Video
Opening Hours
Today
11:30 - 22:30
Mon - Sun
11:30 - 22:30
Above information is for reference only. Please check details with the restaurant.
下午5點幾諗住食個early dinner，門口職員唔俾自己搵位，當時只有兩枱客，一張一個女人，一張兩個人；好！咁就等，結果安排咗嗰一個女人隔離！都無所謂，不過係即走！我估係啲嘢勁好食而唔憂做咁啦！有緣再見！
continue reading
我已經第二次嚟打算排3人枱食嘢架啦，但佢哋既派位人員仲衰過AI😇第一次：我望住身邊所有遲過我拎飛既2人枱入晒去，有4人枱照分比2隊2人枱，火都嚟！要問個職員係咪唔做3人以上生意？😇條B龍先肯郁，我黎食嘢都要求佢比張枱我呀陰公第二次：我17:35拎飛，計好晒時間諗住8點前點都食到，點鬼知我依家19:49先未食到！我真係太天真啦，啲職員好中意叫完一兩張3人以上既枱，就瘋狂清2人枱，ok 即係叫我多人咪鬼黎食啦係咪？都唔知點學人派枱，次次黎都受氣架？每次都要鬧先會肯叫B龍真心建議多人就唔好黎食啦，就算係食，記住自己睇下佢啲分配，唔多掂好問下啲職員😇😇佢哋真係唔識派架，唔知點解做餐飲可以做到咁，咁不如限1個1個食囉仲要你張飛過左都唔緊要架，10個內就可以插返你入去，我真係等到餓死都未食到😇😇 唔知點做嘢架，p.s. 佢叫返B龍之後，勁多B飛友插返隊返黎，咁即係其實有人等，係你死都唔叫😇😇
continue reading
好耐都冇寫過食評，最近社交平台發現YOHO Mall新開業的一人日式火鍋店，今日放假就去試吓啦！店內環境開揚，等咗一陣就有位，叫咗人氣No.1嘅套餐，三種肉：牛肩胛、豬眼肉和牛舌，$135（300g)， 湯底極和出汁，味道清甜，野菜盛合擺得靚靚，加$6轉讚岐烏冬，嫩滑彈牙，自己加佢嘅芝麻醬，不過味道就唔夠香芝麻。涼拌芝麻菠菜作前菜，味道麻麻，份量少得可憐。好彩牛舌爽口涮涮五秒就食得，如果耐咗就會好靭，入座前有位師奶等朋友中先入座，問佢有咩好介紹好食嘅，我就跟着佢意見落單，果然冇錯，豬眼肉是來自美國，估唔到好食過牛肩胛，食吓個肚好似仲有啲空位，追加一客50g嘅五花牛，好似豬眼肉一樣咁滑溜。套餐都有限時食75分鐘，我都係食咗45分鐘左右，隔離旁邊半個鐘就食完埋單，原本想食埋甜品，不過等下次同埋媽咪一齊過嚟再試吓啦！
continue reading
平日下午經過Yoho, 試一試新開張一人一鍋，平日lunch都唔洗等位，試左壽喜燒套餐牛肉叫左350g, 都算大份湯底味道都濃，唔似出面個啲淡味，食物味道正常，菜藍如可多啲菜就好套餐本身可選飯，烏冬須另加$6，烏冬唔係想像中個款煙韌既，係滑身個款套餐都唔包飲品，加左杯$25柚子梳打埋單加埋一最後$197，一個人黎講價錢都有啲貴另見有好多叫龍蝦湯底餐，真係有隻龍蝦，同埋龍蝦湯雪糕，見好多人試，今次就無試 留返下次試
continue reading
新開張人龍成日都有揀咗個1330時段去5分鐘左右就有位同朋友面對面坐要傾偈就唔係一個好環境左右一定有人會聽到👂不過純粹shabushabu就ok朋友揀咗麻辣湯底（野味），我揀咗極和出汁（清）份veggie新鮮亦擺得靚仔大家share點咗三份唔同嘅牛係正嘅（見圖）
continue reading