Le Cafe

62
26
28
Exit A1, Wan Chai MTR Station; 5 minutes walk from Wan Chi MTR exit A continue reading
Telephone
25989869 (WhatsApp: 6106 8083)
Introduction
With themed buffets, Le Cafe offers both Western and Asian delicacies. Some highlights of their buffet include fresh seafood, assorted cold cuts, curries and a chocolate fountain. continue reading
Opening Hours
Today
06:00 - 23:00
Mon - Sun
06:00 - 23:00
*Breakfast Buffet: Mon-Fri: 06:00-10:30 Sat, Sun & PH:06:00-11:00 Lunch Buffet: Mon-Sun: 12:00-14:30 Dinner Buffet: Mon-Sun: 18:30-21:30
Payment Method
Visa Master Cash AE UnionPay JCB
Number of Seats
160
Other Info
Online Reservation
Wi-Fi Details
Alcoholic Drinks
May Bring Your Own Wine Details
Cake-cutting Details
Parking Details
Phone Reservation Details
Reward Dining Points
10% Service Charge
Restaurant Website
http://www.novotelhongkongcentury.com/zh-hant/restaurants-and-bar/le-cafe/
About
Le Café
Located at Novotel Century Hotel Hong Kong, Le Café serves breakfast, lunch and dinner buffets, as well as a-la-carte selection. Experience an international seafood buffet at Le Café, which serves only the freshest ingredients selected every day.
Themes are ever changing, with new international delicacies. Novotel Century Hong Kong provides easy access to the MTR Wan Chai Station (A1 exit) just 5-minute away.

News
Thai Temptation Dinner Buffet
2019-03-01
Great news for Thai Food Lovers! A wide selections of Thai traditional cuisines and Shucking Living Oyster will be served in Le Café. Signature Dishes : Thai Wok Fried Crab, Thai Curry King Crab, Pan-Fried Water Prawn with Thai Sweet and Chili Sauce, Thai Steamed Whole Snake Fish with Sweet and Sour Broth, Tom Yum Kung, Warm Coconut Mango Sticky Rice, Shucking Living Oyster, Poached