143
11
4
2-min walk from Exit A2, Sheung Wan MTR Station continue reading
Telephone
25050555
Opening Hours
Today
11:00 - 21:00
Mon - Sat
11:00 - 21:00
Sun
Closed
Public Holiday
Closed
Payment Methods
Visa Master AlipayHK Alipay Cash Apple Pay
Other Info
Wi-Fi
Alcoholic Drinks
Delivery
10% Service Charge
Spot payment
Review (172)
記起前兩年已經來過La Casa,當時經過鋪頭小小的,不 太顯眼, 但是當嚐過 店主手製的pasta後就念念不忘, 心想總有一日我會再回來。點知一轉眼就已經2年,香港經歷大大小小,店主也將店舖轉型做漢堡包外賣店,從而突破重圍, 肯好 除了漢堡包之外,店主也 留番幾道手製pastor菜式,始終這也是讓我番轉頭的菜啊漢堡包由牛肉、雞肉、魚到素菜也有得選擇, 如果大食D, 套餐可以跟小食/雞翼/芝士薯條/薯角在加汽水飲品。 最重要係店舖仲有出售本地手工啤heroes, 揀樽裝或者揀生啤都得, 任君選擇。既然出到嚟, 當然想一石二鳥,揀個二人套餐可以一嘗漢堡包又可以再嚐呢度嘅手造pasta。 而且二人套餐 已經包曬沙律主菜小食, 轉pasta都只係加20蚊, 包埋soft drinks,已經超夠食。沙律係蘋果雞肉沙律, 羅馬生菜夠新鮮青蘋果夠爽口, 加埋少少巴馬臣芝士, 鹹香得黎勁清新。主菜加錢轉左餐廳主打的曬冷牛漢堡, 其實真係150 gram安格斯西冷漢堡, 平時食親嘅burger都係將牛肉打成漢堡, 但今次呢個曬冷牛, 店主將安格斯西冷切成薄片, 夾埋 蕃茄生菜青瓜 及特製醬汁, 加埋烘得剛剛好的麵包,牛肉食落肉質柔嫩,肉汁豐盈,整個包配搭得甘香美味又香醇的。黑松露野菌手工闊條麵呢個 闊條麵絕對係推介,那種彈牙的感覺令人一吃難忘,念念不忘它的口感,質地煙韌又重蛋味。 配搭埋黑松露的香氣與及野菌,將簡單嘅材料做得超好味。另外小食揀咗芝士薯條要及香脆雞翼兩樣都係即叫即炸。 香脆雞翼超大隻, 就得外脆內juicy,食得出雞翼入面的肉仍然係雪白滑嫩, 唔會炸得過火。 芝士薯條係粗薯條, 條條炸得金黃, 點埋好似熔岩嘅芝士醬有點石成金的感覺 。soft drink揀咗ginger ale, 細細罐啱啱好la! continue reading
(The above review is the personal opinion of a user which does not represent OpenRice's point of view.)
Level4 2020-08-02
683 views
/La Casa bistro🇭🇰/#sa上環篇 #sa晚餐篇➖➖➖<burger 幾有驚喜😆>▪️▪️▪️呢間舖係文咸東街 之前成日去開呢頭都見過呢間舖🤤佢主打burger 同pasta 想健康唔想咁邪惡都有沙律可以揀最近疫情嚴重 餐廳只做外賣 🥡所以今次就外賣番屋企食🤩係附近番工都可以去~➖➖➖1️⃣Set D 曬冷牛餐 $112 其實佢係150g 安格斯西冷漢堡 有半溶芝士、番茄、西冷牛肉片、生菜加埋醬汁 酸酸地 幾惹味🤤💛但番到屋企啲汁流晒出嚟 有啲狼狽半溶車打芝士足料 充滿咸香~食落又幾邪惡 連埋牛肉片一同食都無蓋過牛味 牛肉肥瘦參半如果怕食得論盡可以試安格斯芝士漢堡嗰個就係漢堡扒🤩🤩~但由於餐廳同屋企都有少少距離番到去個包濕左 堂食應該會好啲😁➖➖➖分數:7.7/10 (外在因素計算在內)➖➖➖2️⃣黑松露野菌手工闊條麵 $88 (單點) 一打開個蓋就聞到松露嘅味🤩而份量都唔少🤤 闊麵口感彈牙食落有少少白汁 唔算好膩 仲有啲菇伴碟唔太咸 如果可以再濃多少少就好➖➖➖分數:7.2/10 ➖➖➖3️⃣香脆薯角 (套餐包)入面好厚薯肉 口感綿密但係要烘番熱先有脆口嘅口感➖➖➖分數: 7.5/10➖➖➖ continue reading
(The above review is the personal opinion of a user which does not represent OpenRice's point of view.)
