349
122
16
All Branches (7)
Telephone
28732356
Introduction
Lady M, originally from New York, is famous for their Mille Crepes. Some of their signature cakes include the Earl Grey Mille Crepes, Strawberry Mille Feuille and Gateau aux Marrons. continue reading
Awards and Titles
Best Café (2016)
Opening Hours
Today
11:00 - 21:00
Mon - Sun
11:00 - 21:00
Payment Methods
Visa Master Cash Octopus UnionPay Apple Pay EPS
Other Info
Sea View
Live Music
Review (583)
Level4 2021-04-11
1059 views
一直都想試Lady M嘅蛋糕🍰,但真係好貴閒閒地一件都要$70、$80😓😓適逢有隻味要下架、又有隻味新上架,咁兩隻都試吓啦😜😜~~~香檳🍾️千層蛋糕🍰~~~$82蛋糕🍰面上會有半透明啫喱,係香檳🍾️甜甜地、少少酸,真係似飲緊香檳🍾️咁😙😙!cream方面好柔滑,比起其他$3-40件嘅有明顯分別,好味好多🤩🤩~~~黑糖豆乳千層蛋糕🍰~~~$75面層係黑糖味啫喱,中間cream係帶有豆乳味,滑度唔夠香檳🍾️千層,但都係合格之上😘😘,建議要連同黑糖啫喱一齊食,那黑糖同豆乳會互相支持,中和返大家嘅味道!🥰🥰坐低左會有隻暖暖地嘅叉提供,另外會用礦泉水招待客人,咁收咁貴係連埋呢D啦🥳🥳 continue reading
(The above review is the personal opinion of a user which does not represent OpenRice's point of view.)
‼️❤️ 記得CLICK我PROFILE關注我呀 ❤️‼️.☕️ 𝑊𝑒’𝑣𝑒 𝑔𝑜𝑡 𝐷𝑟𝑖𝑛𝑘𝑠 𝑎𝑠 𝑤𝑒𝑙𝑙 @ 🌟 Lady M Hong Kong 《👽食神大媽愛飲嘢》.🍰 全世界都知道Lady M嘅蛋糕有幾出名,大媽都唔需要再額外介紹。其實佢都有供應嘢飲架,今次大媽就特登試兩款同大家介紹一下 😬.🥤Iced Violet Yoghurt Soda HKD48.首先打頭陣嘅呢杯全紫色充滿少女感嘅梳打 👸 隻色系咪好靚呢?系咪幻想緊好少女嘅感覺呢?☺️ 放心,酸同甜到不得了 🤢 包你即刻唔會扮到公主而系即刻尖叫甚至想問乜鬼野黎架咁鬼酸嘅?!🤣🤣🤣 除非你淨係用黎打卡,否則,勿點選喔 🤷‍♀️.☕️ Iced Dalgona Coffee HKD46.二號佳麗就係曾經人氣爆燈嘅焦糖奶蓋400次咖啡,味道正常,奶香味濃,好味過紫色嗰杯好多!😋 如果想配蛋糕可能略嫌甜上加甜,單點卻剛剛好喔 👍 再者,熱潮一過好多餐廳都無再供應,但其實好味是不應該因為熱潮而唔再試,所以呢度有供應可以解大家懷念400次咖啡之苦 😋.👽 大家記得,下次經過就算唔想食蛋糕,都可以試下飲品喔!.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.📍 尖沙咀海港城海運大廈2樓OT215K號☎️ +(852)2873-2356. continue reading
(The above review is the personal opinion of a user which does not represent OpenRice's point of view.)
Level8 2021-01-13
4417 views
話就話疫情嚴峻,但好多香港人真喺馬照跑,舞照跳,否則都唔會有「跳舞群組」,而隊就照排。是日專登出嚟尖沙咀海運大廈,因為老婆嘅姨甥仔生日,幫忙過嚟Lady M攞蛋糕。 唔喺講笑,嚟到已經喺5:20pm,亦禁咗晚市堂食,但仲見有三幾個排緊堂食條隊等入場,當然啦,由於二人限聚,全場亦「爆滿」,俾你排到入座,都食得好趕啦!而另一邊買走嘅就大排長龍,所以,如果唔睇新聞嘅,單喺睇天星碼頭、海運大廈、海港城嘅人流,唔知香港疫情叫嚴峻囉! 好在小弟嘅蛋糕喺網上訂咗,唔使再排隊,直接入去收銀處對單掃二維碼就搞掂。晌少少等候時間,就望望有咩款式,眼見餅櫃顯示出嚟就有10款,件裝定價為$68-$75,其實,都幾貴吓! 抹茶千層蛋糕 $480(6吋)現場單件裝賣$75件,但嗰啲蛋糕原個本身喺大啲,我哋所訂嘅原個蛋糕喺6吋大,而祝賀朱古力牌唔使另外加錢。取貨時會加幾粒乾冰晌兩側,店員仲叮囑如未即時食用,一小時內要放番入雪櫃。雖然話6吋大,都唔細個架,面頭糝滿抹茶粉,按官網介紹,喺用上日本嘅高級抹茶粉,但點高級就無講喇,比起其他款式,就會簡約啲。佢哋啲蛋糕嘅賣點,就喺鋪上多於20層嘅純手工做成超薄法式班戟皮,再每層塗上薄薄嘅忌廉,當切開之時,都睇得好清楚當中嘅層次。唔好以為得餅面灑滿抹茶粉,裡面嘅忌廉亦加咗抹茶粉,故此,入口嘅抹茶味喺幾強、幾突出,而班戟皮確喺好薄,好平均,食落軟綿又有蛋香,食得出當中嘅手工及心機。 第一次見識Lady M嘅蛋糕,確喺幾高水平,不失過江龍之名。最欣賞喺中間嘅忌廉層,食到柔滑感,卻唔會有好膩嘅感覺。 continue reading
(The above review is the personal opinion of a user which does not represent OpenRice's point of view.)
