羅麥記 (青衣城1) (Closed)

青衣城雖然近近地，但平時好少黎，實在係大部分餐廳都麻麻地又唔平. 今次其實係為左Zara Bershka big sales 而黎. 放工後約埋同事近近地係呢間商場內茶餐廳補充完體力再出發裝修走懷舊路線，都幾有特色menu 選擇好多，價錢唔算貴，而且免加一事先做左功課，呢度磚頭焗飯好大份，夠2-3人用所以order 左個飯同一d 小食share芝味牛肉蔥油餅卷$48個樣幾頹但睇人評價ok 所以試下. 中間有d cheese，不過蔥油餅唔脆，口感不太討好. 全晚最ok 抵食就係呢個磚頭焗軟殼蟹咖喱飯$95，另外仲有碗咖喱另上. 軟殼蟹炸粉厚左d，但都算脆口. 咖喱味道亦對辦，中間係白飯底. 相對白飯個人同fd 都覺得個包更好食，外層微脆，連住既白包香軟，點上咖哩還不錯. 而且份量真係好多，其實單叫呢個飯2人share都夠食order 飯可以以$28 換購特飲. 試左黑牛，其實係可樂加choc 雪糕. 味道同想像中差不多，同野食都夾既. 只係雪糕中間有點冰美綠牛奶包$36 就真係hea 左d. 個包就咁切完查醬，其實如果稍微烘一烘脆都會好食好多overall 食物算係不過不失，最大賣點係

一入去就會比個大型霓虹燈招牌吸眼，周圍都會放左啲舊式嘅電影海報，仲有啲80年代嘅裝飾。 超特別，好似去咗80年代嘅電影院禁。🎬 睇得出用咗好多心機去設計。 食物方面係唔錯嘅茶餐廳嘅水準，同可以打下卡，留個紀念🤘🏼❤ 以係大型商場入面，價錢黎唔貴。適合同一家大細同朋友去食，份量都幾大。 我地叫咗個蝦多士，佢同一般餐廳唔同嘅係佢係用比較厚身嘅包。 好脆口，再配上特製醬汁好開胃。另外蝦膠多料又彈牙係餐前小食唔錯嘅選擇。 除咗蝦多士之外我哋仲叫咗一個芝士芫茜春卷，食落去嗰時仲熱熱地所以啲芝士溶溶地，好正❤ 主食方面，我哋叫咗個乾炒牛河，份量幾大，分到3到4碗左右。牛肉啲肉質唔錯，用嘅材料幾靚，幾大件，相比其他茶餐廳黎講用嘅材料算真係幾好。 特別嘅係佢上面落左啲豬肉鬆，食落去多左份層次感，增加左河粉嘅鮮味。 😻同埋都唔係好油呀~~我哋再叫咗一個哈哈哈炒飯， 佢哋用咗兩款蝦，乾蝦同鮮蝦。乾蝦比較香口而鮮蝦就爽口彈牙， 炒飯都抄得粒粒分明，係比較正宗嘅茶餐廳炒飯，但依加都比較少地方會見到。值得一試。🍳🤡奶茶有驚喜，熱度到啱啱好，茶味濃郁。☕三個人食到飽飽，都係二百幾蚊到， 仲要係大型商場入面， 都唔

第一次嚟青衣呢間餐廳食嘢，初初望落去，好似一間戲院咁，好得意好盞鬼，離遠望過去，個收銀處好似戲院賣飛嘅地方咁，裏面仲有一個全院滿座嘅霓虹光管，好有氣氛！好奇心驅使之下，馬上襟張飛攞位試吓啱啱佢哋開始有下午茶，於是我哋三個人，嗌咗兩個下午茶餐試吓好大隻夾仔，提你埋單要自己拎出去嗰個好似賣戲飛嘅地方。全院滿座，真係好多客人，我哋等左10分鐘先至有位。懷舊西多士，味道都OK，我問店員有冇煉奶，佢都好客氣即刻拎比我，服務唔錯。另外呢個豬頸肉公仔麵，我朋友就覺得乾乾地。下午茶平均＄50左右，坐得舒服，食物質素都可以啦！

今日同朋友一齊去食早餐，未試過羅麥記，入去試一試依間好懷舊風格既餐廳先！究竟早餐有咩食呢？睇睇個餐牌，都算小既選擇啦！個飽已經落晒牛油又脆脆地，通粉就普通一點，不過豬扒肉質好嫩，唔痴牙同淋淋地，火腿都係同普通餐廳既火腿一樣，隻炒蛋就似太x間店既炒蛋，一樣既質感，好味道！五香肉丁米粉反而同普通既茶餐廳差不多既口感，加八元凍飲，不過佢杯奶茶真係好飲，邊食邊欣賞一下店既裝飾，好懷舊既感覺！依度座位坐落都幾舒服，又闊！方便同朋友邊傾計邊食野！