Shrimp, Mussel, Sea Whelk, Snow Crab Leg and selections of Sashimi serving in turns Promotion Period : Mar 1 - Apr 30 Price : Monday to Thursday - Adult $508 / Child $318 Friday to Sunday, Public Holidays and Eve - Adult $538 / Child $338 Learn More : https://www.novotelhongkongcentury.com/offers/thai_temptation_buffet/ More
About Reward Scheme
Signature Dishes
Fresh Oyster Seafood Platter Seafood Teppanyaki Roasted Ribeye Freshly Baked Pizza
Review (128)
雖然我對於自助餐不感冒,但身邊總有朋友鐘意食,一行人睇過諗過,黎到位灣仔嘅Le Cafe,印象中唔係第一次食諾富特嘅自助餐。今個月主題為「東瀛の味」海鮮自助晚餐,喺網上訂位列印優惠券就可以有65折,咁大嘅折扣確實係吸引。星期一至四原價$508/位,折扣後連同原價加一,400蚊都仲有找餐廳位於1樓,面積就唔算好大,平日晚上都有不少客人,大概係因為有折扣吧,都唔知原來真係有咁多人喜歡食自助餐呢。裝潢方面為左配合主題,都加上啲日式元素,例如燈籠、和式公仔、紙扇、紙傘等。一邊位梳化位,一部份方枱,人多嘅話仲會有圓枱。由於一早訂位,職員都好快安排好座位,四人枱都夠闊落。取餐區域唔算好大,但都稱得上應有盡有,首先當然有冷盤,有沙律、芝士、煙三文魚、火腿、麵包等。當然唔少得食自助餐嘅主角海鮮,呢個價位都有生蠔供應,都算唔話得,即開生蠔,每份兩隻,有師傅隨時準供開蠔,所以無需等候。生蠔有兩款,比較淡口,蠔味唔濃郁,亦都冇乜海水味;同行朋友好喜歡食蠔,食左四隻就收手。另有日本松葉蟹腳、凍蝦、翡翠螺、青口,我地入座時間較夜,都見到有refill過蟹腳、凍蝦,相對而言,我地都覺得蟹腳、凍蝦質素唔錯喎蟹腳大件頭,帶適量鹹鮮味,唔似一啲不及水平嘅自助餐,將蟹腳浸到過鹹。我地食左好多轉蟹腳,值得一讚!另外凍蝦亦夠新鮮,肉質爽彈。刺身方面有三文魚、油甘魚、希靈魚、紅蝦、原隻北海道帶子等,全部切好哂任拎,質素中規中矩。壽司方面一向都唔係我主力食嘅,不過想有少少飯落肚,就夾左兩件蝦壽司、蟹棒壽司,飯粒唔會太大舊或者鬆散,加上有啲沙律醬,都ok啦。熱葷方面選擇都算多,部份亦配合主題而設,例如炸蝦天婦羅、豚角煮、西京燒、日式牛肉火鍋、鹽燒秋刀魚、日式蒸蛋等,整體質素都唔錯,特別係西京燒同秋刀魚,幾香口食自助餐最重要就係夠選擇,除左日式野,都仲見到有原條蒸魚、醬燒雞、烤雞、麵食等,切合不同人士喜好。我反而幾欣賞佢地嘅湯品,可能自己出街食飯多,欠湯水,當晚供應野葛菜湯,足足飲左三碗,清潤無味精感此外,仲備有即叫即整嘅食物,例如爐端燒,我試左雞脆骨、牛仔肉。烏冬、關東煮等都係即點即做,基本自助餐必備,畢竟總有好似我一定要食少少澱粉質先滿足嘅人。甜品區亦都係我主要流連嘅區域,賣相吸引,有蛋糕、布丁、和菓子、水果等。見到隔離枱仲整班戟食,但我已經食到飽一飽,投降。movenpick雪糕口味都幾多,最後我就食左4杯,哈哈,特別鐘意楓糖核桃口味,口感豐富雖然我地遲入場,但都食足個半鐘,不時見到廚師檢查取餐區,有需要就馬上補添食物,都算係咁。不過一提,呢度嘅洗手間只供酒店住客使用,餐廳用餐嘅人要問職員拎密碼先入得,對於長者或者小朋友黎講,可能就唔算方便喇。 continue reading
(The above review is the personal opinion of an user which does not represent OpenRice's point of view.)
Level6 2018-10-13
4942 views
