利苑粥麵專家 (Closed)

行完街就入左去食碗牛腩麵($27)..但係真係唔好食囉!好un d湯又好似好多油咁!見人地食粥都ok既...或者呢間野d粥好食過d麵!不過我都唔會再黎食麵架啦!d價錢又唔係平!

銅鑼灣區要找老牌粥店可能只有這家,印象中只在多年前來過一次.這天午飯時間剛好在咐近,一個人想不到吃什麼便走了進來坐下,餐牌也不用看便點叫了兩款最常吃的食物.炸醬麵----有時也會懷疑吃這種顏色的炸醬會不會像兒時吃橙汁雪條一樣,吃完舌頭會變成橙色?撇開顏色及面層的紅油問題,這炸醬的味道是出奇地淡!既不酸亦不辣,麵條的鹼水味頗重彈性亦一般,很快已黏成一團.連跟麵另上的大地魚湯味道也一樣是淡淡的.加了兩大匙辣椒油打算拌勻卻發現墊底的菜芯大量出水至浸掉五份之一碗麵!令到這炸醬的味道淡上加淡.及弟粥----算是近年吃到最豐富足料的一碗及弟粥!有齊豬膶、豬心、豬肚、粉腸、肉丸及豬腰,其中厚切及起沙的豬膶表現最出色,豬肚是帶一點爽口質感與平常吃到的軟淋不同.豬腰處理得不錯沒有膻味,粥底煲得綿滑吃後不覺口乾.油條----到出收銀處埋單時才見到油條的儲存位置原來是一個有點歷史的木櫃.別家的雖不是即叫即制但起碼會曬燈保溫,不會像這裡的又冰凍又軟韌吧!舊店伙記的態度不算親切,店內衛生情况一般總是有烏繩在身旁纏擾.粥品不錯是事實,麵做得不好也是事實,如有機會再來就只吃粥好了!

睇相賣相 OK 架, 食落就相反, 超唔掂。$25 一碗既水餃, 皮係薄, 但係浸到淋晒, 水餃料又淡又少, 每隻水餃都 'UN CHEE CHEE', 細隻到呀。 唔好期望有禮貌既待遇, 伙記全部都係d 阿伯阿叔。 唔會再黎

This place is always full and popular. A old-fashion restaurant that has not got much rennovation. It is old and it serves all kinds of congee, traditional dumplings or won-ton noodles. The bowl of noodles I had this day was won ton and sour/spicy minced porks with noodle. It was yummy. It came with a small bowl of soup. As it was so small I asked for a refill and I was told they would charge me extra HKD4

more info @http://venvennn.blogspot.com吃的絕對不是product是環境喇很喜歡的setting 那雙converse成了很大的contrast那裡還有很vintage的收銀機 相信結業時又會變成龍友勝地了..點了碗云吞麵24元 下午茶時間 這是在銅鑼灣的代價嗎?不過不失啦 份量也不算少但是有味精味的。

今個禮拜又係為咗趕睇戲而食粉麵, 去到好彩唔駛等位, 坐低至嘢食嚟都唔駛兩分鐘, 要讚佢哋既高效率, 完全符合佢哋快賣快買既宗旨1) 牛腩麵 $27 - 跟新九記牛腩同樣腍同入味, 相比之下利苑比較油同貴2) 鯇魚片撈麵 $36 - 男友仲以為有蠔油汁撈添, 幸好鯇魚還不差, 我唔食鯇魚片所以no comment, 不過眼見比較 dry, 因為個麵只得薑, 蔥同鯇魚, 賣相好一般2人共消費 : $63

5月7日, 今日病病地想食d清少少嘅野, 環觀成個銅鑼灣粥店真係唔多, 搵下搵下原來有間老字號粥麵店, 平時行過都聞到好香牛腩味~ 喺呢條咁潮轉變咁快嘅街, 佢都仍然屹立不倒, 一定有佢原因~::: 魚片豬潤粥 ::: $28d魚片同豬潤嘅鮮味都落晒碗粥度, 粥底十分綿同鮮甜~ 魚片好鮮, 薄薄地唔會好難咬~ 而豬潤就好爽口彈牙, 最怕食d霉到爆嘅豬潤, 呢間豬潤真係拍得住深水埗嗰d豬潤麵~::: 原汁牛腩麵 ::: $27d腩汁好香花椒八角味~ d牛腩大大件, 都煲得幾入味, 肉質結實, 而且肉味好濃! 不過咬落就有少少黐牙… D麵十分爽口, 亦唔太重鹼水味~ 成碗麵唔算太多, 好快食晒~ 實在有d唔夠喉!老字號真係名不虛傳, 無論粥或者麵水準都幾高, 唔似得有d店舖做得一黎做唔到二. 佢仲有d貴野例如鮑魚粥同埋鮑魚撈麵, 仲有d叉燒伊麵呀, 炸醬撈麵, 肉丸粥同七彩皮蛋都好想食!!! 以後想喺銅鑼灣食粥麵就有好去處~

