L Place Cafe (Closed)

放假係屋企附近搵野食, 留意到呢間西餐都開左一段時間, 一直想試下今次終於真係黎左紅日假期放晚8點都FULL既, 都係門口等左5分鐘, 咁旺場心裡面有少少期待食到好野。餐廳裡裡外外都好SELL澳洲M8和牛, 但係自己單拖諗住經濟D, 叫左個意粉, 加$28小食揀左炸蠔同台式黑椒腸。餐湯好快上左, 有D驚訝餐包係迷你牛角包, 其實聞到好香之但係我唔食牛角包既...可惜...蕃茄忌廉湯都OK, 夠熱, 甜酸度適中。跟住黎左兩款小食炸蠔同台式黑椒腸, 係完全無賣相可言既XD 不過嗌得呢兩樣都唔預有咩特別, 結果都係安全無出事既。出事既竟然係個意粉, 其實都係特登揀個安全D既選擇, 始終第一次黎, 賣相幾好架, 點知面頭卷PARMAHAM刨得比較厚, 好UN, 絕對係需要用刀叉切開先食到, 偏偏佢係碟意粉裡面成件事變左有D難處理, 如果可以再薄D既話呢舊HAM都唔係差既。最大問題係D意粉度, 師傅較味無問題, 不過其實係深水步區食意粉我唔會預期似鬼佬食法意粉可以偏硬, 呢碟意粉比我預期較硬未夠熟透, 再加上偏油同好乾, 食左兩淡就開始有D頂胃...飲埋杯凍MOCHA都幾正常, 但係呢間鋪入面電

深水埗一向都係多平價高質的餐廳，今次就帶朋友來到食西餐廳 =)星期三係佛誕放假，今日就同朋友來個Happy Tuesday啦! 7點半左右到餐廳已經滿左9成，位其實唔算少，只係太多人鍾意食這間 XD因為今日係星期二，所以可以叫特價扒餐食 (平左$20架!)，我地叫左個澳洲M8和牛拼煎三文魚扒餐套餐本身配是日餐湯和餐包，今日係羅宋湯，味道濃郁香滑。牛角包也十分鬆軟牛扒是100g，我們點了7成熟，煎得剛好很輕鬆就能切開，中間的肉是很漂亮的粉紅色三文魚扒是先炸後煎，同樣火喉控制得好，三文魚扒外脆內嫩滑最驚喜係有配一個特色薯蓉，上層是一片片的薯仔，下層是混合了洋蔥、香草、蕃茄等的薯蓉另一道主菜點了香辣魚柳炒扁意粉，很香口的一道菜同比相象中辣好多 XD用左好多的羅勒爆香炒，所以成碟意粉未食都聞到超香，鍾意辣的好推薦點這道菜 朋友點的花茶，佛羅里達洲混合水果茶我點的菠蘿雪椰，好香的椰香味道今次第二次黎啦，真係會食過返尋味，佢的西餐唔係茶餐廳那種(水煮意粉加個汁就扮西餐那種，你們懂的....)，真係用心去整的，所以咁多人幫襯，另外煩忙時間時會拼座，所以要傾計談心就可能要選再後Ｄ的時間，印象中9點後好

途經深水埗，一個樹立各種平價美食嘅地區！見到呢個門口裝修得唔錯嘅西餐廳，於是好奇之下今晚就決定入去食南瓜湯好清淡嘅質感，飲得出應該無加任何麵粉/調味劑！好一個無加工嘅原味食材。什扒餐有牛扒，半隻小燒春雞。。。配薯菜，份量都算大碟，夠熱。。牛扒黎講，如果喜愛食有口感嘅牛扒，呢度真係啱你。當中有一半係有牛筋嘅口感，雖然喺西餐中較少見用呢一個部分作為食材，亦都好難𡁻得爛！但唔講唔知，牛筋含有豐富膠原，我期望食完呢一條筋位皮膚可以越來越靚🤤到燒春雞，感覺上份量好似無半隻，喺巧妙嘅刀功之下，打直切成望落係半隻，但份量係4分一隻。當然如果可以在多啲就好了，不過雞嘅味道尚算可以。