Level4 2020-08-01
372 views
*Take away - 任何套餐減$10*呢間La Casa Burger & Pasta 除咗pasta 🍝仲主打多款高檔美式burger。『西冷漢堡』係用美國安格斯刨成塊狀,代替平時漢堡的免治牛肉扒,牛味香濃更juicy!餐廳仲引入咗本土得奬手工啤酒Heroes Beer🍻Cheers~漢堡套餐共有A至G共七款,單點$65就食到yummy。嗌set 就跟芝士薯條/薯角/香脆雞翼、汽水。*加$仲可以轉milkshake^不吃肉嘅話可以食「Ser F 大菇媽餐」哈哈。(Set) F̟i̟s̟h̟ B̟u̟r̟g̟e̟r̟ (失魂魚餐) $85-自選配咗2隻脆雞翼+雪碧最中意佢用Ciabatta包!口感微脆煙韌,夾住大塊香口嘅炸魚柳~再加上軟滑 Creamy 嘅牛油果醬、蕃茄、洋蔥和生菜🧅洋蔥嘅微辣都好提味~雞翼即炸熱辣辣,配埋甜辣醬一流~(Set) C̟l̟a̟s̟s̟i̟c̟ C̟h̟e̟e̟s̟e̟ B̟u̟r̟g̟e̟r̟ (不良牛餐)$98 - 自選配咗芝士薯條+可樂漢堡扒juicy~夾埋芝士... perfect!薯條仲配一兜芝士醬,太邪惡啦~~ continue reading
(The above review is the personal opinion of a user which does not represent OpenRice's point of view.)
Level4 2020-07-19
438 views
La Casa Bistro最近推出了Burger & Pasta,以原條西冷切片,製成美味Burger,就這賣點已經吸引。還要在抗疫期間正價有8折,全店以外賣為主,完全可以不用擔心在外吃飯會受感炎,也可以在家享用美味美食。******************************La Casa Bistro位於上環文咸東街之內,從地鐵站而來也非常之方便,可以在疫情期間享用正價8折優惠,當然要前來買份美味漢餐回家食。來到門前,已經有價目表,除了散點,還有不同人數的套餐選擇。看著牆上的餐牌,除了散點漢堡,還可以選上1人套餐,當中包括了小食一份和飲品一份。除了漢堡,還有意粉選擇,有散點也有1人套餐。套餐收費就是意粉配上飲品一份。此外,還有意粉和漢堡包以外的選擇,就是沙律散點或套餐。沙律1人餐是包了小食一份和飲品一份。最後,還可以單點小吃和飲品,部份飲品跟套餐,還要額外加錢才可以享用,還有提供手工啤酒,這是很少漢堡店會供應的飲品,所以套餐選擇也很有彈性,絶對滿足不同人仕的胃口。La Casa Bistro地方不算很大,但有些空間放了些枱讓人安座,但在疫情期間,所有枱都已經收起,所以等候取餐空間都充足。所以食物都是點餐之後才製造,等了大約10分鐘,便食物做好出來,絶對是新鮮出爐美食在眼前。疫情期間只供外賣,所以每人都有一個外賣紙袋,方便食客外賣自取回家。Set D 曬冷牛餐 Show-off Bull (150g) HKD112,用上150g安格斯西冷牛原條切片製成的漢堡,加入了黑椒洋蔥、生菜、蕃茄和芝士,還有醬汁,份量相當多,單是這個賣相都已經很期待。吃上一口,完全不像是在吃漢堡包,而是在吃燒安格斯牛肉片一樣,點椒洋蔥又夠惹味,再配上其他配菜和醬汁,味道十分豐富,也不會搶過安格斯西冷牛的味道。安格斯西冷牛又燒得剛好,肉質腍而不韌,不會過熟,150g安格斯西冷牛肉片份量又十足,確實讓人吃得回味無窮,還有一種感覺,150g不夠吃,想吃夠200g的安格斯西冷牛肉。