栢斯餐廳

Open Now

Now Closed

餐廳前生係君好，以前間中都會光顧，服務好，食物保持水準，價錢又非常相宜，好可惜幾年前已結業，之後就冇再踏足呢間酒店，機緣巧合下，嚮網上睇到原址轉左做栢斯餐廳，就去試試。12點05分去到餐廳，發現裝修過，以前窗口梳化位同啲板全部拆晒，全部落地玻都睇得一清二楚，採光度高，變得明亮光猛。坐低後，感覺良好，雖然全部侍應生面且全非，但仍然keep到非常好嘅服務，之後去睇睇自助位拎食物，失望😮‍💨種類唔多，而且味道同食材令我大跌眼鏡。。。最好食係生果，其他就🫢，所以真係唔好意思，冇幫襯主菜就走。。。總結，價錢係平，但食物一般，選擇少，不過服務係好，評分ok係比啲侍應挽回，希望他朝一日可以見到晚餐走回君好路線，將會再光臨

之前有朋友食完之後話幾好食，所以前幾日去咗試下自助餐區啲嘢食選擇唔少，個蘑菇湯真係好好飲 😋 蘑菇味好濃郁，又唔算太膩，就算我平時唔飲湯都忍唔住添多一碗仲要飲品區嘅咖啡係 capsule，我見到嘅時候都嚇咗一跳 😂 主菜食咗個三文魚卷，都算ok，三文魚唔會太乾，但係個芒果汁係有驚喜嘅！本身我係用試伏嘅心態去試下，但係冇諗過芒果汁同埋三文魚會咁夾，個汁好解膩，食到舐舐嘴😋😋性格比嚟講都算好抵，百幾二百食個高汁嘅半自助餐都好滿足! 下次會再 encore 個三文魚!

係返工附近搵到一間冇食過嘅餐廳 諗住放lunch出去試伏 點知食完幾surprise 我平時食得幾清淡就試左個烤雞肉卷 無諗過個雞肉卷會有菜 食落去一啲都唔覺得滯 啲雞肉唔柴 好好食 個份量非常適合食量細嘅女仔 除左主食之外 我仲夾咗啲salad食 配住啲酸酸甜甜嘅醬汁非常之開胃 間餐廳服務好好 會幫埋你斟嘢飲 超貼心!!!

我和太太是這間餐廳的常客。半自助式西餐，前菜、沙律、面包、西餐湯、甜品、咖啡或茶是任吃，食物選擇雖不多但足夠，更重要是質素高，看得出前菜是廚師精心製作，用料新鮮，賣相食味俱佳，約百元就吃到，可謂超值。想吃好一點，加幾十元就有一個主菜，我吃過魚、雞、鴨胸、排骨等等，都是用料上乘，廚師用心，加幾十元完全值得。吃素人仕，也可order廚師炮製一客素食意粉，水準也是甚高，想吃素食西餐者可留意。服務員斯文有禮，地方寬敞光猛企理，洗手間是高級酒店水平，寬闊清潔。總結：這是灣仔區食高質西餐的上佳選擇。誠意推薦！

之前有朋友介紹呢間餐廳話性價比高就諗住去試吓。去到都冇失望，環境乾淨企理，位置寬敞同埋自然光充足，店員態度幾好。飲料任飲，有茶同埋咖啡，咖啡係即磨咖啡，店員會過嚟問你想飲咩同埋幫你斟埋，但係想自己斟都可以去自助餐檯斟。食物方面都唔錯，buffet選擇幾豐富，嗰日餐湯係南瓜湯，南瓜味好出，口感順滑，美中不足係有少少膩。主菜我叫咗個肉眼扒，唔算貴但係質素幾好，我叫咗七成熟都仲係多肉，得閒會再返轉頭食。