黑福多拉麵 (Closed)

環境ok，服務ok，但食物就完全不行。湯底過鹹，味道更似出前一丁的湯底。只吃一口就已經要飲水中和。連湯底都做不好，其餘麵碼、麵質什麼的都沒什麼好說的，放入口只有鹹味。另外點了一客煎餃，與某超市凍櫃內的急凍餃子完全無分別。無味道、無內涵。

話說我踏進屯門的那一刻，我就知道，吃什麼不是我選擇的。因為我朋友自把自為幫我揸左主意，話有好介紹叫我嚟呢度食拉麵，係, 我係講過一句話我想食拉麵，但我心裡面係諗住試啲特式少少嘅~ 而我個人都有少少信openrice班大大，話說呢度無幾多個like jar wo! 啲店員又叫極都唔多應機，佢地唔知係唔係唔太想做，不過不做還需做，最後我點左個赤吉自家製拉麵，我話俾大家知，個叉燒係得一件，已經索價$62啲拉麵好淋，而且都唔係好掛湯，個溏心蛋唔溏心，又無乜醬油浸過，唉~ 好鬼普通! 

中午在屯門市廣場覓食不難，很多食店都空著座位等你進去，而且相對起晚餐高昂的消費，午餐顯得相當經濟實惠！被新推出的抹茶火鍋所吸引，是日選了黑福多溫泉蛋牛肉定食，分量很足，把溫泉蛋和肥牛片伴著飯，口感豐富，味道也不錯，$58配了湯和飲料，也能接受。其實食完這個飯已經是10成飽了，但一心要來嘗抹茶火鍋，當然再飽也要吃啊！成品跟照片一樣,對版!水果（strawberry and kiwi）略酸，棉花糖跟抹茶真的很配啊！！！甜甜的brownie遇上甜甜的抹茶，double甜double滿足！最美味的還是湯丸，煙煙韌韌的丸仔泡在抹茶溫泉了,泡熱了再放入口中,滿口的抹茶香甜，足以讓你encore.下次還來嗎？！來！為了抹茶火鍋：）

黑福多在它初初開業時候去過1次 ，當時覺得它的拉麵湯底太咸,自此之後冇去過,黒福多是paaka cafe其下拉麵店,已經在屯門開了4年時間，屯門市廣場有4間拉麵店,4間已經吃過，只有黑福多去完1次冇番轉頭再光顧,昨天午餐時間，決定俾多1次機會，始終冇光顧4年,這間客人流量不太多，對於屯門區居民，始終貴價餐廳，由開業至今不是太多人,相對香港區拉麵店排隊潮,屯門不會出現，我相信冇人專登入來屯門吃拉麵，這間十分易揾位,原來有午市套餐，以前冇套餐，我点了野菜叉燒拉麵(48元) ,飲品要橙味梳打,整體只是一般,個湯只有一半份量，味道依然有些小咸，服務就一般,這裡燈光有些小暗,日間都還可以，應該不會再來食物水準野菜叉燒拉麵，野菜份量都適中，叉燒好細塊,我覺得叉燒有些小鞋拉麵，麵質不算硬,只是一般湯底，仲係有些小咸油份,這個油份量不算多橙味梳打,又幾好飲服務我覺得一般環境地方尚算適中，座位之間不太迫,感覺幾好價錢50-75元,今次點了午市特價套餐，其實可以接受番吃未必再來

猶如快熟麵的麵條，根本想不到是號稱拉麵店的『黑福多拉麵』出品。黑福多拉麵，原來與旁邊『甚麼吉』同屬Pokka Cafe旗下，想不到竟以較低價錢吸引食客，但質素又如此低。湯底只是少許濃，毫無火喉可言，只覺咸味而喝不到甚麼豬骨濃香味。叉燒，圖片又圓又肥瘦均勻，但現實卻是瘦瘦幾片，肥的部分完全沒見，跟日式拉麵店那種紮起豬肉做叉燒背道而馳。又瘦又乾，沒啥香味可言，像媽媽煲湯不會吃那種豬肉切片而已。麵條是幼的那種，但說起就像小時候到美食廣場吃大大鍋日式麵那種『快熟麵條』而已，可能自家製759拉麵更美味、上湯能力更佳。吉列豬扒反倒較佳，可能由於旁邊店子甚麼吉是吉列專門店吧。外皮鬆化而不厚實，豬扒有汁不乾。畢竟以拉麵店打旗號，拉麵質素也太差了吧，不用粗麵，也應該用幼的拉麵，此種拉麵，我覺得出現在８番拉麵可以接受。用masterchef的 comment，應該會說pretty pedestrian吧。加一後索價逾$80，質素卻是近來吃過最差。

