380
9
3
2-min walk from Exit A1, Yau Ma Tei MTR Station continue reading
All Branches (3)
Telephone
39973753
Introduction
The hot pot restaurant is located in the downtown building of Mong Kok. Diners can overlook the hustle and bustle of the street. It offers a variety of flavors of soup bases, such as Chongqing Spicy Chicken and Chicken with Hua Diao Wine and Chinese Herbs. It also offers many specialty snacks, such as Sea Snails in Spicy Wine, Thai Shrimp Sashimi, etc. continue reading
Additional Information
午市主打健康住家菜,晚市雞煲及火鍋。
Opening Hours
Today
12:00 - 15:00
17:30 - 00:00
Mon - Fri
12:00 - 15:00
17:30 - 00:00
Sat - Sun
12:00 - 15:30
17:30 - 00:00
Payment Methods
Visa Master AlipayHK Alipay Cash AE UnionPay EPS
Number of Seats
86
Other Info
Online Reservation
Wi-Fi
Alcoholic Drinks
May Bring Your Own Wine Details
Phone Reservation
Reward Dining Points
Delivery
10% Service Charge
Sea View
TV Broadcast
Spot payment
About Reward Scheme
Review (406)
Level4 2020-09-12
694 views
話說疫情之後好耐都冇出過街食飯, 第三波疫情緩和咗, 於可以出街食個晚飯輕鬆下。由於成日喺屋企食啲清淡嘢, 都想食番啲惹味啲嘅開心吓, 於是就揀咗呢一間《吞Pot雞煲火鍋住家菜》, 相信鍾意食雞煲嘅朋友對呢一間吞POT都唔會太陌生, 餐廳位於油麻地譽發大廈高層,食飯之餘仲可以飽覽一下日落美景。疫情之下,餐廳防疫措施做足, 探熱同酒精搓手外, 提供咗 滾水畀客人洗下啲碗筷,食得安心。我哋選擇咗重慶麻辣雞煲(大辣) ,果然有料到,紅椒乾加上辣椒油, 一片通紅,食落夠麻香,花椒麻醉了味蕾,夠曬刺激。 而且辣得黎又唔會搶咗雞煲嘅香料味,夠曬惹味。另外, 雞件嫩滑,可謂啖啖肉, 就算係雞胸部分都保持到水準。另外仲叫咗脆肉鯇片, 脆肉鯇片食起嚟有少少骨,食起黎要小心。 由於砌得好簿, 輕輕灼一灼至微微屈曲就可以食, 食起來相當之爽口,夾埋少少蒜蔥嚟食,既可以撇除泥味,亦可以提鮮。要食得健康又點少得蔬菜呢? 食雞煲嚟講我就最鍾意皇帝菜, 因為鍾意佢夠味,黃帝菜獨特嘅香氣唔會咁容易被雞煲搶去風頭, 而且芫茜一樣同辣味非常之夾。必點項目一定係推介嘅爆芝響鈴, 本身熱辣辣嘅響鈴都令人難以抗拒, 加上裡面夾埋溶化咗嘅芝士,即有豆香,亦食出芝士咸香, 無論當小食抑或火鍋配料都相當適合。最後點咗非常「索」嘅芋絲,芋絲低卡又飽肚,中和返少少食雞煲嘅罪惡感。而且炆耐咗嘅芋絲亦相當入味。總括嚟講,呢間吞POT絕不吞POT,材料新鮮,可口惹味, 希望疫情過後可以約多啲朋友一齊食啦! continue reading
(The above review is the personal opinion of a user which does not represent OpenRice's point of view.)