一向愛吃自助餐,就以今年為例,加加埋埋都應該食咗接近 10 次。老公同我一樣,都係自助餐嘅擁躉,周不時都會「拍拖更」去食 Buffet,以一個價錢便可以吃盡貴價海鮮和甜品,認真爽!最近從好友處得知,灣仔香港諾富特世紀酒店「Le Café」做緊以「日本秋祭 in 香港」為主題的「東瀛の味 • 生蠔海鮮自助晚餐」。瀏覽過餐廳網頁,見除咗有凍海鮮同即開生蠔外,還有原隻北海道帶子、紅蝦刺身等多款日式料理供應,感覺吸引,而且只要成為酒店 Facebook 專頁粉絲,又或者使用 OpenRice coupon,更可獲 65 折優惠,既然友人有好介紹,就一於趁 Happy Friday 去大快朵頤! 餐廳位於酒店 1 樓,到埗後趁人還未算太多,先快步去自助餐區走一圈。原來餐廳為了配合今次自助餐的主題,場內放置了不少富東瀛味道的裝飾同小擺設,例如日式燈籠、紙傘、清酒瓶、摺扇等,和風味甚濃。先由我最愛的海鮮區出發,每款海鮮都用器皿個別盛載,而且擺放得整齊有序,予人新鮮之感。逐一細看,有日本松葉蟹腳、凍蝦、翡翠螺及青口,選擇雖然不算多,但蟹腳富鹹鮮、海蝦彈牙、翡翠螺肥美肉厚,質素亦唔錯。不過講到最令人驚喜,還是擺放於另一邊的兩款即開生蠔,包括法國和愛爾蘭,前者海水味較突出、帶豐富礦物味,後者爽身甘甜,難怪老公 encore 完一轉又一轉!冷盤方面,款式亦不少, 有煙三文魚、火腿片、凍雜肉、雞肉薄片、鴨肝醬同和風漬物等。鴨肝醬綿滑細緻,味道甘美豐腴,就算唔配麵包,齋食都完全唔會覺得溜。沙律吧方面,單是沙律菜一環就已經有成五、六款咁多,另外亦有幾款預製嘅沙律,如鮮三文魚沙律、日式白蘿蔔沙律等可供選擇。幾款沙律菜都好新鮮,尤其是羽衣甘藍,質感粗糙得嚟又夠爽脆,配上車厘茄、麵包脆粒、粟米、紅腰豆、青瓜片等一起吃,十分醒胃。如果鍾意食芝士嘅話,麵包箱旁邊設有 Cheese Corner,上面放了多款軟硬芝士,可以用來配提子乾、杏脯或法包吃,味道同樣夾配。刺身方面,選擇雖然唔多,只有三文魚、鱆紅魚、吞拿魚等,但每款刺身都切得好厚,口感十足。如果食力強勁,亦可以揀吃旁邊的刺身丼,用料豐富,分量十足。另外海鮮區隔離就放咗一個賣相既漂亮又悅目嘅壽司盛盒,內裡載滿各款壽司,整體質素中上,個人最愛就是炙燒鰻魚壽司,鰻魚肉質富彈性,加上醬汁吃,夠曬滋味。不過講到最令人印象深刻的,當然是今次自助餐重點推介的原隻北海道帶子刺身同紅蝦刺身。帶子非常巨型,肉質結實,爽口彈牙,嫩滑有鮮味;而紅蝦刺身亦很有水準,不但蝦味突出,而且甜味更是蝦中之冠。食完咁多生冷野,就輪到吃熱食。湯品共有兩款,一中一日,包括有野葛菜羅漢果煲生魚湯同麵豉湯。野葛菜生魚湯有養陰清熱和降火功效,對口燥咽乾、關節疼痛等都很有幫助,啱曬我呢挺無飯主婦。麵豉湯味道合宜,鹹中又帶點鮮甜。熱盤方面,既然今次自助餐係以「東瀛の味」做主題,就先講下一系列和風熱盤,當中包括有:關東煮、日式牛肉火鍋、鹽燒鯖魚、鹽燒秋刀魚、炆黑豚腩肉、日式蒸蛋、炸蝦天婦羅、大阪燒、日式炒烏冬、日式咖哩炸豬扒等。關東煮味道唔錯,湯底清得嚟有魚香,白蘿蔔索曬啲湯汁,入口清甜無渣。黑豚腩肉雖然看似十分肥膩,但原來亦十分好吃,入口鬆化、一咬即散。天婦羅蝦炸得又薄又脆,食落既輕盈又唔油膩。至於其他熱葷就仲有即製薄餅、印度芝士、羊咖哩、原條蒸魚、醬燒茄子、金沙焗中蝦、燒羊架配香草汁、西冷等。另外自助餐區亦設有任食爐端燒,有大蝦、牛粒串、雞軟骨等,適合想大吃特吃的朋友仔。終於嚟到壓軸甜品,款式真係數之不完,除了有源源不絕供應的 Mövenpick 雪糕及雪米糍之外,桌上還有班蘭蛋糕、黑森林蛋糕、日式抹茶慕絲蛋糕、紅綠豆卷、若葉丸子、櫻花和果子、泡芙、北海道 3.6 牛乳布甸、奶凍、慕絲杯……等等。櫻花和果子賣相非常精緻,外皮煙韌有彈性,入口帶淡淡櫻花香,加上入面的豆沙餡,甜而不膩,令人吃得心花怒放。這晚的確食得非常盡興,據知「東瀛の味」主題自助晚餐供應期去到 11 月 30 日,或者會搵晚嚟食多次。 continue reading
(The above review is the personal opinion of an user which does not represent OpenRice's point of view.)