抗投期間還有8折優惠,這個套餐絶對物超所值。Set B 失魂魚餐 Forgetful Fish HKD85,用上牛油果製成醬,加入生果、洋蔥,蕃茄,配上厚厚的炸魚柳,便成了這個失魂魚餐,絶對是牛油果控人仕之選。魚柳肉厚,吃上口魚魚滿滿,慢慢地吃出牛油果的獨有味道,牛油果醬也是厚厚的,配上其他配菜,增加了口感,愛吃牛油果之人,絶對會愛上這個失魂魚餐。失魂魚漢堡包份量也是大大個,大塊魚肉配上厚厚牛油果醬,再加上折扣優惠,吃得開心又滿足。飲品,不用加錢有熱茶或罐裝汽水,我便選了Nestea 檸檬茶2罐,吃小食都有醬汁供應,包括了泰式甜辣醬和茄醬,方便配上薯角和雞翼而吃。跟餐小吃選擇共有3款,當中包括了芝士薯條、炸薯角和炸雞翼2隻,所以便選上了炸薯角。炸薯角還略帶點芝士,所以有點咸香味,薯角連薯皮,有點脆但薯肉又軟腍,份量一點都不少,確實抵食。小吃炸雞翼跟餐就有2隻,雞翼不算細隻,炸漿都算薄又脆口,雞肉又嫩滑,絶對不會炸得很乾,最重要是看著紙杯,一點都不油膩,配上泰式甜辣醬,更加惹味,確實不錯。 continue reading
(The above review is the personal opinion of a user which does not represent OpenRice's point of view.)
Level4 2020-07-11
374 views
之前曾幫襯過位於文咸東街這間意式小館「La Casa Bistro」,覺得食物幾有水準,加上環境悠閒舒服,所以對餐廳印象唔錯。最近從網上得知,店舖轉型,改為主打高檔西式漢堡,兩口子向來都是漢堡粉絲,趁這天要來舊屋打掃,就順便過嚟試下。沒來一排,餐廳裝潢果然唔同曬,店面採用工業風設計,而用餐區就全部換上了較慳位的高腳檯櫈,加上牆上的全新粉色 Logo,明亮而有活力,令人耳目一新。   餐廳採自助形式,客人要先去收銀處下單,然後取票等叫號碼領取食物。先睇下餐牌,單係漢堡餐就已經有成 7 款咁多,另外亦手工意粉套餐、沙律、小食、飲品同手工啤酒等供應。老公愛吃牛,第一時間揀咗個曬冷牛餐,即安格斯西冷漢堡,而我就睇中咗失魂魚餐,即炸魚牛油果醬漢堡。每個套餐都包一款小食同飲品,小食有香脆雞翼、芝士薯條同香脆薯角可供選擇。先吃曬冷牛餐 ($112),個安格斯西冷漢堡果然好足料,整個包的外形雖然唔算好高身,但用料絕不手軟,餡料一層疊一層,未食已經感受到佢嘅份量。麵包有烘過,質地既鬆軟又富牛油香,不錯。漢堡內夾滿了刨成塊狀的美國安格斯、半溶芝士、蕃茄、洋蔥和生菜等。西冷肥瘦比例適中,肉味濃郁又有嚼頭,食落滿口肉汁,配合醬汁吃,更添惹味。至於失魂魚餐 ($85)  嘅炸魚牛油果醬漢堡,味道亦好有驚喜,「魚柳包」以 Ciabatta 包夾住原塊炸魚,再加上軟滑 Creamy 嘅牛油果醬、蕃茄和生菜等。炸魚質素唔錯,薄脆香口,完全無雪藏味。微脆煙韌的 Ciabatta 麵包,比芝麻包好味,放入原塊炸魚,Size 剛好,配上滑嘟嘟的牛油果醬,滋味與別不同。小食我哋揀咗芝士薯條同香脆雞翼,薯條好粗身,雖然唔算很脆口,但蘸點芝士醬吃,亦頗美味。雞翼外皮炸至脆卜卜,肉質嫩滑多汁,不乾不嚡,沾少許甜辣醬吃,味道夾配。聽說店裡的手工意粉亦做得很不錯,下次經過會再嚟試下。 continue reading
(The above review is the personal opinion of a user which does not represent OpenRice's point of view.)