燈籠滷味 (登龍街)

Open Now

Now Closed

登龍街一向多美食，成日都見燈籠滷味多人排隊，就膽粗粗自己入去食個Lunch，叫咗個午餐A，有蘿蔔，甜不辣，花枝丸，牛腱肉，高麗菜 + 自選麵，真係好多餸😂我仲加咗佢地推薦嘅豬大腸⭐️一黎到就淨係見到餸😂😂完全見唔到麵😂😂女仔食真係幾大碗，最好味係蘿蔔，好入味，甜不辣都幾好食，反而牛腱肉食咗都無印象，大腸好食，果然係推薦菜式👍麵方面叫咗冬粉，都叫幾掛汁，滷味汁係好重要，台式比較偏甜，都真係幾有台灣感覺，係幾好味嘅👍

🍽燈籠滷味📍 銅鑼灣登龍街39號地下✨銅鑼灣抵食之選😜 知道佢開咗好耐，終於有機會試一試。原來舖位有兩層，加上過咗lunch時段，唔使排隊就入得。環境同埋裝修都尚算新淨。小編成日食台灣嘢，台灣餐廳大部份都裝修具台灣本土特色，依家都唔例外。🍽自選五餸(杏鮑菇、雞翼、花枝丸、 甜不辣、豬大腸)加烏龍麵小編食開阿土伯，相比之下，燈籠滷味更優勝。 配菜多，選擇多，但係每一份食材都唔係Hea，豬大腸好淋好入味、滷水雞翼入味得嚟唔會鹹、花枝丸就可圈可點、杏鮑菇正常發揮…… 好意外嘅烏龍麵(即係烏冬)，夠Q彈，索晒湯汁味，正😋😋🧋黑糖珍珠奶綠我揀咗半糖，但係就真係淡味，應該要點全糖😳🐔鹽酥雞雞肉好淋，又唔會嚡，同埋雞肉應該有醃過，所以炸完食落都好有味！

我會推介大家試下佢哋嘅蘋果鹽酥雞同王子麵！鹽酥雞外層香脆，炸得好香口，而雞肉又嫩滑juice，一啖接一啖，真係好好味！王子麵就更加唔得了，滷水汁嘅精華已經全部注入麵條中，令味道非常濃郁，而且麵條煮得恰到好處，唔會太軟爛，配菜方面，豬耳朵入味爽脆，白蘿蔔入晒味，已經唔再係白色，金針菇分量多，花椰菜充滿滷水味，甜不辣彈牙，但鴨血唔夠滑。燈籠滷味嘅地址係銅鑼灣登龍街39號地下，營業時間係星期一至日 12:30 – 17:00、18:30 – 22:00，而且可以打電話訂餐，真係非常方便！快啲約埋你嘅朋友、家人或同事一齊嚐嚐燈籠滷味嘅美食啦！我保證你一定會愛上佢哋嘅味道！😜

🏮大愛台灣美食！今次黎到有如小夜市嘅「燈籠滷味」，最台嘅地道滋味在！這！裡！👧🏻Caca今次食乜嘢？招牌滷味-稻庭烏龍麵配雞翼、豬腳、甜不辣、豆頁豆腐、豬肚、白蘿蔔、酸菜，烏龍麵夠Q彈，滷味非常入味，而台式滷味，將不同美食以台式滷水汁煮得香香，搭配超多款，就連粉麵亦有好多選擇，感覺好似香港車仔麵嘅食法，選餸菜+麵底，味道就係偏濃～啱晒愛重口味嘅朋友仔，同時亦有多款台式小食例如台灣腸、肉鬆蛋餅等！

食街入面既燈籠滷味店今日收工同屋企人黎試下呢間台式餐廳揀餸食麵啲餸都幾多選擇 我揀左水連 蘿蔔 鵪鶉蛋 王子麵 黎到你一個唔係太多湯既撈麵咁 望落已經覺得好濃味 賣相吸引 水連好爽口 蘿蔔好冧好入味而個王子麵吸哂啲湯汁 好味道啊見到佢有滷肉飯 下次會試下

📍燈籠滷味其中一間我幾鍾意食既台式小店而且有幾間分店 暫時試過幾次唔覺得伏 之前仲要排隊入🙈每次黎都會叫小食加個麵呢到好似食車仔麵咁自己畫紙揀配料 每次都好多野想食 我覺得百頁豆腐同鴨血必叫，同啲汁好夾最鍾意係配王子麵同冬粉 兩個索左啲滷味汁都好好食😋 冬粉即係粉絲 不過通常食個麵唔係幾夠飽🤣就會叫埋佢個芋泥肉鬆蛋餅 好實淨之餘仲唔會太甜太鹹味道岩岩好 比起鹽酥雞我會推薦蛋餅多啲☺️👍🏻不過唔建議叫冷泡茶 廿幾蚊一支但味道好淡會prefer出去買支津路更好🙈不過佢都有冬瓜茶或者珍珠奶茶選擇總結黎講食左幾次佢既麵唔錯架同埋想試下佢個甜品「燈籠芋見你」～有冇人試過？好掛住台灣呀🥺🥺🥺

