88
3
0
3-min walk from Exit A, Prince Edward MTR Station continue reading
All Branches (2)
Telephone
26421618
Opening Hours
Today
18:00-04:00
Mon-Sun
18:00-04:00
Payment Method
Visa Master Cash UnionPay
Other Info
Wi-Fi
Open Till Late
Alcoholic Drinks
Cake-cutting Details
Review (91)
Level4 2018-01-21
41 views
Lava 每次行經太子,經過呢間餐廳,開放式嘅門口都吸引我嘅視線,入邊嘅裝修好有情調,每張枱上面的蠟燭台。餐牌嘅食品都好特別,主打tapas,TAPAS佔左最大的版面,主要分為四個類別:麵包類,芝士類,肉類和蔬菜類,並唔係一般嘅西餐廳嘅食品。由於tapas係一小碟的,喺西班牙旅行嘅時候,同朋友點幾款tapas,然後配一杯啤酒,傾吓計人生一大樂事。除咗有西班牙嘅送酒小食tapas、仲有海鮮、肉類、意粉、西班牙飯等等餐牌都好多元化。另外呢度仲有手工啤酒飲添,好適合一班朋友嚟到happy hour,傾吓計。。法國菜苗沙律+48個月黑毛豬火腿+脆烤藜麥$78呢個沙律嘅沙律菜都好新鮮,上面灑上芝士,配上黑毛豬火腿,充滿鹹香。去皮車厘茄經過特別嘅處理,有一種清甜。最特別係藜麥係經過特別嘅烤製,每一粒都非常脆口,增加不少口感。西班牙脆皮豬腩肉$158呢道菜食充滿心思,用上我最喜愛嘅岩石板,份量都唔少,有七塊咁多,仲要係厚切。外皮烘得非常的香脆,肉質肥美,與傳統的中國食燒腩仔不同之處,就是伴碟的蘋果蓉味道清新,與腩肉同食,感覺上減去肥膩的感覺。不過豬腩肉略嫌有點偏肥。半碟仲有西蘭花、薯仔、黃椒、栗子等等。最欣賞上面兩條開半的青豆,為這道菜增添不少美感。鮑魚、龍蝦、小麥卷狀意份$238一般意粉選擇都好多:蝴蝶粉、螺旋粉、貓耳形意粉、通心麵條、筒形意粉、 直通粉、意大利粉、寬細麵條、扁麵條……等等。不過睇到餐牌上嘅卷狀意粉,立即比佢吸引。呢個意粉嘅龍蝦汁值得一讚,真係充滿咗龍蝦味,非常濃郁,帶點稠身。意粉入邊仲有唔少嘅龍蝦肉。卷意粉好有咬口,每一條意粉入邊都包裹着濃濃嘅龍蝦汁。Lava 慢煮牛腩加千層腐皮手工包$69呢度有兩款手工包,其中一款係配日式叉燒,不過朋友覺得如果手工包入邊配日式叉燒,有啲似中式嘅叉燒包。所以我哋揀咗慢煮牛腩手工包。上枱嘅好特別,用岩石板盛載,兩件嘅手工包入邊包住慢煮牛腩,一咬入去充滿肉汁,一啲都唔鞋口,千層腐皮非常香脆,加上中間再夾有新鮮嘅蔬菜,減低了肥膩嘅感覺。呢一個tapas嘅小食,賣相靚味道都唔錯。甜品Lava 分子蜂蜜海綿蛋糕配意大利$72焦糖榛子同意大利朱古力雪糕$60由於朋友生日嘅關係,所以預先請餐廳安排係甜品上面寫名,但係如果要寫名的話,要點選兩款甜品。完成主菜之後,店員會主動,送上甜品,當生日甜品送上來的時候,餐廳還會播生日歌,非常有氣氛。分子料理甜品真的有點像藝術品,不過蜂蜜海綿蛋糕,蜂蜜味不突出,海綿蛋糕亦不太鬆軟,幸好兩款雪糕都非常幼滑軟綿,朱古力雪糕更令人難忘,因為朱古力味非常濃郁。總括來講,這款生日甜品真的給朋友帶來驚喜,如果慶祝生日的話,是一個不錯的選擇。 continue reading
(The above review is the personal opinion of an user which does not represent OpenRice's point of view.)
