羅麥記 (青衣城1) (Closed)

晚上七時，新開張的<羅麥記>全院滿座，懷舊裝潢像七十年代的電影院，餐廳多款的地道美食，讓味蕾也重温美好時光。黑松露卡邦尼撈丁 $68卡邦尼撈丁是中西合璧的菜式，新穎配搭令人留下深刻印象。撈丁一上枱，飄來濃郁的黑松露香，拌勻温泉蛋和芝士粉，撈丁入口稠密，柔滑的白汁香甜，配合煙肉，啖啖滋味、窩心! 出前一丁代替意粉，帶來彈牙口感，著實不錯。避風塘鮮魷 $58避風塘鮮魷是必點推介，炸至甘香酥脆，薄脆的炸漿，包著有嚼勁的鮮魷，口感脆而可口。表面舖滿蒜頭、乾蔥及椒粒，惹味香辣的味道，十分吸引! 蝦多士 $60蝦多士香脆油潤，蝦膠夾合芝麻和莞茜，沾上沙律醬，超級邪惡。只是莞茜略嫌奪過蝦膠的鮮味，我認為不添加，感覺更佳。磚頭焗咖哩軟殼蟹飯 $95磚頭焗咖哩飯份量巨型，麵包磚焗至邊緣焦香，3隻金黃軟殼蟹及滿溢的咖喱汁，令人胃口大開! 切開麵包磚，米飯濕潤，配合酥脆無比的軟殼蟹，是雙重美味。有咖喱汁另外附上，可以跟據口味作調較，如果咖喱中有薯粒點綴，感覺更美味。麥SIR乳鴿仔 $56乳鴿仔炸至油光亮澤，外皮脆卜卜，咬開表皮，油香滿佈，吃到舔舔脷。只是內裡肉汁未算豐盛，但整體不錯。蜂蜜紅豆

青衣城開左2期之後,多左唔少餐廳食肆...難得今日媽媽做無飯煮婦,所以就決定去青衣城試試新野,老豆鐘意茶記,我地見呢間都幾特別,好有懷舊feel,而且價錢又唔係貴,重點今日比較少人等位,就試下佢...避風塘軟殼蟹炒麵 $68:我同屋企人都好鐘意食辣,所以叫左呢個黎食,炒麵上舖滿香炸蒜酥,炸蒜酥食起來不但酥脆,更帶點焦焦地既蒜香味,非常令人著魔既口味,而炒麵炒得好乾身,好有鑊氣,配埋脆而不膩既軟殼蟹,愈食愈惹味西冷牛扒餐 $98:跟餐餐湯味道有點似粉沖出黎,本人覺得麻麻地,完全估唔到咩湯...西冷牛扒大塊又新鮮,7成熟肉質嫩滑,岩晒老豆無咩牙力既人,配上黑椒汁,味道濃郁,都幾物超所值.芝士芫茜蝦春卷 $38:春卷炸到好香脆,一咬濃濃既芝士就流出黎,芫茜配蝦做餡,味道豐富,不錯既小食檸7(跟餐凍飲+$10):食茶記最愛點檸檬加7喜,有汽水既爽快感另帶點檸檬清新味...羅滑咖啡(跟餐熱飲+ $8):呢度既咖啡做到細緻綿滑既口感,唔錯...

