36
4
0
11-min walk from Exit B, Kowloon Bay MTR Station continue reading
Telephone
92979821
Opening Hours
Today
12:00 - 22:30
Mon - Sun
12:00 - 22:30
Payment Methods
AlipayHK Alipay Cash
Other Info
Spot payment
Review (50)
從來係九龍灣搵黃店都係一件難事,唔係無,不過唔多。呢間真係又高質又好食又抵食又大份一次過滿足你五個願望,有沙律飲品小食主菜雪糕,一個人都係80$左右絕對encore!!!買滿$100加$10有4隻又滑又香嘅瑞士雞翼!加$10嘅沙律又有士多啤梨又有藍莓,抵食又大份仲要加$1一個雪糕球,肥都要食🤣叫咁多野食,除返開一個人都係$80左右間間斷斷幫襯過幾次水準都維持得好好,唯獨個抽油煙機如果可以勁啲就完美haha continue reading
(The above review is the personal opinion of a user which does not represent OpenRice's point of view.)
平日因為太攰太忙宜家慣性一個星期一次的週末先會出去搵好西食🤎所以每次都會珍惜一下假期 食啲自己真係好想去試去食既野🤎toeatlist林林總總堆咗好多但以我呢個慢吞吞小姐永遠都試唔切🤣🙈(從出po頻率大家應該好感受到我既慢🤣🙈🙈無喇 今次就揀又係啲近近地既地方所以就去咗九龍灣kuri呢度呢間cafe其實係一個以木色為主既open area但特色在於真係有刺蝟係度🦔🦔🦔不過唔知你有無去過呢間cafe但宜家由於現實上既限制(動物餐廳餐飲條例/疫情蔓延/店方資金等因素)所以店方既刺蝟體驗區被逼無奈關閉😔😔雖然見唔到刺蝟有少少可惜 但更可惜既係原本既刺蝟體驗區其實唔單止係比客人欣賞同見識一下刺蝟動物🦔🦔仲係一個有教育成份既workshop🦔🦔比客人可以了解下刺蝟既生活習性同需要等等 教導人學習如何愛惜動物同照顧佢地生活所需🦔🦔真係好希望店方有一日可以再重建呢個區域繼續可以進行教育既工作同吸引更多客人認識呢間咁特別既cafe☺🤎🤎講咗咁多 其實除咗餐廳環境同裝潢不錯之外食物質素都好好架🤎就算刺蝟區暫時停業 但都係一間好值得我地去支持既餐廳🤎🤎🦔重點係咩?價錢都唔貴~主題餐廳黎講算係好平民好貼地了🤎🦔~-🦔鮮奶咖啡latte (跟餐+$10):咖啡飄香雖然不算太驚豔,但味道香濃,質感醇厚,奶泡順口幼滑,沒酸味,不錯吧。吸引之處還是獨特的刺蝟圖案,可愛不做作🤎。·🦔大蝦吞拿魚芝士焗飯$58:熱辣辣出爐,芝士很多可以玩拉絲,大蝦有2隻,吃上口感覺都新鮮,吞拿魚碎夾在飯之中,加入菇菌,足料很好吃!性價比不錯🤎!·♡然後宜家疫情期間店方仲有套餐+$1換一球雪糕既優惠,琴日同朋友食一人加咗一球雪糕,雖然唔係咩特別,但當飯後甜品真係好抵好抵,簡簡單單吃得滿足又開心🤎🦔☺。如果下次順路去附近相信會encore🤎想繼續支持呢間小本經營cafe🤎🦔! continue reading
(The above review is the personal opinion of a user which does not represent OpenRice's point of view.)