餐湯係洋蔥湯！洋蔥煮到好林好甜！第一次飲！都幾好飲啊！餐包係牛角包啊!超正啊！個牛角包勁鬆脆啊！一叫落去就有勁香既牛油味！仲要熱辣辣好正！又唔會太油！叫左個巴拿馬火腿沙律！有勁多火腿啊！正啊！火腿每片都好香！個種咸咸地同個沙律好夾啊！正啊！本身好想食牛扒啊！但見到個三文魚扒好正咁！果然係好食！個魚皮煎得勁香勁脆！個魚肉夠味！好食！仲有個青芥末醬好正！個醬唔會太辣！同個魚好夾啊！最後飲番杯水果茶！勁香!勁好聞！味道都唔錯！下次要飲埋啤先得！

前晚趁假期約咗個好耐無見既朋友見面 當然唔少得食返餐好☺️ 朋友同我行完深水埗既西九龍中心同玩具街 就話想就食下哩間😗餐牌睇落款款都幾吸引 同埋幾多選擇💕跟餐會有餐包同湯配 兩樣味道合理 餐包係牛角包🐮 見侍應係烤爐拎出黎 夠哂熱辣辣同脆👍🏻 餐湯都幾濃味 比預期中出色💥我簡咗食 明太子鮮蝦忌廉扁意粉($88) 餐廳可以免費轉天使麵或者長通粉💁🏻 而我就簡咗我平日比較少食既天使麵🍜🍜 賣相算係幾吸引 鋪滿左平日食章魚小丸子上面既木魚 碟邊同入面都有明太子粒 份量唔孤寒🤓 入面有粟米粒青椒粒紅椒粒🌶 食落夠晒健康 又唔會因為濃濃既忌廉汁感到好滯 而天使麵份量都幾多 配埋足夠既料 食完成食餐只有滿足兩個字😋 入面有幾隻鮮蝦 唔算細隻 食得出幾爽口同新鮮🤔 我覺得算係水準以上❤️不得不提 套餐加28蚊可以簡兩款小食 有多種小食選擇 我就簡咗單骨雞翼同黑椒台灣腸🐥單骨雞翼有兩隻 單骨即只有一條雞骨 食落十分方便 味道亦做得十分出色 外面炸粉薄脆 雞肉嫰滑同連鎖炸雞店既雞翼味好接近🤤🤤我地仲嗌咗黑椒台灣腸兩條 係一般餐廳很少會提供 但我每次去台灣夜市絕對係必食✌🏻 哩度既味道正常 夠哂熱 黑椒味夠重

福榮街果頭最多茶餐廳、米缐、小炒小店。因為平時常光顧以上餐廳都覺得有些悶。在一條五光十色街道下找到一間小店西式cafe，就是它呀！眾𥚃尋他😋可能是happy Friday,18:45已經滿是人。相對於價格而然，88-200元內有一款西餐set 晚餐是好抵，而且款式又多，實有款你們鍾意😘個set 包牛角包、是日靚湯和20元以下野飲（加15元可轉一壼花茶），但我驚晩上瞓不著都係無轉。朋友揀咗加拿大斧頭牛仔架（set 138元），真的是好大塊，有成塊面甘大塊，因為朋友仔要食全熟但一d 都不韌仲入味,伴碟有薯條及其他野菜，所以一定必飽肚😛我就食鮮蘆筍蟹肉忌廉扁意粉餐（88元），汁多左小小，但個味同意粉軟硬度剛好呀，食完都飽曬，睇怕我減肥大計要延遲。

福榮街，又稱玩具街，整條街都是批發玩具或毛公仔精品，不論大朋友抑或是小朋友都十分喜愛到這邊逛逛，尋一尋寶，我到這條街大多是為了工作，今次目的是購買復活節活動所需的禮物，跟同事從下午一逛便逛到六時多 (女人的購物力真的不能少看😥 ) 正開始尋找晚飯的落腳地，卻被這耀眼得發光的燈牌吸引著，在門外看看餐牌是街坊價的西餐，待應熱情地招呼我們，後來才發現這裏很旺場，每枱客早已訂座，要不是早來一定撲個空💨店鋪內有不少的裝飾，而且寧靜悠閒的環境，與外面熱鬧的玩具街形成強烈的對比，木盒既作擺設亦可供客人放袋或隨身物品，十分方便👍由於坐在高檯，只有一張小圓檯單是放食物只是勉強地放得哂，而餐廳巧妙地利用牆邊的空間放了餐具，紙巾，牙籤，就不用佔圓檯的位置🔳餐廳還準備了收納箱方便像我們一袋二袋的客人我入來時已被「本店使用頂級M8和牛」吸引著，決定要試這期間限定晚市M8和牛系列 - A餐的澳洲M8和牛伴焗芝士薯餅😋落完單，員工隨即端上餐湯及餐包，餐包是外面很少提供的牛角包，牛角包是我的最愛，多層口感又充滿牛油香很好吃喔，食完不久，我的和牛都上枱啦，嘩❗成個餐擺盤很美，有花心思💕新鮮的沙律菜加入黑醋，用上火