Level8 2018-10-08
3418 views
經過悠長嘅炎夏,卒之有啲秋意喇,最想嘅喺去日本睇紅葉,不過,基於工作關係,10月、11月都喺難以請假嘅日子。最近,就同朋友仔去到灣仔「香港諾富特世紀酒店」嘅Le Cafe食自助餐,皆因知道佢哋趁日本秋祭新推出嘅主題:「東瀛の味」自助晚餐,睇起嚟幾吸引嘛。自助晚餐供應時間喺每日6:30pm– 9:30pm,價錢方面,以成人計,星期一至四收$508+10%,而星期五至日、公眾假期及前夕則只貴少許,收$538+10%。成為酒店FB專頁粉絲更提供低至65折嘅折扣優惠,所以,平日嚟食番餐,折後連加一,都只喺$381咋,供應期去到11月30日。酒店離灣仔港鐵唔遠,所以,嚟Le Cafe都相當方便,而餐廳位處1樓,地方都幾闊落,枱與枱之間嘅空間足,唔會太逼,配合柔和燈光,感覺都幾舒服。最鍾意喺有少量圓枱,適合7到8人,方便圍住傾偈。既然主題喺東瀛,場內自然有唔少相關嘅佈置、裝飾,確喺增添唔少氣氛。當你留意到食物名牌特別以秋葉設計嘅,就表示喺主題菜式,無正式數過,但目測估計都有近三十款,分布晌唔同食物類別當中。然而,所有食物都擺放得夠集中,晌入門口右邊區域,就有兩大張長型食物枱,擺放沙律、冷盤、海鮮、熱盤、湯品……等等,另外仲有兩大個開放式廚房,供應唔少即製美食,最邊邊就喺飲品區及甜品區。為配合東瀛主題,更特別提供日本酒品,如清酒及特色雞尾酒,不過,喺需要另外加錢享用。自助飲品吧一邊喺檸茶、橙汁、啤酒,另一邊就有紅茶、即磨咖啡及檸檬片,唔使多介紹,都知點搞啦。好似小弟依啲慳友,既然餐廳提供自助飲品吧,任斟任飲,就梗喺飲佢啦,鮮橙汁啱我,一邊食一邊飲。臨尾,亳無懸念,就喺咖啡伴甜品。沙律先介紹吓自助餐必備嘅沙律吧,幾款沙律菜、十多款配料、幾款醬汁、數款預製好嘅特色沙律,整體唔算話好特別,但就做足基本,唯最意外沙律菜其中一款喺羽衣甘藍,而隨意都可以砌出一大份沙律拼盤。生果盤是晚所供應嘅生果有新鮮菠蘿、西瓜及哈蜜瓜,其實啲生果擺晌甜品區嗰邊,不過,我嘅「頭盤」有佢,就先介紹吓。頭盤先喺一大碟叫人越食越開胃嘅雜綿沙律,樣樣沙律菜、配料都要啲,再加點新鮮生果。哈哈,呢個組合近乎喺小弟次次食自助餐嘅指定動作,而食材用料新鮮,已經唔會差得去邊。冷盤可以講分開兩組,一組喺慣常所見嘅西式,如煙三文魚、火腿片、燒牛肉,但亦有不常見嘅雞肉薄片及鴨肝醬。而另一組就喺主題嘅日式,咁會有啲咩呢?如牛蒡絲、炙燒三文魚、多款和風漬物。朋友就夾咗少少返嚟食,小弟就黐佢少少過吓口癮,感覺唔錯喎,整得有板有眼,尤其啲牛蒡絲,爽爽脆脆。凍海鮮、即開生蠔初頭行第一轉時覺得海鮮類唔算強,只喺見到松葉蟹腳、凍甜蝦、翡翠螺及青口而已,再行埋其他區域,先發現晌另一邊,原來有嚟自法國及愛爾蘭嘅即開生蠔,成晚源源不絕供應,食幾多就要幾多。啲生蠔質素不賴呀,雖然唔喺話好大隻,但夠鮮味,質感爽脆,帶濃濃嘅海水鹹鮮味,蠔味嘅餘韻長。再嚟一碟就凍海鮮拼冷盤嘢,蟹腳及甜蝦都冰涼鮮甜,尤其啲蟹肉食落確喺帶鮮味;冷盤方面,燒牛肉覺得比較好,其他幾樣就一般般啫。麵包籃有長法包、小個裝嘅歐陸包,原來下層仲有啲牛角包添,真喺唔好奇拉開都唔知有好嘢。芝士盤就晌麵包籃旁,放有多款軟硬芝士,如車打、艾文、羊奶芝士……等等,配以少少紅莓乾。小弟覺得,有唔少食物都缺少咗啲名牌,如加番晒就好啲。