30
3
0
All Branches (2)
Telephone
23685228
Introduction
"Lagom" 源自瑞典語,意思為「不多不少 剛剛好」。 「足夠就是最好」(Lagom är bäst)正是瑞典人對生活態度的詮釋。回歸本質,不著意添加外在修飾,就是 lagom。 Lagom一詞在不同的情境和語境下 具有不同的意思。 在社交環境下可理解為「適宜」,在描述食物時為「溫和」,在室內裝飾時為「簡單就是 美」, 在養生方面為 「正念」 ,在生活方式的選擇上為 「可持續性 」,而在商務往來中則是 「合乎邏輯」的意思。而所有這些具有相同的內涵 ,那就是一種 「最優」的決策。 continue reading
Opening Hours
Today
08:00 - 17:30
19:00 - 02:00
Mon - Fri
08:00 - 17:30
19:00 - 02:00
Sat - Sun
11:30 - 17:30
19:00 - 02:00
Public Holiday
11:30 - 17:30
19:00 - 02:00
Payment Methods
Visa Master Cash AE
Number of Seats
180
Other Info
Online Reservation
Wi-Fi
Alcoholic Drinks
Cake-cutting
Phone Reservation
Reward Dining Points
10% Service Charge
Outdoor Seating
Exclusive Online Booking
About Reward Scheme
Review (39)
Level4 2021-02-14
1159 views
餐廳面積偌大,但假日下午來到已經全場爆滿。有室內和室外用餐空間。另外非常貼心,設有等候區,供客人等候入座,湖水藍配搭鮮橙色的櫃,很有活力。餐牌所見,除了主食,還有蛋糕和飲品選擇。⭐️鮭魚・牛油果・香草三文治(Brunch)$98頂層鋪滿了煙三文魚、牛油果醬和芝士粒。煙三文魚入口不會太鹹,和軟芝士粒互相配合,帶有鹹香,配上沙律菜吃清爽,頗飽肚又健康。⭐️Spaghetti・奶油花雕酒燉雞$98義大利麵條偏正宗些,吸附湯汁,入口濕潤,吃起來比較有咬口。配上花雕酒燉雞塊,酒味比較淡,雞肉很嫩。⭐️巴斯克芝士蛋糕$52這件蛋糕不錯,吃起來很濕潤,口感輕盈,頂層是香滑的忌廉,下面是芝士蛋糕,吃起來有層次。⭐️抹茶戚風蛋糕$40抹茶蛋糕的抹茶味很突出,嚐到綠茶的味道,入口鬆軟,淋在蛋糕的忌廉也很滑,不會太甜。⭐️朱古力酥$25小小一件朱古力酥,裡面有朱古力夾心,朱古力味道出眾。 continue reading
(The above review is the personal opinion of a user which does not represent OpenRice's point of view.)
知道桔梗開咗姊妹店 就即刻bookmark 定想黎! 加上我係觀塘翻工 就更加近 方便直接堂食lunch/ tea😍 首先一定要大讚呢度嘅設計 餐廳地方寬敞 燈火通明 樓底高 仲有個打通露天嘅天台 陽光☀️射入嚟 被人溫暖精神舒服嘅感覺 所以坐喺度一個下午慢慢傾偈 好舒服自在! 食物水準都唔錯 朋友同我都好滿意😊 All Day Breakfast🍳 $128 十分豐富,有齊太陽蛋、腸仔、煙肉、炒雜菌和沙律,最特別係有自家烘焙嘅麵包,同出面一般嘅麵包比香軟好多😚台北燉牛肉意大利粉 $98 一排薄薄嘅嘅牛肉片 放係意粉中間 成個意粉都浸滿香濃帶少少麻辣嘅牛肉汁 牛肉七成熟 好嫩口 好特別嘅台式mix 西式嘅fusion 😋 Dirty☕️ $42 咖啡味濃郁,溝埋凍鮮奶令到整體感覺好香滑。咖啡棕色配上鮮奶白色撞埋一齊,視覺效果一流😍草莓乳酪燕麥奶搖 $48 口感清新而且仲有草莓粒 飲唔到燕麥味 可能比濃味嘅乳酪同埋草莓遮蓋左 好岩我食完香濃嘅台式燉牛肉 之後再飲中和翻個味道😛 感覺就好似飲咗成杯新鮮炸嘅草莓汁! 巴斯克濃抹茶芝士蛋糕🍰 $52蛋糕鬆軟,每啖有淡淡嘅芝士味,再配上有少少苦澀嘅濃抹茶cream,令到蛋糕整體唔會太膩! continue reading
(The above review is the personal opinion of a user which does not represent OpenRice's point of view.)
