Video
Telephone
23113512
23113513
Opening Hours
Today
12:00 - 21:30
Mon - Sun
12:00 - 21:30
Public Holiday
12:00 - 21:30
Public Holiday Eve
12:00 - 21:30
Above information is for reference only. Please check details with the restaurant.
About Reward Scheme
🚶🏻闊別2年, 趁住假期⛱️, 再次入馬灣行吓😙🍴食肆選擇不多, 照舊揀返食過的La Rosabelle 😌中意佢份量大, 價錢合理, 味道不錯🙆🏻♀️室外仲可以望住青馬大橋🌉, 吹海風, chill吓💨今次坐室內, 因為怕有蚊咬🦟🔵⚪️環境以藍白色為主題, 更有希臘藍白小屋背景圖🏠💭加啲想像力, 幻想自己飛咗希臘🇬🇷🤣🔸烤雞肉串燒 雞心豆泥蓉配彼得包 $198 6/10🫨好大份, 本身跟pita bread🫓, 原來仲跟埋薯條🍟, 足夠2人share食👫🏻☑️2串烤雞, 約10粒, 🐔雞肉略為醃製過, 肉質唔會好乾身Hummus口感順滑, 🫓pita bread邊位略硬😣🔸炭燒紐西蘭牛柳🥩 $248 6.5/10🐮牛柳肉質軟嫩, 帶炭燒香味🔥配薯條🍟及沙律菜🥗
continue reading
除左橙汁唔太值30蚊一杯外，食物好味，份量又夠，最好味係牛肉餅，配埋蒜茸醬真係絕配，好好味，芝士蕃茄pizza無得輸，勁多芝士，老板同樓面服務唔錯，期待下次再幫襯，小朋友都食到捧住肚子飽飽走
continue reading
今日中午到該店午餐,去到時由一名類似菲籍女侍應招呼, 已講明係經openrice 訂位,佢同另一看似老板之外籍男子都明確表示知道, 會有九折. 點了一客兩人份量的BBQ Meat Lover Platter, 兩杯Fruit Punch , 問過老板係有兩件羊架的, 但上菜時就發現一件羊架係比正常略細, 另一件就好似無肉咁, 基本得一枝骨連少少肉.當時都算啦, 無即時投訴.埋單時用銀聯Visa簽賬, 初時女侍應拿了卡後不久又返來問我哋可否比現金, 我以為唔收銀聯卡就比另一張卡佢, 佢又話唔使, 之後直接拿去拍卡,之後臨走前睇單才發現係無比到10% discount, 於是向該女侍應,見佢好似有啲詐諦咁, 行來行去唔多理會, 叫咗幾次佢先番來, 明確話佢知我哋係經openrice 訂位係有10%discount而且之前佢哋都已表明係知道.之後由老板處理, 佢話要cancel之前Visa張單要再攞張Visa比佢, 我哋話無問題但要比番張cancel bill我哋, 佢神情好似有少少不滿, 好老實講比漏discount 問題不在我哋, 一早已同佢講咗佢哋都話明白係有九折, 所以埋單時為免囉嗦無再特別再提. 最後老板refund 番現金50元比我哋, 話下不為例喎, 下次一定要cancel 舊單再簽卡,唔可以現金refund, 我哋都費事再拗就離開, 其實一餐午餐伍佰幾唔算好貴, 但起碼你兩件羊架都應該正常size人吖, 要比九折就要比唔應詐詐諦諦要人追先比番. 做生意唔老實就一定無下次. 可能佢哋覺得馬灣咁遠未必會再有回頭客啩, 所以就要賺到最盡啦.
continue reading
男朋友未去過柏麗灣趁住新一年有假期同佢一齊去行下始終呢度係屋苑唔會太多人夜晚仲好靜好浪漫添～柏麗灣商場有幾間西餐廳大部分都對住個沙灘喺室外位吹下海風食下野好chill我地揀左一間以藍白色作主調嘅意大利餐廳晚飯坐室外位近距離望住青馬大橋食pizza🤭夜晚著左燈嘅大橋好靚㗎！我地叫左Pepperoni, Seafood ArrabiattaSambousek cheese 同 chicken skewers & dip set超級豐富上菜速度快唔駛等好耐樣樣食物都新鮮熱辣Pepperoni屬薄批底但有厚批邊保留返口感芝士味香濃👍Sambousek cheese中東式饀餅我揀左芝士饀外皮脆脆入口滿滿芝士幾有特色Chicken skewers & dip set有兩串雞肉串雞肉厚實沾佢個garlic sauce好惹味！另外dip set有pita bread同雞心豆泥蓉呢個味道係偏淡食到豆香味配返濃味嘅串燒啱啱好！就咁呢份都好飽下！Seafood Arrabiatta呢個意粉好香辣椒味好刺激～海鮮都無hea我有蝦球、蜆肉同青口好快就俾我清左！👍食完飯行下沙灘咁浪漫得唔得㗎🤭
continue reading
早排去馬灣搵貓畫🐱,難得入到嚟,當然要留到夜晚睇埋個夜景先走啦🌃~喺向住青馬大橋嘅一邊商場,其實有好多餐廳🍴~因為個景實在太無敵,大家幾凍都會坐外邊~呢間餐廳喺下層,部份風景俾樹檔住🌴🌴...如果想有靚景,就記得早啲嚟搵位啦~呢個拼盤有炸魷魚圈🦑,炸洋葱圈🧅,雞塊同雞翼🐔~炸洋葱圈太硬了,而炸魷魚圈唔錯~雞翼炸得幾脆但有點偏乾...而且個雞翼係完全無味道,只靠上面個茄汁...反而雞塊就最好食~青口感覺比較少🦪,而且係蕃茄汁底🍅,個人覺得白汁或忌廉汁比較夾~而個蕃茄汁個味亦係好淡,就算直接試個汁都係無乜味,所以啲青口都唔夠味...呢個芝士夾餅算唔錯,芝士都幾多🧀,而且個夾餅都幾脆~不過賣相全無,只係好簡單兩塊餅中間加芝士夾埋,要收呢個價都實在幾貴💸...因為見人哋啲啤酒大大杯🍺,所以都唔執輸點返杯~的確大杯又抵飲,夠凍又夠氣,唔錯👍~總括而言,我覺得呢間嘅嘢食一般般,啲人應該都係為睇景而嚟🌉~但以景而言,又唔夠佢側邊無遮無擋嘅其他餐廳好...所以咁嘅質素,咁嘅價位,我個人覺得唔係好值...
continue reading