31
6
1
4-min walk from Exit E4, Sheung Wan MTR Station continue reading
Telephone
28335667
Additional Information
In maintaining our passion for Chateau Le Cléret, our chef uses the best seasonal and organic food ingredients from around the world to create unique and delicious cuisine for your enjoyment. As well can enjoy a beautiful selection of French wines to create the perfect dining experience. For more details, please check out website at https://www.le-cleret.com/
Opening Hours
Today
11:00 - 22:30
Mon - Sat
11:00 - 22:30
*Open for Private Party on Sunday only
Payment Method
Visa Master AE Cash
Number of Seats
22
Other Info
Wi-Fi
Alcoholic Drinks
May Bring Your Own Wine Details
Phone Reservation
Delivery
10% Service Charge
Review (40)
優雅法式小餐館 Featured Review
Level6 2018-01-11
2269 views
晌Le Cleret鋪面打着「Brasserie、Cafe、Vineyard」(小餐館、咖啡店、葡萄園)字樣,大概你都估到佢喺走咩路線。法式小館晌中環區我印象較深喺晌蘇豪區嘅Bouchon Bistro Francais,因為食過一次晏,真喺頗高質,但位置有少少吊腳。而Le Cleret就開晌大街地鋪,食正好位,又近香港站,對我嚟講確喺幾方便。湖水藍嘅門面,帶嚟一份浪漫而憂鬱感。推門內進,餐枱椅喺湖水藍襯白,牆身則湖水藍配橙黃,天花掛上高雅吊燈,而牆上除掛上大大細細法國嘅莊園、風景相片(假設法國啦),最特色喺仿莊園木屋嘅窗戶,令整間餐廳睇起嚟確有歐陸風情。不過,香港嘅租金高昂,變相令好多餐廳嘅餐枱放置挺密。枱上嘅餐具很別緻,尤其個餐巾環,很典雅,擺放得體。不過,侍應一句:「餐巾你哋應該用唔着,幫你收起去。」,潛台詞究竟佢喺想講乜?喺因為我唔會點餐酒?餐牌同樣以湖水藍為主色,硬皮製作,顯得高貴。當中提供4個套餐作選擇:Deluxe Tasting Menu、Tasting Menu、Healthy & Light及Vegetarian Menu,定價範圍頗闊,由$198-$688。此外,散點方面有一個Autumn Menu,意即會季度轉換,分類為前菜、餐湯、主菜、甜品,每類別嘅選擇唔多,如好多法國菜館咁貴精不貴多。不過,細心睇,唔少菜式喺意大利菜,如巴馬火腿伴露筍、意大利雜菜湯、龍蝦天使麵、意大利芝士蛋糕……等等。而點主菜,可加錢配前菜、餐湯、甜品,玩法如下,豐儉由人:主菜+$60(可選前菜、餐湯、甜品其中一款)主菜+$100(可選前菜、餐湯、甜品其中兩款)主菜+$130(可選前菜、餐湯、甜品其中三款)法國百吉包講到餐包,法式嘅百吉包可謂喺經典,店家所做嘅百吉包都好有水準,外皮非常脆口,入口仲喺暖暖哋,而包心軟綿帶點煙韌。不過,估唔到啲牛油喺雪到硬晒,有啲意外。意大利雜菜湯 $78個湯色澤鮮紅,可稱得上用料十足,因為就算只喺蔬菜湯,但個味道入口都覺得好濃郁,酸香鮮活。慢煮迷迭香春雞配露筍 $248以往不論法國菜抑或其他菜系,都食過多次春雞,荃灣Chalet嘅「法國白春雞配地中海汁松子仁栗子蓉及」及銅鑼灣Casa Fina Seafood & Oyster Bar嘅「露絲瑪莉燒原隻去骨春雞」都喺讓人留下深刻印象嘅春雞菜式。今次嘅「慢煮迷迭香春雞」以其價格小弟會評為不過不失,因為喺慢煮關係,肉汁本身應得以完全保留,但食落又未算,脾位極之嫩,但胸位就差啲,露筍鮮嫩無渣,墊底嘅薯蓉亦好滑,不過,賣相略嫌單薄普通,整體欠缺一啲亮點。意式奶凍 $68奶凍喺士多啤梨口味,配上雜莓及灑上糖霜,都幾靚仔呀。質感幾好,柔滑得嚟唔會太削,不過,奶味唔濃郁,或許受士多啤梨味影響,都喺覺得原味配鮮果醬嘅做法好啲。主菜加$100就可以選配餐湯及甜品,變相比散叫平咗$46,不過,如點飲品需另外散叫,佢哋嘅加配組合並無包飲品嘅選項。但如果想一嚐法國菜,Le Cleret都喺唔錯嘅入門之選,但記緊菜式選擇上揀番啲法國菜,唔介意付出多啲,Tasting Menu則個人認為較划算,因為包前菜、餐湯、甜品及餐飲,主菜更喺5揀3,只賣$468 + 10%而已。 continue reading
(The above review is the personal opinion of an user which does not represent OpenRice's point of view.)
