珠海學院校友會? Featured Review
Level5 2016-11-10
5075 views
香港眾多大學很多都有屬於自己的西餐廳、中菜廳校友會會所。我在城大,港大工作期間亦曾經去過那些地方(如城軒中菜廳和城峰閣)或聽過那些地方的大名(香港大學校友會會所的大名我聽聞已久了)。我的母校珠海學院,學校雖未昇格正名為大學,但畢竟拿着一張正式的大學學位文憑證書,所以對它的事情都特別注意。例如珠海學院其中的校董是香港有名的利苑酒家的家族。當然,珠海學院跟利苑有密切關係,不等於珠海學院學生/舊生在利苑食飯會有折扣優惠,只是會有一份莫名的親切感、情意結和關係而已。利苑在香港九龍各地都有分店,或你也曾經有光顧,因為利苑在九龍灣德褔廣場的分店位於工業區旁邊,很多上班族都曾在九龍灣利苑吃過午飯。利苑午飯時間特別多人在等位,內裡高朋滿座,座無虛席,包括今日這次我跟阿媽,細佬三人在利苑食的午飯。利苑的餐牌和點餐紙都比一般酒家的來得典雅和精緻,不單止特色和推介餐點,就連飲品和甜品欄目也有列明和標示價錢。至於點心的價錢,你可能會認為是偏貴,但利苑在香港鼎鼎有名,一籠叉燒包,一籠鳳爪賣$28已經不算特別過份,吃過你就會發覺物有所值。利苑食物向來有一定水準,就連一般常見的燒味也是,蜜汁叉燒和鹽香脆皮雞都不是一般酒家做得到的香味,脆皮雞的皮在吃時仍能保持鬆脆,雞肉仍是鮮甜又不會有雪味。另外脆皮雞配飯絕對比配瀨粉更適合,脆皮雞的肉汁滲入白飯內,令白飯更有雞味,配瀨粉會大打折扣。利苑有一款前菜特別值得推介,就是「金蒜拍青瓜」,青瓜切條拍扁後,再撈上金蒜油醬汁,口感特別爽脆可口,蒜油香味四溢,撈了醬汁的拍青瓜特別入味,就算不當前菜食,用來佐飯味道亦是一流。另外一款值得推介的「蜂巢芋盒」,外表好像我們在一般酒家會吃到的芋角,但利苑的蜂巢芋盒我覺得吃到是雞肉碎,雞肉碎跟芋盒其實蠻配合的。利苑跟現在大部份酒家一樣,腸粉跟豉油是另外分開上,避免豉油太早淋在腸粉上,令腸粉吸收太多豉油而影響味道。鳳爪和蝦餃都是維持利苑一貫水準,蝦餃皮薄蝦肉特別多又新鮮彈牙。其實就算我不是珠海舊生,利苑和珠海學院有沒有關係,我都認為利苑的食物都是水準之作,就算價錢較貴都是物超所值,我媽和一眾食客一樣,不會吝嗇金錢去長期光顧利苑。 continue reading
(The above review is the personal opinion of an user which does not represent OpenRice's point of view.)
今日唔係第一次黎幫趁德福利苑,平時受埋個 reception 姐姐氣都算啦,今日真係唔上黎寫吓下唔倒氣! 我每個星期六都會黎幫趁呢間利苑,無他嘅,啲野好食,所以佢地set 咗2點至接一位客我都黎,次次個 reception 一聽倒一位就即刻“拿”埋塊面有啲惡死好悔氣咁話 “一位?等一等啦! ” 次次受完佢氣就要等佢皇恩浩蕩咁分配張枱比我。點知今日佢啲態度重囂張! 佢今日又試一貫好悔氣又惡死咁叫我等一等,我就坐咗喺度等,點知跟住我發覺完來所有客除咗我佢都有張紙寫低咩生幾位,我冧住算啦可能佢冧住記得我就冇去問佢,點知跟住有個阿伯行入黎等都唔洗等就比佢入去,我覺得奇怪點解我黎先佢唔比枱我要比咗人先,咁就好有禮貌咁問佢我重要等幾耐,點知佢好惡死咁話“你都冇話要枱,我點知要比枱你,你又冇留貴姓?” 我成個呆咗! 係佢叫我等又從來咁多次都唔問我姓咩,而且我坐咗喺佢隔離就得我一個喺度等,佢竟然話我冇話要枱?咁我就話要投訴佢,佢就好惡死咁話好呀!然後就比咗張近住兩個大垃圾桶嘅枱我,而且果橦墻又舊又污漕,分明玩野,咁我唔要呢張枱,佢就比隔離果張,叫做好少少但仍然坐近兩個垃圾桶,我都拒絕,佢好氣頂,咁我就跟佢行出去,中途撞到個女經理,佢就好激氣咁同佢投訴 話比過兩張枱我我都唔要,好似我係一個好麻煩嘅客咁,我就將由我入黎到果陣所受嘅氣由頭到尾話一次比個女經理知,個女經理話佢會教佢,但態度唔多老 like,而且成件事一句對唔住都冇,仲話我知一個人係坐呢啲位,我就話佢知我唔係第一次黎,而且果啲一、兩人佢地都唔係比呢啲位,係我親眼睇見,佢就無說話好講,然後就好絕咁話呢張枱你要就要,唔要我都唔會安排第張比你! 你要定唔要! 我唔係果時好肚餓就即刻走咗! 而且食緊果陣我無意中發覺個女經理啤住我,而且佢見倒我望倒佢佢重衰衰咁由頭望到我落腳,再比個睥視我嘅眼神我睇,我就即時正面望住佢然後攞起部手機想拍佢,佢知死就即時走開,你話而家咩世界? 呢間酒樓啲員工睇準呢間係米芝蓮星級食府,大把食客黎,就認為得罪客唔洗本,老板就算知都冇佢地附,趕客都唔怕! 直情好似清朝果啲太監宮女弄權咁,真係不知所謂! 個事實係私人同公司要請食飯都會check 一 check 果間酒樓招呼好唔好,有冇得罪客黎評定黎唔黎呢間酒樓。我發覺原來喺呢度都有人投訴個 reception 姐姐,我同呢個食客一樣係從來都未試過寫食評,但係呢件事真係激到唔上黎投訴唔得,而且全日都谷住啖氣好唔舒服,我以後都唔再幫趁呢間衰野,實在比啲以為自己先係客嘅下人大庭廣眾咁落面侮辱,點都過唔倒去! 唔知佢老板見到咁多人投訴有咩感覺。 continue reading
(The above review is the personal opinion of an user which does not represent OpenRice's point of view.)