青衣城黎黎去去都係個幾間餐廳，悶爆最近終於肯執下個場，轉下啲新舖懷舊裝修，幾得意，像以前的舊戲院幾有特式見到好多小食類的野，但是岩岩收工，餓到暈，一定要澱粉質囉⋯⋯入坐的時候見到好多桌都有點里舊磚頭，整返件先用左甜點的概念，將中間麵包部分除去，左放入西炒飯同豬扒，然後重新拿返去焗一焗個面外型💯味道7️⃣0️⃣分。首先豬扒唔夠入味，同埋當你要成個飯食的時候，里個情況好難再切骨（用去骨豬扒好少少，個人喜好）。然後個西炒飯都係無味的（但係有色🙁），而且個蕃茄汁極唔夠最重點係唔熱，一啲都唔熱，又話即點即焗，煙都無，我唔想出街食冷飯囉⋯⋯*不過有一點要讚下的，老闆好有心，唔會得個面先有豬扒，係一層層的，分開四層，中間都有豬扒的，唔怕食到中間得返包同飯*加錢要左個紅豆冰奶茶☕️👍🏻👍🏻👍🏻👍🏻奶茶又香又滑，紅豆又夠起沙最抵讚的係，一般凍飲，飲到中段會俾啲冰沖淡晒，里到用紅豆沙制成冰，杯野慢慢飲都唔怕淡🍸🍹🍸🍾🥂唯一係份量少左啲芝士豬頸肉撈丁，perfect match成個麵都好好食，唯一不足的同個磚頭飯一樣🔥俾多少少汁我唔得的🔥🔥淨食出前一丁，我行過隔離Taste 買啦😡你睇下，撈唔晒個麵丫😫*總括味道係可

青衣城開左羅麥記新分店，茶記黎講，食物味道做得幾好，加上裝潢好有懷舊感，帶父母來，佢地都覺得佈置別有一番味道，又想當年......即叫美食俾佢地食，必叫蝦多士（5件）$60，蝦膠與多士比例剛好，滿滿蝦膠彈牙有咬感，仲夾雜蝦肉粒，多士用法包厚切，豐厚麵包鬆軟香口，令兩者口感比例都平均，唔似薄薄的多士片冇哂口感。四川香辣口水雞撈丁 $65，幾大碟幾飽肚。雞肉都算多，肉質尚可，最正係隻雞唔太肥，雞皮爽彈，味道不錯。超多花生碎和蒜蓉，未食已聞到陣陣蒜香和四川辣椒香，撈一下立即食一口，四川獨有辣味開始慢慢跑出來，越食越辣好刺激，但飲啖凍飲就舒緩到，而且辣味都好快散去。撈丁麵質偏腍，但味道搭夠，所以整體都是吸引，而且創新口味，餐廳還有多款特別口味的撈丁，下次要食其他口味。粉麵、飯、扒餐等等都可配餐飲。熱飲 +$8，凍飲+$10，所以我點杯凍檸七來清爽一下，好彩點了飲品，因為個口水雞都幾刺激。咖喱牛腩焗飯 $65即叫即焗超級熱辣辣，飄來咖哩香仲吸引，喜歡港式咖哩既朋友要食啦。牛腩好多，肉質柔軟，連筋位都好易咬開。米飯不餬，粒粒分明，撈埋咖哩汁食一流。奶茶仔溝咖啡妹，實質是鴛鴦，估唔到改個飲品名都有特

新青衣城分店店面大左好多，坐位空間感足夠，懷舊氣氛濃厚，令人有時光倒流既感覺!點一客..羅麥雞翼撈丁，羅麥記雞翼一向都好好食，瑞士汁甜甜地，公仔麵吸盡不黏不膩既瑞士汁好入味，主角雞翼啖啖肉亦好好味！豬羅包（兩食），熱辣辣新鮮上既豬羅包好吸引肉質好彈牙，炸豬扒炸得啱啱好，豬扒食落厚肉好口感，高質!蠔油時蔬，簡簡單單清甜菜芯加蠔油perfect match可以做到中和其他菜效果，令成餐晚餐都健康左..飲品半價：熱生薑蜂蜜檸水跟餐加~$ 10熱蜂蜜奶茶，冷冷的天氣一杯熱蜂蜜奶茶暖心又暖手，特別之處蜂蜜是另外分開自由加入，所以唔怕會太甜，值得一讚係奶茶味好香濃甜品方面：懷舊香蕉船🍌，五十年代懷舊冰室嘗盡必食的懷舊甜品，相機先食小時候之味道，3球3色雪糕與香蕉食出開心!埋單都係$200，認真大件夾抵食!整體黎講羅麥記新店食品質素頗高，店内濃厚的懷舊氣氛仍可保持，青衣城又多了一個食好d食平d既地方la下次一定要再黎！