疫情關係,呢排都好少出街食飯難得出嚟行一陣,就梗係要揀一啲食物同環境都衛生嘅地方食飯之前嚟過呢度打邊爐,因為係樓上鋪嘅關係,鋪頭外面唔會人來人往,環境開揚舒服,所以比較有信心喺度食飯呢度嘅座位唔係特別多,而且可以先預約再上嚟食飯,枱與枱之間都隔得比較開食物種類好多,一部分仲係自家製嘅要對自己嘅身體好啲,所以今次揀咗個滋補螺片花膠雞煲嚟打邊爐雞煲嘅材料份量十足,大大塊嘅花膠,鮮味嘅螺片,啖啖肉嘅雞,淨係用呢個湯嚟打邊爐已經夠曬美味餃餃陣呢度係四款唔同種類嘅自家製餃子,最欣賞係雲吞大大粒,蝦肉飽滿,食落好滿足手打四寶丸由於係自家製嘅關係,每款丸都係爽滑彈牙,可以食到啖啖鮮肉味道,同平時嘅普通什丸真係冇得比自家炸響鈴呢個響鈴真係必食之選,新鮮炸好嘅響鈴,就咁食就脆卜卜但我鍾意將佢放喺湯度幾秒再食,外面微脆,裏面索滿湯汁,非常好食西班牙頂級黑豚豬腩片打邊爐唔少得有肉,因為係腩片嘅關係,肉質會偏肥少少,食落充滿肉嘅美味同油香味,呢款打邊爐真係推介之選讚岐烏冬通常打邊爐都咁上下都會想食返個麵,因為索咗湯汁嘅麵係特別好食,呢個烏冬比平時更加好味我哋喺七點半前埋單,所以啲火鍋配料都有半價,感覺更加抵食 continue reading
(The above review is the personal opinion of a user which does not represent OpenRice's point of view.)
Level4 2020-05-20
1134 views
太耐冇舒暢地放低保護罩、太耐冇肆無忌憚地暢飲暢食、甚至太耐冇打邊爐....太多活動太耐冇做,當得知終於可以逐漸重拾該樂趣的時候,特別感恩和開懷。當然距離大家可以無顧忌地一群人圍在一起打邊爐還很遠,但這晚可以再臨我最愛的吞Pot雞煲火鍋,每食一啖都覺份外滋味!吞Pot的花膠雞煲是我食過數一數二最真材實料的。鷄煲上桌後急不及待夾起雞肉,鷄肉肉質滑溜,真的雞有雞味而不是雪藏味。湯底更加加入了螺頭熬煮,令湯底特別鮮甜,花膠大塊而且爽口。只吃鷄煲當然不夠過癮,還是要點些火鍋料”十下十下“。男友撒嬌想吃牛,就滿足一下他的欲望,menu上的牛類食材選擇也不少,在考慮了價錢之後,衆多選擇當中我挑選了牛柳粒。平常通常點牛肉片,絕少點牛柳粒,怕牛粒材料不夠“靚”,口感會很硬。但這個牛柳粒口感居然意外地嫩滑而且多汁。建議最好把煮牛粒的時間掌握在一分鐘左右,當肉轉色不久之後就可以拿起享用,避免牛肉過分烹煮而變得硬身。爆芝響鈴才對是一道必點的食材。響鈴即點即炸,滿滿的芝士被一層層的響鈴包裹住,上桌一刻已經聞到濃鬱的芝士香味,非常誘人。把新鮮炸起的響鈴迅速浸在湯裏3秒左右,這時微濕微脆的狀態最吸引人。每一口帶有芝士、油炸還有有一點湯底的鮮甜海鮮味,好吃程度讓人欲罷不能。這時的湯底已經夠濃鬱了,可以加入冰菜,索了湯汁的菜吃起來特別鮮甜。冰菜的莖部帶有結晶狀顆粒,好像粒粒結了冰的水珠,吃起來的口感也是特別有趣! continue reading
(The above review is the personal opinion of a user which does not represent OpenRice's point of view.)