是日同靚媽去左海港城行街~其實最主要係因為有D現金券就黎到期🤭所以就計劃去Lady M 嘆返個下午茶~做下乖乖女, 帶靚媽去試試人氣千層蛋糕🍰我地去既時候大約晏就1點半左右~人龍超長😱 佢有分兩條隊~一條係排堂食既, 而另一條係外賣既外賣果條隊完完全全係打左三個蛇餅~可見人氣有幾咁強勁🤣🤣而堂食果條隊, 有大約12組係我地前面~邊排隊既時候, 店員會先提供餐牌, 等我地可以先睇下有咩想食, 咁就可以方便一陣落單既時間啦~ 同時又可以分散下我地等位既注意力😝等了一個小時左右, 終於可以到我地入座啦~ 🥰店員先幫我地量體溫, 靚媽就先入座, 我就去單餐先因為呢個都算係我地既午餐, 所以我地就決定叫三件蛋糕, 一人一杯飲品~ 😋玫瑰千層蛋糕 $75 🌹之前已經外帶食過, 覺得味道幾好~ 雖然偏甜少少,但又因為唔想太單調食原味的, 嘻嘻~但當配上香濃的朱古力咖啡, 就可以達到平衡的效果嚕😍熱朱古力咖啡 $58有選擇困難症既我仲諗緊要花茶定係咖啡呢最後都係揀左咖啡, 可能係因為我想要佢個拉花吧~☕味道偏濃, 朱古力既香味就唔太多~但配上較甜的千層蛋糕係唔錯既~ 🤗之後就到靚媽點既蛋糕~ 😆士多啤梨海綿蛋糕 $58🍰呢個看似平凡又普通的蛋糕, 出奇地好食~😍蛋糕非常鬆軟, 配上香滑既cream, 好搭~仲要係唔會好甜~ 😚讚讚~而士多啤梨粒細細舊好咬口, 一d 都唔會酸法式士多啤梨千層酥 $62千層酥很酥脆, 而當中的cream就有一點膩而同餐牌既相有d出入啦~ 但味道Okay既~伯爵鮮奶茶 $68🍵淡淡的伯爵茶香, 很香滑既鮮奶~甜道比我想像中更低, 真係好鐘意喔👍🏻岩晒享受最自然清新既朋友仔🤗環境方面: 算舒服, 但因為佢都係係個商場中心位置, 人來人往就一定少不免喔~ 再加上Lady M既人氣, 排隊既人都會定時定候望下你咁😂 服務方面: 服務員係上甜品同飲品既時候, 都會介紹返果樣係咩, 同埋都會定時睇下有冇需要幫你加水, 唔錯喔!😝💰帳單金額: $321用左$50 海港城既現金券, 折後$ 271P.S. 如果大家都有海港城既Coupon真係可以考慮去Lady M 喔~ 唔一定要堂食, 外賣都用得😉評分時候到嚕🤗 (純粹個人意見喔) (滿分: 5粒🌟)味道: 🌟🌟🌟🌟服務: 🌟🌟🌟🌟環境: 🌟🌟🌟推薦: 🌟🌟🌟🌟 continue reading
(The above review is the personal opinion of a user which does not represent OpenRice's point of view.)
Lady M喺香港開左咁耐 我只係第一次食😂🌟 抹茶千層蛋糕 ($75) 🌟淡淡嘅抹茶香味 陪上香滑嘅cream 好味 但未必滿足到抹茶控🧐🌟 伯爵茶千層蛋糕 ($75) 🌟雖然伯爵茶都係淡 但佢嘅清香同蛋糕好夾反而鍾意伯爵茶淡淡地 中和左cream嘅甜味😜🌟 黑糖豆乳千層蛋糕 ($75) 🌟呢款係比較新出嘅口味 黑糖豆乳🤩有驚喜 初初以為會好似維他奶味但個人認為 豆乳好香 都係主打淡口加上黑糖甜味 令成個蛋糕唔會太寡😋整體嚟講 明白佢地千層蛋糕嘅價值 暫時未見過第二間舖整到咁多層 又咁薄嘅千層蛋糕Cream非常細膩 打到非常滑雖然比市價高 但可以間唔中食一次😉 continue reading
(The above review is the personal opinion of a user which does not represent OpenRice's point of view.)