La Kaffa (Closed)

最尾一次係荃灣區拍住呢位好人阿姐，佢就係今日帶我同另一位同事去食係熊貓酒店樓下嘅邪惡all the breakfast！睇menu都已經選擇困難症，阿姐強烈推薦食all the breakfast！話好大份好抵食！！我揀左田園烤雞扒早餐$84、要加一嘅。入面有煎雙蛋、雞扒、牛肉腸、兩塊薯餅、法式吐司🍞配蜂蜜。同埋有包一小杯沙律 🥗加熱綠茶。送到黎,個賣相好啱打卡！分量真係好大份。估唔到薯餅咁大舊。味道唔算獨特，就該有嘅味都有。…Read More

前日六點幾經過，見唔洗排隊，於是入左去幫襯。坐低叫左個黑松露香菇扁意粉，同招牌豬肋骨。豬肋骨個BBQ source 味道唔錯，肉質有咬口；而意粉則味道正常。但我覺得最好食既竟然係......薯角，呢D薯角成本應該係比較貴的一種，而且炸得恰到好處，非常好食。 而呢一餐最敗筆係D蕃茄湯，上湯時係唔熱既。叫侍應換過，隻碗就熱左，但D湯仍然係唔熱，最後要換過另一款湯先OK。唔知D既蕃茄湯是否午餐賣剩所以攪成咁。總括黎講，呢間餐廳係OK既。…Read More

幫襯幾次，留意到男經理最能敷衍！其他後生仔女服務都好好，盡量滿足客人既要求，反而男經理做壞榜樣，乜Q 嘢都say NO, Reject ! 兼且態度差，上OpenRice 一睇，原來係連鎖店，得失客人唔係佢損失！正一敗類！埋單五毫子，自動round up, 俾錢加餐飲，一個人散叫飲品，一個人加落食物度轉為套餐，我地講到明A餐加錢轉套餐連飲品，埋單先發現呢間餐飲賺到盡！佢揀黎加，套餐收費加落B餐，另一個人散叫飲品就貴D⋯⋯我地無計錯數，點解要round up 5毫子唔找？點解散叫兩杯飲品，係都要收貴幾蚊....加一服務費，西餐廳連紙巾都唔供應？！以上全部都算！多士request 飛邊，條茂利男經理答：「我地無呢個服務」究竟服務費俾左去咩地方？！…Read More

悅來坊有唔少野食，雖然都唔係平，不過平均都係50蚊左右。「La Kaffa」，聽個名已經感受到陣「貴」氣。🙄 —睇到Menu其實都會嚇親（佢有另一張Menu食意粉飯，平均都係70左右），食個lunch姐，都要70蚊起跳咁濟。😱2個人反正唔肚餓，打算Share個All Day Breakfast就算。—田園烤雞扒早餐賣相相當唔錯，見到煎得靚靚既雙蛋同薯餅已經流哂口水。🤤所有野都係標準既All Day Breakfast味道，藍妹特別鐘意食佢既腸仔，好味😜不過蜂蜜多士就唔係藍妹杯茶啦，個人認為蜂蜜既甜味帶點苦澀，同多士唔係好夾。如果能夠用返普通西多既蜜糖，成件事會好好多。😢—榛子朱古力朱古力幾好，榛子味突出，朱古力唔會苦。—次次經過呢間野，都會發現冇人咁濟。我地去果日，甚至有枱人，坐低左睇完menu都起返身走。食物味道唔差，咁點解冇人幫襯？真係因為價錢。😵當旁邊既食肆都做緊4-50蚊一個餐，你就70蚊，係咁多選擇既環境下，再好食都冇用啦。😪…Read More

同女朋友滿心歡喜黎食野。。。點知中晒招。。。一開頭見佢個meun幾吸引咪入左黎試下囉。。應該唔會死錯人既。。。然後上個餐湯都好正常既。。。一上個香辣蕃茄吉列豬扒飯就奶晒野啦。。。個豬吉列豬好吉列。。。同見到佢有落蕃茄外。。。個豬扒完全冇味。。仲有香辣都係呃人既。。。另外我女朋友叫左個蕃茄手工肉丸長通粉。。。都一樣中晒伏。。長通粉一樣都keep到無味既。。。肉丸除左知佢係丸。。。真係唔知佢咩味。。。呢間野我都唔明點解可以生存到咁耐。。。？…Read More