自問對服務有點要求，但不至過份，今天上了一課，倒引以為戒店子裝修華麗，一派英式old days style，想當然不惜工本花了裝修費一入店鋪，沒招呼不打緊，跟朋友安坐了一角，想搵tea set餐牌惡主人見到但扮見唔到的模樣，其實你在忙不打緊，我安坐慢慢等你也不需要一副趕客模樣，將個餐牌掟落張抬，頭也不回瀟洒走一回說真的我以為你是什麼勞什子大明星，角色錯配了另一個姐姐仔waitress 好像sense到氣場不對，急急腳過來點餐怒氣稍消，迎來兩個set說真的，食物不差，薯條即炸，Burger略嫌size少一點，但價錢合理

貓貓今日巧開心呀。又食扒啦！餐廳氣氛好靚，入到去就覺得好舒服，咖啡廳的味道，但可以食西餐，而且價錢好平。貓貓好肚餓，order左個鐵板海陸空。加左個日本秋田米飯。上菜時間好快，飲完個湯同食左又鬆又脆好好味既牛角包之後，扒就準備好了。燒春雞煎得有水份，皮脆肉香滑。淋上一層黑椒汁，炸炸聲，好香呀。牛肉質感好滑，同貓貓既日本飯一齊食，飯香同牛肉真係食到貓貓濕左個嘴。蝦係天婦羅炸蝦，正正子。貓貓不斷食，不斷送秋田飯，因為秋田飯飯香真係非一般咁香。真係好靚的珍珠米。太極朱古力真係太極，兩個顏色，朱古力味道勁濃。夏天飲個感覺好fresh。雖然朱古力好邪惡，但唔理咁多啦，飲左先算，飲下好西獎勵下貓貓都好。

行完高登，都係時候醫下個肚先啦。行左一陣仲未諗到食咩好，於是就入左間深水埗較少食到既cafe'.由於超肚餓，二話不說就叫左個套餐。先黎個餐湯，係忌廉青豆湯，青豆蓉落足料，豆味濃郁，加上用左忌廉黎煮，口感夠晒滑而且清新添。主菜黎啦，加拿大戰斧牛仔架超大塊，差不多成塊面咁大，未食已經聞到蒜蓉汁既香噴噴。牛扒七成熟，用鐵板上就更能保持溫度，切開就見到肉汁係晒裡面。食落口係勁juicy，肉質嫩生熟度剛剛好，由於係穀飼牛關係，所以牛味夠晒濃。配菜有一大串炸薯片，由薯仔片原隻炸所以薯味重，口感脆口，令我胃口更大。其他配菜如粟米及蕃茄夠晒清新，食後令腸胃清爽。

深水埗既黃金商場非常出明，一想買電腦或者電話配件，第一時間就會諗起深水埗，今日就係去深水埗買電腦配件，買完後就去左一䦗cafe 食晚飯！海陸空扒餐呢個扒餐加入左不同原素，有炸蝦、牛肩胛扒同燒春雞，所以稱之為海陸空。 跟餐可自選醬汁，有蒜蓉汁同黑椒汁㨂，我比較鐘意黑椒味，必選黑椒汁，牛柳扒大大塊，牛味濃，燒春雞香滑，雞脾位又多肉又滑，好鍾意個脂肪含量唔叫高。炸蝦又香脆，又爽口，蝦肉夠滑，非常正青豆湯好蓉，飮得出用新鮮材料打出黎，好濃青豆味，纖維量非常高，又好滑，除左份口感都富有營養價值，配埋個牛角麵包，入口非常脆，冇得輸啦。朱古力去cafe 一定要飲番杯朱古力，浄係個拉花都值回票價，朱古力味又濃，又香滑，正！