個日整係帶$100既我同我個朋友去左屯門玩，之後肚餓得滯就去左個麵包店買麵包，買左個芝士煙肉麵包，好食都震😚然後覺得屯門啲野食應該幾好質素。因為仍然肚餓，於是去食正餐，咁麵包店格離就係呢間麵店嘞。不過一開始無諗住食呢間，但我個朋友不斷話想試下，所以就唯有應佢要求囉。見到門口個菜牌啲拉麵好似好正咁，覺得，嗯～應該幾正。入到去，店員問我地幾位，然後見得得我地兩個人，就比我地坐邊邊角落靠牆位，張枱細細地，前後一個位咁囉，我坐既後方係一條走廊，啲店員會係入邊拿杯碟，或者放污糟既碗碟入去。當時其實仲有其他位，不過可能覺得我地人少，再加上兩個細路女、年紀唔大，應該唔會投數，所以就安排我地坐呢種位。我個朋友一開始唔多鍾意，講笑咁抱怨，不過個時諗食物好味咪得囉，就由佢嘞。點知好興奮咁打開份菜單既時候，個心當堂dum左聲，一份拉麵竟然要$70幾(無記錯既話)，個時整係帶左$100而且仲要食左$9幾既我，真係成個人落地獄。可能會有人話食拉麵就係咁貴架啦，不過對小家性格既我黎講唔值囉。原本，諗住走人架，不過當我地想企起身個刻，有個店員遞左兩杯熱水比我地，好有善咁問想食乜，仲要有經理介紹店裡面有咩拉麵好食，仲

這個月收心養性, 多了時間安在家中, 無非都是為新計劃準備。放工回家前肚餓已嗚嗚作響, 但最後還是選擇回屯門看看最近有什麼食肆。由華都新都一路行到市廣場二期, 竟無一間令我有想闖進試試的衝動。最後輾轉起伏一輪, 選擇了這家在元氣壽司再入的陰暗角落裡, 這家拉麵店。早知在港拉麵風已到尾聲, 漸漸有人覺得近百元一碗的日本拉麵根本不值。有些更是以精油代實料, 魚目混珠的索價。這裡晚飯, 基本都是百元基本, 拉麵套餐加小食加飲品, HK$88, 還有加一。點了他們的赤吉辣肉碎豚肉拉麵。湯底用上豬骨, 雞骨熬製, 加上沖繩辣肉碎為基礎。餐牌說是有三種辣度, 但他沒有問, 我亦不記得講。拉麵中度大小, 呈方形, 烹過後有點半透明的色。不算太彈, 有少少咬口, 似味千的拉麵質料。配料本來只有兩片叉燒, 木耳絲, 筍條, 蔥花。自己另加HK$6要了半流心蛋。流心蛋狀態還好, 但是已有點過熟。叉燒質感略鞋, 也沒多大肉香。木耳爽口, 筍也一樣, 但是沒有了從前濃味的筍香。套餐連帶一個六選一的小食, 選了這個煎牛舌絲。餐廳將牛舌切到好似炸菜肉末一樣, 煎得乾。味道只能用一個字概括 – “鹹”！老實說, H

新開張時曾試吃，味道不錯但價錢偏高，感覺性價比不高，本來打算試一次便算。今日下午五時後經過，發現剛好趕及叫下午茶套餐，於是再次挑戰。套餐包括拉麵、小食和飲品，加一後$65。炒牛脷入味，拉麵份量及配菜足夠，惟一問題是叉燒一夾即散。憑收據下次光顧有優惠，總括來說是個不錯選擇。

忽然間好想食拉麵, 所以來到這裏試試! 先來一客煎牛脷, 我最愛牛脷, 所以一看見在餐牌內, 就要食它!!! 這店用鮮冬菇絲和牛脷絲一起用燒汁炒, 味道尚可, 但這絕對不是我所期望的。因為牛脷絲給不到我想要的口感!  有點兒失望! 紫菜海鮮煎餅就比較差勁, 海鲜就得幾隻超細蝦仁, 其餘的只係韮菜, 蔥, 和紅蘿蔔絲。$50幾蚊一D都唔值!!! 味道亦一般麻麻, 勝在口感夠脆。 非常後悔order咗這個!!!拉麵就非常好味, 湯底有濃郁的豬骨味, 拉麵爽口。 叉燒是厚切的, 所以豬肉味濃, 肉感嫰滑。炆腩肉也很入味, 肉質入口即溶。吉烈豬扒也是厚切的, 內有肉汁, 外皮鬆脆, 一點也不油。讚!!  總括來説, 小食麻麻, 但拉麵ok!!!

