73
1
0
1-min walk from Exit E1, Hong Kong MTR Station continue reading
All Branches (6)
Telephone
24799377
Opening Hours
Today
10:00 - 20:00
Mon - Sun
10:00 - 20:00
Payment Methods
Cash
Review (80)
Level4 2019-11-01
142 views
我其實唔係好好甜點,但唯獨喜歡食蛋糕,而且係冇乜cream但又要好軟熟,唔太甜嘅果種蛋糕。今日心血來潮,突然想食啲甜嘅令自己開心下,但又唔想幫襯果啲會俾人裝修嘅西餅店,所以上網搵左呢間戚風蛋糕專門店。見到佢啲蛋糕個個都好靚,獨立一個個玻璃罩罩住,令我諗起美女與野獸果朵玫瑰花,而最重要係唔會有厚厚嘅cream喺面,所以買左幾個返屋企食。佢個packing好用心,因為佢會喺蛋糕底癡膠紙,令佢哋唔會走位。首先我揀左「盛莓藍蝶」,佢係以紅莓桑莓藍莓士多啤梨為主,蛋糕本身都有淡淡野莓香甜。切開中間先會有cream,但啲cream唔會好重奶油,唔會好膩。然後就係「日本柚子」,柚子嘅香味充斥着整個蛋糕, 因為蛋糕有少少柚子肉,清甜之餘帶點酸味,令你個感覺唔會好膩。最後就係「三色和茶」,我自己本身唔太喜歡抹茶,因為我覺得抹茶太苦。但點解我會揀呢一個蛋糕?因為我覺得佢搵埋三隻顏色好靚,同埋咁樣做應該比較考功夫。而當我食第一啖嘅時候,面頭嘅嗰一層抹茶竟然冇令我卻步,因為佢呢個係偏甜嘅抹茶cream,而因為佢係以茶為主,所以呢一個蛋糕比之前兩個會比較清。三個蛋糕都好好食,最主要係因為佢個蛋糕整到好軟熟,而且唔會太甜。真係一試愛上,我會開始洗男朋友腦,叫佢生日再買俾我。因為佢呢度都有生日蛋糕可以訂,而且價錢其實同坊間嘅西餅店差唔多,但質素絕對差好遠。食完三件蛋糕,當然唔係就咁就完啦!因為其實我仲另外買咗兩個Bavarois。其實我原本唔知佢係咩嚟,以為只係普通啫喱類嘅甜品。其實佢係面頭係水果果凍,底下就係一啲慕絲,但係實淨啲。首先我揀咗個「檸檬芝士」,呢一個味道以酸為主,但呢一種酸中帶甜唔係唔會令你皺眉頭,反而係食完一啖好想食第二啖。而佢嘅芝士味道唔會太濃已蓋過檸檬本身嘅清新,所以都係好Fresh嘅感覺。另一個我就揀咗「日本白桃」,一切開已經好香蜜桃味,整個都係好清甜,好好味。 continue reading
(The above review is the personal opinion of a user which does not represent OpenRice's point of view.)
Level4 2019-09-16
848 views
完成左個大Project,同事們決定鬆一鬆,tea time食件cake開心吓~ 其中一位甜品達人就提議不如試吓La Famille既戚風蛋糕,皆因佢外型好可愛又的骰,做下午茶一流咁話~我地買左幾隻味一齊分享,點知爭崩頭,因為真係好似一口雲朵咁鬆軟,食落好輕盈,連忌廉都好light,一啲都唔膩,一個女仔食大半個都不為過。意式香草奶凍 $54奶凍非常滑溜,蛋糕亦有濃香蛋味,最愛佢既地方係一切落去係會回彈既,空氣感做得非常好。和茶三色 $54和茶三色甜度相對較低,好啱我心意,因我愛食唔係「甜到漏」既輕甜品。上面仲點綴左幾粒紅桑子,酸酸甜甜好開胃。雙重朱古力 $54雙重朱古力蛋糕上有薄片脆脆好好味,夾心既朱古力忌廉冰冰凍凍食落好舒服同好軟滑。朱古力味亦夠濃厚。日本完熟蜜瓜 $60蜜瓜當造香甜多汁,果肉清香撲鼻,不時不食既野真係要好好把握呀~另外仲買左兩個瑪德蓮蛋糕(抹茶及朱古力) $18@蛋糕既口感比戚風實啲啲,有少少鬆散,同樣都係主題味道夠突出而且唔會過油或過甜。整體黎講佢呢度既蛋糕水準高得黎好平均,每隻味都貼題,口味選擇又多,物有所值。 continue reading
(The above review is the personal opinion of a user which does not represent OpenRice's point of view.)