新開張的「羅麥記」以懷舊為主打，從餐廳裝修—倪紅光管、鐵闡、卡位的佈置，到食品種類都充滿老香港的氣息。充滿懷舊味道的餐廳，其實取材自舊式戲院，看到「全院滿座」的標誌和影畫報下午茶餐很抵食，加上回味舊日時光，餐廳食客如雲店員推介「磚頭焗飯」，把焗飯匯入麵包之中，要是胃口夠大，是不錯的選擇一般餐廳的Drink List 已經很難找到「黑牛」，喝過的都會懂...哈哈美綠牛奶包 $36-HKD奶醬多吃得多，加入美綠的是首次吃到；把美綠粉加入奶醬多，甜蜜之中帶點「朱古力」味羅麥雞翼撈通粉 配羅麥炒蛋多士 $56羅麥記招牌雞翼，是瑞士汁的味道豬頸肉淋上蜜汁和檸檬汁，肉質肥美腍軟蝦多士(5件) $60-HKD別以為是一般蝦多士，釀了蝦肉的多士，麵包外脆，但包肉是軟心的，配合面層蝦肉，口感一流

今天約好朋友在青衣城午餐，只是朋友先到達，就交由朋友決定餐廳。來到這家黑漆漆的餐廳，門外已有多人等候，幸好朋友提前取票，我們就是下一張枱了！　就座後，朋友提議散點，原來午市散點送飲品。不過，自己比較喜歡全日常餐的雞絲米粉。下單後不久，常餐米粉先上來。　 濃湯海南雞絲米粉　絲絲雞肉，拌上清湯，雖然清淡，但湯底真係好正，忍不住飲多几啖！羅麥記炒蛋多士　　朋友的女兒要食多士，炒蛋就由我倆分享。腐乳雞球撈丁　　首次遇到腐乳撈丁，所以點了這款。不過，今天天氣乾燥，撈丁很快變乾，粘在一起，加上腐乳汁不多，撈丁要多用點力。腐乳汁可能溝了麻醬，腐乳味不算太濃烈。磚頭焗豬扒飯　　朋友的女兒想食焗豬，本以為好細個，誰知真身超大份量。磚頭估計有10CM高。先夾出鋪面的豬扒，足以鋪滿整個碟子。而磚頭中間釀滿炒飯，炒飯是深入磚底部！！！　還有磚頭外圍＝包包，香港屋村樓下特有的那種鬆軟白麵包味。根本這個磚頭是需要由二個＜極度肚餓＞的人仕分享。而我們早己點了雞絲米和撈丁，即使有朋友的小女兒，也不能把磚頭消滅。　ＢＢ奶水　鍊奶溝花奶，都是奶，很適合朋友的小女兒享用。 香滑奶茶　眼見水吧正在拉茶，相信茶底應該不錯。剛拉

今日放左工就同同事去食野，因為係青衣附近做完野，就去青衣城搵餐廳e下肚了行過二樓見到有間新餐廳，就係門口出面睇左陣menu ，似是懷舊的茶餐廳感覺，拎完飛就等入座，入左去坐低之後侍應俾左兩杯水 ，叫左一個撈面同一個小食 ，黑松露卡邦尼撈面同避風塘魷魚蘇，撈面味道吾錯，但希望下次可以多翻啲黑松露炸魷魚味道都ok .不過吾係好夠辣，整體上覺得呢間餐廳吾錯，質素吾錯，侍應夠有禮貌值得抵讚呀！下次有機會一定再來幫襯

