羅麥記 (青衣城1) (Closed)

青衣城餐廳選擇唔多，想食平d嘅話，羅麥記不失為一個好選擇。佢成個裝修走復古冰室風格，都幾有型，不過個冷氣實在太凍，坐得麻麻地舒服。我叫左個常餐：雞翼撈通粉配羅麥記炒蛋多士+凍檸茶，$55蚊。炒蛋不錯夠滑，個通粉就口感剛好，但個汁就甜左d，我覺得咸d會好食d。整體來講都唔錯，菜式選擇都好多

好想試呢間嘢好奈架嗱，今日終於試到嗱，不過我覺得唔算有驚喜，又唔算普通，一試無防既餐廳囉，星期日無tea set，只有全日lunchset & 常餐，叫咗兩個常餐：set A+凍奶茶(少冰小甜) ；set D+茶走點解會話呢間餐廳有D普通呢，唔係佢個餐牌唔夠特色，而係佢既配搭好似有D問題，變咗大打折扣set A瑞士雞翼蕃茄烏冬，其實烏冬+瑞士雞翼食過千萬次，係無問題，但當瑞士雞翼遇上蕃茄，就突顯咗烏冬獨有既酸味，攪到好有違和感。至於set B喇沙豬扒火粉，個豬扒係爽口彈牙，但個湯頭雖然有椰香味但偏淡，喂唔到D火粉入味，所以好似食緊椰香米粉甘，同埋米粉好難入味，除非煮好奈，所以以我個人見解將兩個底換轉佢就perfect成餐飯最好既就應該係杯奶茶，有奶香，有茶味

今日要在青衣城附件身體檢查，早上未夠10點去到青衣城一期，見好多餐廳未開，又想食茶餐廳，所以揀左哩度叫餐時，我同侍應一落單，侍應一再同本身在電腦落緊單的侍應2轉述，但其實侍應一同我本身已經隔左兩個多身位，而又要再聽侍應二覆單（真係好奇怪），成件事我要好大聲，anyway,最後佢地真係落錯單，不過算數，因為嚟錯嘅野我都食，眼見附近的人落單，侍應大多一句「轉頭」，無尾音，無嗰可唔該，無眼神交流，感覺幾差點左火腿絲仿鮑通粉+腸仔蛋多士（但最後嚟錯左火腿），通粉軟硬度ok,蛋ok,火腿絲ok但跟餐的火腿（原塊），好難食，好爛肉，咬左一啖無食，想飲熱華田，但無熱華田叫做食完我就去埋單，去到收銀，收銀都係一樣，黑口黑面，講完，下次情願行遠d食老麥好過

羅麥記避風塘雞翼一向有習慣一星期和仔仔出去吃晚飯兩三晚， 近來我們也很喜歡吃這個羅麥記。 羅麥記有很多間分店， 我們去了位於青衣站的分店。 青衣地鐵站一出就到，佔盡地理優勢。去過很多家羅麥記，這家特別寬敞。 由於疫情關係枱與枱之間更多空位，就更多私人空間和仔仔談心了。這裏的餐牌地道香港美食為主， 我們特別鍾情吃雞，所以點了避風塘雞翼和炸雞髀。避風塘雞翼的辣粉材料可以分開上，因為仔仔不能吃辣， 但我就十分喜歡吃辣的。 服務員很好人 給我double分量～雞翼外型金黃香脆 ，而入口非常脆口入味。加上避風塘材料， 有蒜蓉加避風塘留香再炒起， 非常吸引。而且個炸雞髀很大件， 我們等了大概15分鐘， 估計應該是即叫即炸的，所以上菜的時候熱到要攤凍一點才能吃 。外脆內軟， 而雞皮香脆仔仔最鍾意吃。 旁邊有少許配菜， 有椰菜蕃茄 ，但因為太少真的不夠吃～🤣埋單80多元， 也跟市場價格差不多，不算抵食～

一嚐下午茶既干炒牛河，肉丁炒公仔面接近50蚊既價錢，約10分鐘後2碟一齊上干炒牛河暖，未至於凍，但無煙出肉丁炒公仔面，有煙熱，不過成碟唔知有無4粒肉丁，似齋面雖然叫下午茶，份量一般，不過依個質素未必符合依個價錢，有待改善最後叫一杯凍檸茶，一杯熱咖啡，，凍檸茶，茶底似水族館，咖啡無乜問題。以上觀點只係個人感受。

行完街有啲肚餓，經過呢間裝潢懷舊氣息嘅餐廳，入去睇到餐單覺得有啲昂貴，但一次半次試下先。好多種類提供，見隔離枱小朋友食緊呢個，就決定試吓，呢個係「羅麥汁牛河」，等咗一段時間先上餐，如果真係太肚餓就可能要食快餐。因為上菜速度比較慢🤷‍♀️醬汁有啲特別，味道好似甜版嘅瑞士汁。牛肉嫩滑，冇乜雪味，食完牛河覺得唔夠飽，叫咗蜂蜜雞翼。外皮脆脆地，但係有啲乾，蜂蜜味就唔係太夠，少醬汁。有啲失望，雞翼一啲汁都冇。

常餐「雞翼撈通粉配羅記炒蛋多士」，熱奶茶，盛惠$52炒蛋係唔錯嘅...唔會太過火食過質地啱啱好雞翼滷得好淋...但撈通粉個汁甜咗少許，個人覺得咸少少會好啲...所以自己拎咗枱面支鹽加咗少少咸味之後覺得好多了...「櫻花蝦雞粒炒飯」$65係即炒嚟嘅...食得出有嗰種鑊氣，但可能出餐位風口大或者放耐咗啲先出餐...表面啲飯唔夠熱...內裏ok嘅但六十幾蚊一個炒飯有啲貴...裝修有香港特色...嗰日我哋坐卡位，但見到地下有啲用過嘅紙巾，減咗衛生分數