羅麥記是以懷舊六，七十年代的冰室作主題。店內以舊代電影人物作背景，裝潢又以深綠色作主色加強懷舊的氣氛。餐牌以茶餐廳食物為主，有些更加添變化，例如羅麥雞翼撈通粉及避風塘炒麵等，很有特色。我們先點了哈哈哈炒飯，"哈"與"蝦"同音，因此這碟炒飯用了三款蝦的元素造成。上枱時蝦膏香氣撲鼻，令人垂涎三尺，而蝦乾更能帶出蝦的香味。另一道則點了磚頭焗咖哩軟殼蟹飯，做法以麵包作盛載飯的器皿，再以咖哩汁和炸軟殼蟹封頂。炸蟹酥脆，咖哩汁略甜，如果飯能加添配菜則會令食客更為歡喜。最後點了特色飲品，黑牛的變奏版狂牛很有特色，以士多啤梨雪糕加汽水再有爆炸糖。飲品一邊融化着，爆炸糖一邊發出霹靂啪啦聲響，很符合年青人口味。

有照片所見，牆上掛着一幅香港經典電影嘅角色的壁畫，非常有共同回憶！小妹點左「羅麥雞翼撈通粉 配 羅麥炒蛋多士 = $56」，炒蛋同多士比較乾身，唔太吸引！另外「羅麥雞翼撈通粉」嘅雞翼充滿瑞士汁味，非常入味，而且有四隻，分量相當足夠👍🏽但係通粉就相對唔夠瑞士汁味，如果通粉可以入味啲，成碗野就會更加出色！

下午茶時間有D肚餓，就同朋友黎左呢間裝修有趣的餐廳食下野。我地叫左個磚頭焗白汁芝士海鮮飯，外表好吸引，大大份，包入面仲有好多炒飯，味道唔錯。我地兩個女仔食到好飽。另外仲叫左香茅蜂蜜燒豬頸肉，豬頸肉好爽口，甜甜地幾好食。總括而言呢一餐下午茶質素都唔錯，下次會再黎試下其他磚頭^^

羅麥記以60，70年代的冰室情懷帶大家回到過去。裝修格調以70，80年代電影為主題非常懷舊的概念, 一看到胭脂扣，英雄本色，賭神，回魂夜的70，80年代電影海報, 很多兒時的茶餐廳及食物都開始消失,在這裡可以由舌尖尋回經典的味道。羅麥記點解叫做羅麥記?其實是把兩個合伙老闆姓氏加在一起, 就如孩童時, 店起名都是用名或姓加個"記"字,街坊幫襯寧舍有親切感。很厲害的茶餐廳真是可以做到全院滿座，不得了👍🏻👍🏻羅麥記無時無刻人流都滔滔不絕，昨天大約4點半入座，餐廳內都是滿座的。餐牌上的選擇很多，而且樣樣都好吸引，款款都想試😌😌😌必食之選: 羅麥雞翼 Homemade Sauce Chicken Wings (Spicy)(辛辣味) 把端士汁的甜度調底, 魯過後的雞翼肉及皮都柔軟無比, 灑上四川的乾辣椒碎及籽,  辣味可以令人為之一振，大讚好美味，我會掛念你，下次一定會為你再來。😍😍😍😍還有蝦多士Special shrimp toast 軟身的長法包上舖上加入了蔥花的蝦膠,煎香的蝦膠很彈牙，白芝麻更增添一份香氣, 可惜麵包吸了很油令手指頭及嘴邊泛油脂。飲品方面: 紅豆冰粒粒奶茶 Milk Tea

今晚得一條友食晚餐，唔知食咩好。青衣城開左間羅麥記未食過(只食過銅鑼灣果間）。行到過來5:50pm左右，佢話仲有下午茶，咁就食下午茶啦😂。好想食炸脾加薯條😍，但太邪惡啦😖。我驚再食會變大肥婆😅。所以唯有叫啲輕量級既T4——輕量級豬扒米粉。賣相比想像中靚，話明輕量，當然塊豬扒都係輕量既🤣。豬扒煎得金黃，唔會白色，唔會太燶，食落好香、好好味。令到我好想再食，可恨的是佢係輕量級，如果再大塊啲就好啦😝！米粉係幼既，而且爽，唔會淋，幾好味。下次再來試第二啲。