湯品餐湯分別擺晌熱盤區長食物枱兩邊,雖然呢度無燉湯,但有啱晒我呢啲氣管唔好嘅海底椰鱷魚肉湯,而另一邊就有和風主題菜式嘅麵豉湯,以取代西湯。食到中尾段,搵碗中湯間場,齋飲悶悶哋,所以拼少少法包及芝士。個湯都幾清甜、幾潤,法包極有咬口,拼乜嘢芝士都襯。熱盤區夾雜多款中西日菜式,先講主題菜式先,就包括有日式天婦羅(炸野菜及炸蝦)、茶碗蒸(日式蒸蛋)、鹽燒鯖魚、豚角煮(炆黑豚腩肉)、壽喜燒(日式火鍋)、關東煮、日式咖喱豬肉、日式鰻魚飯,而其他熱葷就仲有煙烤汁燒雞、杞子上湯娃娃菜、家鄉紅燒肉、原條蒸海上鮮、香濃茄汁燴扁豆、印度蝦咖喱。刺身、壽司飯晌其中一個開放式廚房就提供咗多款刺身,包括三文魚、油甘魚、劍魚腩、八爪魚,但另外加映原隻北海道帶子及紅蝦刺身碗,一小份一小份預備好晒等客人自助。壽司至於啲壽司,一大盤雜錦款式擺咗晌凍海鮮嗰邊,旁邊仲備有酸薑,喺食刺身或壽司嘅好拍檔。此外,壽司旁仲有啲蕎麥冷麵。見啲帶子及紅蝦好似幾正,所以,就夾埋啲刺身及麵豉湯砌成一份和風組合。帶子及紅蝦同樣爽口鮮甜,反而,另外幾款刺身小弟就覺得不過不失,較大問題喺唔夠凍。食咗幾樣凍嘢,飲番啖麵豉湯暖暖胃、平衡吓就最好,而碗麵豉湯又幾唔錯喎,加咗少少煙肉,陣陣麵豉再帶點鹹香。拉麵屋台平常晌自助餐度,甚具本土特色嘅車仔麵喺必備,但嚟到依度,因為主題關係,就改以日式拉麵、烏冬上陣,配以香濃嘅豬骨湯。當然,餸料就變成日式叉燒、肥牛、鳴門卷、油豆腐、木耳絲、筍乾……等等。爐端燒、鐵板燒另一邊開散式廚房就有爐端燒、烤肉及即烤薄餅,先介紹前者,無正式統計,不過凡經過時就望一望,大概見到有雞肉串、雞軟骨、燒五花腩、炸和牛粒……等等,而側旁仲有啲鐵板燒茄子、冬菇、鱆魚小丸子……等等。烤肉是夜就有西冷及羊架兩款,兩款肉都燒得好靚仔、好吸引,而枱前就放有多款調味,燒汁同黑椒汁就基本架啦,仲有英式芥末、香檳芥末、法式芥末及辣根汁。即烤薄餅開放式廚房後設咗一大座烤爐,專用嚟製作薄餅,清楚睇見麵粉糰及多種配料,所有薄餅都晌度即做,可謂新鮮出爐。如果能夠改為做啲迷你薄餅,客人點先即烤烘,新鮮熱辣送上枱,咁嘅效果就真喺一流。不過,呢啲又喺牽涉人手問題。接近尾聲,先嚟一碟主題菜式嘅熱盤,茶碗蒸好食,啲蛋滑,底下有好多配料;豚角煮亦好食,香濃而鬆化;串燒和牛粒及壽喜燒牛肉同樣好味,軟腍有牛肉香;相反,關東煮就浸得太腍(因為小弟喺近尾段時間先食),天婦羅唔喺炸起即食,亦變得大打折扣,所以,天婦羅放晌爐端燒嗰邊,小批量去做以保「新鮮」效果會理想啲。第二碟熱盤就選取咗西冷、羊架、燒雞、薄餅同小丸子,兩款烤肉都比預期好喎,西冷烤得啱啱好,質感軟腍,而羊架肉質好柔嫩,兼且唔太羶;薄餅就始終唔喺即焗起就即食,質素會喺無咁理想,最唔得啲小丸子,腍晒得糰粉。甜品區基本上集中晌右邊末端位置,先見到一大張圓枱,分上下兩層放滿各式各樣嘅甜品,有大個裝嘅蛋糕,如綠茶慕絲蛋糕、芝士餅、黑森林蛋糕……等等;而的的骰骰嘅甜點亦唔少,好似啫喱、布甸、奶凍、慕絲杯……等等;此外,以日式為主題嘅和果子、北海道牛乳布甸,不少都甚具特色,賣相精緻。仲有就喺小朋友睇見至開心,有得玩,有得食嘅朱古力噴泉,以及即製班戟機。因為今次遲去,又食得慢,所以,輪到我嘅甜品時段時就無咗部份款式,但點都砌到一大碟甜點拼盤。