其實經過好多次，又聽過朋友介紹好多次，終於都輪到燈籠滷味! 台式車仔麵，試試佢睇下同港式嘅有咩分別!1️⃣揀咗特選午餐B，包括有雞腎，雞翅膀，黑木耳，麻吉燒，西蘭花 + 自選麵。個餐一黎就見到滿滿嘅蔥粒同酸菜舖哂係面，望落顏色都幾豐富。2️⃣個湯底話說係租傳滷湯，用台灣總店直送秘傳配方滷湯，選用桂皮，花椒，甘草等幾十種中藥材，再用慢火熬煮，鮮味而帶回甘。碗麵嘅湯份量算少，唔似港式車仔麵咁大碗湯。3️⃣自選麵揀咗我最中意嘅油麵，粗幼適中，麵質爽滑，算幾彈牙，沾到d滷湯都幾入味，唔錯。面嘅選擇同港式嘅好相似，都係油麵，烏東，一丁，米粉米線個d嘢，重諗住會有板條個d台式麵揀。4️⃣滷雞翼都幾欶滑入味，size中等，唔會死咸，但份量得一隻。5️⃣麻吉燒原來係入面係芝士餡嘅魚餅咁上下，感覺都幾得意，好似食緊芝心魚蛋咁，份量有兩粒。6️⃣雞腎入味唔會乾柴咁，份量都俾得幾多。7️⃣其餘配菜加左大量黑木耳，同埋西蘭花，咁多菜感覺幾健康，而我本身又幾中意黑木耳。總結平日午餐時段去食冇乜人，職員都幾nice，出餐都算快，但味道未係好台灣感覺，性價比一般，但可以試下其他唔同國家文化嘅麵食都幾好。--------------------

今日嚟到銅鑼灣食燈籠滷味🍜🍲鋪頭分開左兩層，位置都比較多但其實空間都比較逼夾。🥲🥲鋪頭嘅裝修都真係有一種老台灣嘅風格，有種老套但又好懷舊嘅感覺，而且亦長期播住台灣歌(周姐倫😎)😙😙我就叫個王子麵，水蓮菜，蘿蔔，花枝丸，花干，甜不辣。當中水蓮菜係一樣喺香港比較稀有啲嘅菜，食落口十分之爽脆，亦都好吸收到湯汁嘅味道，大家嚟到一定要試吓呢個菜😜😜另外蘿蔔亦都係十分推介，蘿蔔定唔係冇味，而係一早用湯汁去醃好左，食落亦都冇乜渣好好味道😍甜不辣都係好值得推介，食落口甜甜地加上一種煙韌嘅口感，非常好👍🏻👍🏻評分：9/10❤️(抵食分數80)

叫咗外賣，好失望啲花枝丸竟然同甜不辣係同一個味道，十分普通！絲瓜煮完之後都係黐埋一舊，真係唔知咩玩法都唔敢食…. 成碗麵$60絕對唔值咁嘅價錢！真係去食車仔麵好過….唔會再幫襯！

每次想食車仔麵既時候，多數就會選擇嚟到燈籠滷味，貪佢地既配料較特別又有台式飲品，今次就叫左：🍜午餐E - 自由是個好東西：大腸+白蘿蔔+甜不辣+米線底($44)每次嚟到都會點呢個餐，因為比較好控制份量。大腸已經煮到入曬味，不過有部份係肥腸所以脂肪比較多，白蘿蔔清甜無根，而甜不辣就有啲煙韌感咁幾好食。配料每次都比得幾多，不過麵底就時大時細，今次尚算夠食，而且滷水亦偏鹹左啲🤏🏻🐥海苔鹽酥雞(午市套餐加配優惠+$19)每粒都係一口size，調味啱啱好，炸皮炸得脆口乾身，但入面既雞肉一啲都唔乾，一份大概有8粒，非常抵食👍🏻🧋清新冬瓜仙草檸檬(午市套餐加配優惠+13)食完濃味野飲返杯清新啲既飲品啱啱好，叫左半糖半冰所以飲落唔太甜，都飲到少少檸檬味，仙草唔算多，味道中規中矩整體嚟講呢度係個想係車仔麵既好選擇，價錢豐儉由人，又可以感受下台式風味，只係次次嚟質素都唔一樣，如果可以穩定啲就更好了

燈籠滷味🏮之前都有食過幾次估唔到銅鑼灣嘅燈籠滷味會喺登龍街🤣真係好多”燈籠/登龍”🤭但呢間有別於其他分店專食滷味加粉麵 即係好似我地香港既車仔麵咁小食都仲有提供 反而蛋餅就無了🥲——————————————————🍴牛腱肉($25)+百頁豆腐($12)+甜不辣($12)+王子麵($12)望落份量唔算好多 可能揀咗王子麵嘅關係 本身麵餅都唔大成兜都好重口味🫢滷味都算入味係百頁豆腐入面差少少🤏🏻湯既份量唔會比太多 似撈麵多啲湯都偏咸㗎❗️飲完會有些少口渴💦牛腱肉同甜不辣好推薦大家叫😎牛腱肉食完唔會痴牙😂甜不辣十分煙韌有咬口王子麵都幾”索”湯底 重口味人士可以揀佢😏——————————————————🍴海苔鹽酥雞(跟餐+$19)分量都有六 七粒👍🏻叫完仲可以同朋友share一齊食食落都幾脆 唔會淋晒不過你話似唔似喺台灣食 就爭咁少少😆