Level4 2019-09-11
354 views
上網睇到La Famille講究食材質素 不添加任何化學香料和色素再配合獨有製作手法来突顯蛋糕的Q潤口感和原材料的美味 就是La Famille戚風蛋糕美味的秘诀 Simple is the Best! 講到錦就要去睇下 人地店背後既理念啦 佢開左好幾間分店 今日我就選擇黎到Ifc mall三樓既分店 都幾容易搵到 店面好光猛 每個戚風蛋糕都用上保濕玻璃罩 呢個設計幾細心同特別 新口味日本完熟蜜瓜🍈($60):表面有幾粒好甜好香既日本蜜瓜 再加試蜜瓜皮做裝飾 就會得知佢係用左網紋哈密瓜 蛋糕口感好濕潤 鬆軟而不膩 最特別係忌廉竟然係送入面 同埋食得到係日本北海道新鮮忌廉既味道呀 感覺清新宇治抹茶椰香🍵🥥($60):兩個花花型既忌廉份外突出 充滿左椰子同埋奶既香味 加試用左京都宇治抹茶既醬鋪左係蛋糕表層 一啖醬一啖蛋糕 濃厚既綠茶味充斥住成個口腔 而椰子味就淡淡尾隨綠茶味而出黎意式香草奶凍🍼🥛($54):用藍莓圍住個奶凍就好似縮細左既生日蛋糕錦 一切開中間奶凍向下流 奶凍香滑重奶味又唔會太甜 藍莓同奶凍既甜 相付相乘 缺一不可 整體甜而不膩 值得一試英國🇬🇧伯爵茶☕️($54):上面放左粒馬卡龍最吸引眼睛👀 外脆內軟既口感 十分好味 伯爵茶茶香味濃 食完會淡淡地充滿口腔 愛茶既朋友可以一試最後 士多啤梨巴伐利亞🍮($49):絕對係一件賞心悅目既仙女甜點 佢上層有透明啫喱包裹住花瓣同埋水果 呢個有紅桑子 藍莓 士多啤梨等等既水果 下層就係士多啤梨味既慕絲 口感非常滑溜 士多啤梨味甚濃 又睇得又食得 打卡影相一流總結:-細心既設計的用上玻璃罩將蛋糕保濕-多款口味 外表精美 -材料新鮮 味道一流-性價比同回頭率極高 continue reading
(The above review is the personal opinion of a user which does not represent OpenRice's point of view.)
Level4 2019-09-08
372 views
甜品蛋糕,永遠是最好的生活調劑品。之前都食過LA FAMILIE,迷你份量少忌廉,食完開心又少d罪惡感。假期再到ifc,買d蛋糕同屋企人下午茶,輕鬆下~蛋糕有十多款,都係望住鍾意嘅水果入手。要了皇牌士多啤梨和意式香草奶凍。沒什麼,皆因都是屋企鍾意食的水果啊~新口味的日本完熟蜜瓜,合時節款,也一拼要下。迷你份量,一手掌大。小小一個,可以多吃其他味道。回到家準備了至愛的下午茶碟,想不到碟子的顏色跟蛋糕絕襯啊。真是賞心悅目,所以也拍了很多照~~三款蛋糕設計不同,同樣美美的。皇牌士多啤梨,裡面中心注滿忌廉、綿滑中帶有芝士味; 士多啤梨味海綿蛋糕,則綿綿,不過太過實。士多啤梨兩粒開四,酸酸的。但整體不錯啊。意式香草奶凍,賣相簡單整潔。下刀一切,濃濃奶凍流下,跟海綿糕一拼,口感帶點滋潤。這新口味--日本完熟蜜瓜,提出蛋糕盒時,不小心撞散了忌廉豆豆。蜜瓜粒甜甜可口,底下的海綿蛋糕,也是最香的一款。三款中最喜歡是藍莓那個。也一拼開了曲奇禮盒來吃。一盒有十六塊,共四款口味,每款四件,都是獨立包裝的。有伯爵茶味、榛子咖啡味、朱古力核桃和紫薯味。脆口味濃,即使薄薄,但餡料也足。最喜歡的是伯爵茶味和朱古力核桃。店員提過,曲奇沒加入防腐劑包,所以建議盡快吃。這是7號買的,到期日是同月10號,可食用期有點短。 continue reading
(The above review is the personal opinion of a user which does not represent OpenRice's point of view.)
一直都是La Famille Cake 🎂 忠粉,今次經過IFC 一定要買黎做下午茶。呢間專做戚風蛋糕的餅店,件件迷你的戚風蛋糕被玻璃蓋罩着,彷彿如藝術品般展示人前,令人讚嘆❤️蛋糕強調無添加防腐劑、香精,而且大部份選用食材由日本🇯🇵直送,例如高知縣柚子、北海道忌廉、麵粉等。✈️蛋糕即日食,味道同口感最好,食落鬆軟綿密、唔乾,而且有彈性,雖然細細件,但都有飽腹感隔夜嘅話蛋糕體會乾身少少,但都不至於粗糙,保質用料上盛👍🏽「英國伯爵紅茶」:食落去都好有茶味加埋甜甜既馬卡隆,估唔到可以咁夾,面頭特別加配了少許伯爵口味的忌廉,就好像在喝一杯伯爵茶🍵,味道回甘。蛋糕帶淡淡的伯爵茶香,可中和馬卡龍的甜味☺️「意式香草奶凍」:口感獨特唔會好甜,奶凍食落去即刻溶化,好不錯既體驗,蛋糕鬆軟無比,顏值高又好味,打卡一流📷除左每個戚風都有新鮮忌廉,呢個仲有香草味奶凍,層次豐富,甜而不膩。「法式玫瑰🌹」:戚風蛋糕口感軟綿綿,嘗到淡淡的玫塊味,上面的紅桑子酸酸的,頗開胃,中間的忌廉香甜滑溜。「和茶三色」:是抹茶🍵和焙茶完美組合,不需糾結選那一種茶,造型不錯👍🏽,抹茶醬香濃香滑,蛋糕內的沖繩黑蜜是完美配塔,必定會係「抹茶控」至愛❤️🍵新品「北海道忌廉芝士巴伐利亞」:上層的透明啫喱內藏食用花及水果,如同綻放中的花環,下層是軟滑香甜慕絲蛋糕。用料上盛,食月餅花花好吸引,又食得又影得📷❤️芝士味香濃郁滑。各有特色又精緻既戚風蛋糕🧁必定係La famille 到買,總有一款適合你心水口味😋 continue reading
(The above review is the personal opinion of a user which does not represent OpenRice's point of view.)