又有閒日假期睇完早場,本想到丼吉食吉列豬,但最後母親大人想吃拉麵,故去了在旁的拉麵店!午餐約有10多款,星期一至五下午2時前埋單9折!母親選的叉燒豬軟骨拉麵餐$78有飲品及可選一款小食,選了凍咖啡及燒牛脷凍咖啡好夠濃,質素幾好!拉麵,本人試了些拉麵,麵質算結實,煮得不過淋,是本人喜歡的硬度,豬骨湯底一般,餸不多沒有試,但母親說不錯!牛脷 8/10~一串有3粒,入口真係要嘩一聲,好好味,入口質感軟淋,感覺肥美,咬下牛脷獨有的酥香在口內散發!$32 豕肉餃子 6/10 ~ 最先上桌,感覺不夠熱,表面看到好像煎香了,實際上是只有煎了那面有色沒有香,另一邊濕濕淋淋的,餡料有菜有肉,味道不錯,只是皮太淋!壽司定食$78,包一杯可樂或雪碧,整體只值4分,麵鼓湯過咸,自命咸蟲的我也飲不下,十件壽司無一可取,爭先的三文魚壽司一定比它好,全部沒鮮味,飯粒有點散,調味亦不均勻,沒甚醋味!只可算是有飽肚之功能!拉麵店食壽司只怪自己真是飯桶一名!埋單$188

 黑福多拉麵坐得舒服，最重要是不多自遊行一路嘈一路食。叫左吉列豬扒博多豬骨湯底拉麵。吉列豬扒好香口，豬骨湯夠濃夠熱。不錯……拉麵好彈牙，份量好夠。除了拉麵，其實小食都ok~叫多個照燒雞翼。雞翼夠熱好入味。好好味……叫多個火炙三文魚炸蝦卷，即叫即做，三文魚好鮮，入口即溶解，熱辣辣，炸蝦好脆~正個服務員好好人，見我一個人，同我傾左2句……好開心。 

晚餐突然想食拉麫，睇住商場個水牌見到呢間黑褔多，唔睇牌都唔知道有，仲要睇商場地圖先揾到7點去到唔洗等位，同bf一人一碗，bf食嗰個吉列豬幾好食，唔係好油，我個叉燒好細塊又薄，豬軟骨都好細好少，湯普通，味一般，不過唔洗等位，所以都ok嘅

今日同同事一齊食Lunch，係屯門市廣場行黎行去都諗唔到食乜野。經過元氣附近見到有個女仔拎住餐牌介紹緊野食比人睇，我就好奇行埋去睇下喇~原來係Pokka集團旗下既黑福多拉麵，之前我一直都好想去試下，聽朋友講個拉麵湯底好正，但因為冇做套餐就咁單點太貴了。我聽到果個女仔介紹時講到有新出午餐，所以我同朋友行左去門口睇下個餐牌原來宜家呢到除左推出左午餐外，仲有另一驚喜的事係呢個商場到做野都有9折呀.....抵呀個午餐價錢都唔算貴，仲要包埋飲品呢到D同事真係好細心，個伙計教我地原來個豚骨湯底可以加D生蒜去食試左之後發現個味道真係唔錯除左有佢本身好濃的豬骨味外，仲有蒜香...至重要飲完個湯都唔覺有味精感覺，相信佢地個湯應該係自己煲食完個麵飲埋杯野(奶茶/咖啡走奶)叉叉電，一陣做野都醒神D我朋友飲完杯奶茶覺得好濃茶香，好捧...重誇張到講平時Lunch係屯門市廣場D餐廳都未試咁好飲我自己都係鍾情於咖啡走奶呢到D咖啡都唔差，有好清甜O既咖啡香味....飲完成個醒晒

在屯門開的拉麵一間接一間,這次是一間聯同同一集團開的吉烈豬扒店一齊開業的拉麵店.由於在剛開店的時候去,所以人不多,侍者人數頗多,但並不招呼得很好,坐下後送上了一杯麥茶,但喝了一半也不曾添回了...由於是首次光顧,所以都只是點了基本款的豚骨湯底拉麵,價錢同一般日式拉麵店不相伯仲.但並不提供麵的軟硬度,調味油的濃度的選擇,...等了一會,就送上了我點的豚骨拉麵,就觀察看,油色還算合格,感覺明顯減了油的份量,只有薄薄的幾片油,不算很地道.湯質不夠稠,而且豬骨味不重,當然,更不要期望有正宗日式拉麵那般悠久餘韻呢.麵條是用上粗身的,卻沒有咬口,麵粉香亦欠奉.溏心蛋只面層只有色卻滷得不夠入味,蛋香亦不突出呢,還好溏心效果還不差,算是唯一一點可取的.叉燒只是簡單地以豚肉滷煮,外層沒有燒過,雖然肉質有點過腍,很易散開,但肉味還算可以.另外,我還點了一份紫菜海苔餅,我想,是因為與吉烈豬扒店一同開業吧,這家店的炸功還不差.不單碟下紙張很少油份,而且海苔炸得很是香脆,只是得數隻小蝦,很難稱得上是"海鮮".如果改以野菜海苔餅必定更加合適!總括來說,拉麵就不太合格,炸物還算可以一試的!

麵已經一般...最大問題係孤寒,叉燒薄到不能再薄,完全係食之無味,薄如紙又鞋口無油香,一碗日本拉麵不單只要湯低好麵質好,塊叉燒一樣係靈魂,一間門面還算不錯的日式拉麵,竟然吝嗇到如此...唉...真係另願你貴都唔要你張貨就價。