149
5
0
2-min walk from Exit A, Prince Edward MTR Station continue reading
Telephone
26421618
Opening Hours
Today
15:30 - 04:00
Mon - Fri
15:30 - 04:00
Sat
15:00 - 04:00
Sun
15:00 - 00:00
Payment Method
Visa Master Cash UnionPay Alipay
Other Info
Wi-Fi
Open Till Late
Alcoholic Drinks
Cake-cutting Details
Phone Reservation
10% Service Charge
Spot payment
Review (156)
chill with excellent food! Featured Review
Level4 2018-04-06
2322 views
今晚約咗個朋友喺旺角一齊睇戲,但係又諗唔到喺旺角有咩食,又怕同人迫,想到太子都係一個好好嘅選擇。見到LAVA係一間幾有格調的酒吧餐廳,全部都係梳化椅,坐得好舒服,燈光有柔和,好適合放工過來chill 仲可以食埋晚飯。煎日本帶子,TALEGGIO芝士,黑松露魚子醬芝士醬甜甜地咁,帶子好新鮮,拼埋個魚子醬仲鮮美!新鮮法國翡翠螺 香蒜沙律醬個殼得好乾淨,賣相好靚,同平時啲翡翠螺唔同,成碟好似擺設咁靚。而且份量好多,食落啲肉幾乾淨,唔係好多內臟,個香蒜沙律醬幾特別。西班牙脆皮豬腩肉 同中式燒肉其實唔大分別,不過皮十分之脆,肉非常之嫩,但係稍嫌肥膏部份多咗少少,不過每舊肉嘅脂肪分布都唔同,我朋友就覺得唔係好肥。可能佢食嗰幾舊唔係咁肥。或者佢比較喜歡食肥肉美國黑安格斯(天然)西冷牛扒配時令蔬菜牛扒用上南瓜汁除咗視覺上十分之賞心奪目,估唔到味道都幾出眾,小小甜的南瓜汁配上安格斯濃郁的牛味,原來都幾好食。蒜香大蜆扁意粉沒錯!蒜香就是重點,整碟意粉都充滿蒜香, 十分之惹味。 continue reading
(The above review is the personal opinion of an user which does not represent OpenRice's point of view.)
BAR內的西班牙晚餐 Featured Review
Level4 2018-03-15
1639 views
近日係太子附近做野, 經開發現原來有唔少BAR開係呢邊. 放工後就同同事順係到揾間BAR食下晚餐傾下密計.  店內環境氣氛好, 座位舒服.  有多種酒水 在店員的介紹下試叫左隻是日新鮮即到生蠔: 法國LA LUNE 生蠔  蠔肚肥嫩脹卜卜, 蠔肉口感較爽脆味道清新, 海水鹹味好足 慢煮牛腩千層腐皮手工包  白色手工包包住的牛腩, 煮得十分軟稔入味, 香料味濃郁够惹味. 而千層腐皮乾身入口酥脆, 冇油淋淋的感覺. 整體口感多層次, 而且仲好飽肚. 脆脆豬配黑松露沙律汁 & 泰式沙律汁  “脆脆豬” 原來真身係即炸 “豬皮”, 都幾特別.“脆脆豬” 口感脆卜卜又香口, 比較適合配酒. 而“脆脆豬”本身就冇咩味道, 需要配上鹹鹹地的黑松露沙律汁, 或者辣辣地泰式沙律汁提升味道. 西班牙海鮮飯  海鮮飯料足味鮮, 份量都好多. 有新鮮爽口又彈牙的大蝦, 鮮嫩肥美的大蜆, 彈牙的魷魚 仲有好多好多的肉腸片. 而且飯粒煮出黎的軟硬度同濕度都剛剛好, 仲吸哂所有食材的鮮味! 黑松露意大利煙肉蛋汁意大利粉  意大利粉的軟硬度適中, 每一條意大利粉都掛满香濃的蛋汁醬汁. 食之前再將鋪面的黑松露撈勻係意大利粉內, 味道更加香濃惹味. continue reading
(The above review is the personal opinion of an user which does not represent OpenRice's point of view.)
Level4 2018-03-08
1106 views
今天又在太子那邊放工, 舊同事打嚟話咁啱今晚冇飯食,睇下我呢隻飯腳如何, 攰攰哋我只限制佢話只能夠去太子旺角等地。行出太子站近旺角警署運動場道就有好幾間唔錯嘅食肆。 見到有間酒吧餐廳氣氛唔錯,好似都有啲嘢落肚,就行咗入去試試。望望四周及餐牌, 原來係走西班牙餐廳風格路線, 主打很多手工啤酒, 正喎仲有不少西班牙小食。先來一杯Virgin mojito先聞到清香的薄荷葉味, 飲落味道唔係得梳打, 飲到最尾都keep到味道, 青檸和薄荷葉味味很足。有汽天然紅菜頭紅茶48有好濃烈的蔬菜汁味, 但係有汽又有點茶味, 甜甜酸酸,幾特別, 個樽竟然有啲似咳藥水。西班牙薯仔奄列 $72西班奄列熱辣辣用鉄pan上,蛋香撲鼻,切开有薯仔和洋蔥, 健康的西班牙小食。慢煮牛腩手工包千層腐皮 $69牛腩用香料醃得入味,已撕成幼絲囗感柔軟亦有口。配上類似京式的手工包帶甜, 還有脆口的炸腐皮 ,整體味道豐富很特別。蒜香大蝦扁意粉 $148蒜味唔算濃, 蜆肉肥美帶有淡淡酒香,剛剛熟未收縮, 極道鮮甜, 海鮮味極濃。 扁意粉有彈性, 蘸上蚬汁精華吃不停口。羊扒配火箭菜沙律$210Ordered 了8成熟, 表面煎得香脆, 羊味香濃有肉汁, 但因為太厚近骨的部位完全未熟, 伴碟的火箭菜不知為何下了很多鹽好咸。整體來說酒吧餐廳很有氣氛, 西班牙小食特別得嚟很美味。 continue reading
(The above review is the personal opinion of an user which does not represent OpenRice's point of view.)