或者外面有很多地方,一樣可吃到冰凍紅豆沙,但是一想到冰凍紅豆沙,第一時間就會想到去崇光後面的老字號"利苑".由二十頭吃到三十頭,大大話話十多年,由當年來吃生鯇魚片,到現在一味吃紅豆沙,此店的凍紅豆沙,是一早整定放在碗內,再放入可樂櫃雪住來備用,客人一叫,即刻拿出來奉上.與在灣仔春園街賣奶茶的"金鳳",其凍奶茶的原理大致相同.多年來也是如此,起碼近十一年也是.多年前曾有人同我講過此店的紅豆沙,將紅豆沙放在可樂櫃上,有裝假狗之嫌?哈哈哈,其實有什麼問題?既然好些女人帶胸圍加塊Pad,也大聲窒呼理所當然,可樂櫃雪紅豆沙,並沒有什麼大不了.雖然利苑的紅豆沙比較稀,味道比較單調,只得一味甜.但是冰凍的感覺,配上甜味是美妙,如果加上陳皮香,還是熱吃吧.三年沒有來,價錢比上次來貴了$2,在銅鑼灣街頭行來行去,為搏潮流雜誌影Snap的潮人來說,跟本不當一回事,但他們寧在後面的板系壽司,派對等候入場打喪屍,也未必來吃個麵,吃碗紅豆沙呢.PS:看回小弟十年前為此店的食評,原來是貴網的第一千個食評,也算是小小的里程碑.http://www.openrice.com/restaurant/commentdet

小女子水餃癮又發作因為去銅鑼灣Shopping 所以就黎呢到開餐唔睇餐牌就點了水餃麵…. 都有點驚嚇, 見到圈住$25嘩 .... 一加就黎兩蚊 而麵底明顯係大左亦 轉左個大小小既碗 所以呢兩蚊點都有點唔順氣 麵質同水餃同以前無分別 (當然不及麥兆記) 其實 $25 一碗麵都叫幾貴, 但無奈呢區只係利苑係比較岩我口味, 所以 $25 係要比架

因為好心急想去行街的關係, 已在此店食了幾次, 現一次過發表對本店的感受1) 炸醬撈麵: 不算太辣, 用一條條的肉絲, 肥肉不多, 有口感及感覺更健康. 但個人覺得麵頗硬.(2) 水餃米: 水餃大隻及料多, 比雲吞好(3) 牛腩撈麵: 是真正用牛腩汁的, 汁香濃好味, 牛腩及牛根都好"林", 但肉的份量不多.(4) 用支裝汽水, 更有氣及夠凍(5) 豬潤肉丸粥: 粥好香滑, 料多, 肉丸大粒彈牙, 豬潤剛熟又不會over cooked. 推介~~整體ok, 是傳統味道, 比一般的粉麵店好, 但價錢又貴了點 (一碗麵+一支汽水都差不多$40). 個個侍應可能年紀頗大的關係, 態度頗差. 有一次我後面有位女士問侍應有咩好食, 他粗聲地答: 我點知你想食咩. 對遊客的態度更差. 所以只為食物及地點方便而來, 坐位又迫又唔舒服, 快來快走, 不留半點感情, 完全無舊式店舖那些人情味. 可惜可惜.

係人人自危既銅鑼灣,旺角等高危地區, 家下行街最好不時望望天, 要打醒十二分精神哦 利苑係我一人飯堂, 天寒地凍食碗麵又點夠喉, 今晚要左水餃撈麵 份量夠但賣相都幾求其下 面層: 亂如野草既幼麵接下來是水餃而菜芯則墊底賣相打左折 平時一碗水餃麵有4 粒, 撈麵則多左一粒, 但今日既水餃皮好像散了些 除左麥氏既水餃, 最喜歡仲係呢到麵質與平常無異, 爽口彈牙湯味也鲜甜,點點味精也難免的 整體感覺撈麵會比較抵食, 份量十足飽肚

差唔多次次一個人落銅鑼灣都係到開餐而且次次都食水餃 今日想試虐其他野要個牛腩麵 麵質如常地爽口, 湯也清甜 但牛腩實在係失敗之作, 又痴牙又 "un" ...... 下次都唔好多心

十一月十一日(星期三)是日做完gym後,就到了利苑吃晚飯天氣不凍,於是不吃粥了,雖知粥是最出名的我點了個雲吞伊麵:雲吞味道不錯!蝦很彈牙,伊麵都可以老公仔點了個牛丸魚皮餃米線,味道不錯我們下次會吃粥,因為見到其賣相相當吸引!

好耐冇嚟呢間舖食耶，以前成日嚟食午餐，今日點咗魚片粥同粽，眼闊肚窄，粥底綿滑鮮甜，魚味鮮，勁鍾意粽D甜豉油，叫得太多食物，食唔晒，但係好滿足！其實D侍應動作好快，乾手淨腳，舖面比以前乾淨，有D朋友唔鍾意嚟，因為D服務好差，不過，我認為習慣咗點同佢地溝通方式就冇問題啦，我次次比錢時老闆都會同我講多謝，呢D舖頭嚟講，好有禮貌咖啦

23元水餃麵水餃有4 大隻, 蝦夠爽口, 沒有唔新鮮的感覺, 還有筍,木耳, 豬肉等正常用料, 而麵質也有點咬口, 麵底也不差, "簡"水味也不濃烈而且湯底也清, 但豬油味多左 d..... 份量超細, 一個細食既人都唔會飽伙記連基本禮貌都唔會, 一副唔食"過住"的樣子, 我要重複二次而且要大聲二度同佢講, 都唔知係咪聾架