Level4 2018-01-21
6 views
今晚相約兄弟傾談婚禮事宜,去酒吧餐廳就最適合不過,可以喝酒又可以吃晚餐,但環境不嘈吵就最好。兄弟選址這間酒吧餐廳,沒煙臭沒嘈吵,不錯。《新鮮法國翡翠螺配香蒜沙律醬 $138》翡翠螺多,肉質鮮甜彈牙,有檸檬並配有sour cream,但感覺還是配茄醬比較惹味。《美國黑安斯(天然)西冷牛朳配時令蔬菜 $278》點了medium rare,最後牛朳真的是5成熟,切開肉質粉嫩,口感嫩腍,但帶點肉渣,牛味濃而且咀嚼下有肉汁。伴碟有烤脆了的蔬菜,很香口、有青豆、有栗子和蘆筍肉,橙色的醬汁是南瓜蓉,味道微甜,整體很清新,配上牛朳很有平衡感。《西班牙海鮮飯 $260》辣肉腸、蜆、魷魚、蝦、紅椒和香草。蜆和蝦都大隻有肉,意大利飯為了配合港人口味都不會煮得生硬,所以飯都是全熟;整碟都很夠汁,令飯更加入味,而且沒太多的膩感,美味。每人各點了《Guinnes HH $78,$88》大杯,邊喝邊食邊閒談實在不錯。 continue reading
(The above review is the personal opinion of an user which does not represent OpenRice's point of view.)
Level4 2018-01-21
5 views
工辛苦了一星期,星期六睡得飽飽後晚上當然要與朋友吃吃喝喝抒發一下壓力吧!今晚就到了太子通菜街,俗稱太子酒吧街。全條街都是酒吧餐廳 ,選擇多的是。隨意地入了這家門面開揚的LAVA bar & restaurant。餐牌很新淨,從小細節都能看出餐廳的用心。《法國菜苗沙律,48個月黑毛豬火腿,脆烤藜麥 $78》上層雪花狀的是刨成薄片的芝士,入口溶化而且膩感少。下面是法國菜苗拌有48個月黑毛豬火腿和烤脆了的藜麥。法國菜苗很鮮嫩;藜麥烤過後很有嚼感;而48個月黑毛豬火腿很有咸香,整體入口清新微咸而不膩。《lava慢煮牛腩手工包 $69》牛腩拆成幼肉絲,加上輕微的酸辣,很開胃惹味,再加上香脆的腐皮更富口感。手工包值得一讚,鬆軟但有韌度,令本身以為普通的麵包變得美味,有驚喜。《意利大原條鹽焗鱸魚 $158》很少能在酒吧餐廳吃到這款鹽焗鱸魚。整條魚用上厚厚的海鹽「埋著」,上菜時鹽蓋被打開,露出汁潤的魚肉。雖然魚用大量鹽醃製,但絕非極咸,相反鹽味少,要另灑鹽調味,所以不要被賣相騙到哦。魚中心用了多夥蒜粒和香料醃製,有助去魚腥。魚肉不算嫩,但鮮味有水份。《Taboo Cha $48 (杞子薑綠茶)》不好酒精的人(如我),來到這裡可試試Taboo Cha 發酵茶!雖則是茶但因天然發酵關係都會有微量酒精濃度0.5%。酸酸甜甜天然汽水,似沙士味。有機茶葉發酵一至兩星期,益生菌幫助腸道消化,醒神好味。《Pussy Foot $55》女士不想豪邁飲啤酒,通常都會點紅、白酒或cocktail,心大心細之際看到鄰枱的Pussy Foot很吸引,於是都點了一杯。 continue reading
(The above review is the personal opinion of an user which does not represent OpenRice's point of view.)