特色 Spanish Bar Featured Review
Level4 2018-02-24
1066 views
雖然唔太好去酒吧,但係要去飲吓嘢之餘又可以享受美食的話,清吧絕對是我的其中一個好選擇。呢間餐廳大門好開揚,而裡面排咗幾張大大小小的方枱,坐在一角望著 bar 枱,在柔和燈光和音樂配襯實在好 feel。另一個吸睛位就是門口旁邊掛起的波衫,深夜來睇波會是另一種氣氛。看看餐牌,除了不同款式的美食之外,仲有手工啤。牆上仲有手工啤 10 强,對於初次來店或者想試手工啤的人來說是個温韾提示。我們各自點了一杯果汁,有 橙汁 和 葡萄柚汁,冰冰涼涼好 refresh。煎日本帶子,TALEGGIO芝士,黑松露魚子醬呢味菜排得好靚,帶子表面很香,裡面很軟身,將黑松露魚子醬一齊放入口,魚子醬的濃香在口腔內散發。而浸住帶子的是融化了的芝士,味道淡淡的帶點奶香。西班牙脆皮豬腩肉呢味菜好似燒腩仔,一片片薄薄的,表皮脆卜卜,而且半肥瘦的腩肉軟綿綿,無論是當主食,或者送酒都非常合適。法國雞油野菌黑松露意大利飯 (黑松露 1g)野菌黑松露鋪滿飯面,香味係咁飄出來。最正一定係意大利飯,撈埋個好惹味的汁,有好香的雞味同埋非常滑溜。 continue reading
(The above review is the personal opinion of an user which does not represent OpenRice's point of view.)
Level4 2018-02-20
872 views
那天行過旺角花墟買野,記起早前朋友推介我在太子附近有一間食西班牙菜好正的西餐廳,於是就跟男友去食下啦!呢度附近都有唔少酒吧餐廳,呢間餐廳係半開放式的,一眼望哂,地鋪位置,座位唔算多,不過都幾有復古Style,幾有情調~半開放式廚房,增加餐廳內的空間感!這裡主要以西班牙菜為主,款式都唔少,有唔少Crossover新式的Menu,好新穎,比一般的西餐更多創新菜式,而且價錢比較經濟~這間是半酒吧的餐廳,所以也有不同的酒類提供!西班牙薯仔奄列(HK$72)一向都喜歡雞蛋類菜式,第一次試到呢個西班牙薯仔奄列好驚喜呀~小鍋上枱全個以蛋及薯仔製成,中間的薯仔餡料切成一絲絲的,口感十足,而蛋味亦都好香,配合薯仔沒有遺和感,咸度適中!蒜香大蜆扁意粉(HK$148)這碟意粉以大蜆圍邊,中間是經炒煮過的扁意粉,以蒜頭炒製十分香濃惹味,拌上車厘茄可香草,特別香口惹味!而大蜆十分新鮮多汁,用料上絕不吝嗇!法國雞油野菌黑松露意大利飯(HK$198)這碟意大利飯是最驚喜的一道菜,本以為跟平時的黑松露意大利飯沒太大差別,意大利飯加入了法國雞油,黑松露的濃郁度及香味提升左幾倍,醬汁煮得剛剛好,汁不會太多或太稀~而上面灑上1g的黑松露碎碎,不論口感及香濃味都大增,食指大動呀!正!LAVA慢煮牛腩 手工包 千層腐皮(HK$69)這個手工包亦都好特別,中間夾著慢煮牛楠及千層腐皮,慢煮牛腩好好淋身多汁,牛味濃郁,而腐皮十分香脆,配合香軟的手工包,口感十分豐富,餡料都幾多,好特別!焦糖榛子配意大利朱古力雪糕(HK$60)甜品時間我點了這份意大利朱古力雪糕,雪糕不是一般的雪糕杯貨色,朱古力味十分香濃,旁邊配上脆脆,甜甜地好特別!LAVA分子蜂蜜海綿蛋糕配意大利雲呢拿雪糕(HK$72)而呢份係男友的意大利雲呢拿雪糕,配上LAVA分子蜂蜜海綿蛋糕,海綿蛋糕好鬆軟,雲呢拿好香,而上清甜的蜂蜜海綿蛋糕好夾,同樣也有脆脆增加口感! continue reading
(The above review is the personal opinion of an user which does not represent OpenRice's point of view.)