Level4 2020-05-19
777 views
每次都係我最早到步細閱餐牌,計劃點什麼食材,打點一切等待朋友們來臨。竟然係姬斯汀第一位到達,跟美女先撐一會檯腳,轉眼亞軍森鵰都殺到喇!食飯或打邊爐真心唔想飲啤酒,成肚氣成肚酒頂住個胃食唔得多,我要食野呀!但高高興興跟朋友們暢飲,真的很難抗拒。無幫襯段長時間,再次到訪!色香味質素都大插水,生料質素下降到吊車尾,依間火鍋係我揀選,十分抱歉,對不起朋友們啊!五個麻甩一個虛,雷奧、神州、神都、雲娘、利民,養生全席。花螺、生蠔、雞子、花膠、螺片,多款食材都滋陰補腎又壯陽,爽啊!Asahi 啤酒,最支持日本啤!清爽順喉不嗆,酒味溫和不苦澀,大啖灌入透心涼!Wasabi 牛柳粒,全熟牛柳粒六面煎封十分香口,外層嚥韌裡面水潤極彈!肉汁泛濫,毫不留情的青芥辣汁,直擊腦袋,鼻孔打震,感覺爽爽。牛味濃郁甜美,給您滿分!脆皮炸大腸,有鳳梨伴碟呢,非常傳統。薄薄腸衣香脆帶甜,厚身白肉肥美爽彈滲出豬肉鮮味,不腥不嗅,追食幾件無得頂!辣酒煮花螺,不是大就好食架!好睇唔好食,硬掘掘的花螺肉,黏黏厚厚的麻辣芡,甜味出眾麻辣微弱,過過口癮的質素。雷式混醬,我的獨門混醬,指天椒、生蒜、炸蒜、生蔥,簡單好味勁辣吸引。火鍋必備,蔥香、蒜甜、椒辣、油鮮,所產生的化學作用難以形容,無與倫比!配肉配海鮮同樣出色!另外仲有麻辣醬、芝麻醬、豆瓣醬、沙茶醬提供,本人少食少食。滋補螺片花膠雞湯,落生雞件大火滾開熄火耐心等候 10 分鐘,啟動﹗打開濃煙密佈香氣突襲,雞湯芬芳無比,索一索口水滴滴!厚厚膠膠黏嘴,滾燙的湯汁舒服暢快!極濃的雞甜味道,鳳脂無敵甘香,提味百倍!雞肉彈滑嬌嫩,花膠爽而嚥韌,非常出色!大家都飲到乾塘無得剩,未打邊爐就要先加湯咯。打到尾聲湯汁極濃極甜,百味融合鮮甜無比!比個麵或比個飯我就更賞心悅目。煮完肥鵝腸後,鵝油提味無限,雖然油膩但非常香噴噴,無論如何都要飲幾啖才心息。韓國頂級牛肉眼,薄切極嫩滑,乳香突出,牛味清淡。牛三朗,比韓牛味道濃很多。雪花肥牛甘甜的油脂,牛肋片牛味濃稠,牛柳粒彈彈有咬口有牛油香。羊肉片,羶到盡頭無止境,食到我𢲡住塊面,格硬吞落肚,雖然鬆軟微彈,但真的羶到吃不消啊!赤貝肉,罕有地將刺身料用作火鍋食材,雪藏貨不會有任何鮮甜味,只有少少的爽感,淡淡然的海鮮味道。脆肉鯇魚腩,爽脆有微弱魚味,不過魚脂欠奉偏瘦,未夠香甜。日本廣島蠔,雪藏貨沒有異味已很安慰,儲存得好散發鮮蠔味道,蠔肚厚滑多汁﹗新鮮肥鵝腸,小心翼翼灼兩灼,縮一縮,不能過火!要保持鮮嫩,要保有鵝油才是皇道!甘香滑溜油潤兼帶爽,不得了!雞子,雪藏火雞子烚熟一點,縮多一點,可去多一點腥味。滾上雷式混醬整粒啪入,皮脆肉嫩,汁液激射。膶一樣的質感,噴汁滋潤雙脣。十全大寶丸,每款兩粒分贜唔勻啦!生拆蟹粉墨魚丸、黑松露墨魚丸、黃金海膽墨魚丸、香煎鵝肝蝦丸,有創意不過餡太少,所有味道都被墨魚味蓋過,當普通墨魚丸食,彈牙結實有鮮味,合格。芝心牛丸,只得這款另類,芝士餡水汪汪,牛味濃而嚥韌質地。香煎鵝肝蝦丸,食不到鵝肝味道,蝦膠彈滑鮮甜味香濃。冰菜,可以生食當沙律菜,我較喜歡熱食。表面鹽結晶已提供少少咸味,質地獨特咬到索索聲,菜甜味清淡,試試無妨。