Level4 2018-01-11
1119 views
又是與親親空姐姊妹相聚的日子!!難得她回港短待幾天,當然要帶她chill chill吧~~今日來點特別的,選了法國菜,讓我們慢活一下,細嚼美饌,談笑風生😊😊因當時正是聖誕前夕,所以餐廳悉心佈置,加入了很多聖誕元素,配上優雅的餐枱組合,兩人酒杯碰著酒杯,發出清脆的哼聲,感嘆是「人生」啊~友人在等我下班時,又抵不住餓,偷偷飲了一整杯珍珠奶茶(哎🙈🙈🙈🙈),所以我倆將目標轉移到輕盈晚餐上🥙🥗🌿巴馬火腿沙津巴馬火腿油脂豐腴,搭配了新鮮的沙津菜和爆汁車厘茄,整個口感豐富,十分開胃💕💕香煎比目魚柳配芒果他他讚讚讚👍🏻👍🏻👍🏻✨✨✨友人特別喜歡並全晚力讚比目魚以牛油、檸檬汁及少許香草慢煎,食落肉質嫩滑肥美,而且好處是沒有細骨。旁邊的芒果他他有助中和比目魚的油膩感,食落很清新喔~~我特別愛它的配菜- 鮮蘆筍,爽口微甜,而且低脂又健康,還有幼滑薯蓉,飽肚感十足,結結實實的滿足!❤️❤️🤗🤗整晚友人的嘴動過不停,邊吃著比目魚,邊沒停過的說好食!好食!好食!(笑死我😆😆)整體滿意,食物質素不賴,環境十分有情調,適合與情人談心或像我倆姊妹相聚✨✨Happy night~~ continue reading
(The above review is the personal opinion of an user which does not represent OpenRice's point of view.)
Level4 2018-01-05
999 views
已經升級做媽媽的舊朋友約我食飯,地點約在陌生的中上環。一去到,已經令我心心眼。係我最鍾意的藍色小屋,好有法式風情。入到去的環境好浪漫,亦有聖誕氣氛。放眼見到一條長餐枱,莊嚴華麗。本來想試吓Testing Menu,但係朋友仔話今日冇乜胃口,我又要返屋企飲媽媽湯,所以我哋就點左個Light Menu。先來一個Parma Ham沙律,沙律菜爽脆開胃,而Parma Ham唔會太濃味,同沙津底好夾。主菜我哋揀咗較為健康的Sea Bass,令我哋好驚喜,超班的美味。魚肉兩面都煎香,中間的肉非常滑溜,又有豐富的魚油,味道好濃郁。配菜亦好好味。作為伴碟的薯蓉亦睇得出大廚花咗點心思,好滑,忌廉同牛油的比例剛好。我哋兩個女女仔當晚都唔想食太飽,只係想搵個靚地方傾吓計,呢個份量就剛剛好。話明兩個女仔,甜品當然少不免啦!非常有情調的餐廳,食物質素頗高,唯獨份量較輕盈,平時的我可能會唔夠飽,但今次就非常滿足啦! continue reading
(The above review is the personal opinion of an user which does not represent OpenRice's point of view.)