Level4 2021-02-05
854 views
是日放早,便到公司附近的樂感嘆下,平日的下午茶時段不多人,不用等位就可入座。觀塘店比牛頭角店更大,仲有室外空間添,呢個天氣坐室外都幾舒服,不過有人在室外拍攝就不打攪啦。揀好位就預備點餐,每張枱都有水同QR CODE,自行落單好方便。點了一份炸魚薯條,香口野最啱食,又方便share呢。炸魚好嫩滑,靚魚柳黎喎完全無腥味,而且炸粉不厚抵讚。附上一大堆薯條同沙律菜,仲有個勁好味嘅沙律汁,感覺似千島醬但帶辣味,酸酸辣辣又有少少甜味好正!另外仲點左豬肉蘋果楓糖三文治,賣相好靚喎。甜甜地嘅豬肉片,豬味勁濃郁,咬落有啲爽爽地嘅,原來夾左蘋果片係豬肉同麵包中間,勁多肉都唔會膩。中間有煙肉卷住溫泉蛋,生蛋汁好正呀~加上塊包煙煙韌韌咁,真係好好味!橫掂都係黎嘆嘅,又點少得甜品,點左巴斯克伯爵茶芝士蛋糕。芝士蛋糕本身已經好正,又綿又滑同烘得香脆的外層,而加再加上一層厚厚的伯爵茶忌廉,簡直讓人欲罷不能,好想encore多一件呀~最後係本來作為前菜無花果包,原來即點即烘製作需時。上枱時熱辣辣香噴噴,好吸引喎。個包質感厚實,入面有甜甜地嘅無花果肉,塗上半瀜牛油真係無敵正,靚麵包配靚咖啡,一流。飲品點了凍純粹拿鐵鮮奶咖啡&熱平白咖啡,咖啡係好飲嘅,但略微細杯左啲,比起食物似乎偏貴了點。渡過左一個休閒下午,兩個人呢個價屬抵食。 continue reading
(The above review is the personal opinion of a user which does not represent OpenRice's point of view.)
Level4 2021-02-01
1150 views
最近Weekend都好慢活,因為疫情底下,冇得一大班人食飯,冇得睇戲冇得做gym冇得唱K。放假嘅日子過得好清閒😂做得最多嘅反而係cafe hopping☕️近日留意到觀塘碼頭附近有間新開嘅大型cafe。每逢週末,四圍嘅cafe都人頭湧湧,呢到勝在環境夠大,座位夠多,可以快啲入座!甜品櫃😍下次外賣去觀塘海濱野餐都唔錯!⭐️全日早餐 $128賣相一流,而且好足料😍有太陽蛋、炒雜菌、新鮮沙律菜、辣香腸、煙肉、酸種麵包。沙律菜新鮮清甜,配上清新蘋果片令人更開胃!微微煎過嘅煙肉,油香四溢🤤辣香腸個人認為只係微辣,啖啖肉,正!炒雜菌份量都唔少,仲有啲芝士粉喺面,令整體更惹味!酸種麵包煙煙韌韌,而且麥味香濃👍🏻⭐️豬肉・蘋果・楓糖三文治 $88賣相同樣吸引😍煙肉圈住隻流心蛋🤤酸種麵包上鋪滿蘋果片同豬肉,加上楓糖漿,味道清甜不膩。⭐️巴斯克伯爵茶芝士蛋糕 $52巴斯克蛋糕鬆軟綿密,伯爵茶cream好清新,啖啖伯爵茶嘅清香,同芝士蛋糕味道好夾。⭐️煙肉 ‧ 迷迭香 ‧ 芝士 Scone $25Scone質感鬆化,外層略帶焦香,但裡面仍能保持微微濕潤,令整體唔會太乾。煙肉 ‧ 迷迭香 ‧ 芝士呢個鹹食口味的確唔錯!煙肉芝士香濃惹味,配上迷迭香嘅香草氣息,好啱我口味!⭐️Flat White $34奶味啡味平衡,啡味濃而不酸,入口順滑。⭐️值得留意嘅係,呢到有室內外座位,仲係Pet-Friendly❤️ continue reading
(The above review is the personal opinion of a user which does not represent OpenRice's point of view.)