幾款日式和果子OK喎,好肉柿子嘅南瓜丸子好有驚喜添,件櫻花豆沙卷亦討人喜心;綠茶慕絲餅中間夾有芒果啫喱,多咗層次嘅變化,黑森林亦真材實料,混有浸咗酒嘅車厘子果肉。整體嚟講,實屬唔錯。Movenpic雪糕唔單止甜品唔少,更供應成本唔平嘅Movenpic杯裝雪糕,一共有5款口味,好幾款都喺小弟嘅心水口味。一起手揀咗4款,但唔喺我一個人食晒,友人都好鍾意食雪糕,想試多啲款但又怕食唔到咁多,故此,就一於攞4款嚟「些牙」。Movenpic雪糕一晌有質素,唔使多懷疑,4款味亦都正,推介就梗喺楓糖合核及意大利濃縮咖啡啦,超正。順帶一提,甜品區附近更擺咗支朱古力漿,目的喺俾客人可以晌啲甜品上寫啲祝福語,慶祝好友生日就最好不過,但前題喺手字寫得靚先好搞,哈哈!諾富特酒店晌香港有3家酒店,先後都幫襯過晌東涌嘅「諾富特東薈城酒店」Essence餐廳及佐敦嘅「香港九龍諾富特酒店」the SQUARE餐廳,是夜到訪埋Le Cafe餐廳。綜合去過嘅經驗,Essence環境比較闊落寬敞,因東涌地方大嘛;而食物質素就以Le Cafe秤高少少,尤其呢晚啲主題美食。順帶講吓服務,食物嘅補充、店員嘅收拾都算勤快,去到9:00pm,我見有部份客人都陸續離開,但有啲食物都照補充。然而,食物加番晒啲名牌會好啲,因為有啲人可能就喺唔知乜嘢而唔敢試,食自助餐好玩在大把嘢俾你試吓嘛。 continue reading
(The above review is the personal opinion of an user which does not represent OpenRice's point of view.)
Level6 2018-10-08
2950 views
【Le Café】的自助晚餐出名性價比高,中秋節快到就帶家人到來品嚐一下。點解今晚選擇到【Le Café】食自助餐?  因為……1.地點: 位於灣仔區的Novotel Hotel,交通方便,地理上取勝。 2.食物安全: 自助餐的食物安全非常重要,Novotel Hotel 屬國際級,人所共知,因此酒店內的餐廳的可靠性頗高,不太擔心。3.環境: 自助餐要坐上一整晚,環境當然要舒適。【Le Café】用餐位置及食物位置分開,而且枱之間距離足夠,用餐環境舒適。4. 服務: 餐廳位於酒店內,服務當然不用懷疑。侍應不斷清理客人食完的碗碟,做事勤快。甫坐下,侍應呈上小禮物給小公主,非常體貼。不難理解當晚有不少一家大細的客人到來。5. 價錢: 酒店內的自助餐最少都要五、六百。【Le Café】長期做優惠,在openrice 上有65折coupom,折扣後的晚餐自助餐只需三百多,抵食!6.食物: 自助餐食物當然要多元化。【Le Café】每兩個月轉主題,今期主題正是日本秋祭,食物當然圍繞日本料理。甫入餐廳,佈置加入不少日本元素,令客人有置身日本感覺。食物區跟用餐區有些距離,因此用餐環境比較寧靜及舒適。用餐區分為三個區域: 刺身及拉麵區、熱葷區及甜品區。自助餐必有的冰鎮海鮮:蝦、青口、翡翠螺及雪蟹腳。由於是冰鎮海鮮, 味道上筆者不會有過多的期望,最重要是食物安全及處理, 筆者見到店員多次檢查食物及更換, 十分安心當中最驚喜是即開生蠔, 【Le Café】晚餐自助餐三百幾竟然有即開生蠔真是驚喜。雖然只有一款, 但都幾大隻而且厚身, 那股海水味令筆者更加回味, 食了差不多半打~這裡的刺身有三文魚、立魚、帶子、八爪魚。