之前聽friend講羅麥記D裝修同嘢食都唔差，今日就黎試試水。一入到黎見到羅麥記裝修新正，感覺比一般茶餐廳乾淨，而且食物賣相還唔錯。呢度比一般茶餐廳貴小小，但係乾淨之於又唔使受氣逼你走。今日口淡淡想食翻D重口味小小幾嘢，所以點左個四川香辣口水雞撈丁。口水雞搭配一丁真係絕配，雞本身D味加埋一丁同埋配料，真系回味無窮。羅麥汁牛河牛肉非常嫩口，難得的是拌菜的四季豆都非常入味，跟一般的乾炒牛河唔同既係比較濕口，肥膩感比較低，河粉也彈牙

同朋友兩條友行青衣城揀聖誕禮物行到攰都想搵個地方坐下經過羅麥記見到都幾多嘢食選擇就同朋友入去食少少野順便休息下啦兩條友叫左個千層朱古力西多士 同埋一個蝦多士朱古力西多士除左面頭有朱古力入面仲夾住兩層榛子朱古力醬夠晒濃郁 好好食但係真係要分享 因為一個人食就會有啲漏而蝦多士就係用法式麵包做底都夠香脆嘅 加埋啲蝦膠真係好好食但就真係要熱辣辣咁食 所以我哋都好心急無等影相就食咗食食吓見人哋隔離枱食撈麵都好吸引勁想試吓囉但係我哋已經夠飽唯有等下一次啦

磚頭焗豬扒飯好快來。飯有用蛋炒過，茄醬有濃烈番茄味味道，這件豬扒稍為厚一點，肉質及味道都非常好，主打豬扒卻連鎮店之物，果然名不虛傳，豬扒入口尚算香脆，口感十足，有「啖啖肉」的快感，當然肉汁多。還份量十足，完全值回票價。

青衣羅麥記，早餐嘅沙嗲牛肉麵特別好味，出野食又快，沙嗲味足，牛肉分量多，又大大碗，價錢十分便宜，真係好啱趕住返工嘅打工仔，我依家每日都會泥食，唔係講笑！認真。誠心推介

今日同男朋友喺青衣城買完聖誕禮物就去附近睇下有咩好食青衣城都喺連鎖餐廳為主 見到有新開嘅茶餐廳當然要試下🤔Lunch叫佐一個辣嘅羅麥雞翼撈丁加18蚊可以轉特飲我要佐雜果賓治味道出乎意料嘅好比起一般茶餐廳 職員更有服務態度

今天和家人去了青衣城買東西，發覺這裏還蠻多食店的，就看到了一間好懷舊的餐廳，食物好像跟茶餐廳的不一樣，各有特色，進到餐廳裏就點餐，都叫了磚頭咖哩軟穀蟹飯吃，味道還不錯的，賣相也不錯，還叫了乞兒叉燒旦飯，雞亦通粉，芝士牛卷，吃的好飽，家人也很喜歡，我覺得這間店裝潢也很有特色，牆壁上的畫畫得好搞笑，下次有機會可以試試晚餐 😆😆😆😆😆

一家幾口喺青衣城行完街想搵間餐廳食晚飯羅麥記新開未試過 裡面坐滿晒客仲派緊飛咁多人等位應該野食會唔錯睇完個餐牌覺得好多選擇 好吸引所以都攞左飛等一陣 好彩只係等左10分鐘就有位侍應推介 粟米流心西多好驚喜 有d奶黃味甜甜地咸咸地 yummy磚頭芝士白汁海鮮焗飯好大個 超抵食 海鮮好足料有蝦，帶子，青口，魚柳另外會上多一碗汁可以點面包食芝士芫荽蝦春卷芫茜同芝士，蝦好夾 唔會蓋過晒 得芫荽味香脆蝦多士大件夾抵食紅豆小忌廉奶茶雪糕紅豆冰裝修好特別 用戲院做主題牆上有好多幅星爺以前嘅電影造型畫作同唔少經典電影人物勾返起好多經典電影嘅畫面座位舒適 食品出色一定會再take two