Video
13-min walk from Exit A, Tai Wo Hau MTR Station
continue reading
Telephone
24164087
Opening Hours
Today
06:00 - 18:00
Mon - Sun
06:00 - 18:00
Above information is for reference only. Please check details with the restaurant.
Recommended Dishes
Review (42)
噚日（18-5-2025 Sun）同老公晏咗落樓買餸，都先食嘢，都已經開始供應午餐，去邊喥食？老公話呢間。我哋入到去都好full，坐到最入廚房出餐處嘅卡枱，坐低後未睇menu，亞姐又即問食咩嘢。我哋都未睇menu，點知呢？就同佢講一陣先。睇完menu，我決定要$40.00嘅精選午餐，厚牛油多士配火腿煎蛋，揀雪菜肉絲米，要熱檸水。老公要$49.00嘅咖哩汁撈三寶一丁（叉燒，紅腸，腸仔），加$3.00飲凍檸水。落完單，兩杯飲品到嚟係必然，然後都等咗一陣，我嘅雪菜肉絲米到嚟，份量正常，口感同味道都正常，湯底好味。然後厚牛油蛋士配火腿煎蛋到嚟，煎蛋脆邊但全熟，火腿薄片，厚牛油多士正常冇問題。老公嘅咖哩汁撈三寶一丁（叉燒，紅腸，腸仔）終於到嚟，睇見咖哩汁顏色好核突，叉燒唔係我哋平時食到嗰個樣，老公撈埋嚟食時，我嗅到好香，我都試一啲叉燒嚟食，就係普通瘦叉燒。我杯熱檸水就留到最後飲，冇澀味，正。味道係3.7分題外話：食完嘢後我至發覺呢喥竟然有過橋米線，同部隊鍋，真係要出多啲嘢食吸客。上次食評係2024年9月9日刊登嘅呢篇：https://www.openrice.com/zh/hongkong/review/%E5%A5%BD%E5%91%B3%E5%96%8E-e5667153
continue reading
好耐冇去石圍角食嘢， 諗住懷念一番。 記得廣發啲嘢食都幾好， 諗住嗌過午餐，外賣返屋企食。 原來而家午餐只係得三款選擇，其他炒粉麵飯都冇做。 都冇所謂啦， 叫咗個西式午餐， 叫俄羅斯牛肉飯， 加一杯凍飲。 打開睇落到幾靚，但係一食就大件事。 原來係用辣醬嚟煮，唔係一般一辣，係超辣， 冇可能食到。 其實建議可以寫清楚係超辣，客人就有預期， 不會浪費食物。 餐廳好似好少左好多人幫襯。知道老闆好好人，好親切。唔知佢有冇留意食物的味道係如此極端呢？
continue reading
一個月最少食一次，本人比較單一，鐘情於特餐，多數叫雞扒或者豬扒米粉+厚多士+菠菜炒蛋+熱奶茶，仲有牛扒選擇，粉面可轉，仲係$44，已經係非常實惠，常說的味道就係這種裝修環境+熟悉的員工+食物的味道結合而成，希望可以一直保存下去。不變的還有咁多年都係收6點，唔做晚市😮💨夜晚想食個米線或者飯都無🤷🏼♀️
continue reading
係荃灣上急救堂幾日，係石圍角邨附近都係茶餐廳，無咩好食。就入左呢間，人流係幾旺。平日午市12點，都幾多客。座位都幾乾淨企理。價錢都係$40~起。有快餐、有米線。+$6有紅豆冰特飲，杯鴛鴦紅豆冰唔錯。野飲幾特別。跟餐係平好多。咖哩牛腩牛筋飯。牛肉有些鞋，癡牙。+$15小食，有鴨腎，豬耳，呢個價錢抵食啊！味道唔錯~~份量都算多。個米線都大碗，有好多芽菜係底，呢種腩肉係譚仔個種，唔係我鍾意個款紅橙色醃炒左既。豬耳爽口，有韭菜係足料。食左兩日，無得揀就食呢間。常餐三十幾蚊，算係咁啦。小食唔錯，可以試下。牛腩飯賣相麻麻。米線大大碗。
continue reading
食物具傳統港式風味,如午餐的㗎喱牛扒是炸牛扒2塊加買返黎既㗎喱汁(非最cheap果隻);少飯減一元,但也有一碗飯量;奶茶是港式奶茶的温度和味道!超出$37元午餐的美味和情懷。優質有禮服務更是此店令我最欣賞的部分,如念出是日午餐選擇,上單時特意告訴您減去一元的少飯費;街坊的尋常面貌和談話,自身有莫名的親切感,有種希望溶入當中的感覺。環境就是舊派沒返新的格局,但在門口也有手掌量體温的設施,掌櫃也不容體温高於上限人仕進入;在我的卡位牆上有張2014年的2篇飲食健康剪報,有意義又可愛。經過路過,應去一試。
continue reading