每款刺身切得厚厚,而且沒有限制, 任客人任取, 令人食得開懷~除了厚切刺身吸引, 當晚另一驚喜必數有這個帶子及蝦刺身。帶子大大隻而且厚身, 蝦刺身好大隻而且多膏鮮甜。同樣是沒有限制, 任人任取, 令人食得開懷~日本秋祭主題當然有不少日本菜,如拉麵、天婦羅、日式蒸蛋、關東煮、日式牛肉火鍋、日式咖哩飯……等多款特色小碟。部分食物即叫即做, 物有所值!師傅即做串燒, 有脆口雞翼、肥美豬腩肉....串燒即叫即燒,調味足,十分惹味,惟肉質略為乾身,有進步空間。隨著氣溫逐漸下降,秋天的氣息也越來越濃厚,這時候最適合來一碗熱呼呼的關東煮暖暖心。六款關東煮:有日式魚、蛋蘿蔔、蒟蒻、魚餅。。。熱葷: 烤牛肉、西京鴨、香草煙燻三文魚、蔬菜、蒸魚……等。不過食到熱葷肚皮已經差不多夠,只可以輕輕試一兩款食物印象中這個中湯多料夠曬老火,絕對值得一試!筆者覺得最驚喜竟然是Pizza!  【Le Café】的Pizza 有師傅即做即焗,用的是石爐更具風味。提供兩款意式薄餅:燒烤肉類比薩、四色芝士比薩。新鮮出爐的 Pizza 特別美味,Pizza 皮薄而且四邊脆口。Pizza 材料足,入口濕潤又惹味。這個Pizza 味道比不少西餐廳出色得多!甜品: 各款各樣的蛋糕、Mövenpick 雪糕、朱古力噴泉……等。蛋糕賣相吸引,可惜筆者食得太多美味的Pizza,無緣享受這些甜品。當中Mövenpick 雪糕最能吸引筆者,因為 Mövenpick 雪糕味道比較真及不太甜,正!【Le Café】有個小角落供客人為甜品加些裝飾,非常有心思。另外,大部分酒店的自助餐都不會免費提供飲料,但【Le Café】卻免費供應水、橙汁、檸檬茶及啤酒,抵讚!環保舒適,在這裡完全沒有壓迫感,服務又周到細心,不管食物味道如何,在這裡與家人坐上一個晚上,絕對是一個上佳旳地方。食物選擇多,只不過3百元的晚餐自助餐,我仲可以要求什麼呢?走時見到在門口有這個Pizza親子班,由於這個Pizza太美味,計劃下次試下先~ continue reading
(The above review is the personal opinion of an user which does not represent OpenRice's point of view.)
Level3 2019-02-26
340 views
適逢聖誕節,Openrice又有優惠,就同屋企人試下香港島Novotel嘅自助餐。自助餐area唔太大,同其他地方唔同就係佢有一個自助飲品區,可以自製檸檬茶,任飲果汁,連啤酒都可以任飲。聖誕節有聖誕特飲、聖誕西餐、聖誕甜品等等。魚生方面都可以,竟然有超大隻紅蝦刺身,不過質素就麻麻啦。有西湯同中湯,沙律選擇都多。甜品方面,有成個甜品架,自製pancake機,有朱古力漿比你自己寫message係隻碟度,朱古力噴泉,最緊要係任食Movenpick雪糕!味道都多,有楓糖核桃、士多啤梨奶凍、咖啡、雲尼拿,開心開心!提提大家,因為餐廳可以通去出面,所以每一次去廁所都要禁密碼。 continue reading
(The above review is the personal opinion of an user which does not represent OpenRice's point of view.)