因為五月天演唱會，所以去了附近的青衣搵食！諗住求其搵間食個靚飯而又出面唔係成日見既鋪（話晒都生長水遠入黎 哈哈！），所以就決定去Law Mark Kee，全場眼見都係五迷既人。餐牌樣樣都好吸引，樣樣都好想試，最終揀左個蜜糖炸魷魚穌，好食！有驚喜！即刻炸，外脆內軟！跟住正餐嗌左個避風塘炒牛河，好入味仲嗌左個乞衣飯 感覺就好似食緊糉咁… 一般 。同行友人嗌左個黑松露卡邦尼撈丁，佢地話好食，一黎到離遠已聞到好勁既黑松露味。 臨走埋單個店員仲同我地講 睇得開心d! 整體除左一開波幫我地落單個後生仔唔係幾好態度（hea住咁同你落，問野又hea住咁答）同個飯一般外，其他都唔錯的！出乎意料外好。（*相片由友人提供）

之前太古嗰間執咗，一直都冇機會試。今次終於有得試啦，裝修環境都唔錯，好有懷舊風味。一打開Menu ,嘩，好邪惡啊！再睇下個Menu 見到都流晒口水我哋兩個人都只係叫咗三樣嘢，食得好飽飽

打波之前去, 開青衣城漫無目的揀餐廳, 原來仲有羅麥記未食過。間餐廳都應該開左一陣, 外裝遠看真係非常搶眼, 採用濃色系老香港味道風格。由於中午關係人流相當多, 好彩有位可以立即坐, 不過都見坐無虛席, 大部分都係家庭同夫婦, 全院滿座大背景相當貼切。一如以往飲飲食食策略, 第一次去既餐廳都係觀察人地食乜為主, 見到有個幾過癮既豬排麵包飯, 立即叫一個試下, 老婆就叫左個蝦蝦蝦炒飯。個焗豬扒麵包飯一上檯就知個份量真係幾大, 如果係一對男女應該加個小食都夠飽。不過一個做事一人當, 我自己其實都食得八成。味道其實都幾唔錯, 而且旁邊既麵包皮可以當佢額外俾我地既茄醬, 配搭都唔錯, 碳水化合物和澱粉質非常多。測試一間港式餐廳叫標準方法就係叫一杯奶茶, 熱奶茶到步茶膽都好正路, 口感都幾滑, 水準算中上! 總括黎講都幾滿足!

跟朋友在青衣城逛了一會想找餐廳坐下吃些小食, 經過羅麥記見到它的裝修頗為別緻, 餐牌也多有很特色小食, 就決定一試! 😜 我點了粟米流心西多! 😀 說是西多, 吃起來無論味道還是口感其實更像沙翁! 切開不算太流心有點失望, 不過總算是焗得熱辣辣! 配甜粟米吃起來味道還不錯, 既鬆軟又香甜! 本來$36 一份西多不連飲品還覺得價錢有點貴不算很親民, 但當作是甜品來吃的話又馬上覺得很OK! 😂😂😂不過服務就一般, 點餐時侍應笑容欠奉也不看人的眼睛, 也許是太忙了吧😓😓😓

🔼 避風塘炒麵 $58✔ 凍檸茶 $6 (午餐加配)這個避風塘炒麵認真食過番尋味！炒麵一上枱，已聞到好濃的香味。首先，炒麵很有鑊氣，麵條炒得都乾身而且很入味。另外也十分足料，大蝦鮮魷等海鮮新鮮爽口。味道都頗辣，但辣得來很開胃，一口接一口，炒麵很快就被ko了。再說說一下用餐的環境，餐廳以懷舊戲院作主題，牆上有著名喜劇電影的人物﹑對話的海報和掛畫，而室內燈光也營造院內暗暗的效果，座位間都算寬敞舒適。另外，餐廳上菜速度快，店員亦很有禮貌，整體的用餐過程都很滿意。

第一次光顧這家分店，上一次是幾年前在屯門...懷舊裝潢的茶餐廳，食物卻不懷舊。羅麥記雞翼，甜甜的鹵水汁雞翼是作爲前菜或小式是不錯的選擇。芝士牛內蔥油餅卷，牛肉、芝士都很足料，餅皮是蔥油餅，比一般的餅皮較香及有層次焗磚塊豬扒飯份量大得驚人！！豬扒共有8塊！！味道也不錯。吃了很久，終於開始見底