Friday's Night @“LAVA” Featured Review
Level4 2018-01-20
53 views
之前睇電視見到呢度有個手工包好吸引,所以呢晚Friday'sss night就約左朋友黎呢度食飯見面談談心除左個手工包之外,呢度都仲有唔少特色小食同主菜啵最終我地揀左一款手工包、一個main同pasta一齊share 手工包我地就揀左“LAVA慢煮牛腩.手工包.千層腐皮”HKd$69+10%,一份有兩件個手工包軟熟得黎又不失筋性,所以好有咬口,牛腩唔嚡兼味道唔錯,而個千層腐皮令個手工包增添左唔少層次感整個配搭好match,的確值得一試而pasta就要左碟“西班牙煙肉車厘茄手捲通粉”HKd$145+10%醬汁自然帶酸開胃,手捲通粉不過腍,味道也不錯主菜就要左份“煎日本帶子”HKd$138+10%帶子煎得剛剛好,外層香脆而內嫩,而個芝士忌廉汁仲極之香濃,味道相當不俗食完主菜就當然要甜一甜啦,當晚我地要左個“Catalan Creme”HKd$58+10%做甜品呢個焦糖燉蛋入口非常幼滑~~而個焦糖面好脆之餘仲比平時既厚身,岩曬我呢個焦糖怪黎到酒吧餐廳就少不免要order返杯飲品既不過我地都唔想飲酒,所以就每人嗌左杯mocktail朋友要左杯“blueberry milkshake”HKd$68+10%而我就要左杯清涼解渴既“Virgin Mojito”HKd$68+10%呢度既食物精緻,環境氣氣都唔錯,店員既服務態度友善,下次想chill一chill既話多個好選擇啦 continue reading
(The above review is the personal opinion of an user which does not represent OpenRice's point of view.)
Level4 2018-01-19
30 views
有人說提早食飯可以減肥,是日天還沒黑我已經到了太子這家LAVA Bar & Restaurant內晚餐,聽講呢間餐廳早前深獲傳媒力捧及採訪,佢既招牌菜數一數二,那真的要品嘗一下才知真偽。 環境幾有格調,說到底是酒吧,幸好沒有烏煙瘴氣的感覺,是飲野傾計的好地方,這類酒吧我經常有個錯覺,在食材方面談不上有什麼招牌菜可言,然而我認我的錯覺是錯的。 除酒吧所提供一些小食風格外,看到餐牌內的菜式都挺特別的。 點了兩款飲品,一款是PUSSY FOOT, 另一款是有酒精的PINA COLADA。 持牌酒吧內所調配的PUSSY FOOT又怎能挑骨頭,我好久沒有喝了,清甜惹味,是沙沙的口感。 另一款酒精比較濃烈,但又能嗅到陣陣的椰香,口感幾滑。 先來到炸魷魚配青檸辣椒,外皮炸至金黃色十分香脆可口,鬆脆內就是魷魚的煙煙韌韌,小辣,味道不錯,就是個人覺得油膩感重了點。 另一款黑松露、意大利煙肉蛋汁意大利粉,果然是招牌菜,真心讚,我覺得是意粉質感的威力,令整道菜更出色,我從未吃過這種口感的意粉,煙韌到不得了,配合煙肉蛋汁味道很夾,汁料濃郁香口,越吃越開胃,如果份量可以再多一點點就好了。 另一款美國黑安格斯(天然)西冷牛扒配時令蔬菜,看似份量好小,但其實每塊西冷都幾結實厚肉,而且啖啖肉質口感好獨特,它不是入口即溶,又不是鬆化多汁,與坊間的扒房所引入的食材好唔同,是"黑"安格斯就是這樣嗎? 還是"天然"的食材就會產生這種口感,肉質淋身、嫩而實,吃出滋味在心頭。 continue reading
(The above review is the personal opinion of an user which does not represent OpenRice's point of view.)