Video
Opening Hours
Mon
18:30 - 23:00
Tue
Closed
Wed - Sun
18:30 - 23:00
Above information is for reference only. Please check details with the restaurant.
Recommended Dishes
Signature Dishes
我喺Lamtei 扒房忠實Fans, 幫趁咗好多年，屯門，元朗店都會去，最近一年都係去屯門總店多，尋晚因為朋友住元朗區所以就大家去元朗店！先講食物，我哋order都係主打菜，肉眼，牛柳都燒得好香好好味！而我喜愛嘅鵝肝黑松露飯因為鵝肝無貨，而改試帶子意大利飯，可惜味道真的唔夾，我點都唔明點解會改帶子，一鮮一濃口味，大廚唔通無試過？講到服務，我今次真係嚇親，侍應串嘴情度係令人覺得煩厭！首先朋友要牛扒3成medium rare , 侍應竟然話係5成，話朋友錯，然後再講我唔同你拗！到我問點解鵝肝缺貨半年之久？呢個係店主打菜式，無咗主打菜，客人仲點會再嚟？ 我係Fans當然想知！點知侍應答我，鵝肝係法國直接入口，供應商無貨，咁我問點解唔用第二間？又或用鴨肝呢？侍應再答：法國全國已經唔再出口鵝肝！我哋做正宗法國菜當然唔會改！侍應一講我真係俾佢嘅尊業嚇咗一跳！我真係未聽過法國正宗只有鵝肝，都未聽過法國唔出口鵝肝，我今年先去完法國，機場大把有售！再者法國人也愛鴨肝！我好少响open rice 寫食評！因為我希望我喜愛嘅餐廳長做落去，所以我希望餐廳老闆見到我嘅評語，除了食品質素外，員工尊業都好重要！請多聆聽客人意見！
continue reading
三個人叫左三個主菜轉餐，見咁多好評，點知中伏。有餐湯+沙律+主菜+餐飲，老實說，很失望，野唔好食，又收得貴，冇下次。環境：好「簡約」，像冇裝修，只係四幅牆油了油。餐湯：一般啦。沙律：唔錯。主菜：非常失望，好難「勤」。墨魚汁（色）的意粉，竟然配忌廉汁或蒜香汁……我選了忌廉汁，食落似藥水味，難頂。牛扒，超大件，要求低的肉食者至愛，五成熟仍然好鞋，冇肉汁，硬。豬手，皮唔脆，肉又係好鞋，難食。甜品：心太軟，小孩堅持要點，全餐最好食，但份量不多，個人認為suger mama好好多。值得一提，D玻璃水杯竟然全部都花碌碌，滿佈花痕，仲衰過茶餐廳D膠杯，衛生成疑。
continue reading
終於等到weekend可出街輕鬆吓, 今日節目豐富, 先到屯門探朋友親身體驗現有私人屋苑club house既酒店級設施及餐廳. 再到天水圍探望親戚後, 享受老公為我預備的神秘晚餐. 哈哈, 因為除了出名的大大件魚生壽司店外, 我對元朗係陌生的, 他帶我從西鐵站左穿右插, 遠望見到出名的B仔涼粉, 再兜到好多車房的街巷, 便到逹這餐廳了. Lam Tei Grill, 藍地唔係在屯門咩? 原來這是分店. 懷著急不及待既心情第一次在元朗食西餐, 第一時間更係.....參觀洗手間 男女廁分開就在水吧對出, 女廁只得1個內裡較窄, 關門時要就一就位, 但總算清潔 我們揀了窗邊2人枱, 這時7點沒太多客人. 主要分兩排的木餐枱較逼, 如滿座時可能都會頗嘈雜. Waitress遞上餐牌時順帶介紹如order主菜可加$45轉餐, 即是有湯, 沙律及飲品. 共5版既餐牌, 分別有頭盤, 廚師推介, 沙律, pasta, risotto, 意大利雲吞/千層麵, 甜品及飲品, 另有酒牌, 想食既都有, 一定滿足到多心既我 . 首先來杯house white邊飲邊揀食物, 第一眼見到蟹肉他他已認定要食 (蟹痴又來啦) ; 再見到幾款鵝肝選擇, 分別出現在頭盤/沙律/主菜/risotto, 莫非是必試..... 我們便選擇配清淡既黑醋汁鵝肝沙律; 來到藍地grill, 一定要grill一grill啦, 揀了老公最愛既美國安格斯肉眼.門面有落地玻璃窗很歐陸feel, 燈管logo很搶眼, 遠望都已見到. 木傢俱配白磚牆, 牆上掛了粉色油畫, 很簡潔.