深水埗真係有好多有特色既小店，呢間係我其中一間會再encore既。雖然晚餐選擇唔多，但樣樣都幾好味，d野食名仲幾有心思，一睇就知有咩係入面。跟餐既餐湯同包一d都唔Hea。今日係濃郁既南瓜湯同暖暖既牛角🐮包，我之前去既cafe餐包多數都係普通餐包仔，呢度竟然係牛角包，仲要暖暖既，好驚喜丫😆。明太子鮮蝦忌廉扁意粉有好香既明太子味，令人回味。雙重芝士鮮茄焗美國黑豚豬扒真係有好多cheese，仲有d拉絲效果，鮮茄同豬排份量都幾多，差d食唔哂。再黎杯水果茶，暖暖身，消消滯，好滿足丫😇。

今日又係令人期待既Happy Friday🎉，放工後當然搵節目hea下開心下😜。最後決定約係深水埗做野既中同黎呢間cafe食個飯，然後去鴨寮街買玩具🔌🔧🔋😝。呢間餐廳雖然不太大，但環境舒適寧靜，好岩傾計，算係一間幾有氣氛既cafe。我地每人叫左個餐同小食。首先黎既係餐湯同牛角包。由於太肚餓，唔記得比相機食先😂。再黎既係水果茶。前者係土耳其蘋果混合水果茶，後者係佛羅里達州混合水果茶。套杯好靚，唔知係邊度可以買呢?再黎既係追加小食好快主菜都到了呢度效率幾高，野食黎得快，碟亦收得快🏃。我地食飽hea飽，就立即去下一站——買玩具。

街坊價，性價比高的西餐廳去到已看見坐滿了人，好彩有訂位!餐湯：味道非常濃郁香甜，完全無加左粉果種糊口，真材實料，而且食到許多茸，有咬口!餐包:牛角包比餐包更香更鬆脆香軟個人喜愛牛角包!羊扒：由於妹子唔食牛，所以點左份羊扒!不得不讚佢既上菜速度!超快對於岩岩放工，肚餓既我即時加分!而且有豐富既配菜，有薯格，菜類都有多種：蘿蔔，包心菜仔（好少餐廳用呢款菜，通常係外國或者大型超市先見到!）叫左五成熟，岩岩好!肉質香，重點係唔so!怕羊既so味既人不防試試!松露海鮮野菌意大利飯：意大利飯好熱哄哄，一上菜，已經聞到濃郁既松露香味，而且你可以從相中見到松露片佈每粒飯!而且有好多菇!份量好多，毫不吝嗇!意大利飯質感有點咬口，唔會稔晒。重點係唔覺得膩!兩人食份量岩岩好，唔會話太包太滯!

經常係依頭出沒既我，當然唔會錯過唔同既餐廳，而最新，依區都開始新興左cafe潮流，睇黎cafe已經成為左港人既一部份。相比係其他區，cafe黎講依間真係細好多，不過難得依區開左西餐廳，就緊係要探一探究竟，睇下回頭率高唔高。餐牌圖文並茂，選擇多元化但種類唔多，不過以依個價位黎講算係唔錯～仲有是日推介既新菜式，一於同友人一人點一個再大家開心share～海膽龍蝦汁意大利飯，朋友點既意大利飯，口感偏腍，適合香港人胃口，海膽既份量唔算話好多，不過聞起黎有少少腥腥地 ，但食落去又唔覺。洋蔥煙肉蘑菇忌廉扁意粉，忌廉汁濃稠而且帶有洋蔥香味，少食洋蔥既我都覺得好香口，而且扁意粉彈牙有感口，煙肉蘑菇份量平均，整體黎講高於預期，看似普通但好有驚喜既意粉～熱檸水，杯碟餐具好有心思，碎花款式充滿少女味，飲起上黎都精神啲～係依個小小市區黎講，做得起確實唔易，而且深水埗區都係時候引入多啲新形餐廳，唔再局限於車仔麵、街邊檔等等，呢間對我黎講直得回頭～