好耐無約朋友出街食野喇 !!今次特登約去一間大家都想試既新開cafe:: Lagom Kaffe原來係旺角桔梗既姊妹店 ~ 之前試過桔梗覺得唔錯~ 所以都有少少期望 : P呢度近觀塘海濱公園~ 食完去散下步 係一件賞心樂事 ~ : )下午3:30黎到 估唔到都仲好多人等位 !!我地大約等左20分鐘左右 ~~不過好多蛋糕款都已經賣晒 T^T 下次要早d黎先得...食物有all day breakfast, 三文治類, 意粉類, 沙律, 炸物, 蛋糕同包餅類淨係蛋糕已經好多款 !! 堅想試晒佢地p.s. 呢度係用QR code自助落單, 有埋wifi, 幾貼心 而且食物都唔需要等太耐店面真係好大好闊落 !! 座位亦都舒適~ 空間感真係好緊要 !室內已經好大, 佢地仲有埋室外area 比好多植物包圍成間cafe比人既感覺真係好free : )牛肉.培根.烤肉醬三文治 $98三文治算幾厚身同幾大件 ~ 多士濕潤 邊位帶點煙韌 ~每一啖都佈滿烤肉醬同牛肉, 好惹味 !!煙肉包住半熟蛋 ~ 整體味道同口感都好豐富呢拌碟有沙律 ~ 可以減膩炸魚薯條 $88炸魚原來係一件件細細咁上~ 食用時幾方便, 不過魚肉味道唔太出沾埋中間微辣既醬汁會香d同好味d ~薯條好食啊, 炸得香脆 剛剛好!沙律配麻醬 仲有南瓜塊, 幾有心思 ~巴斯克抹茶芝士蛋糕 $52我超鐘意 !!! <3 推介必試啊 !!!抹茶味夠香濃 但唔澀 ~~ 芝士蛋糕本體好軟滑配埋面頭既抹茶cream一齊食 個口感係最正 !! 如果就咁食件蛋糕 就略嫌實在太濕喇蛋糕外圍有少少burnt既皮 好正 !!(左)玉桂蘋果燕麥奶搖 $48玉桂味比蘋果味出, 飲落有蘋果蓉, 幾清新 ! 飲晒成杯都唔覺漏(右)多明尼加朱古力奶 $48唔會過甜 !! 反而飲到既係濃郁可可味 !! 真心覺得不錯 !整體黎講 呢度既食物質素幾高, 款式亦好吸引人蛋糕同飲品都超多款, 加上環境好舒服, 好岩同朋友黎食野吹水 ~價錢方面 我覺得比起唔少新開cafe 呢度算係超值 !! 而且份量合理 唔會食完好似無食咁 XD所以覺得呢間絕對值得回頭 ! continue reading
(The above review is the personal opinion of a user which does not represent OpenRice's point of view.)