呢間無麥記個裝修好特別 好似八九十年代嘅電影院咁 最正係佢餐廳內全院滿座嗰四個紅色字 真係好吸睛 午餐精選都有十幾樣嘢可以揀 套餐一律65蚊 沙爹豬頸肉撈丁豬頸肉爽口煙韌 配埋沙嗲汁嚟食 都算幾夾椒鹽豬扒飯這個餸真係茶記必選 豬扒份量適中 但豬扒毫無肉汁乾爭爭咁 味道算ok 配料有辣椒蒜頭蔥等等 微辣夠惹味午餐嚟講比其他茶餐廳貴 味道算還可以 但茶餐廳都好難去到難食 可能屋企樓下間茶記仲好食過佢 名聲大雨點小 不過成日都好多人食 可能咁岩果2個餐麻麻地啦

慕名而來，失望而返。昨天中午看了網上介紹到了青衣羅麥記，餐牌有12款午餐供選擇，每款58元，包一杯熱飲。我叫了第4種煎蛋肉醬焗意粉，餐牌註明要等候15-20分鐘，但5分鐘便拿上來了，入口便知龍與鳯，完全沒有"焗"的感覺，就是撈粉，一堆糊狀物！而且味如嚼腊，連大快活38元的肉醬意粉都比它好吃得多！我還叫了60元五件的蝦多士，也是失敗之作，沒有香味，沒有炸過的感覺，面包多蝦肉少，口感是軟軟的不知所謂！想起月前在澳門沙利文餐廳吃過的蝦多士，68元6件，香脆可口，中間蝦肉奇多，就是邊緣圍了酥化的炸多士，性格比絶對比羅麥記高出九成。這頓午餐花了118元，是物非所值，有些被搵笨感覺。一句話：盛名之下，其實難副。

📍羅麥記.懷舊裝修嘅餐廳入面大大隻字寫住全院滿座🤣原來係以前舊式戲院嘅格局啊~🍤蝦多士($60)-新鮮即炸!!蝦膠配埋芝麻同芫茜炸出黎幾香口😋點埋沙律醬係好食啲~不過少食多滋味😆🍝乾炒牛河($62)-港式茶記小炒~河粉炒得均勻唔會癡住一舊舊~豉油啱啱好唔會太咸🍝星洲炒米($58)-米粉唔會太乾仲有蛋絲火腿絲👍👍如果有少少辣更好🤭

今日約左個朋友去左青衣城到黎食lunch.同朋友行行下黎左呢間好特別裝潢的羅麥記食喇.一間看似懷舊戲院的茶餐廳"羅麥記"店內裝潢有香港懷舊風,牆上掛滿八、九十年代電影嘅畫作，內部氣氛不錯,令我諗起睇過既電影回憶.特別吸引目光既係“全院滿座”四個字的紅色燈飾. 主要食懷舊式野食餐牌雖然款式眾多我叫左海鮮麵,+凍檸檬茶.先講個海鮮都算新鮮.不過感覺味道有D普通左. 價錢方面我就覺得有點貴.

係唔知食咩好既情況下，好簡單咁叫左個常餐，濃湯鷄絲米粉- 好驚喜湯底真係有鷄味唔係清湯，雞絲肉尚算滑， 羅記炒蛋多士- 炒蛋不會過熟有蛋汁，多士脆口不太乾，以這個價錢，有這個水準已經不錯

早左起身出門口...平時咬個麵包飲盒奶...難得有時間..緊係坐坐係港人港地既港式茶記...食返個港式早餐醒一醒神啦...去到青衣城入面...可以選擇既餐廳並唔多..好多都係午市同晚市既餐廳..搵搵下就見到..羅麥記香港人早餐就梗係沙嗲牛肉麵味道偏鹹，份量都偏小一個炒蛋加餐包餐包唔夠熱，炒蛋份量都係少最後一杯醒神咖啡杯咖啡完全係水味道唔夠香亦出咖啡味總結：食物整體水平一般係青衣城食這個價錢的茶餐廳，相對會比較失望侍應通常都唔太理會，落單都要叫好幾次最後都講講服務

難得星期日晨咁早就起左身，當然要落街食返個早餐嘆下先。餐廳裝修幾特別，中間有個大大的「全院滿座」霓虹燈牌，加上場內燈光較暗，成個環境都好似模擬緊戲院一樣。我地叫左沙嗲牛肉公仔麵餐，牛肉肉質軟腍，湯底咸左啲不過都可以接受。炒蛋質素不錯，仍然保持滑溜的口感，餐包鬆軟不過不失。另外加錢要左一塊薯餅，上枱個陣仲係熱辣辣好脆口。凍奶茶味道同一般茶餐廳差不多，都喺港式口味。早餐質素一般而且價錢唔算好抵食，間唔中食一次半次就好了。

27/9 中午時份我與太座試吓未曾品嘗過的餐廳～羅麥記。裝修好似幾懷舊，。。。但想不到食物的質素原來是那麼的差勁。我與太座分別叫的是午餐~黑椒牛扒火腿意與椒鹽豬扒飯+凍檸茶2杯。估不到午餐的食物全是“凍”，這樣的食品完全是令人極之失望。黑椒以為有豉椒洋蔥兜抄過，估你唔到，用2匙的類似同珍或李錦記的黑椒酱就算，唔該俾D心機喇！油淋淋的牛扒及火腿，一小撮的凍意粉，菜或雜菜粒也欠奉。椒鹽豬扒及飯全無熱食感覺，只得乾增增又無汁的豬扒配凍白飯，唉！真的難食至極。每份午餐要$61，幾難會有下次幫襯!