Level1 2017-05-20
889 views
在德福廣場找地方飲茶,見到利苑,以為可以吃得好一點,可惜……事與願遺點了鐵觀音和普洱茶,侍應只送上一壷鐵觀音和一壷滾水。喝普洱茶的要再找侍應才有茶喝。吃到一半,喝鐵觀音的發現,標示著鐵觀音的茶壷裝著的是普洱茶。原來並沒有送漏普洱茶,只是送漏了鐵觀音!燒賣送上枱,賣相令人失望,比一元硬幣更小,盛為$36!冰燒三層肉,味道不錯,外皮香脆,一碟有十多粒,像大富翁玩具內的骰子大小,很寒酸,盛為$118。相信切成九小件,賣相及咬口會好多。最後上枱的係薑蔥蝦子叉燒撈粗麵。夠膽將此撈麵放入菜譜,理應做得不錯。今次上枱的撈麵,份量比相像中大,可分到六大碗。但賣相很不對勁,見不到蝦子,見不到叉燒,一大碟撈麵上只有輕輕一抹的蝦子,及十多條叉燒絲(叉燒不上色,看似肉絲般)。蝦子撈麵的味道來自蝦子,沒有蝦子的撈麵,又怎會好吃。夾起麵條,粘在一起分不開,是放久了嗎?吃了兩小碗,沒有什麼味道,剩下大半碟,不想浪費,唯有打包回家再加點蝦子調味吧!(題外話:問侍應拿盒子時,我們提及撈麵沒有味道所以吃剩一大碟。侍應即説幫我們取消這碟,並夾起一小掫麵。轉頭待應又走來說,經理試過不是沒有味道,只是較淡,提議再煮一碟給我們。我們表示不用,吃不下了,著她快埋單。埋單時見到收取了$128的撈麵錢,細問才知是經理覺得不是無味,只是較淡,所以要收錢!這是什麼道理?我再找經理看一看吃剩的麵,無蝦子,不像樣的叉燒。她給我的回應是再炒一碟,或下次來補回一碟。我拒絕了。因為沒有理由要再幫趁一間服務差,食物差,收費貴,員工前後説話不一致的餐廳,多付$128買個教訓!)吃剩的薑蔥蝦子叉燒撈麵。 continue reading
(The above review is the personal opinion of an user which does not represent OpenRice's point of view.)
Level2 2017-05-13
636 views
星期五晚德福間間中菜都好多人,全部都排晒長龍,返左成日工鬼死咁肚餓唯有要揀唔駛等位嘅利苑😏😏 環境比其他酒樓靜少少,起碼都可以傾到下計唔需要講句野都好似鬧交咁,餸菜嘅味道唔錯上菜都上得好迅速,但個所謂例牌嘅份量偏少左啲,我地個女仔叫左兩餸兩飯都唔係好夠飽,咁就食左三百幾蚊。。。感覺有啲唔抵 continue reading
(The above review is the personal opinion of an user which does not represent OpenRice's point of view.)
Level1 2017-04-17
1010 views
我從未寫過食評,但今次不得不寫。利苑向來給我感覺是高檔和質素㚥。有親友海外回來就想著帶他們到九龍灣利苑品嚐,心想萬無一失,結果大失所望!!食物質素一般,侍應態度差!片皮鴨的麵皮太簿全部黏在一起,每次取皮都要大家狼狽幫忙才能取得一片食用,弄不開索性整疊拿去。再來燒雞,中規中舉。吃完2道菜就停下來了,連催了2次才到,11人白等了超過半小時,但連一聲抱歉都沒有,而且態度泠漠,好像是我們不應該似的!真接受不了!侍應人手又不足,每次需要幫忙都要不停擧手示意多次。今次用餐實在令我對利苑改觀不少,非常非常之失望。唉!價錢貴服務差!今次真倒霉! continue reading
(The above review is the personal opinion of an user which does not represent OpenRice's point of view.)