▪️𝑺𝒆𝒍𝒇-𝒄𝒉𝒐𝒔𝒆𝒏 𝑻𝒐𝒑𝒑𝒊𝒏𝒈𝒔 𝑳𝒐𝒎𝒆𝒊 𝑵𝒐𝒐𝒅𝒍𝒆 $68ʙᴇᴇғ ᴛʀɪᴘᴇ . ʀᴀᴅɪsʜ . ᴄʜᴇᴡʏ ᴛᴏғᴜ . ᴅᴜᴄᴋ ʙʟᴏᴏᴅ . ʙᴇᴀɴ ɴᴏᴏᴅʟᴇ蜂巢牛肚 . 白蘿蔔 . 百頁豆腐 . 鴨血 . 冬粉.The flavor of this taiwanese "車仔麵" is not quite what I expected. It's more lean to the healthy chinese soup flavor, instead of the sweet soy sauce style. However, I'm quite into this especially when the bean noodles soaked up the soap very well. The beef honeycomb tripe and chewy tofu were great in terms of the textures, but all the toppings couldn't pick up the flavor as

依加係CWB 反工，要周圍搵下好野食，登龍街一向都多野食。之前見到朗豪坊開左間燈籠滷味，一直都好好奇。今日就試試佢。餐廳有兩層，係lunch time 既時段都好快有位。特選牛餐E 自由是個好東西 台灣直送水蓮菜/蜂巢牛肚/鴨血+稻庭烏龍麵 HK$66唔知係咪因為係二樓既原因，湯既份量比較少，佢既滷水汁同香港既好唔同，唔甜，比較重香料同咸咸地，整體黎講有少少淡。烏龍麵就即係烏冬，雖然比較幼身，但都唔會太淋太軟。水蓮係香港比較少地方會見到，所以必點。牛肚就偏咸，鴨血就真係普普通通，而且湯底偏淡，冇咩味道。午市小食 – 海苔鹽酥雞 HK$19個人比較重口味，鹽酥雞唔夠咸，但係都夠酥脆。冬瓜茶 HK$11份量黎講，對於我呢啲比較大食既女仔，加埋小食岩岩好夠飽，不過lunch 食太飽好易眼訓存嘛。食得唔重口味既人黎講應該會幾鐘意。

呢間台灣過江龍由2020年在香港開業，每次行過都見到大排長龍，就算宜家旺角，葵芳，中環開左分店都仲係要等位！台灣風味，滷水食品，每款餸及麵由$9-$25不等。① 招牌燈籠滷味豬耳朵 $12 / 大腸 $12 / 空心菜（通菜）$11 / 王子麵 $12去到台灣我幾鍾意食滷味同滷肉飯，但響呢度食我覺得似係食緊滷水汁撈車仔麵，價錢唔算平，啲餸味道有少少鹹，不過我鍾意加個辣椒油，好香。王子麵係台灣既老牌即食麵，我就覺得香港既公仔麵會比較爽口彈牙。② Shake Shake 海苔鹽酥雞 $42鹽酥雞加埋海苔粉，我無放落紙袋Shake，而係逐粒放落去碌滿海苔粉，雖然份量唔算多，但幾好食。.③ 台味奶茶 $22飲品無得跟餐，所以都係單點，大大杯，正正常常。.呢度人均消費都成$100，唔好話同台灣比，同普通響香港食碗車仔麵都接近相差一倍，性價比我就覺得一般。雖然食過三四次，但其實味道唔算特別出色，每次食完都唔會好高意欲再黎食。

舖頭有兩層，位多而且上菜快，所以嚟得快走得快，唔洗點排隊。整體唔會好貴，而且有種說不出嘅台灣味。*招牌燈籠滷味台灣直送水蓮菜/鴨血/甜不辣/冬粉/白蘿蔔/杏鮑菇 $74招牌有名你叫！台灣同港式滷水唔同，台式感覺比較甜，有糖香醬油香，唔會有好強烈嘅花椒八角味。鴨血唔腥，口感好，冬粉吸汁一流，又唔會太鹹。我第一次食甜不辣，有啲似魚片頭但煙韌好多。Shake Shake 海苔鹽酥雞 $42可以將鹽酥雞同海苔粉倒入紙袋shake，或者可以直接點嚟食。鹽酥雞唔似台式鹽酥雞，少少乾，整體都係好多玩好食。甘梅香脆地瓜條 $34地瓜條熱辣辣，炸到外皮金黃香脆，入面軟糯，番薯味重。可惜甘梅粉太少，唔夠點每一條地瓜條🥲