$45一杯house white/red, 味道醇和不帶酸很易入口哈蜜瓜配蟹肉他他 ~ 賣相吸引, 高高的蟹肉塔分了4層, 蕃茄粒/蟹肉/蜜瓜粒/蟹肉, 伴以2條哈蜜瓜, 及畫上油醋汁, 灑上烘脆香草碎. 蟹肉雖不至於鮮甜, 但至少沒有雪味或罐頭味, 份量很多, 啖啖蟹肉. 蜜瓜清甜. 整體沒有太多調味, 可以品嚐原味食材是一款很健康的前菜.跟餐雜菜沙律 ~ 1人份量, 主要是羅馬生菜及紫洋蔥, 夠新鮮, 配以簡單油醋汁.黑醋鵝肝沙律 ~ 賣相一般, 雜菜(有狗芽菜,紫生菜, 羅馬生菜, 紫椰菜...)和跟餐那些菜有些分別; 黑醋+碎香草跟蟹肉他他一樣; 重點是那塊鵝肝, 很小很乾很黑, 老公先吃內裡很乾, overcook了, 始終都要$116, 所以大膽跟店員提出意見, 店員很有禮貌聽取及向廚師反映, 轉瞬間, 廚師補煮了一件給我們..............真是和剛才的兩個版本, 這件明顯地肥大, 色澤焦糖, 切落有軟熟, 食下肉裡還微暖, 恰到好處, 要讚的是廚師不是草率的補回給我們, 而是很有心思的加上少許狗芽菜及烘碎香草, 所以我話這裡不只grill得好, 還serve得好.跟餐南瓜湯 ~ 很喜歡這餐湯, 淡淡的淺黃色卻帶著濃濃南瓜甜味, 質地很滑. 跟湯的法包仔也很脆而不硬.美國安格斯肉眼 ~ 出名的grill真是不可不試, 很大塊的肉眼傳來陣陣炭燒香味, 好有bbq風味. 因為都有少少剛才鵝肝過熟的陰影, 幸好這片牛是接近medium rare. 肉質帶些少肥膏很鬆軟富肉香; 用來伴碟的菜疏都有烤香味, 雖然吃這大塊肉已很飽肚, 但點可以唔食埋那個雪糕球般大既鮮製薯蓉呵, 撈入香草碎, 啖啖真薯仔蓉, 調味剛好, 欣賞表面是燒過脆脆的.心太軟加雪糕 ~ 其實附近有好多糖水店, 但我想貫徹始終食西式甜品, 一於試埋這裡的甜品質素又如何. 跟餐$60, 只是比單叫平$5, 其實都沒有特別優惠. 不過唔試又唔知既, 軟熟既蛋糕輕易切出流漿朱古力, 黑朱古力味濃, 不會過甜. 本應巳很捧腹的我, 都很輕易地連淋碟的朱古力醬也吃光了.
continue reading
Lam Tei Grill 食過幾次，無論服務環境都覺得好好，價錢合理所以今次就再泥慶祝我們的週年紀念啦。叫左個肉眼（$318）千層面（$98）兩個主菜都加左$45轉餐，再叫左兩隻芝士焗蠔（我鍾意呢到既焗蠔唔會太過熟同乾，仲係好有蠔味），跟餐沙拉菜好新鮮，龍蝦湯好香好濃，連個餐包都做到外脆內軟👍🏻個扒好食，7成岩岩好，燒得好香又唔乾，略嫌燒汁無咩味，不過就咁食都已經好食。千層面我泥親都會叫，因為個汁係用新鮮蕃茄洋蔥肉碎煮，好鮮好開胃，令到成件事唔會又滯又漏，最後用個心太軟為我們呢餐畫上句號，唔會好甜，我鍾意！侍應們收碟換碟好擺快手，同埋我鍾意食完一樣先會上一樣，好體貼，甜品到了，我只舉起隻手不用多說就即刻為我們拍照留念，比個讚先。唯一一個問題係唔知我唔識用定點，個廁所門我真係唔識點鎖⋯⋯
continue reading
第一次上網見到，好似唔錯，就諗住試下，行到門口企係到，無人行出黎問下都唔緊要,一開門入去，成村人牛咁眼望住我…於是我問佢有無位，有個男人就好串咁話:你有無訂位㗎？無訂位就無位啦，我地呢到係要訂位㗎…我無言，但見佢講到咁，我都好想試下係米好食得咁緊要。於是今晚就打去book,接電話個個其實都幾無禮貌…有啲火火地想唔去！佢接電話聽唔到我講嘢，係米應該講:唔好意思，聽唔清楚，而唔係:我聽唔到你講咩呀！咁樣呢？！都算！因為我真係純粹想食嘢！係第一次幫襯，嘢食係幾好的，我叫左澳洲M5和牛，無記錯好似係$288，牛肉幾好，合格，價錢唔ok,size 都ok,但佢無講明係幾多安士，黑松露鵝肝意大利飯$168定198…一般的意大利飯，很普通，黑松露味道完全唔出，另外，我們加左$45轉左個餐，$45叫左一杯紅酒，that all.整體黎講，食環境同食物都會令我再食，但服務態度就很一般…
continue reading