Level3 2020-09-16
403 views
九龍灣得寶商場內的【KURI Café】,是香港首間以刺蝟為主題的咖啡店。小店裝潢以淺色木系為主,清新整潔,光線充足而柔和,拍起照來得心應手。在社交距離措施下,枱與枱之間距離寬廣,空間感及私隱度十足。餐飲區屬開放式設計,需自行點餐及取餐。取餐時店員會禮貌地重覆各食物名稱,再三確認,非常貼心。客人離開後會即時收拾並以消毒噴劑清潔,整齊放好椅子及餐牌,令食客感到舒適又放心。點了"黑松露卡邦尼意粉"及"野菌番茄醬燴扁意粉"。意粉屬優質貨色,條條分明,吃下彈牙富嚼勁,做到「Al dente」效果。 卡邦尼意粉香氣不俗,黑松露及奶香平衡。蕃茄醬燴扁意粉茄味濃郁,酸甜有致,開胃之選。隨餐加$10可配"田園沙律",蔬菜新鮮,加入士多啤梨片及車厘茄。色彩配搭更佳。熱咖啡上以朱古力粉灑上不同的刺蝟圖案,非常治癒,打卡一流。"榛子咖啡"及"雲呢拿咖啡"味道濃郁,熱度和份量皆令人滿意。期間限定抗疫優惠可以$1點單球雪糕,有曲奇、朱古力、芒果、士多啤梨及薄荷朱古力五款可選。"朱古力雪糕"帶朱古力碎片,富,更添層次。臨離開前,謹記自行把餐具及墊盤收拾好,放於指定收集架,養成良好習慣。 continue reading
(The above review is the personal opinion of a user which does not represent OpenRice's point of view.)
週末朝早去咗一個好耐都無去過嘅得寶商場度行,無意中發現呢間以刺蝟做主題嘅cafe。估唔到得寶商場會有cafe,仲以為呢度得茶餐廳添。 餐廳位於得寶商場餐廳裝潢開陽,座位唔算多,坐得好鬆動。門口有個好大個刺蝟模型,入面有賣好多關於刺蝟嘅商品。女士應該會好鍾意呢度。 早餐選擇算少,冇all day breakfast 同egg benedict,何況呢間都係以小店經營,可以接受。飲品方面就同普通cafe嘅差唔多,選擇甚至比其他人多。 🍴latte 咖啡面頭有一個用咖啡粉刻劃嘅刺蝟圖案😝。咖啡香濃順滑,好飲。冇乜野好過早晨喫返杯好飲嘅latte。 🍴煙三文魚煎蛋配麥包($45) 太陽蛋個底略嫌窿咗D。三文魚質素正常,冇雪藏味,唔錯。麥包烘得香脆,點埋蛋汁一齊食,一流。伴碟嘅有少少沙津菜同四季豆,整體黎講正正常常啦。 🍴煙肉香腸煎蛋配法包($48) 煙肉味道鹹而香,唔會太油。香腸味道正常,煎嘅時間啱啱好。法包有兩細片,份量有d少。兩個餐同樣分量較少,食完好快就餓。 價錢方面兩份早餐加兩杯飲品,總共$96。價錢合理,唔會太貴。 總括而言,如果住呢頭附近間唔中過黎食吓都係一個唔錯嘅選擇。環境清潔,員工態度都幾好。價錢唔算貴,食物都對得住個價格。但除非你係刺蝟嘅fans,否則我都係黎一次就夠。因為食物水準好一般。 continue reading
(The above review is the personal opinion of a user which does not represent OpenRice's point of view.)
Level2 2020-08-07
329 views
👍🏼疫情期間的下午茶,去了得寶底層吃意粉。$68下午茶,包一碟卡邦尼意粉+蜜桃凍飲🥤,我並不覺得便宜,這是尖沙咀樓上cafe 午餐價田。但份量夠多,而且吃得出是誠意之作👍🏼味道很好,意粉🍝煮得剛剛好,而且是爽口的。有時間經過九龍灣都唔一定去淘大、德福搵食,近近地都可以去隔離既得寶。 continue reading
(The above review is the personal opinion of a user which does not represent OpenRice's point of view.)