胡椒豬肚雞煲,頭啖湯淡茂茂如水清澈,中段漸濃飲得過,尾段有苦澀味。腐竹厚身滑滑,給雞湯帶來濃郁豆味,怪怪的。蘿蔔爽爽爆水,少少澀而甜味欠奉。粟米超甜粟飽滿,激甜爆汁。豬肚先彈牙後嚥韌,陣陣豬甜。雞件沒有驚喜沒有特別,平庸唔難食。雞翼好多毛及毛管喎,清潔得不夠細緻乾淨。酥炸魚皮,乾身脆卜卜,淨食有點咸,浸湯半濕半滑,咸味搭著胡椒雞湯,很有趣。牛頸脊,除蔬菜外,應該係全晚最優質的食材。牛脂閃令令的,網油平均靚靚的,滾湯拖兩拖粉紅色,出煙入口。牛味鮮氣野蠻霸道,肉味甜甜的,嚥韌滑滑有趙頭。象拔蚌,跟我預計的完全相反,沒有味道硬硬的似足水魷。白鱔片,雖彈滑但不夠肥味,瘦瘦的泛著強烈草青味。滑嘟嘟,即係鮮滑三拼。蟹子墨魚滑腥酸,蟹子蝦滑同樣腥酸。鯪魚滑免強可以,起碼不腥不嗅,全部新鮮度低下。手打四寶丸,手打黑墨丸、手打牛丸、手打蝦丸、手打墨魚丸。手打丸全部硬實不滑不彈不鮮,粉多肉少極黐牙,非常失望。餃餃陣,即係餃三拼。自製韮菜餃,韮菜爽甜強差人意。自製鮮蝦雲吞,雲吞蝦仁咸腥。自製蟹粉蟹肉雲吞,略咸味濃不鮮。魚皮餃,滑溜溜,咸味突出不嗆最正常。萵筍,爽嫩翠綠清甜。蔬菜籃、生菜、金菇、秀珍菇、鮮冬菇,全部合格美麗! continue reading
(The above review is the personal opinion of a user which does not represent OpenRice's point of view.)
Level4 2020-04-27
1035 views
一個幾有質素,坐得舒適,可能同時食到靚雞煲既樓上火鍋店,不過由於店內枱數唔算多,建議大家預先訂位喔坐底落左單後,店員會比呢個醬料盤你,可以隨時調配所需既醬料味道喔,選擇都算多,生蒜炸蒜芫茜辣椒等都齊全架!落單紙有齊所有食物既選擇,分類排好,見到選擇都幾多,而且價錢都合理。左邊可以揀返雞煲的味道及款式,如果只係想打邊爐都可以,有返純火鍋湯底比你揀架雞煲到!一上枱真係蓋住左都聞到佢既香味,真係不得了,賣相都好吸引,基本上雞件已經煮熟,再煮多陣就可以食雞件份量都幾多,每件都幾大件,唔會只係得骨或肥膏,所以食起黎啖啖肉得黎,味道又夠香濃,而肉質都幾鮮嫩,感覺唔多似係冰鮮雞添食完好出色嘅雞煲,我哋加入上湯開始正式打邊爐啦!個湯底加咗呢啲清湯,味道都唔會太淡,用嚟打邊爐好好味,甚至將雞煲嘅精華,都留咗喺個湯底度呢個牛肉出色,係特級雪花牛肋片,脂肪分布非常均勻,薄切得來,食落好有口感,而且好重牛味食落都幾爽口彈牙,就算將佢煮熟之後,大大塊,真係唔錯自家製芝士脆炸響鈴,有之前係入邊嘅響鈴,你食過未啊?原來都幾好味台灣A菜用黎打邊爐,食過既就知有幾好味啦,因為同一般蔬菜有少少唔同嘅係,佢有一種特別嘅味道,加上吸收咗湯底嘅味道,呢個菜好好食今餐都食得幾滿足,絕對會再有下一次,大家都可以試試佢 continue reading
(The above review is the personal opinion of a user which does not represent OpenRice's point of view.)