高貴格調的法國菜 Featured Review
Level4 2017-12-05
1277 views
中環係香港最出名的商業區,街舖租貴,所以甚少食肆開在大街,近來見到網上有人推介,仲要係法國菜,今晚就和愛人到這裡。這間食肆外型都幾靚,藍色為主,配上橙色光管招牌,只看外表就覺得有品味,而內裡亦以藍色為主,再配合其他顔色,感覺好舒服,又帶點高貴格調。看到餐牌上主菜加多$100,就可以㨂前菜、湯和甜品,其中兩款,我們揀了主菜,慢煮黑毛豬配香烤蒜頭($288),意大利雜菜湯和焦糖布丁。餐前的法國麵包,外皮好酥脆,牛油亦好香濃,我很快就吃完了。意大利雜菜湯,材料方面比較多,所以飲到個湯帶少許酸,而且有些黑胡椒,因此酸中帶少許黑胡椒的辣味,飲完個湯,覺得好開胃。慢煮黑毛豬配香烤蒜頭,擺盤都幾凸出,有點藝術品的感覺,可能用慢煮方式,所以切開黑毛豬鞍時,內𥚃有些紅,而食落感覺係剛剛熟,有些豬肉的香味,另外伴碟個汁都幾好味,最可惜係蒜頭比較少,如果多幾顆就好,因為我好喜歡吃蒜,由其是蒜子粒。焦糖布丁,有紅莓、藍莓、士多啤梨鋪面,外表精緻,見到就想食,至於布丁外皮有層脆脆的面,而布丁甜度適中👍👍👍無論裝修、食物質素、氣氛、價錢、服務都無懈可擊,值得下次再來。 continue reading
(The above review is the personal opinion of an user which does not represent OpenRice's point of view.)
Level4 2017-12-01
1040 views
走在繁忙的中環金融中心區,往往會錯過不少美人美事,Le Cleret嘉禧餐廳,正是不能錯過的其中之一。.餐廳位於上環與香港站中間,面向干諾道中馬路,湖水藍色的門面設計,加上晚上餐廳招牌的燈光,更顯高貴。.是晚是我和哥哥的兄妹晚餐夜,自從大家進入社會,已很少有機會坐下來談天😌想找個舒適的環境,友人介紹下,便到了這裡。.後面才得知小餐廳原來大有來頭!餐廳內所有紅酒均來自法國「嘉禧酒莊Château Le Cléret」,由法國皇族於17世紀建立,位於法國西南部的著名產酒區「貝熱克」,距今已有300年歷史。.踏進餐廳,服務員馬上上前款待,當時餐廳已接待了兩枱客人,約有10人,大概也是慶生的顧客!連室內裝修都用上湖水藍色,併上黃色,彷如置身法國酒庄。餐具的擺放顯出餐廳的細心和整潔。服務員給我們呈上餐牌,選擇還不少喔!每個都很吸引🤤🤤我個人小建議,若有選擇困難症,不妨就點他們的tasting menu🙈餐廳還很貼心給素食者預備了素食餐呢!我們沒有點上套餐,選擇了單點,但點選主菜原來可另加$100享用湯品和甜品!太好了❤湯品我們點選了龍蝦湯,配上微暖的餐飽,為涼快的晚上增添一份溫暖。嚐得出用料十足!濃香的龍蝦味中藏有一點蝦膏的甘苦,但苦而不腥,一碗大約有着6-7粒龍蝦肉,彈牙爽口,非常新鮮👍🏻以忌廉做點綴,不會過於畫蛇添足。.主菜當然點了最喜愛的羊!迷迭香羊腿配薯蓉($268),上桌彷如一幅畫!店員隨即問我們要不要薄荷啫喱,相當細心。羊肉不羶,肉質尚算膩滑,但略微煮過了一點(個人比較喜歡生一點),相信生一點點更可保留更多肉汁!羊腿脂肪比例完美,不會過多脂肪部分,但筋稍多了一點😅配菜薯蓉香滑濕潤,沾上羊肉汁,天衣無縫👍🏻還有些燒菇菌,煮得入味!.完美的晚餐總得要甜點作結。點上了芝士蛋糕。廚師精心為碟唧上士多啤梨醬這樣一筆總得要一些技巧吧!🙈這是檸檬芝士凍餅,淡出的檸檬味減低了芝士的飽滯感,最喜愛厚實的牛油餅底,香口非常❤❤蛋糕體滑,但質地比較結實,略少加一點魚膠粉應該效果更佳!甜度份量正確👍🏻.最後想讚一下餐茶,點了普通的熱奶茶竟有大大的驚喜!餐廳把奶打熱了,茶面是美麗的奶泡,茶味濃,茶奶比例完美。.滿意的一餐,舒適的環境和細心的服務,與哥哥共進了久違的兄妹晚餐😌☺️ continue reading
(The above review is the personal opinion of an user which does not represent OpenRice's point of view.)